|| హిమాలయ స్తుతి ||
ఓం హిమాలయాయ విద్మహే . గంగాభవాయ ధీమహి . తన్నో హరిః ప్రచోదయాత్ ..
హిమాలయప్రభావాయై హిమనద్యై నమో నమః .
హిమసంహతిభావాయై హిమవత్యై నమో నమః ..
అలకాపురినందాయై అతిభాయై నమో నమః .
భవాపోహనపుణ్యాయై భాగీరథ్యై నమో నమః ..
సంగమక్షేత్రపావన్యై గంగామాత్రే నమో నమః .
దేవప్రయాగదివ్యాయై దేవనద్యై నమో నమః ..
దేవదేవవినూతాయై దేవభూత్యై నమో నమః .
దేవాధిదేవపూజ్యాయై గంగాదేవ్యై నమో నమః ..
నమః శ్రీరామభద్రాయ గంగాతీరాలయాయ చ .
సర్వోత్కృష్టాయ శాంతాయ గభీరాయ నమో నమః ..
భాగీరథ్యలకానందాసంగమాభిముఖాయ చ .
దేవప్రయాగదైవాయ రఘునాథాయ తే నమః ..
నమస్సీతావరాజాయ రామచంద్రాయ విష్ణవే .
సర్వశక్తిప్రదాత్రే చ సర్వోన్నతాయ తే నమః ..
రుద్రప్రయాగనాథాయ నారదాగీతశంభవే .
మందాకిన్యలకానందాసంగమస్థాయ తే నమః ..
మందాకిన్యభిషిక్తాయ కేదారలింగమూర్తయే .
స్వయంభూశైలరూపాయ శివాయ ఓం నమో నమః ..
శ్రీయోగనరసింహాయ జ్యోతిర్మఠస్థితాయ చ .
కరావలంబదైవాయ శ్రీలక్ష్మీపతయే నమః ..
బదరీకాశ్రమస్థాయ నారాయణాయ విష్ణవే .
తపోభూమిప్రశాంతాయ యోగనిష్ఠాయ తే నమః ..
బదరీవననాథాయ నరనారాయణాయ చ .
నరోద్ధారణలీలాయ నరానందాయ తే నమః ..
హిమగంగాలకానందాభిషిక్తయోగమూర్తయే .
బదరీశ్రీమహాలక్ష్మీతపోనాథాయ తే నమః ..
హైమశేఖరవృత్తాయ నీలకంఠనుతాయ చ .
వసుధారాప్రవాహాయ పురాణాయ నమో నమః ..
గీతాచార్యాయ కృష్ణాయ వాచామగోచరాయ చ .
హిమాలయప్రశాంతిస్థపరానందాయ తే నమః ..
సదాలీనమనస్స్థాయ సదానందప్రశాంతయే .
సదాత్మానందబోధాయ శ్రీకృష్ణాయ నమో నమః ..
మంగలం హిమరాగాయై గంగామాత్రే సుమంగలం .
మంగలం శివసద్ధామ్నే గంగాధరాయ మంగలం ..
మంగలం వాసుదేవాయ బదరీవనమాలినే .
మంగలం శ్రీసమేతాయ నారాయణాయ మంగలం ..
మంగలం పూర్ణశోభాయ హిమ్యాచలాయ మంగలం .
మంగలం సౌమ్యగంగాయ మోక్షధామ్నే సుమంగలం ..
మంగలం రాగహిమ్యాయ నాదగంగాయ మంగలం .
మంగలం త్యాగరాజాయ పుష్పార్చితాయ మంగలం ..
ఇతి సద్గురుశ్రీత్యాగరాజస్వామినః శిష్యయా భక్తయా పుష్పయా కృతా హిమాలయస్తుతిః గురౌ సమర్పితా .
Found a Mistake or Error? Report it Now
