Languages: संस्कृत

|| श्रीशिवकृतं श्रीगणेशवज्रपञ्जरस्तोत्रम् || ॥ श्रीगणेशाय नमः ॥ श्रीशिव उवाच । गणेशाय नमस्तुभ्यं विघ्नराजाय ढुण्ढये । परेशाय च हेरम्बाय पाशिने नमो नमः ॥ १९॥ मूषकवाहनायैव नमः परशुपाणये । दन्ताभयधरायैव त्रिनेत्राय नमो नमः ॥ २०॥ शूर्पकर्णाय वीराय चन्द्ररेखाधराय ते । सिन्दूरभूषणायैव रक्तरङ्गाय ते नमः ॥ २१॥ हेरम्बाय महाविघ्नवारणाय गजानन । आदिपूज्याय सर्वेषां पूज्याय ते नमो नमः…

|| श्रीगणेशमानसपूजास्तोत्रम् || श्रीजगद्गुरु श‍ृङ्गेरी श्रीचन्द्रशेखरभारती स्वामि अनुगृहीता वात्सल्यभाजनमगाधिपकन्यकाया मात्सर्यशून्यहृदयैर्भुवि भावनीयम् । प्रत्यूहजातविनिपातनलब्धवर्ण- मत्यूर्जितं हृदि भजामि गणाधिनाथम् ॥ १॥ आवाहयामि गणनाथमुमामहेश- सर्वस्वभूतमपनीतदुरन्तरायम् । योगीन्द्रमानससरोरुहंसविकास- लीलाविशेषचतुरं निगमान्तनिष्ठम् ॥ २॥ माणिक्यमञ्जुलमरीचिमनोज्ञपार्श्वं सान्द्रीभवन्मरकतावलिमेचकाभम् । मुक्तामणिप्रकरमेदुरितान्तरालं रत्नासनं तव हृदा परिकल्पयामि ॥ ३॥ गङ्गादिपुण्यसरितां परिपूततीर्थैः पाद्यं तवाद्यवधिशून्य समर्पयामि । अर्घ्यं ददाम्यहमनर्घगुणाभिराम प्रत्यूहवारण सुवारणवक्त्र तुभ्यम् ॥ ४॥ प्रत्याहृतैरखिलपुण्यसरिद्वराभ्य- स्तीर्थैर्ददाम्यमलमाचमनं च तुभ्यम्…

|| श्रीगणेशपञ्चाशन्नामस्तोत्रम् || श्री गणेशाय नमः । ऋषय ऊचुः । गणेशो गणनाथश्च हेरम्बो गिरिशात्मजः । पार्वतीनन्दनो वीरो देवराजो गजाननः ॥ १॥ लम्बोदरो विघ्नराजो योगी सद्योगलक्षणः । अग्रपूज्यश्चतुर्बाहुरेकदन्तो लिपीश्वरः ॥ २॥ व्याघ्रचर्माम्बरो धीरः सदामङ्गलरूपवान् । शुक्लास्यो मूषिकारोही केवलो मोक्षदायकः ॥ ३॥ पद्मी दन्तकरो दन्ती वैष्णवः परमार्थदृक् । पञ्चपाणिः पञ्चवक्त्रः शिवः शङ्कर ईश्वरः ॥ ४॥ हरिगाता नृत्यकारी…

|| श्रीगणेशपञ्चचामरस्तोत्रम् || श्रीगणेशाय नमः । ललाट-पट्टलुण्ठितामलेन्दु-रोचिरुद्भटे वृताति-वर्चरस्वरोत्सररत्किरीट-तेजसि । फटाफटत्फटत्स्फुरत्फणाभयेन भोगिनां शिवाङ्कतः शिवाङ्कमाश्रयच्छिशौ रतिर्मम ॥ १॥ अदभ्र-विभ्रम-भ्रमद्-भुजाभुजङ्गफूत्कृती- र्निजाङ्कमानिनीषतो निशम्य नन्दिनः पितुः । त्रसत्सुसङ्कुचन्तमम्बिका-कुचान्तरं यथा विशन्तमद्य बालचन्द्रभालबालकं भजे ॥ २॥ विनादिनन्दिने सविभ्रमं पराभ्रमन्मुख- स्वमातृवेणिमागतां स्तनं निरीक्ष्य सम्भ्रमात् । भुजङ्ग-शङ्कया परेत्यपित्र्यमङ्कमागतं ततोऽपि शेषफूत्कृतैः कृतातिचीत्कृतं नमः ॥ ३॥ विजृम्भमाणनन्दि-घोरघोण-घुर्घुरध्वनि- प्रहास-भासिताशमम्बिका-समृद्धि-वर्धिनम् । उदित्वर-प्रसृत्वर-क्षरत्तर-प्रभाभर- प्रभातभानु-भास्वरं भवस्वसम्भवं भजे ॥ ४॥ अलङ्गृहीत-चामरामरी…

