॥ लिङ्गाष्टकम् ॥
ब्रह्ममुरारिसुरार्चितलिङ्गं निर्मलभासितशोभितलिङ्गम् ।
जन्मजदुःखविनाशकलिङ्गं तत् प्रणमामि सदाशिवलिङ्गम् ॥
देवमुनिप्रवरार्चितलिङ्गं कामदहं करुणाकरलिङ्गम् ।
रावणदर्पविनाशनलिङ्गं तत् प्रणमामि सदाशिवलिङ्गम् ॥
सर्वसुगन्धिसुलेपितलिङ्गं बुद्धिविवर्धनकारणलिङ्गम् ।
सिद्धसुरासुरवन्दितलिङ्गं तत् प्रणमामि सदाशिवलिङ्गम् ॥
कनकमहामणिभूषितलिङ्गं फणिपतिवेष्टितशोभितलिङ्गम् ।
दक्षसुयज्ञविनाशनलिङ्गं तत् प्रणमामि सदाशिवलिङ्गम् ॥
कुङ्कुमचन्दनलेपितलिङ्गं पङ्कजहारसुशोभितलिङ्गम् ।
सञ्चितपापविनाशनलिङ्गं तत् प्रणमामि सदाशिवलिङ्गम् ॥
देवगणार्चितसेवितलिङ्गं भावैर्भक्तिभिरेव च लिङ्गम् ।
दिनकरकोटिप्रभाकरलिङ्गं तत् प्रणमामि सदाशिवलिङ्गम् ॥
अष्टदलोपरिवेष्टितलिङ्गं सर्वसमुद्भवकारणलिङ्गम् ।
अष्टदरिद्रविनाशितलिङ्गं तत् प्रणमामि सदाशिवलिङ्गम् ॥
सुरगुरुसुरवरपूजितलिङ्गं सुरवनपुष्पसदार्चितलिङ्गम् ।
परात्परं परमात्मकलिङ्गं तत् प्रणमामि सदाशिवलिङ्गम् ॥
लिङ्गाष्टकमिदं पुण्यं यः पठेत् शिवसन्निधौ।
शिवलोकमवाप्नोति शिवेन सह मोदते॥
- sanskritश्री अघोराष्टकम्
- sanskritश्री अमरनाथाष्टकम्
- assameseশ্ৰী অমৰনাথাষ্টকম্
- bengaliশ্রী অমরনাথাষ্টকম্
- punjabiਸ਼੍ਰੀ ਅਮਰਨਾਥਾਸ਼਼੍ਟਕਮ੍
- malayalamശ്രീ അമരനാഥാഷ്ടകം
- gujaratiશ્રી અમરનાથાષ્ટકમ્
- kannadaಶ್ರೀ ಅಮರನಾಥಾಷ್ಟಕಂ
- teluguశ్రీ అమరనాథాష్టకం
- odiaଶ୍ରୀ ଅମରନାଥାଷ୍ଟକମ୍
- tamilஶ்ரீ அமரநாதா²ஷ்டகம்
- hindiश्री शिवाष्टकम्
- malayalamശ്രീ അഘോരാഷ്ടകം
- kannadaಶ್ರೀ ಅಘೋರಾಷ್ಟಕಂ
- teluguశ్రీ అఘోరాష్టకం
Found a Mistake or Error? Report it Now
