ଦୁର୍ଗା ମାନସ ପୂଜା ଷ୍ଟୋଟ୍ରାମ PDF ଓଡିଆ

ଦୁର୍ଗା ମାନସ ପୂଜା ଷ୍ଟୋଟ୍ରାମ ଓଡିଆ Lyrics

॥ ଶ୍ରୀଦୁର୍ଗାମାନସ ପୂଜା ॥

ଶ୍ରୀ ଗଣେଶାୟ ନମଃ ।

ଉଦ୍ୟଚ୍ଚନ୍ଦନକୁଙ୍କୁମାରୁଣପ-
ୟୋଧାରାଭିରାପ୍ଲାବିତାଂ
ନାନାନର୍ଘ୍ୟମଣିପ୍ରବାଲଘଟିତାଂ
ଦତ୍ତାଂ ଗୃହାଣାମ୍ବିକେ ।
ଆମୃଷ୍ଟାଂ ସୁରସୁନ୍ଦରୀଭିରଭିତୋ
ହସ୍ତାମ୍ବୁଜୈର୍ଭକ୍ତିତୋ
ମାତଃ ସୁନ୍ଦରି ଭକ୍ତକଲ୍ପଲତିକେ
ଶ୍ରୀପାଦୁକାମାଦରାତ୍ ॥

ଦେବେନ୍ଦ୍ରାଦିଭିରର୍ଚିତଂ
ସୁରଗଣୈରାଦାୟ ସିଂହାସନଂ
ଚଞ୍ଚତ୍କାଞ୍ଚନସଞ୍ଚୟାଭିରଚିତଂ
ଚାରୁପ୍ରଭାଭାସ୍ୱରମ୍ ।
ଏତଚ୍ଚମ୍ପକକେତକୀପରିମଲଂ
ତୈଲଂ ମହାନିର୍ମଲଂ
ଗନ୍ଧୋଦ୍ୱର୍ତନମାଦରେଣ
ତରୁଣୀଦତ୍ତଂ ଗୃହାଣାମ୍ବିକେ ॥

ପଶ୍ଚାଦ୍ଦେବି ଗୃହାଣ ଶମ୍ଭୁଗୃହିଣି
ଶ୍ରୀସୁନ୍ଦରି ପ୍ରାୟଶୋ
ଗନ୍ଧଦ୍ରବ୍ୟସମୂହନିର୍ଭରତରଂ
ଧାତ୍ରୀଫଲଂ ନିର୍ମଲମ୍ ।
ତତ୍କେଶାନ୍ ପରିଶୋଧ୍ୟ
କଙ୍କତିକୟା ମନ୍ଦାକିନୀସ୍ରୋତସି
ସ୍ନାତ୍ୱା ପ୍ରୋଜ୍ଜ୍ୱଲଗନ୍ଧକଂ ଭବତୁ
ହେ ଶ୍ରୀସୁନ୍ଦରି ତ୍ୱନ୍ମୁଦେ ॥

ସୁରାଧିପତିକାମିନୀକରସରୋଜନାଲୀଧୃତାଂ
ସଚନ୍ଦନସକୁଙ୍କୁମାଗୁରୁଭରେଣ ବିଭ୍ରାଜିତାମ୍ ।
ମହାପରିମଲୋଜ୍ଜ୍ୱଲାଂ ସରସଶୁଦ୍ଧକସ୍ତୂରିକାଂ
ଗୃହାଣ ବରଦାୟିନି ତ୍ରିପୁରସୁନ୍ଦରି ଶ୍ରୀପ୍ରଦେ ॥

ଗନ୍ଧର୍ୱାମରକିନ୍ନରପ୍ରିୟତମାସନ୍ତାନହସ୍ତାମ୍ବୁଜ-
ପ୍ରସ୍ତାରୈର୍ଧ୍ରିୟମାଣମୁତ୍ତମତରଂ କାଶ୍ମୀରଜାପିଞ୍ଜରମ୍ ।
ମାତର୍ଭାସ୍ୱରଭାନୁମଣ୍ଡଲଲସତ୍କାନ୍ତିପ୍ରଦାନୋଜ୍ଜ୍ୱଲଂ
ଚୈତନ୍ନିର୍ମଲମାତନୋତୁ ବସନଂ ଶ୍ରୀସୁନ୍ଦରି ତ୍ୱନ୍ମୁଦମ୍ ॥

