Languages: संस्कृत

|| श्री रेणुका अष्टोत्तरशतनाम स्तोत्रम् || ध्यानम् । ध्यायेन्नित्यमपूर्ववेषललितां कन्दर्पलावण्यदां देवीं देवगणैरुपास्यचरणां कारुण्यरत्नाकराम् । लीलाविग्रहिणीं विराजितभुजां सच्चन्द्रहासादिभि- -र्भक्तानन्दविधायिनीं प्रमुदितां नित्योत्सवां रेणुकाम् ॥ स्तोत्रम् । जगदम्बा जगद्वन्द्या महाशक्तिर्महेश्वरी । महादेवी महाकाली महालक्ष्मीः सरस्वती ॥ महावीरा महारात्रिः कालरात्रिश्च कालिका । सिद्धविद्या राममाता शिवा शान्ता ऋषिप्रिया ॥ नारायणी जगन्माता जगद्बीजा जगत्प्रभा । चन्द्रिका चन्द्रचूडा च चन्द्रायुधधरा शुभा ॥…

|| श्री रेणुका स्तोत्रम् || श्रीपरशुराम उवाच । ओं नमः परमानन्दे सर्वदेवमयी शुभे । अकारादिक्षकारान्तं मातृकामन्त्रमालिनी ॥ १ ॥ एकवीरे एकरूपे महारूपे अरूपिणी । अव्यक्ते व्यक्तिमापन्ने गुणातीते गुणात्मिके ॥ २ ॥ कमले कमलाभासे हृत्सत्प्रक्तर्णिकालये । नाभिचक्रस्थिते देवि कुण्डली तन्तुरूपिणी ॥ ३ ॥ वीरमाता वीरवन्द्या योगिनी समरप्रिये । वेदमाता वेदगर्भे विश्वगर्भे नमोऽस्तु ते ॥ ४ ॥…

|| श्री मङ्गलचण्डिका स्तोत्रम् || ध्यानम् । देवीं षोडशवर्षीयां रम्यां सुस्थिरयौवनाम् । सर्वरूपगुणाढ्यां च कोमलाङ्गीं मनोहराम् ॥ १ ॥ श्वेतचम्पकवर्णाभां चन्द्रकोटिसमप्रभाम् । वह्निशुद्धांशुकाधानां रत्नभूषणभूषिताम् ॥ २ ॥ बिभ्रतीं कबरीभारं मल्लिकामाल्यभूषितम् । बिम्बोष्ठीं सुदतीं शुद्धां शरत्पद्मनिभाननाम् ॥ ३ ॥ ईषद्धास्यप्रसन्नास्यां सुनीलोत्पललोचनाम् । जगद्धात्रीं च दात्रीं च सर्वेभ्यः सर्वसम्पदाम् ॥ ४ ॥ संसारसागरे घोरे पोतरुपां वरां भजे…

|| श्री मूकाम्बिका स्तोत्रम् || मूलाम्भोरुहमध्यकोणविलसद्बन्धूकरागोज्ज्वलां ज्वालाजालजितेन्दुकान्तिलहरीमानन्दसन्दायिनीं । एलाललितनीलकुन्तलधरां नीलोत्पलाभाम्शुकां कोलूराद्रिनिवासिनीं भगवतीं ध्यायामि मूकाम्बिकाम् ॥ १ ॥ बालादित्यनिभाननां त्रिनयनां बालेन्दुना भूषितां नीलाकारसुकेशिनीं सुललितां नित्यान्नदानप्रियां । शङ्खं चक्र वराभयां च दधतीं सारस्वतार्थप्रदां तां बालां त्रिपुरां शिवेनसहितां ध्यायामि मूकाम्बिकाम् ॥ २ ॥ मध्याह्नार्कसहस्रकोटिसदृशां मायान्धकारच्छिदां मध्यान्तादिविवर्जितां मदकरीं मारेण संसेवितां । शूलम्पाशकपालपुस्तकधरां शुद्धार्थविज्ञानदां तां बालां त्रिपुरां शिवेनसहितां ध्यायामि मूकाम्बिकाम्…