|| काशिराजकृतं श्रीगणेशपङ्चकस्तोत्रम् || नमोऽनन्तशक्ते गुणानामधीश नमोऽरिष्टहन्त्रे नमः सृष्टिकर्त्रे । नमो विश्वपात्रे नमो विघ्नहन्त्रे नमो ज्ञानदात्रे नमोऽज्ञानहन्त्रे ॥ ४६॥ अकालप्रलयाद् देव ! वीतिहोत्राज्जगत्पते । लीलावतार ! दैत्योभ्यो रक्षिता लीलया त्वया ॥ ४७॥ कस्य सामर्थ्यमेतावद् वह्निं पातुं महाबलम् । भूगोलसदृशास्यं को हन्यादन्यो महासुरम् ॥ ४८॥ मृतानां जीवनं को नु त्वदन्यः कर्तुमुत्सहेत् । त्वमेव जननी देव !…

|| श्रीगणेशनामाष्टकस्तोत्रम् || श्रीकृष्ण उवाच श्रुणु देवि महाभागे वेदोक्तं वचनं मम । यच्छ्रुत्वा हर्षिता नूनं भविष्यसि न संशयः । विनायकस्ते तनयो महात्मा महतां महान् ॥ यं कामः क्रोध उद्वेगो भयं नाविशते कदा । वेदस्मृतिपुराणेषु संहितासु च भामिनि ॥ नामान्यस्योपदिष्टानि सुपुण्यानि महात्मभिः । यानि तानि प्रवक्ष्यामि निखिलाघहराणि च ॥ प्रमथानां गणा यै च नानारूपा महाबलाः ।…

|| श्रीगणेशद्वादशनामस्तोत्रम् नामावलीसहितम् || ब्रह्मोवाच । सुमुखश्चैकदन्तश्च कपिलो गजकर्णकः । लम्बोदरश्च विकटो विघ्ननाशो गणाधिपः ॥ ३६॥ धूम्रकेतुर्गणाध्यक्षो भालचन्द्रो गजाननः । द्वादशैतानि नामानि यः पठेच्छृणुयादपि ॥ ३७॥ विद्यारम्भे विवाहे च प्रवेशे निर्गमे तथा । सङ्ग्रामे सङ्कटे चैव विघ्नस्तस्य न जायते ॥ ३८॥ शुक्लाम्बरधरं देवं शशिवर्णं चतुर्भुजम् । प्रसन्नवदनं ध्यायेत् सर्वविघ्नोपशान्तये ॥ ३९॥ कोटिकन्याप्रदानानि कोटियज्ञं व्रतानि च…

|| श्रीगणेशदुर्गस्तोत्रम् || श्रीकृष्ण उवाच । वद शिवमहानाथ पार्वतीरमणेश्वर । दैत्यसङ्ग्रामवेलायां स्मरणीयं किमीश्वर ॥ १॥ ईश्वर उवाच । श‍ृणुकृष्ण प्रवक्ष्यामि गुह्याद्गुह्यतरं महत् । गणेशदुर्गदिव्यं च श‍ृणु वक्ष्यामि भक्तितः ॥ २॥ त्रिपुरवधवेलायां स्मरणीयं कमीश्वर । दिव्यदुर्गप्रसादेन त्रिपुराणां वधः कृतः ॥ ३॥ श्रीकृष्ण उवाच । हेरम्बस्य दुर्गमिदं वद त्वं भक्तवत्सल । ईश्वर उवाच । श‍ृणु वत्स प्रवक्ष्यामि…