ସ୍ୱର୍ଣାକଲ୍ପିତକୁଣ୍ଡଲେ ଶ୍ରୁତିୟୁଗେ ହସ୍ତାମ୍ବୁଜେ ମୁଦ୍ରିକା
ମଧ୍ୟେ ସାରସନା ନିତମ୍ବଫଲକେ ମଞ୍ଜୀରମଙ୍ଘ୍ରିଦ୍ୱୟେ ।
ହାରୋ ବକ୍ଷସି କଙ୍କଣୌ କ୍ୱଣରଣତ୍କାରୌ କରଦ୍ୱନ୍ଦ୍ୱକେ
ବିନ୍ୟସ୍ତଂ ମୁକୁଟଂ ଶିରସ୍ୟନୁଦିନଂ ଦତ୍ତୋନ୍ମଦଂ ସ୍ତୂୟତାମ୍ ॥

ଗ୍ରୀବାୟାଂ ଧୃତକାନ୍ତିକାନ୍ତପଟଲଂ ଗ୍ରୈବେୟକଂ ସୁନ୍ଦରଂ
ସିନ୍ଦୂରଂ ବିଲସଲ୍ଲଲାଟଫଲକେ ସୌନ୍ଦର୍ୟମୁଦ୍ରାଧରମ୍ ।
ରାଜତ୍କଜ୍ଜଲମୁଜ୍ଜ୍ୱଲୋତ୍ପଲଦଲଶ୍ରୀମୋଚନେ ଲୋଚନେ
ତଦ୍ଦିବ୍ୟୌଷଧିନିର୍ମିତଂ ରଚୟତୁ ଶ୍ରୀଶାମ୍ଭବି ଶ୍ରୀପ୍ରଦେ ॥

ଅମନ୍ଦତରମନ୍ଦରୋନ୍ମଥିତଦୁଗ୍ଧସିନ୍ଧୂଦ୍ଭବଂ
ନିଶାକରକରୋପମଂ ତ୍ରିପୁରସୁନ୍ଦରି ଶ୍ରୀପ୍ରଦେ ।
ଗୃହାଣ ମୁଖମୀକ୍ଷତୁଂ ମୁକୁରବିମ୍ବମାବିଦ୍ରୁମୈ-
ର୍ୱିନିର୍ମିତମଧଚ୍ଛିଦେ ରତିକରାମ୍ବୁଜସ୍ଥାୟିନମ୍ ॥

କସ୍ତୂରୀଦ୍ରବଚନ୍ଦନାଗୁରୁ-
ସୁଧାଧାରାଭିରାପ୍ଲାବିତଂ
ଚଞ୍ଚଚ୍ଚମ୍ପକପାଟଲାଦିସୁରଭିର୍ଦ୍ରବ୍ୟୈଃ
ସୁଗନ୍ଧୀକୃତମ୍ ।
ଦେବସ୍ତ୍ରୀଗଣମସ୍ତକସ୍ଥିତମ-
ହାରତ୍ନାଦିକୁମ୍ଭବ୍ରଜୈ-
ରମ୍ଭଃଶାମ୍ଭବି ସମ୍ଭ୍ରମେଣ ବିମଲଂ
ଦତ୍ତଂ ଗୃହାଣାମ୍ବିକେ ॥

କହ୍ଲାରୋତ୍ପଲନାଗକେସରସ-
ରୋଜାଖ୍ୟାବଲୀମାଲତୀ-
ମଲ୍ଲୀକୈରବକେତକାଦିକୁସୁମୈ
ରକ୍ତାଶ୍ୱମାରାଦିଭିଃ ।
ପୁଷ୍ପୈର୍ମାଲ୍ୟଭରେଣ ବୈ
ସୁରଭିଣା ନାନାରସସ୍ରୋତସା
ତାମ୍ରାମ୍ଭୋଜନିବାସିନୀଂ ଭଗବତୀଂ
ଶ୍ରୀଚଣ୍ଡିକାଂ ପୂଜୟେ ॥

ମାଂସୀଗୁଗ୍ଗୁଲଚନ୍ଦନାଗୁରୁରଜଃ କର୍ପୂରଶୈଲେୟଜୈ-
ର୍ମାଧ୍ୱୀକୈଃ ସହକୁଙ୍କୁମୈଃ ସୁରଚିତୈଃ ସର୍ପିଭିରାମିଶ୍ରିତୈଃ ।
ସୌରଭ୍ୟସ୍ଥିତିମନ୍ଦିରେ ମଣିମୟେ ପାତ୍ରେ ଭବେତ୍ ପ୍ରୀତୟେ
ଧୂପୋଽୟଂ ସୁରକାମିନୀବିରଚିତଃ ଶ୍ରୀଚଣ୍ଡିକେ ତ୍ୱନ୍ମୁଦେ ॥

ଘୃତଦ୍ରବପରିସ୍ଫୁରଦ୍ରୁଚିରରତ୍ନୟଷ୍ଟ୍ୟାନ୍ୱିତୋ
ମହାତିମିରନାଶନଃ ସୁରନିତମ୍ବିନୀନିର୍ମିତଃ ।
ସୁବର୍ଣଚଷକସ୍ଥିତଃ ସଘନସାରବର୍ତ୍ୟାନ୍ୱିତ-
ସ୍ତବ ତ୍ରିପୁରସୁନ୍ଦରି ସ୍ଫୁରତି ଦେବି ଦୀପୋ ମୁଦେ ॥