|| मीनाक्षी स्तोत्रम् || श्रीविद्ये शिववामभागनिलये श्रीराजराजार्चिते श्रीनाथादिगुरुस्वरूपविभवे चिन्तामणीपीठिके । श्रीवाणीगिरिजानुताङ्घ्रिकमले श्रीशाम्भवि श्रीशिवे मध्याह्ने मलयध्वजाधिपसुते मां पाहि मीनाम्बिके ॥ १ ॥ चक्रस्थेऽचपले चराचरजगन्नाथे जगत्पूजिते आर्तालीवरदे नताभयकरे वक्षोजभारान्विते । विद्ये वेदकलापमौलिविदिते विद्युल्लताविग्रहे मातः पूर्णसुधारसार्द्रहृदये मां पाहि मीनाम्बिके ॥ २ ॥ कोटीराङ्गदरत्नकुण्डलधरे कोदण्डबाणाञ्चिते कोकाकारकुचद्वयोपरिलसत्प्रालम्बहाराञ्चिते । शिञ्जन्नूपुरपादसारसमणीश्रीपादुकालङ्कृते मद्दारिद्र्यभुजङ्गगारुडखगे मां पाहि मीनाम्बिके ॥ ३ ॥ ब्रह्मेशाच्युतगीयमानचरिते प्रेतासनान्तस्थिते पाशोदङ्कुशचापबाणकलिते बालेन्दुचूडाञ्चिते…

|| मातृकावर्ण स्तोत्रम् || गणेश ग्रह नक्षत्र योगिनी राशि रूपिणीम् । देवीं मन्त्रमयीं नौमि मातृकापीठ रूपिणीम् ॥ १ ॥ प्रणमामि महादेवीं मातृकां परमेश्वरीम् । कालहल्लोहलोल्लोल कलनाशमकारिणीम् ॥ २ ॥ यदक्षरैकमात्रेऽपि संसिद्धे स्पर्धते नरः । रवितार्क्ष्येन्दु कन्दर्प शङ्करानल विष्णुभिः ॥ ३ ॥ यदक्षर शशिज्योत्स्नामण्डितं भुवनत्रयम् । वन्दे सर्वेश्वरीं देवीं महाश्रीसिद्धमातृकाम् ॥ ४ ॥ यदक्षर महासूत्र प्रोतमेतज्जगत्रयम्…

|| श्री दाक्षायणी स्तोत्रम् || गम्भीरावर्तनाभी मृगमदतिलका वामबिम्बाधरोष्टी श्रीकान्ताकाञ्चिदाम्ना परिवृत जघना कोकिलालापवाणि । कौमारी कम्बुकण्ठी प्रहसितवदना धूर्जटीप्राणकान्ता रम्भोरू सिंहमध्या हिमगिरितनया शाम्भवी नः पुनातु ॥ १ ॥ दद्यात्कल्मषहारिणी शिवतनू पाशाङ्कुशालङ्कृता शर्वाणी शशिसूर्यवह्निनयना कुन्दाग्रदन्तोज्ज्वला । कारुण्यामृतपूर्णवाग्विलसिता मत्तेभकुम्भस्तनी लोलाक्षी भवबन्धमोक्षणकरी स्व श्रेयसं सन्ततम् ॥ २ ॥ मध्ये सुधाब्धि मणिमण्टपरत्न वेद्यां सिंहासनोपरिगतां परिपीतवर्णाम् । पीताम्बराभरणमाल्यविचित्रगात्रीं देवीं भजामि नितरां नुतवेदजिह्वाम्…

|| श्री तुलजा भवानी स्तोत्रम् || नमोऽस्तु ते महादेवि शिवे कल्याणि शाम्भवि । प्रसीद वेदविनुते जगदम्ब नमोऽस्तु ते ॥ १ ॥ जगतामादिभूता त्वं जगत्त्वं जगदाश्रया । एकाऽप्यनेकरूपासि जगदम्ब नमोऽस्तु ते ॥ २ ॥ सृष्टिस्थितिविनाशानां हेतुभूते मुनिस्तुते । प्रसीद देवविनुते जगदम्ब नमोऽस्तु ते ॥ ३ ॥ सर्वेश्वरि नमस्तुभ्यं सर्वसौभाग्यदायिनि । सर्वशक्तियुतेऽनन्ते जगदम्ब नमोऽस्तु ते ॥ ४…

|| श्री जगद्धात्री स्तोत्रम् || आधारभूते चाधेये धृतिरूपे धुरन्धरे । ध्रुवे ध्रुवपदे धीरे जगद्धात्रि नमोऽस्तु ते ॥ १ ॥ शवाकारे शक्तिरूपे शक्तिस्थे शक्तिविग्रहे । शाक्ताचारप्रिये देवि जगद्धात्रि नमोऽस्तु ते ॥ २ ॥ जयदे जगदानन्दे जगदेकप्रपूजिते । जय सर्वगते दुर्गे जगद्धात्रि नमोऽस्तु ते ॥ ३ ॥ सूक्ष्मातिसूक्ष्मरूपे च प्राणापानादिरूपिणि । भावाभावस्वरूपे च जगद्धात्रि नमोऽस्तु ते ॥…