|| श्रीगणेशचतुर्युगावतारस्तोत्रम् || मुनिरुवाच । गौरि ! तेऽयं सुतो ब्रह्मस्वरूपो भासते मम ॥ ९॥ षट्चक्रभेदनरता योगनिष्ठा महर्षयः । वायुभक्षा उपासन्ते यं ते सोऽयं तवात्मजः ॥ १०॥ गुणत्रयविभेदेन त्रितनुस्त्रिक्रियाकरः । यत्सत्तयाऽथ शेषोऽपि वहते मस्तके भुवम् ॥ ११॥ अणुरूपः स्थूलरूपः सप्तविंशतितत्त्वकृत् । चेतनाचेतनं विश्वं यद्रूपं सर्वकर्मकृत् ॥ १२॥ युगे दशभुजः पूर्वे सिंहारूढो विनायकः । द्वितीये षड्भुजो बर्हिवाहनः…

|| श्रीगणेशगीतासारस्तोत्रम् || श्री गणेशाय नमः । शिव उवाच । गणेशवचनं श्रुत्वा प्रणता भक्तिभावतः । पप्रच्छुस्तं पुनः शान्ता ज्ञानं ब्रूहि गजानन ॥ १॥ गणेश उवाच । देहश्चतुर्विधः प्रोक्तस्त्वंपदं ब्रह्मभिन्नतः । सोऽहं देहि चतुर्धा तत्पदं ब्रह्म सदैकतः ॥ २॥ संयोग उभयोर्यच्चासिपदं ब्रह्म कथ्यते । स्वत उत्थानकं देवा विकल्पकरणात्रिधा ॥ ३॥ सदा स्वसुखनिष्ठं यद्ब्रह्म सांख्यं प्रकीर्तितम् ।…

|| श्रीगणेशकुण्डतीर्थस्तोत्रम् || ॥ श्रीगणेशाय नमः ॥ ब्रह्मोवाच । नमामि तीर्थं गणनायकस्य गणेशकुण्डं गणनातिगं च । अनन्ततीर्थप्रभवं पुराणं संसेविनां ब्रह्मप्रदं निजात्म्यम् ॥ २॥ अभेदभेदादिविहीनरूपं चतुष्पदं पञ्चममाद्यभूतम् । गणेशमायाकृतदृश्यभावं नमामि कैवल्यघनं परेषाम् ॥ ३॥ भवत्प्रसूतं च तुरीयमात्म्यं भवेदरूपं किल तीर्थकानाम् । अहं विशुद्धोऽपि च दर्शनेनाऽभवं कृतब्रह्मकमण्डलुस्थम् ॥ ४॥ तदेव त्रैगुण्यमयं बभूव भागीरथीस्थं रविजामयं च । सरस्वतीस्थं…

|| श्रीगणेशकीलकस्तोत्रम् || ॥ श्रीगणेशाय नमः ॥ दक्ष उवाच । गणेशकीलकं ब्रह्मन् वद सर्वार्थदायकम् । मन्त्रादीनां विशेषेण सिद्धिदं पूर्णभावतः ॥ १॥ मुद्गल उवाच । कीलकेन विहीनाश्च मन्त्रा नैव सुखप्रदाः । आदौ कीलकमेवं वै पठित्वा जपमाचरेत् ॥ २॥ तदा वीर्ययुता मन्त्रा नानासिद्धिप्रदायकाः । भवन्ति नात्र सन्देहः कथयामि यथाश्रुतम् ॥ ३॥ समादिष्टं चाङ्गिरसा मह्यं गुह्यतमं परम् ।…

|| श्रीगणाध्यक्षस्तोत्रं ईक्ष्वाकुकृत || भरद्वाज उवाच कथं स्तुतो गणाध्यक्षस्तेन राज्ञा महात्मना । यथा तेन तपस्तप्तं तन्मे वद महामते ॥ १॥ सूत उवाच चतुर्थीदिवसे राजा स्नात्वा त्रिषवणं द्विज । रक्ताम्बरधरो भूत्वा रक्तगन्धानुलेपनः ॥ २॥ सुरक्तकुसुमैर्हृद्यैर्विनायकमथार्चयत् । रक्तचन्दनतोयेन स्नानपूर्वं यथाविधि ॥ ३॥ विलिप्य रक्तगन्धेन रक्तपुष्पैः प्रपूजयत् । ततोऽसौ दत्तवान् धूपमाज्ययुक्तं सचन्दनम् । नैवेद्यं चैव हारिद्रं गुडखण्डघृतप्लुतम् ॥…

