ஶ்ரீலக்ஷ்மீஸூக்த (Lakshmi Suktam Tamil)

ஶ்ரீ க³ணேஶாய நம꞉

ௐ பத்³மானனே பத்³மினி பத்³மபத்ரே பத்³மப்ரியே பத்³மத³லாயதாக்ஷி .
விஶ்வப்ரியே விஶ்வமனோ(அ)னுகூலே த்வத்பாத³பத்³மம்ʼ மயி ஸந்நித⁴த்ஸ்வ ..

பத்³மானனே பத்³மஊரு பத்³மாஶ்ரீ பத்³மஸம்ப⁴வே .
தன்மே ப⁴ஜஸிம்ʼ பத்³மாக்ஷி யேன ஸௌக்²யம்ʼ லபா⁴ம்யஹம் ..

அஶ்வதா³யை கோ³தா³யை த⁴னதா³யை மஹாத⁴னே .
த⁴னம்ʼ மே ஜுஷதாம்ʼ தே³வி ஸர்வகாமாம்ʼஶ்ச தே³ஹி மே ..

புத்ரபௌத்ரம்ʼ த⁴னம்ʼ தா⁴ன்யம்ʼ ஹஸ்த்யஶ்வாதி³க³வேரத²ம் .
ப்ரஜானாம்ʼ ப⁴வஸி மாதா ஆயுஷ்மந்தம்ʼ கரோது மே ..

த⁴னமக்³நிர்த⁴னம்ʼ வாயுர்த⁴னம்ʼ ஸூர்யோத⁴னம்ʼ வஸு꞉ .
த⁴னமிந்த்³ரோ ப்³ருʼஹஸ்பதிர்வருணோ த⁴நமஸ்து மே ..

வைனதேய ஸோமம்ʼ பிப³ ஸோமம்ʼ பிப³து வ்ருʼத்ரஹா .
ஸோமம்ʼ த⁴னஸ்ய ஸோமினோ மஹ்யம்ʼ த³தா³து ஸோமின꞉ ..

ந க்ரோதோ⁴ ந ச மாத்ஸர்யம்ʼ ந லோபோ⁴ நாஶுபா⁴ மதி꞉ .
ப⁴வந்தி க்ருʼதபுண்யானாம்ʼ ப⁴க்தானாம்ʼ ஶ்ரீஸூக்தம்ʼ ஜாபினாம் ..

ஸரஸிஜநிலயே ஸரோஜஹஸ்தே த⁴வலதராம்ʼஶுக க³ந்த⁴மால்யஶோபே⁴ .
ப⁴க³வதி ஹரிவல்லபே⁴ மனோஜ்ஞே த்ரிபு⁴வனபூ⁴திகரி ப்ரஸீத³ மஹ்யம் ..

ஶ்ரீர்வர்சஸ்வமாயுஷ்யமாரோக்³யமாவிதா⁴ச்சோ²ப⁴மானம்ʼ மஹீயதே .
தா⁴ன்ய த⁴னம்ʼ பஶும்ʼ ப³ஹுபுத்ரலாப⁴ம்ʼ ஶதஸம்ʼவத்ஸரம்ʼ தீ³ர்க⁴மாயு꞉ ..

ௐ மஹாதே³வ்யை ச வித்³மஹே விஷ்ணுபத்ன்யை ச தீ⁴மஹி .
தன்னோ லக்ஷ்மீ꞉ ப்ரசோத³யாத் ..

ௐ மஹாலக்ஷ்ம்யை ச வித்³மஹே மஹஶ்ரியை ச தீ⁴மஹி .
தன்ன꞉ ஶ்ரீ꞉ ப்ரசோத³யாத் ..

விஷ்ணுபத்னீம்ʼ க்ஷமாம்ʼ தே³வீம்ʼ மாத⁴வீம்ʼ மாத⁴வப்ரியாம் .
லக்ஷ்மீம்ʼ ப்ரியஸகீ²ம்ʼ தே³வீம்ʼ நமாம்யச்யுதவல்லபா⁴ம் ..

சந்த்³ரப்ரபா⁴ம்ʼ லக்ஷ்மீமைஶானீம்ʼ ஸூர்யாபா⁴ம்ʼலக்ஷ்மீமைஶ்வரீம் .
சந்த்³ர ஸூர்யாக்³நிஸங்காஶாம்ʼ ஶ்ரியம்ʼ தே³வீமுபாஸ்மஹே ..

.. இதி ஶ்ரீலக்ஷ்மீ ஸூக்தம்ʼ ஸம்பூர்ணம் ..

Read in More Languages:

Found a Mistake or Error? Report it Now

ஶ்ரீலக்ஷ்மீஸூக்த