|| ആപദുന്മൂലന ദുർഗാ സ്തോത്രം ||
ലക്ഷ്മീശേ യോഗനിദ്രാം പ്രഭജതി ഭുജഗാധീശതല്പേ സദർപാ-
വുത്പന്നൗ ദാനവൗ തച്ഛ്രവണമലമയാംഗൗ മധും കൈടഭം ച.
ദൃഷ്ട്വാ ഭീതസ്യ ധാതുഃ സ്തുതിഭിരഭിനുതാമാശു തൗ നാശയന്തീം
ദുർഗാം ദേവീം പ്രപദ്യേ ശരണമഹമശേഷാ- പദുന്മൂലനായ.
യുദ്ധേ നിർജിത്യ ദൈത്യസ്ത്രിഭുവനമഖിലം യസ്തദീയേഷു ധിഷ്ണ്യേ-
ഷ്വാസ്ഥാപ്യ സ്വാൻ വിധേയാൻ സ്വയമഗമദസൗ ശക്രതാം വിക്രമേണ.
തം സാമാത്യാപ്തമിത്രം മഹിഷമഭിനിഹത്യാ- സ്യമൂർധാധിരൂഢാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
വിശ്വോത്പത്തിപ്രണാശ- സ്ഥിതിവിഹൃതിപരേ ദേവി ഘോരാമരാരി-
ത്രാസാത് ത്രാതും കുലം നഃ പുനരപി ച മഹാസങ്കടേഷ്വീദൃശേഷു.
ആവിർഭൂയാഃ പുരസ്താദിതി ചരണനമത് സർവഗീർവാണവർഗാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
ഹന്തും ശുംഭം നിശുംഭം വിബുധഗണനുതാം ഹേമഡോലാം ഹിമാദ്രാ-
വാരൂഢാം വ്യൂഢദർപാൻ യുധി നിഹതവതീം ധൂമ്രദൃക് ചണ്ഡമുണ്ഡാൻ.
ചാമുണ്ഡാഖ്യാം ദധാനാമുപശമിത- മഹാരക്തബീജോപസർഗാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
ബ്രഹ്മേശസ്കന്ദനാരായണ- കിടിനരസിംഹേന്ദ്രശക്തീഃ സ്വഭൃത്യാഃ
കൃത്വാ ഹത്വാ നിശുംഭം ജിതവിബുധഗണം ത്രാസിതാശേഷലോകം.
ഏകീഭൂയാഥ ശുംഭം രണശിരസി നിഹത്യാസ്ഥിതാമാത്തഖഡ്ഗാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
ഉത്പന്നാ നന്ദജേതി സ്വയമവനിതലേ ശുംഭമന്യം നിശുംഭം
ഭ്രാമര്യാഖ്യാരുണാഖ്യാ പുനരപി ജനനീ ദുർഗമാഖ്യം നിഹന്തും.
ഭീമാ ശാകംഭരീതി ത്രുടിതരിപുഭടാം രക്തദന്തേതി ജാതാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
ത്രൈഗുണ്യാനാം ഗുണാനാമനുസരണ- കലാകേലിനാനാവതാരൈഃ
ത്രൈലോക്യത്രാണശീലാം ദനുജകുലവനീവഹ്നിലീലാം സലീലാം.
ദേവീം സച്ചിന്മയീം താം വിതരിതവിനമത്സ- ത്രിവർഗാപവർഗാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
സിംഹാരൂഢാം ത്രിനേത്രാം കരതലവിലസത്ശംഖ- ചക്രാസിരമ്യാം
ഭക്താഭീഷ്ടപ്രദാത്രീം രിപുമഥനകരീം സർവലോകൈകവന്ദ്യാം.
സർവാലങ്കാരയുക്താം ശശിയുതമകുടാം ശ്യാമലാംഗീം കൃശാംഗീം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
ത്രായസ്വസ്വാമിനീതി ത്രിഭുവനജനനി പ്രാർഥനാ ത്വയ്യപാർഥാ
പാല്യന്തേഽഭ്യർഥനായാം ഭഗവതി ശിശവഃ കിന്ന്വനന്യാ ജനന്യാ.
തത്തുഭ്യം സ്യാന്നമസ്യേത്യവനത- വിബുധാഹ്ലാദിവീക്ഷാവിസർഗാം
ദുർഗാം ദേവീം പ്രപദ്യേ ശരണമഹമശേഷാപ- ദുന്മൂലനായ.
ഏതം സന്തഃ പഠന്തു സ്തവമഖിലവിപ- ജ്ജാലതൂലാനലാഭം
ഹൃന്മോഹധ്വാന്ത- ഭാനുപ്രതിമമഖില- സങ്കല്പകല്പദ്രുകല്പം.
ദൗർഗം ദൗർഗത്യഘോരാതപതുഹിന- കരപ്രഖ്യമംഹോഗജേന്ദ്ര-
ശ്രേണീപഞ്ചാസ്യദേശ്യം വിപുലഭയദകാലാ- ഹിതാർക്ഷ്യപ്രഭാവം.
- sanskritश्री कालिका अर्गल स्तोत्रम्
- sanskritश्री कालिका कीलक स्तोत्रम्
- sanskritश्री जगद्धात्री स्तोत्रम्
- teluguఆపదున్మూలన దుర్గా స్తోత్రం
- tamilஆபதுன்மூலன துர்கா ஸ்தோத்திரம்
- kannadaಆಪದುನ್ಮೂಲನ ದುರ್ಗಾ ಸ್ತೋತ್ರ
- hindiआपदुन्मूलन दुर्गा स्तोत्र
- malayalamദുർഗാ ശരണാഗതി സ്തോത്രം
- teluguదుర్గా శరణాగతి స్తోత్రం
- tamilதுர்கா சரணாகதி ஸ்தோத்திரம்
- hindiदुर्गा शरणागति स्तोत्र
- malayalamദുർഗാ പഞ്ചരത്ന സ്തോത്രം
- teluguదుర్గా పంచరత్న స్తోత్రం
- tamilதுர்கா பஞ்சரத்ன ஸ்தோத்திரம்
- kannadaದುರ್ಗಾ ಪಂಚರತ್ನ ಸ್ತೋತ್ರ
Found a Mistake or Error? Report it Now
