కనకధారాస్తోత్రం

|| కనకధారాస్తోత్రం (Kanakadhara Stotram Telugu PDF) ||

వందే వందారుమందారమిందిరానందకందలం .
అమందానందసందోహబంధురం సింధురాననం ..

అంగం హరేః పులకభూషణమాశ్రయంతీ
భృంగాంగనేవ ముకులాభరణం తమాలం .
అంగీకృతాఖిలవిభూతిరపాంగలీలా
మాంగల్యదాస్తు మమ మంగళదేవతాయాః ..

ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని .
మాలా దృశోర్మధుకరీవ మహోత్పలే యా
సా మే శ్రియం దిశతు సాగరసంభవాయాః ..

ఆమీలితాక్షమధిగమ్య ముదా ముకుందం
ఆనందకందమనిమేషమనంగతంత్రం .
ఆకేకరస్థితకనీనికపక్ష్మనేత్రం
భూత్యై భవేన్మమ భుజంగశయాంగనాయాః ..

బాహ్వంతరే మధుజితః శ్రితకౌస్తుభే యా
హారావలీవ హరినీలమయీ విభాతి .
కామప్రదా భగవతోఽపి కటాక్షమాలా
కల్యాణమావహతు మే కమలాలయాయాః ..

కాలాంబుదాళిలలితోరసి కైటభారేః
ధారాధరే స్ఫురతి యా తడిదంగనేవ .
మాతుస్సమస్తజగతాం మహనీయమూర్తిః
భద్రాణి మే దిశతు భార్గవనందనాయాః ..

ప్రాప్తం పదం ప్రథమతః ఖలు యత్ప్రభావాన్-
మాంగల్యభాజి మధుమాథిని మన్మథేన .
మయ్యాపతేత్తదిహ మంథరమీక్షణార్ధం
మందాలసం చ మకరాలయకన్యకాయాః ..

విశ్వామరేంద్రపదవిభ్రమదానదక్షం
ఆనందహేతురధికం మురవిద్విషోఽపి .
ఈషన్నిషీదతు మయి క్షణమీక్షణార్ధ-
మిందీవరోదరసహోదరమిందిరాయాః ..

ఇష్టా విశిష్టమతయోఽపి యయా దయార్ద్ర
దృష్ట్యా త్రివిష్టపపదం సులభం లభంతే .
దృష్టిః ప్రహృష్టకమలోదరదీప్తిరిష్టాం
పుష్టిం కృషీష్ట మమ పుష్కరవిష్టరాయాః ..

దద్యాద్దయానుపవనో ద్రవిణాంబుధారాం
అస్మిన్నకించనవిహంగశిశౌ విషణ్ణే .
దుష్కర్మఘర్మమపనీయ చిరాయ దూరం
నారాయణప్రణయినీనయనాంబువాహః ..

ధీర్దేవతేతి గరుడధ్వజసుందరీతి var గరుడధ్వజభామినీతి
శాకంభరీతి శశిశేఖరవల్లభేతి .
సృష్టిస్థితిప్రలయకేలిషు సంస్థితాయై
తస్యై నమస్త్రిభువనైకగురోస్తరుణ్యై ..

శ్రుత్యై నమోఽస్తు శుభకర్మఫలప్రసూత్యై
రత్యై నమోఽస్తు రమణీయగుణార్ణవాయై .
శక్త్యై నమోఽస్తు శతపత్రనికేతనాయై
పుష్ట్యై నమోఽస్తు పురుషోత్తమవల్లభాయై ..

నమోఽస్తు నాలీకనిభాననాయై
నమోఽస్తు దుగ్ధోదధిజన్మభూమ్యై .
నమోఽస్తు సోమామృతసోదరాయై
నమోఽస్తు నారాయణవల్లభాయై ..

నమోఽస్తు హేమాంబుజపీఠికాయై
నమోఽస్తు భూమండలనాయికాయై .
నమోఽస్తు దేవాదిదయాపరాయై
నమోఽస్తు శార్ఙ్గాయుధవల్లభాయై ..

నమోఽస్తు దేవ్యై భృగునందనాయై
నమోఽస్తు విష్ణోరురసి స్థితాయై .
నమోఽస్తు లక్ష్మ్యై కమలాలయాయై
నమోఽస్తు దామోదరవల్లభాయై ..

నమోఽస్తు కాంత్యై కమలేక్షణాయై
నమోఽస్తు భూత్యై భువనప్రసూత్యై .
నమోఽస్తు దేవాదిభిరర్చితాయై
నమోఽస్తు నందాత్మజవల్లభాయై ..

సంపత్కరాణి సకలేంద్రియనందనాని
సామ్రాజ్యదానవిభవాని సరోరుహాక్షి . var సరోరుహాణి
త్వద్వందనాని దురితోత్తరణోద్యతాని var దురితాహరణోద్యతాని
మామేవ మాతరనిశం కలయంతు మాన్యే ..

యత్కటాక్షసముపాసనావిధిః
సేవకస్య సకలార్థసంపదః .
సంతనోతి వచనాంగమానసైః
త్వాం మురారిహృదయేశ్వరీం భజే ..

సరసిజనిలయే సరోజహస్తే
ధవళతమాంశుకగంధమాల్యశోభే .
భగవతి హరివల్లభే మనోజ్ఞే
త్రిభువనభూతికరి ప్రసీద మహ్యం ..

దిగ్ఘస్తిభిః కనకకుంభముఖావసృష్ట
స్వర్వాహినీ విమలచారుజలప్లుతాంగీం .
ప్రాతర్నమామి జగతాం జననీమశేష
లోకాధినాథగృహిణీమమృతాబ్ధిపుత్రీం ..

కమలే కమలాక్షవల్లభే త్వం
కరుణాపూరతరంగితైరపాంగైః .
అవలోకయ మామకించనానాం
ప్రథమం పాత్రమకృత్రిమం దయాయాః ..

దేవి ప్రసీద జగదీశ్వరి లోకమాతః
కల్యానగాత్రి కమలేక్షణజీవనాథే .
దారిద్ర్యభీతిహృదయం శరణాగతం మాం
ఆలోకయ ప్రతిదినం సదయైరపాంగైః ..

స్తువంతి యే స్తుతిభిరమూభిరన్వహం
త్రయీమయీం త్రిభువనమాతరం రమాం .
గుణాధికా గురుతరభాగ్యభాగినో
భవంతి తే భువి బుధభావితాశయాః ..

Read in More Languages:

• malayalamകനകധാരാസ്തോത്രം
• kannadaಕನಕಧಾರಾಸ್ತೋತ್ರಂ
• hindiकनकधारा स्तोत्र पाठ हिंदी अर्थ सहित
• englishShri Lakshmi Nrisimha Karavalambam Stotram
• tamilபத்ர லக்ஷ்மி ஸ்தோத்திரம்
• teluguఅష్టలక్ష్మి స్తోత్రం
• tamilஅஷ்ட லக்ஷ்மி ஸ்தோத்திரம்
• kannadaಭದ್ರ ಲಕ್ಷ್ಮೀ ಸ್ತೋತ್ರಮ್
• teluguదీప లక్ష్మీ స్తోత్రం
• hindiश्री कनकधारा स्तोत्र
• sanskritमीनाक्षी पञ्चरत्नम् स्तोत्रम
• sanskritसिद्धिलक्ष्मीस्तोत्रम्
• sanskritसिद्धिलक्ष्मीस्तोत्रम्
• sanskritश्रीलक्ष्मीलहरी
• sanskritश्री ललिता पञ्चरत्नं स्तोत्र

Found a Mistake or Error? Report it Now