|| ധനലക്ഷ്മീ സ്തോത്രം ||
ശ്രീധനദാ ഉവാച-
ദേവീ ദേവമുപാഗമ്യ നീലകണ്ഠം മമ പ്രിയം .
കൃപയാ പാർവതീ പ്രാഹ ശങ്കരം കരുണാകരം ..
ശ്രീദേവ്യുവാച-
ബ്രൂഹി വല്ലഭ സാധൂനാം ദരിദ്രാണാം കുടുംബിനാം .
ദരിദ്ര-ദലനോപായമഞ്ജസൈവ ധനപ്രദം ..
ശ്രീശിവ ഉവാച-
പൂജയൻ പാർവതീവാക്യമിദമാഹ മഹേശ്വരഃ .
ഉചിതം ജഗദംബാസി തവ ഭൂതാനുകമ്പയാ ..
സസീതം സാനുജം രാമം സാഞ്ജനേയം സഹാനുഗം .
പ്രണമ്യ പരമാനന്ദം വക്ഷ്യേഽഹം സ്തോത്രമുത്തമം ..
ധനദം ശ്രദ്ദധാനാനാം സദ്യഃ സുലഭകാരകം .
യോഗക്ഷേമകരം സത്യം സത്യമേവ വചോ മമ ..
പഠന്തഃ പാഠയന്തോഽപി ബ്രാഹ്മണൈരാസ്തികോത്തമൈഃ .
ധനലാഭോ ഭവേദാശു നാശമേതി ദരിദ്രതാ ..
ഭൂഭവാംശഭവാം ഭൂത്യൈ ഭക്തികല്പലതാം ശുഭാം .
പ്രാർഥയേത്താം യഥാകാമം കാമധേനുസ്വരൂപിണീം ..
ധർമദേ ധനദേ ദേവി ദാനശീലേ ദയാകരേ .
ത്വം പ്രസീദ മഹേശാനി യദർഥം പ്രാർഥയാമ്യഹം ..
ധരാമരപ്രിയേ പുണ്യേ ധന്യേ ധനദപൂജിതേ .
സുധനം ധാർമികം ദേഹി യജമാനായ സത്വരം ..
രമ്യേ രുദ്രപ്രിയേ രൂപേ രാമരൂപേ രതിപ്രിയേ .
ശശിപ്രഭമനോമൂർതേ പ്രസീദ പ്രണതേ മയി ..
ആരക്തചരണാംഭോജേ സിദ്ധിസർവാർഥദായികേ .
ദിവ്യാംബരധരേ ദിവ്യേ ദിവ്യമാല്യോപശോഭിതേ ..
സമസ്തഗുണസമ്പന്നേ സർവലക്ഷണലക്ഷിതേ .
ശരച്ചന്ദ്രമുഖേ നീലേ നീലനീരജലോചനേ ..
ചഞ്ചരീകചമൂചാരുശ്രീഹാരകുടിലാലകേ .
മത്തേ ഭഗവതി മാതഃ കലകണ്ഠരവാമൃതേ ..
ഹാസാവലോകനൈർദിവ്യൈർഭക്തചിന്താപഹാരികേ .
രൂപലാവണ്യതാരൂണ്യകാരുണ്യഗുണഭാജനേ ..
ക്വണത്കങ്കണമഞ്ജീരേ ലസല്ലീലാകരാംബുജേ .
രുദ്രപ്രകാശിതേ തത്ത്വേ ധർമാധാരേ ധരാലയേ ..
പ്രയച്ഛ യജമാനായ ധനം ധർമൈകസാധനം .
മാതസ്ത്വം മേഽവിലംബേന ദിശസ്വ ജഗദംബികേ ..
കൃപയാ കരുണാഗാരേ പ്രാർഥിതം കുരു മേ ശുഭേ .
വസുധേ വസുധാരൂപേ വസുവാസവവന്ദിതേ ..
ധനദേ യജമാനായ വരദേ വരദാ ഭവ .
ബ്രഹ്മണ്യൈർബ്രാഹ്മണൈഃ പൂജ്യേ പാർവതീശിവശങ്കരേ ..
സ്തോത്രം ദരിദ്രതാവ്യാധിശമനം സുധനപ്രദം .
ശ്രീകരേ ശങ്കരേ ശ്രീദേ പ്രസീദ മയി കിങ്കരേ ..
പാർവതീശപ്രസാദേന സുരേശകിങ്കരേരിതം .
ശ്രദ്ധയാ യേ പഠിഷ്യന്തി പാഠയിഷ്യന്തി ഭക്തിതഃ ..
സഹസ്രമയുതം ലക്ഷം ധനലാഭോ ഭവേദ് ധ്രുവം .
ധനദായ നമസ്തുഭ്യം നിധിപദ്മാധിപായ ച .
ഭവന്തു ത്വത്പ്രസാദാന്മേ ധനധാന്യാദിസമ്പദഃ ..
- malayalamലക്ഷ്മീ നരസിംഹ ശരണാഗതി സ്തോത്രം
- teluguలక్ష్మీ నరసింహ శరణాగతి స్తోత్రం
- tamilலட்சுமி நரசிம்ம சரணாகதி ஸ்தோத்திரம்
- kannadaಲಕ್ಷ್ಮೀ ನರಸಿಂಹ ಶರಣಾಗತಿ ಸ್ತೋತ್ರ
- hindiलक्ष्मी नृसिंह शरणागति स्तोत्र
- malayalamലക്ഷ്മീ അഷ്ടക സ്തോത്രം
- teluguలక్ష్మీ అష్టక స్తోత్రం
- tamilலட்சுமி அஷ்டக ஸ்தோத்திரம்
- hindiलक्ष्मी अष्टक स्तोत्र
- malayalamമഹാലക്ഷ്മി സുപ്രഭാത സ്തോത്രം
- teluguమహాలక్ష్మి సుప్రభాత స్తోత్రం
- tamilமகாலட்சுமி சுப்ரபாதம்
- kannadaಮಹಾಲಕ್ಷ್ಮಿ ಸುಪ್ರಭಾತ ಸ್ತೋತ್ರ
- sanskritमहालक्ष्मी सुप्रभात स्तोत्र
- teluguధనలక్ష్మీ స్తోత్రం
Found a Mistake or Error? Report it Now