|| चतुःषष्टि योगिनी नाम स्तोत्रम् 1 || गजास्या सिंहवक्त्रा च गृध्रास्या काकतुण्डिका । उष्ट्रास्याऽश्वखरग्रीवा वाराहास्या शिवानना ॥ १ ॥ उलूकाक्षी घोररवा मायूरी शरभानना । कोटराक्षी चाष्टवक्त्रा कुब्जा च विकटानना ॥ २ ॥ शुष्कोदरी ललज्जिह्वा श्वदंष्ट्रा वानरानना । ऋक्षाक्षी केकराक्षी च बृहत्तुण्डा सुराप्रिया ॥ ३ ॥ कपालहस्ता रक्ताक्षी शुकी श्येनी कपोतिका । पाशहस्ता दण्डहस्ता प्रचण्डा चण्डविक्रमा…

|| श्री मङ्गलगौरी स्तोत्रम् || देवि त्वदीयचरणाम्बुजरेणु गौरीं भालस्थलीं वहति यः प्रणतिप्रवीणः । जन्मान्तरेऽपि रजनीकरचारुलेखा तां गौरयत्यतितरां किल तस्य पुंसः ॥ १ ॥ श्रीमङ्गले सकलमङ्गलजन्मभूमे श्रीमङ्गले सकलकल्मषतूलवह्ने । श्रीमङ्गले सकलदानवदर्पहन्त्रि श्रीमङ्गलेऽखिलमिदं परिपाहि विश्वम् ॥ २ ॥ विश्वेश्वरि त्वमसि विश्वजनस्य कर्त्री त्वं पालयित्र्यसि तथा प्रलयेऽपि हन्त्री । त्वन्नामकीर्तनसमुल्लसदच्छपुण्या स्रोतस्विनी हरति पातककूलवृक्षान् ॥ ३ ॥ मातर्भवानि भवती…

|| श्री गोदाष्टोत्तरशतनाम स्तोत्रम् || ध्यानम् । शतमखमणि नीला चारुकल्हारहस्ता स्तनभरनमिताङ्गी सान्द्रवात्सल्यसिन्धुः । अलकविनिहिताभिः स्रग्भिराकृष्टनाथा विलसतु हृदि गोदा विष्णुचित्तात्मजा नः ॥ अथ स्तोत्रम् । श्रीरङ्गनायकी गोदा विष्णुचित्तात्मजा सती । गोपीवेषधरा देवी भूसुता भोगशालिनी ॥ १ ॥ तुलसीकाननोद्भूता श्रीधन्विपुरवासिनी । भट्‍टनाथप्रियकरी श्रीकृष्णहितभोगिनी ॥ २ ॥ आमुक्तमाल्यदा बाला रङ्गनाथप्रिया परा । विश्वम्भरा कलालापा यतिराजसहोदरी ॥ ३ ॥…

|| श्री गर्भरक्षाम्बिका स्तोत्रम् || श्रीमाधवी काननस्थे गर्भरक्षाम्बिके पाहि भक्तां स्तुवन्तीम् ॥ वापीतटे वामभागे वामदेवस्य देवस्य देवि स्थिता त्वम् । मान्या वरेण्या वदान्या पाहि गर्भस्थजन्तून् तथा भक्तलोकान् ॥ १ ॥ श्रीमाधवी काननस्थे गर्भरक्षाम्बिके पाहि भक्तां स्तुवन्तीम् ॥ श्रीगर्भरक्षापुरे या दिव्यसौन्दर्ययुक्ता सुमाङ्गल्यगात्री । धात्री जनित्री जनानां दिव्यरूपां दयार्द्रां मनोज्ञां भजे त्वाम् ॥ २ ॥ श्रीमाधवी काननस्थे…

