কূর্ম স্তোত্রম্

|| কূর্ম স্তোত্রম্ ||

শ্রী গণেশায় নমঃ ॥

নমাম তে দেব পদারবিন্দং প্রপন্নতাপোপশমাতপত্রম্ ।
যন্মূলকেতা যতয়োঽঞ্জসোরুসংসারদুঃখং বহিরুৎক্ষিপন্তি ॥

ধাতর্যদস্মিন্ভব ঈশ জীবাস্তাপত্রয়েণোপহতা ন শর্ম ।
আত্মঁলভন্তে ভগবংস্তবাঙ্ঘ্রিচ্ছায়াং সবিদ্যামত আশ্রয়েম ॥

মার্গন্তি যত্তে মুখপদ্মনীডৈশ্ছন্দঃসুপর্ণৈরৃষয়ো বিবিক্তে ।
যস্যাঘমর্ষোদসরিদ্বরায়াঃ পদং পদং তীর্থপদঃ প্রপন্নাঃ ॥

যচ্ছ্রদ্ধয়া শ্রুতবত্যাং চ ভক্ত্যা সংমৃজ্যমানে হৃদয়েঽবধায় ।
জ্ঞানেন বৈরাগ্যবলেন ধীরা ব্রজেম তত্তেঽঙ্ঘ্রিসরোজপীঠম্ ॥

বিশ্বস্য জন্মস্থিতিসংয়মার্থে কৃতাবতারস্য পদাম্বুজং তে ।
ব্রজেম সর্বে শরণং যদীশ স্মৃতং প্রয়চ্ছত্যভয়ং স্বপুংসাম্ ॥

যৎসানুবন্ধেঽসতি দেহগেহে মমাহমিত্যূঢদুরাগ্রহাণাম্ ।
পুংসাং সুদূরং বসতোঽপি পুর্যাং ভজেম তত্তে ভগবন্পদাব্জম্ ॥

তান্বা অসদ্বৃত্তিভিরক্ষিভির্যে পরাহৃতান্তর্মনসঃ পরেশ ।
অথো ন পশ্যন্ত্যুরুগায় নূনং যে তে পদন্যাসবিলাসলক্ষ্ম্যাঃ ॥

পানেন তে দেব কথাসুধায়াঃ প্রবৃদ্ধভক্ত্যা বিশদাশয়া যে ।
বৈরাগ্যসারং প্রতিলভ্য বোধং যথাঞ্জসান্বীয়ুরকুণ্ঠধিষ্ণ্যম্ ॥

তথাপরে চাত্মসমাধিয়োগবলেন জিত্বা প্রকৃতিং বলিষ্ঠাম্ ।
ত্বামেব ধীরাঃ পুরুষং বিশন্তি তেষাং শ্রমঃ স্যান্ন তু সেবয়া তে ॥

তত্তে বয়ং লোকসিসৃক্ষয়াদ্য ত্বয়ানুসৃষ্টাস্ত্রিভিরাত্মভিঃ স্ম ।
সর্বে বিয়ুক্তাঃ স্ববিহারতন্ত্রং ন শক্নুমস্তৎপ্রতিহর্তবে তে ॥

যাবদ্বলিং তেঽজ হরাম কালে যথা বয়ং চান্নমদাম যত্র ।
যথোভয়েষাং ত ইমে হি লোকা বলিং হরন্তোঽন্নমদন্ত্যনূহাঃ ॥

ত্বং নঃ সুরাণামসি সান্বয়ানাং কূটস্থ আদ্যঃ পুরুষঃ পুরাণঃ ।
ত্বং দেবশক্ত্যাং গুণকর্ময়োনৌ রেতস্ত্বজায়াং কবিমাদধেঽজঃ ॥

ততো বয়ং সৎপ্রমুখা যদর্থে বভূবিমাত্মন্করবাম কিং তে ।
ত্বং নঃ স্বচক্ষুঃ পরিদেহি শক্ত্যা দেবক্রিয়ার্থে যদনুগ্রহাণাম্ ॥

ইতি শ্রীমদ্ভাগবতপুরাণান্তর্গতং কূর্মস্তোত্রং সমাপ্তম্ ॥

Found a Mistake or Error? Report it Now