ലക്ഷ്മീ നരസിംഹ അഷ്ടക സ്തോത്രം

|| ലക്ഷ്മീ നരസിംഹ അഷ്ടക സ്തോത്രം ||

യം ധ്യായസേ സ ക്വ തവാസ്തി ദേവ ഇത്യുക്ത ഊചേ പിതരം സശസ്ത്രം.

പ്രഹ്ലാദ ആസ്തേഽഖിലഗോ ഹരിഃ സ ലക്ഷ്മീനൃസിംഹോഽവതു മാം സമന്താത്.

തദാ പദാതാഡയദാദിദൈത്യഃ സ്തംഭോ തതോഽഹ്നായ ഘുരൂരുശബ്ദം.

ചകാര യോ ലോകഭയങ്കരം സ ലക്ഷ്മീനൃസിംഹോഽവതു മാം സമന്താത്.

സ്തംഭം വിനിർഭിദ്യ വിനിർഗതോ യോ ഭയങ്കരാകാര ഉദസ്തമേഘഃ.

ജടാനിപാതൈഃ സ ച തുംഗകർണോ ലക്ഷ്മീനൃസിംഹോഽവതു മാം സമന്താത്.

പഞ്ചാനനാസ്യോ മനുജാകൃതിര്യോ ഭയങ്കരസ്തീക്ഷ്ണനഖായുധോഽരിം.

ധൃത്വാ നിജോർവോർവിദദാര സോഽസൗ ലക്ഷ്മീനൃസിംഹോഽവതു മാം സമന്താത്.

വരപ്രദോക്തേരവിരോധതോഽരിം ജഘാന ഭൃത്യോക്തമൃതം ഹി കുർവൻ.

സ്രഗ്വത്തദന്ത്രം നിദധൗ സ്വകണ്ഠേ ലക്ഷ്മീനൃസിംഹോഽവതു മാം സമന്താത്.

വിചിത്രദേഹോഽപി വിചിത്രകർമാ വിചിത്രശക്തിഃ സ ച കേസരീഹ.

പാപം ച താപം വിനിവാര്യ ദുഃഖം ലക്ഷ്മീനൃസിംഹോഽവതു മാം സമന്താത്.

പ്രഹ്ലാദഃ കൃതകൃത്യോഽഭൂദ്യത്കൃപാലേശതോഽമരാഃ.

നിഷ്കണ്ടകം സ്വധാമാപുഃ ശ്രീനൃസിംഹഃ സ പാതി മാം.

ദംഷ്ട്രാകരാലവദനോ രിപൂണാം ഭയകൃദ്ഭയം.

ഇഷ്ടദോ ഹരതി സ്വസ്യ വാസുദേവഃ സ പാതു മാം.

Found a Mistake or Error? Report it Now