|| श्री कुब्जिका वर्णन स्तोत्रम् || नीलोत्पलदलश्यामा षड्वक्त्रा षट्प्रकाशका । चिच्छक्तिरष्टादशाख्या बाहुद्वादशसम्युता ॥ १ ॥ सिंहासनसुखासीना प्रेतपद्मोपरिस्थिता । कुलकोटिसहस्राख्या कर्कोटो मेखलास्थितः ॥ २ ॥ तक्षकेणोपरिष्टाच्च गले हारश्च वासुकिः । कुलिकः कर्णयोर्यस्याः कूर्मः कुण्डलमण्डलः ॥ ३ ॥ भ्रुवोः पद्मो महापद्मो वामे नागः कपालकः । अक्षसूत्रं च खट्वाङ्गं शङ्खं पुस्तं च दक्षिणे ॥ ४ ॥ त्रिशूलं दर्पणं…

|| श्री कामाक्षी स्तोत्रम् १ || कल्पानोकहपुष्पजालविलसन्नीलालकां मातृकां कान्तां कञ्जदलेक्षणां कलिमलप्रध्वंसिनीं कालिकाम् । काञ्चीनूपुरहारदामसुभगां काञ्चीपुरीनायिकां कामाक्षीं करिकुम्भसन्निभकुचां वन्दे महेशप्रियाम् ॥ १ ॥ काशाभां शुकभासुरां प्रविलसत्कोशातकी सन्निभां चन्द्रार्कानललोचनां सुरुचिरालङ्कारभूषोज्ज्वलाम् । ब्रह्मश्रीपतिवासवादिमुनिभिः संसेविताङ्घ्रिद्वयां कामाक्षीं गजराजमन्दगमनां वन्दे महेशप्रियाम् ॥ २ ॥ ऐं क्लीं सौरिति यां वदन्ति मुनयस्तत्त्वार्थरूपां परां वाचामादिमकारणं हृदि सदा ध्यायन्ति यां योगिनः । बालां फालविलोचनां नवजपावर्णां…

|| श्री कामाख्या स्तोत्रम् || जय कामेशि चामुण्डे जय भूतापहारिणि । जय सर्वगते देवि कामेश्वरि नमोऽस्तु ते ॥ १ ॥ विश्वमूर्ते शुभे शुद्धे विरूपाक्षि त्रिलोचने । भीमरूपे शिवे विद्ये कामेश्वरि नमोऽस्तु ते ॥ २ ॥ मालाजये जये जम्भे भूताक्षि क्षुभितेऽक्षये । महामाये महेशानि कामेश्वरि नमोऽस्तु ते ॥ ३ ॥ भीमाक्षि भीषणे देवि सर्वभूतक्षयङ्करि । कालि…

|| श्री अम्बाभुजङ्गपञ्चरत्न स्तोत्रम् || वधूरोजगोत्रोधराग्रे चरन्तं लुठन्तं प्लवन्तं नटं तपतन्तम् पदं ते भजन्तं मनोमर्कटन्तं कटाक्षालिपाशैस्सुबद्धं कुरु त्वम् ॥ १ ॥ गजास्यष्षडास्यो यथा ते तथाहं कुतो मां न पश्यस्यहो किं ब्रवीमि सदा नेत्रयुग्मस्य ते कार्यमस्ति तृतीयेन नेत्रेण वा पश्य मां त्वम् ॥ २ ॥ त्वयीत्थं कृतं चेत्तव स्वान्तमम्ब प्रशीतं प्रशीतं प्रशीतं किमासीत् इतोऽन्यत्किमास्ते यशस्ते कुतस्स्यात्…

|| श्री अम्बा पञ्चरत्न स्तोत्रम् || अम्बाशम्बरवैरितातभगिनी श्रीचन्द्रबिम्बानना बिम्बोष्ठी स्मितभाषिणी शुभकरी कादम्बवाट्याश्रिता । ह्रीङ्काराक्षरमन्त्रमध्यसुभगा श्रोणीनितम्बाङ्किता मामम्बापुरवासिनी भगवती हेरम्बमातावतु ॥ १ ॥ कल्याणी कमनीयसुन्दरवपुः कात्यायनी कालिका काला श्यामलमेचकद्युतिमती कादित्रिपञ्चाक्षरी । कामाक्षी करुणानिधिः कलिमलारण्यातिदावानला मामम्बापुरवासिनी भगवती हेरम्बमातावतु ॥ २ ॥ काञ्चीकङ्कणहारकुण्डलवती कोटीकिरीटान्विता कन्दर्पद्युतिकोटिकोटिसदना पीयूषकुम्भस्तना । कौसुम्भारुणकाञ्चनाम्बरवृता कैलासवासप्रिया मामम्बापुरवासिनी भगवती हेरम्बमातावतु ॥ ३ ॥ या सा शुम्भनिशुम्भदैत्यशमनी या…

