|| ലക്ഷ്മീ ശരണാഗതി സ്തോത്രം ||
ജലധീശസുതേ ജലജാക്ഷവൃതേ ജലജോദ്ഭവസന്നുതേ ദിവ്യമതേ.
ജലജാന്തരനിത്യനിവാസരതേ ശരണം ശരണം വരലക്ഷ്മി നമഃ.
പ്രണതാഖിലദേവപദാബ്ജയുഗേ ഭുവനാഖിലപോഷണ ശ്രീവിഭവേ.
നവപങ്കജഹാരവിരാജഗലേ ശരണം ശരണം ഗജലക്ഷ്മി നമഃ.
ഘനഭീകരകഷ്ടവിനാശകരി നിജഭക്തദരിദ്രപ്രണാശകരി.
ഋണമോചനി പാവനി സൗഖ്യകരി ശരണം ശരണം ധനലക്ഷ്മി നമഃ.
അതിഭീകരക്ഷാമവിനാശകരി ജഗദേകശുഭങ്കരി ധാന്യപ്രദേ.
സുഖദായിനി ശ്രീഫലദാനകരി ശരണം ശരണം ശുഭലക്ഷ്മി നമഃ.
സുരസംഘശുഭങ്കരി ജ്ഞാനപ്രദേ മുനിസംഘപ്രിയങ്കരി മോക്ഷപ്രദേ.
നരസംഘജയങ്കരി ഭാഗ്യപ്രദേ ശരണം ശരണം ജയലക്ഷ്മി നമ.
പരിസേവിതഭക്തകുലോദ്ധരിണി പരിഭാവിതദാസജനോദ്ധരിണി.
മധുസൂദനമോഹിനി ശ്രീരമണി ശരണം ശരണം തവ ലക്ഷ്മി നമഃ.
ശുഭദായിനി വൈഭവലക്ഷ്മി നമോ വരദായിനി ശ്രീഹരിലക്ഷ്മി നമഃ.
സുഖദായിനി മംഗലലക്ഷ്മി നമോ ശരണം ശരണം സതതം ശരണം.
വരലക്ഷ്മി നമോ ധനലക്ഷ്മി നമോ ജയലക്ഷ്മി നമോ ഗജലക്ഷ്മി നമഃ.
ജയ ഷോഡശലക്ഷ്മി നമോഽസ്തു നമോ ശരണം ശരണം സതതം ശരണം.
ദേവി വിഷ്ണുവിലാസിനി ശുഭകരി ദീനാർതിവിച്ഛേദിനി
സർവൈശ്വര്യപ്രദായിനി സുഖകരി ദാരിദ്ര്യവിധ്വംസിനി.
നാനാഭൂഷിതഭൂഷണാംഗി ജനനി ക്ഷീരാബ്ധികന്യാമണി
ദേവി ഭക്തസുപോഷിണി വരപ്രദേ ലക്ഷ്മി സദാ പാഹി നഃ.
സദ്യഃപ്രഫുല്ലസരസീരുഹപത്രനേത്രേ
ഹാരിദ്രലേപിതസുകോമലശ്രീകപോലേ.
പൂർണേന്ദുബിംബവദനേ കമലാന്തരസ്ഥേ
ലക്ഷ്മി ത്വദീയചരണൗ ശരണം പ്രപദ്യേ.
ഭക്താന്തരംഗഗതഭാവവിധേ നമസ്തേ
രക്താംബുജാതനിലയേ സ്വജനാനുരക്തേ.
മുക്താവലീസഹിതഭൂഷണഭൂഷിതാംഗി
ലക്ഷ്മി ത്വദീയചരണൗ ശരണം പ്രപദ്യേ.
ക്ഷാമാദിതാപഹാരിണി നവധാന്യരൂപേ
അജ്ഞാനഘോരതിമിരാപഹജ്ഞാനരൂപേ.
ദാരിദ്ര്യദുഃഖപരിമർദിതഭാഗ്യരൂപേ
ലക്ഷ്മി ത്വദീയചരണൗ ശരണം പ്രപദ്യേ.
ചമ്പാലതാഭദരഹാസവിരാജവക്ത്രേ
ബിംബാധരേഷു കപികാഞ്ചിതമഞ്ജുവാണി.
ശ്രീസ്വർണകുംഭപരിശോഭിതദിവ്യഹസ്തേ
ലക്ഷ്മി ത്വത്വദീയചരണൗ ശരണം പ്രപദ്യേ.
സ്വർഗാപവർഗപദവിപ്രദേ സൗമ്യഭാവേ
സർവാഗമാദിവിനുതേ ശുഭലക്ഷണാംഗി.
നിത്യാർചിതാംഘ്രിയുഗലേ മഹിമാചരിത്രേ
ലക്ഷ്മി ത്വത്വദീയചരണൗ ശരണം പ്രപദ്യേ.
ജാജ്ജ്വല്യകുണ്ഡലവിരാജിതകർണയുഗ്മേ
സൗവർണകങ്കണസുശോഭിതഹസ്തപദ്മേ.
മഞ്ജീരശിഞ്ജിതസുകോമലപാവനാംഘ്രേ
ലക്ഷ്മി ത്വത്വദീയചരണൗ ശരണം പ്രപദ്യേ.
സർവാപരാധശമനി സകലാർഥദാത്രി
പർവേന്ദുസോദരി സുപർവഗണാഭിരക്ഷിൻ.
ദുർവാരശോകമയഭക്തഗണാവനേഷ്ടേ
ലക്ഷ്മി ത്വദീയചരണൗ ശരണം പ്രപദ്യേ.
ബീജാക്ഷരത്രയവിരാജിതമന്ത്രയുക്തേ
ആദ്യന്തവർണമയശോഭിതശബ്ദരൂപേ.
ബ്രഹ്മാണ്ഡഭാണ്ഡജനനി കമലായതാക്ഷി
ലക്ഷ്മി ത്വദീയചരണൗ ശരണം പ്രപദ്യേ.
ശ്രീദേവി ബില്വനിലയേ ജയ വിശ്വമാതഃ
ആഹ്ലാദദാത്രി ധനധാന്യസുഖപ്രദാത്രി.
ശ്രീവൈഷ്ണവി ദ്രവിണരൂപിണി ദീർഘവേണി
ലക്ഷ്മി ത്വദീയചരണൗ ശരണം പ്രപദ്യേ.
ആഗച്ഛ തിഷ്ഠ തവ ഭക്തഗണസ്യ ഗേഹേ
സന്തുഷ്ടപൂർണഹൃദയേന സുഖാനി ദേഹി.
ആരോഗ്യഭാഗ്യമകലങ്കയശാംസി ദേഹി
ലക്ഷ്മി ത്വദീയചരണൗ ശരണം പ്രപദ്യേ.
ശ്രീആദിലക്ഷ്മി ശരണം ശരണം പ്രപദ്യേ
ശ്രീഅഷ്ടലക്ഷ്മി ശരണം ശരണം പ്രപദ്യേ.
ശ്രീവിഷ്ണുപത്നി ശരണം ശരണം പ്രപദ്യേ
ലക്ഷ്മി ത്വദീയചരണൗ ശരണം പ്രപദ്യേ.
Found a Mistake or Error? Report it Now