ଜାତୀସୌରଭନିର୍ଭରଂ ରୁଚିକରଂ
ଶାଲ୍ୟୋଦନଂ ନିର୍ମଲଂ
ଯୁକ୍ତଂ ହିଙ୍ଗୁମରୀଚଜୀର-
ସୁରଭିର୍ଦ୍ରବ୍ୟାନ୍ୱିତୈର୍ୱ୍ୟଞ୍ଜନୈଃ ।
ପକ୍ୱାନ୍ନେନ ସପାୟସେନ
ମଧୁନା ଦଧ୍ୟାଜ୍ୟସମ୍ମିଶ୍ରିତଂ
ନୈବେଦ୍ୟଂ ସୁରକାମିନୀବିରଚିତଂ
ଶ୍ରୀଚଣ୍ଡିକେ ତ୍ୱନ୍ମୁଦେ ॥

ଲବଙ୍ଗକଲିକୋଜ୍ଜ୍ୱଲଂ ବହୁଲନାଗବଲ୍ଲୀଦଲଂ
ସଜାତିଫଲକୋମଲଂ ସଘନସାରପୂଗୀଫଲମ୍ ।
ସୁଧାମଧୁରମାକୁଲଂ ରୁଚିରରତ୍ନପାତ୍ରସ୍ଥିତଂ
ଗୃହାଣ ମୁଖପଙ୍କଜେ ସ୍ଫୁରିତମମ୍ବ ତାମ୍ବୂଲକମ୍ ॥

ଶରତ୍ପ୍ରଭବଚନ୍ଦ୍ରମଃ ସ୍ଫୁରିତଚନ୍ଦ୍ରିକାସୁନ୍ଦରଂ
ଗଲତ୍ସୁରତରଙ୍ଗିଣୀଲଲିତମୌକ୍ତିକାଡମ୍ବରମ୍ ।
ଗୃହାଣ ନବକାଞ୍ଚନପ୍ରଭବଦଣ୍ଡଖଣ୍ଡୋଜ୍ଜ୍ୱଲଂ
ମହାତ୍ରିପୁରସୁନ୍ଦରି ପ୍ରକଟମାତପତ୍ରଂ ମହତ୍ ॥

ମାତସ୍ତ୍ୱନ୍ମୁଦମାତନୋତୁ
ସୁଭଗସ୍ତ୍ରୀଭିଃ ସଦାଽଽନ୍ଦୋଲିତଂ
ଶୁଭ୍ରଂ ଚାମରମିନ୍ଦୁକୁନ୍ଦସଦୃଶଂ
ପ୍ରସ୍ୱେଦଦୁଃଖାପହମ୍ ।
ସଦ୍ୟୋଽଗସ୍ତ୍ୟବସିଷ୍ଠନାର-
ଦଶୁକବ୍ୟାସାଦିବାଲ୍ମୀକିଭିଃ
ସ୍ୱେ ଚିତ୍ତେ କ୍ରିୟମାଣ ଏବ
କୁରୁତାଂ ଶର୍ମାଣି ବେଦଧ୍ୱନିଃ ॥

ସ୍ୱର୍ଗାଙ୍ଗଣେ ବେଣୁମୃଦଙ୍ଗଶଙ୍ଖ-
ଭେରୀନିନାଦୈରୂପଗୀୟମାନା ।
କୋଲାହଲୈରାକଲିତାତବାସ୍ତୁ
ବିଦ୍ୟାଧରୀନୃତ୍ୟକଲାସୁଖାୟ ॥

ଦେବି ଭକ୍ତିରସଭାବିତବୃତ୍ତେ ପ୍ରୀୟତାଂ
ଯଦି କୁତୋଽପି ଲଭ୍ୟତେ ।
ତତ୍ର ଲୌଲ୍ୟମପି
ସତ୍ଫଲମେକଞ୍ଜନ୍ମକୋଟିଭିରପୀହ ନ ଲଭ୍ୟମ୍ ॥

ଏତୈଃ ଷୋଡଶଭିଃ
ପଦ୍ୟୈରୂପଚାରୋପକଲ୍ପିତୈଃ ।
ଯଃ ପରାଂ ଦେବତାଂ ସ୍ତୌତି
ସ ତେଷାଂ ଫଲମାପ୍ନୁୟାତ୍ ॥

॥ ଇତି ଦୁର୍ଗାତନ୍ତ୍ରେ ଦୁର୍ଗାମାନସପୂଜା ସମାପ୍ତା ॥