|| श्रीगणाधीशस्तोत्रं शिवशक्तिकृतम् || श्रीगणेशाय नमः । श्रीशक्तिशिवावूचतुः । नमस्ते गणनाथाय गणानां पतये नमः । भक्तिप्रियाय देवेश भक्तेभ्यः सुखदायक ॥ १॥ स्वानन्दवासिने तुभ्यं सिद्धिबुद्धिवराय च । नाभिशेषाय देवाय ढुण्ढिराजाय ते नमः ॥ २॥ वरदाभयहस्ताय नमः परशुधारिणे । नमस्ते सृणिहस्ताय नाभिशेषाय ते नमः ॥ ३॥ अनामयाय सर्वाय सर्वपूज्याय ते नमः । सगुणाय नमस्तुभ्यं ब्रह्मणे निर्गुणाय च…

|| योगशान्तिप्रदं गणाधीशस्तोत्रम् || श्रीगणेशाय नमः । कर्दम उवाच । केनोपायेन भो वत्स योगशान्तिः प्रलभ्यते । तदर्थं पूजनीयं किं तद्वदस्व जनार्दन ॥ १॥ कपिल उवाच । गणेशभजनं मुख्यं शान्तियोगप्रदं मतम् । योगाकारस्वरूपं तं ब्रह्मेशं भज मानद ॥ २॥ सर्वादिः सर्वपूज्योऽयं सर्वाधारो महामुने । य आदिः प्रलयान्ते स तिष्ठति शास्त्रसंमतम् ॥ ३॥ ज्येष्ठराजं गणेशानं वेदेषु प्रवदन्ति…

|| श्रीगणाधिपति पञ्चरत्नस्तोत्रम् || ॐ सरागिलोकदुर्लभं विरागिलोकपूजितं सुरासुरैर्नमस्कृतं जरापमृत्युनाशकम् । गिरा गुरुं श्रिया हरिं जयन्ति यत्पदार्चकाः नमामि तं गणाधिपं कृपापयः पयोनिधिम् ॥ १॥ गिरीन्द्रजामुखाम्बुज प्रमोददान भास्करं करीन्द्रवक्त्रमानताघसङ्घवारणोद्यतम् । सरीसृपेश बद्धकुक्षिमाश्रयामि सन्ततं शरीरकान्ति निर्जिताब्जबन्धुबालसन्ततिम् ॥ २॥ शुकादिमौनिवन्दितं गकारवाच्यमक्षरं प्रकाममिष्टदायिनं सकामनम्रपङ्क्तये । चकासतं चतुर्भुजैः विकासिपद्मपूजितं प्रकाशितात्मतत्वकं नमाम्यहं गणाधिपम् ॥ ३॥ नराधिपत्वदायकं स्वरादिलोकनायकं ज्वरादिरोगवारकं निराकृतासुरव्रजम् । कराम्बुजोल्लसत्सृणिं विकारशून्यमानसैः…

|| श्रीगणपतिस्तोत्रम् ७ || आस्ते घोरसमुद्रवासवदिशापारस्थलीगोपुरात् बाह्ये वामकरर्थकाशविषये माद्यं महान् पिप्पलः । आस्थानं यदुपान्तधन्यधरणीमास्थाय देवः स्वयं दन्तीन्द्राननविग्रहस्त्रिभुवनं पुष्णाति तैस्तैर्व रैः ॥ १॥ पुरप्रसरदद्भुतं प्रथितदानतिभ्यत्करं विभोरभिनवात्मजं वटतरुस्थलावासितम् । मुहुः फलितपिप्पलद्रुमतटीनिरूढास्पदं- महागजमदाननं मणिनिधानमाराधये ॥ २॥ परिमलपरिणम्रैः कम्रनानाप्रसूनै- रविरतमभिरामैरात्तभूषाविशेषम् । अपि च निचितलीलाकल्पशिल्पोपचारै- रुपचितमभिवन्दे दैवतं दन्तिवक्त्रम् ॥ ३॥ चलदलतटभूमिभूषणं मदकलकुञ्जरमञ्जुलाननम् । भजत भजत वृष्टिभि —- र्हरितहरेण करेण भूषितम्…