|| श्री इन्द्राक्षी स्तोत्रम् || नारद उवाच । इन्द्राक्षीस्तोत्रमाख्याहि नारायण गुणार्णव । पार्वत्यै शिवसम्प्रोक्तं परं कौतूहलं हि मे ॥ नारायण उवाच । इन्द्राक्षी स्तोत्र मन्त्रस्य माहात्म्यं केन वोच्यते । इन्द्रेणादौ कृतं स्तोत्रम् सर्वापद्विनिवारणम् ॥ तदेवाहं ब्रवीम्यद्य पृच्छतस्तव नारद । अस्य श्री इन्द्राक्षीस्तोत्रमहामन्त्रस्य, शचीपुरन्दर ऋषिः, अनुष्टुप्छन्दः, इन्द्राक्षी दुर्गा देवता, लक्ष्मीर्बीजं, भुवनेश्वरी शक्तिः, भवानी कीलकं, मम इन्द्राक्षी…

|| अष्टादशशक्तिपीठ स्तोत्रम् || लङ्कायां शाङ्करीदेवी कामाक्षी काञ्चिकापुरे । प्रद्युम्ने शृङ्खलादेवी चामुण्डी क्रौञ्चपट्‍टणे ॥ १ ॥ अलम्पुरे जोगुलाम्बा श्रीशैले भ्रमराम्बिका । कोल्हापुरे महालक्ष्मी मुहुर्ये एकवीरिका ॥ २ ॥ [माहुर्ये] उज्जयिन्यां महाकाली पीठिक्यां पुरुहूतिका । ओढ्यायां गिरिजादेवी माणिक्या दक्षवाटके ॥ ३ ॥ हरिक्षेत्रे कामरूपा प्रयागे माधवेश्वरी । ज्वालायां वैष्णवीदेवी गया माङ्गल्यगौरिका ॥ ४ ॥ वाराणस्यां विशालाक्षी…

|| अभिरामि स्तोत्रम् || नमस्ते ललिते देवि श्रीमत्सिंहासनेश्वरि । भक्तानामिष्टदे मातः अभिरामि नमोऽस्तु ते ॥ १ ॥ चन्द्रोदयं कृतवती ताटङ्केन महेश्वरि । आयुर्देहि जगन्मातः अभिरामि नमोऽस्तु ते ॥ २ ॥ सुधाघटेशश्रीकान्ते शरणागतवत्सले । आरोग्यं देहि मे नित्यं अभिरामि नमोऽस्तु ते ॥ ३ ॥ कल्याणि मङ्गलं देहि जगन्मङ्गलकारिणि । ऐश्वर्यं देहि मे नित्यं अभिरामि नमोऽस्तु ते…

|| अखिलाण्डेश्वरी स्तोत्रम् || ओं‍कारार्णवमध्यगे त्रिपथगे ओं‍कारबीजात्मिके ओं‍कारेण सुखप्रदे शुभकरे ओं‍कारबिन्दुप्रिये । ओं‍कारे जगदम्बिके शशिकले ओं‍कारपीठस्थिते दासोऽहं तव पादपद्मयुगलं वन्देऽखिलाण्डेश्वरि ॥ १ ॥ ह्रीं‍कारार्णववर्णमध्यनिलये ह्रीं‍कारवर्णात्मिके । ह्रीं‍काराब्धिसुचारुचान्द्रकधरे ह्रीं‍कारनादप्रिये । ह्रीं‍कारे त्रिपुरेश्वरी सुचरिते ह्रीं‍कारपीठस्थिते दासोऽहं तव पादपद्मयुगलं वन्देऽखिलाण्डेश्वरि ॥ २ ॥ श्रीचक्राङ्कितभूषणोज्ज्वलमुखे श्रीराजराजेश्वरि श्रीकण्ठार्धशरीरभागनिलये श्रीजम्बुनाथप्रिये । श्रीकान्तस्य सहोदरे सुमनसे श्रीबिन्दुपीठप्रिये दासोऽहं तव पादपद्मयुगलं वन्देऽखिलाण्डेश्वरि ॥ ३…

