లక్ష్మీ కవచం PDF తెలుగు

లక్ష్మీ కవచం తెలుగు Lyrics

|| లక్ష్మీ కవచం (Lakshmi Kavacham PDF Telugu) ||

లక్ష్మీ మే చాగ్రతః పాతు
కమలా పాతు పృష్ఠతః |
నారాయణీ శీర్షదేశే
సర్వాంగే శ్రీస్వరూపిణీ ||

రామపత్నీ తు ప్రత్యంగే
రామేశ్వరీ సదాఽవతు |
విశాలాక్షీ యోగమాయా
కౌమారీ చక్రిణీ తథా ||

జయదాత్రీ ధనదాత్రీ
పాశాక్షమాలినీ శుభా |
హరిప్రియా హరిరామా
జయంకరీ మహోదరీ ||

కృష్ణపరాయణా దేవీ
శ్రీకృష్ణమనమోహినీ |
జయంకరీ మహారౌద్రీ
సిద్ధిదాత్రీ శుభంకరీ ||

సుఖదా మోక్షదా దేవీ
చిత్రకూటనివాసినీ |
భయం హరతు భక్తానాం
భవబంధం విముంచతు ||

కవచం తన్మహాపుణ్యం
యః పఠేద్భక్తిసంయుతః |
త్రిసంధ్యమేకసంధ్యం వా
ముచ్యతే సర్వసంకటాత్ ||

కవచస్యాస్య పఠనం
ధనపుత్రవివర్ధనమ్ |
భీతివినాశనం చైవ
త్రిషు లోకేషు కీర్తితమ్ ||

భూర్జపత్రే సమాలిఖ్య
రోచనాకుంకుమేన తు |
ధారణాద్గలదేశే చ
సర్వసిద్ధిర్భవిష్యతి ||

అపుత్రో లభతే పుత్రం
ధనార్థీ లభతే ధనమ్ |
మోక్షార్థీ మోక్షమాప్నోతి
కవచస్య ప్రసాదతః ||

గర్భిణీ లభతే పుత్రం
వంధ్యా చ గర్భిణీ భవేత్ |
ధారయేద్యది కంఠే చ
అథవా వామబాహుకే ||

యః పఠేన్నియతో భక్త్యా
స ఏవ విష్ణువద్భవేత్ |
మృత్యువ్యాధిభయం తస్య
నాస్తి కించిన్మహీతలే ||

పఠేద్వా పాఠయేద్వాపి
శృణుయాచ్ఛ్రావయేదపి |
సర్వపాపవిముక్తస్తు లభతే
పరమాం గతిమ్ ||

సంకటే విపదే ఘోరే
తథా చ గహనే వనే |
రాజద్వారే చ నౌకాయాం
తథా చ రణమధ్యతః ||

పఠనాద్ధారణాదస్య
జయమాప్నోతి నిశ్చితమ్ |
అపుత్రా చ తథా వంధ్యా
త్రిపక్షం శృణుయాద్యది ||

సుపుత్రం లభతే సా తు
దీర్ఘాయుష్కం యశస్వినమ్ |
శృణుయాద్యః శుద్ధబుద్ధ్యా
ద్వౌ మాసౌ విప్రవక్త్రతః ||

సర్వాన్కామానవాప్నోతి
సర్వబంధాద్విముచ్యతే |
మృతవత్సా జీవవత్సా
త్రిమాసం శ్రవణం యది ||

రోగీ రోగాద్విముచ్యేత
పఠనాన్మాసమధ్యతః |
లిఖిత్వా భూర్జపత్రే చ
అథవా తాడపత్రకే ||

స్థాపయేన్నియతం గేహే
నాగ్నిచౌరభయం క్వచిత్ |
శృణుయాద్ధారయేద్వాపి
పఠేద్వా పాఠయేదపి ||

యః పుమాన్సతతం
తస్మిన్ప్రసన్నాః సర్వదేవతాః |
బహునా కిమిహోక్తేన
సర్వజీవేశ్వరేశ్వరీ ||

ఆద్యాశక్తిః సదాలక్ష్మీ-
ర్భక్తానుగ్రహకారిణీ |
ధారకే పాఠకే చైవ
నిశ్చలా నివసేద్ధ్రువమ్ ||

ఇతి శ్రీ లక్ష్మీ కవచమ్ |