|| श्रीगणपतिस्तोत्रम् ५ || द्विरदानन विघ्नकाननज्वलन त्वं प्रथमेशनन्दन । मदनपतिमाखुवाहन ज्वलनाभासितपिङ्गलोचन ॥ १॥ अहिबन्धन रक्तचन्दन प्रियदूर्वाङ्कुरभारपूजन । शशिभूषण भक्तपालन ज्वलनाक्षाऽव निजान्निजावन ॥ २॥ विविधामरमत्र्यनायकः प्रथितस्त्वं भुवने विनायकः । तव कोऽपि हि नैव नायकस्तत एव त्वमजो विनायक ॥ ३॥ बलिनिग्रह ईश केशवस्त्रिपुराख्यासुरनिग्रहे शिवः । जगदुद्भवनेऽब्जसम्भवः सकलान्जेतुमहो मनोभवः ॥ ४॥ महिषासुरनिग्रहे शिवा भवमुक्त्यै मुनयो धृताशिवाः । यमपूजयदिष्टसिद्धये…

|| गणपतिस्तोत्रम् ४ || जेतुं यस्त्रिपुरं हरेण हरिणा व्याजाद्वलिं बध्नता स्त्रष्टुं वारिभवोद्भवेन भुवनं शेषेण धर्तुं धरम् । पार्वत्या महिषासुरप्रमथने सिद्धाधिपैः सिद्धये ध्यातः पञ्चशरेण विश्वजितये पायात् स नागाननः ॥ १॥ विघ्नध्वान्तनिवारणैकतरणिर्विघ्नाटवीहव्यवाड् विघ्नव्यालकुलाभिमानगरुडो विघ्नेभपञ्चाननः । विघ्नोत्तुङ्गगिरिप्रभेदनपविर्विघ्नाम्बुधेर्वाडवो विघ्नाघौधघनप्रचण्डपवनो विघ्नेश्वरः पातु नः ॥ २॥ खर्वं स्थूलतनुं गजेन्द्रवदनं लम्बोदरं सुन्दरं प्रस्यन्दन्मदगन्धलुब्धमधुपव्यालोलगण्डस्थलम् । दन्ताघातविदारितारिरुधिरैः सिन्दूरशोभाकर वन्दे शैलसुतासुतं गणपतिं सिद्धिप्रदं कामदम् ॥…

|| गणपतिस्तोत्रम् || सुवर्णवर्णसुन्दरं सितैकदन्तबन्धुरं गृहीतपाशकाङ्कुशं वरप्रदाभयप्रदम् । चतुर्भुजं त्रिलोचनं भुजङ्गमोपवीतिनं प्रफुल्लवारिजासनं भजामि सिन्धुराननम् ॥ १॥ किरीटहारकुण्डलं प्रदीप्तबाहुभूषणं प्रचण्डरत्नकङ्कणं प्रशोभिताङ्ङ्घ्रयष्टिकम् । प्रभातसूर्यसुन्दराम्बरद्वयप्रधारिणं सरलहेमनूपुरं प्रशोभिताङ्घ्रिपङ्कजम् ॥ २॥ सुवर्णदण्डमण्डितप्रचण्डचारुचामरं गृहप्रतीर्णसुन्दरं युगक्षणं प्रमोदितम् । कवीन्द्रचित्तरञ्जकं महाविपत्तिभञ्जकं षडक्षरस्वरूपिणं भजेद्गजेन्द्ररूपिणम् ॥ ३॥ विरिञ्चिविष्णुवन्दितं विरूपलोचनस्तुतिं गिरीशदर्शनेच्छया समर्पितं पराशया । निरन्तरं सुरासुरैः सपुत्रवामलोचनैः महामखेष्टमिष्टकर्मसु (स्मृतं) भजामि तुन्दिलम् ॥ ४॥ मदौघलुब्धचञ्चलार्कमञ्जुगुञ्जितारवं प्रबुद्धचित्तरञ्जकं प्रमोदकर्णचालकम्…