|| अर्धनारीश्वराष्टोत्तरशतनाम स्तोत्रम् || चामुण्डिकाम्बा श्रीकण्ठः पार्वती परमेश्वरः । महाराज्ञी महादेवः सदाराध्या सदाशिवः ॥ १ ॥ शिवार्धाङ्गी शिवार्धाङ्गो भैरवी कालभैरवः । शक्तित्रितयरूपाढ्या मूर्तित्रितयरूपवान् ॥ २ ॥ कामकोटिसुपीठस्था काशीक्षेत्रसमाश्रयः । दाक्षायणी दक्षवैरि शूलिनी शूलधारकः ॥ ३ ॥ ह्रीङ्कारपञ्जरशुकी हरिशङ्कररूपवान् । श्रीमद्गणेशजननी षडाननसुजन्मभूः ॥ ४ ॥ पञ्चप्रेतासनारूढा पञ्चब्रह्मस्वरूपभृत् । चण्डमुण्डशिरश्छेत्री जलन्धरशिरोहरः ॥ ५ ॥ सिंहवाहा वृषारूढः श्यामाभा…

|| श्री शिव स्तोत्रम् (हिमालय कृतम्) || हिमालय उवाच । त्वं ब्रह्मा सृष्टिकर्ता च त्वं विष्णुः परिपालकः । त्वं शिवः शिवदोऽनन्तः सर्वसंहारकारकः ॥ १ ॥ त्वमीश्वरो गुणातीतो ज्योतीरूपः सनातनः । प्रकृतः प्रकृतीशश्च प्राकृतः प्रकृतेः परः ॥ २ ॥ नानारूपविधाता त्वं भक्तानां ध्यानहेतवे । येषु रूपेषु यत्प्रीतिस्तत्तद्रूपं बिभर्षि च ॥ ३ ॥ सूर्यस्त्वं सृष्टिजनक आधारः सर्वतेजसाम्…

|| श्री शिव स्तोत्रम् (वरुण कृतम्) || कल्याणशैलपरिकल्पितकार्मुकाय मौर्वीकृताखिलमहोरगनायकाय । पृथ्वीरधाय कमलापतिसायकाय हालास्यमध्यनिलयाय नमश्शिवाय ॥ १ ॥ भक्तार्तिभञ्जन पराय परात्पराय कालाभ्रकान्ति गरलाङ्कितकन्धराय । भूतेश्वराय भुवनत्रयकारणाय हालास्यमध्यनिलयाय नमश्शिवाय ॥ २ ॥ भूदारमूर्ति परिमृग्य पदाम्बुजाय हंसाब्जसम्भवसुदूर सुमस्तकाय । ज्योतिर्मय स्फुरितदिव्यवपुर्धराय हालास्यमध्यनिलयाय नमश्शिवाय ॥ ३ ॥ कादम्बकानननिवास कुतूहलाय कान्तार्धभाग कमनीयकलेबराय । कालान्तकाय करुणामृतसागराय हालास्यमध्यनिलयाय नमश्शिवाय ॥ ४ ॥…

|| श्री शिव स्तोत्रम् (रतिदेवि कृतम्) || नमश्शिवायास्तु निरामयाय नमश्शिवायास्तु मनोमयाय । नमश्शिवायास्तु सुरार्चिताय तुभ्यं सदा भक्तकृपावराय ॥ १ ॥ नमो भवायास्तु भवोद्भवाय नमोऽस्तु ते ध्वस्तमनोभवाय । नमोऽस्तु ते गूढमहाव्रताय नमस्स्वमायागहनाश्रयाय ॥ २ ॥ नमोऽस्तु शर्वाय नमश्शिवाय नमोऽस्तु सिद्धाय पुरान्तकाय । नमोऽस्तु कालाय नमः कलाय नमोऽस्तु ते ज्ञानवरप्रदाय ॥ ३ ॥ नमोऽस्तु ते कालकलातिगाय नमो…

|| श्री शिव स्तोत्रम् (देवदानव कृतम्) || देवदानवा ऊचुः । नमस्तुभ्यं विरूपाक्ष सर्वतोऽनन्तचक्षुषे । नमः पिनाकहस्ताय वज्रहस्ताय धन्विने ॥ १ ॥ नमस्त्रिशूलहस्ताय दण्डहस्ताय धूर्जटे । नमस्त्रैलोक्यनाथाय भूतग्रामशरीरिणे ॥ २ ॥ नमः सुरारिहन्त्रे च सोमाग्न्यर्काग्र्यचक्षुषे । ब्रह्मणे चैव रुद्राय नमस्ते विष्णुरूपिणे ॥ ३ ॥ ब्रह्मणे वेदरूपाय नमस्ते देवरूपिणे । साङ्ख्ययोगाय भूतानां नमस्ते शम्भवाय ते ॥ ४…