मदन मोहन अष्टकम PDF हिन्दी

Download PDF of Madan Mohan Ashtakam Hindi

जय शङ्खगदाधर नीलकलेवर
पीतपटाम्बर देहि पदम् ।
जय चन्दनचर्चित कुण्डलमण्डित
कौस्तुभशोभित देहि पदम् ॥

जय पङ्कजलोचन मारविमोहन
पापविखण्डन देहि पदम् ।
जय वेणुनिनादक रासविहारक
वङ्किम सुन्दर देहि पदम् ॥

जय धीरधुरन्धर अद्भुतसुन्दर
दैवतसेवित देहि पदम् ।
जय विश्वविमोहन मानसमोहन
संस्थितिकारण देहि पदम् ॥

जय भक्तजनाश्रय नित्यसुखालय
अन्तिमबान्धव देहि पदम् ।
जय दुर्जनशासन केलिपरायण
कालियमर्दन देहि पदम् ॥

जय नित्यनिरामय दीनदयामय
चिन्मय माधव देहि पदम् ।
जय पामरपावन धर्मपरायण
दानवसूदन देहि पदम् ॥

जय वेदविदांवर गोपवधूप्रिय
वृन्दावनधन देहि पदम् ।
जय सत्यसनातन दुर्गतिभञ्जन
सज्जनरञ्जन देहि पदम् ॥

जय सेवकवत्सल करुणासागर
वाञ्छितपूरक देहि पदम् ।
जय पूतधरातल देवपरात्पर
सत्त्वगुणाकर देहि पदम् ॥

जय गोकुलभूषण कंसनिषूदन
सात्वतजीवन देहि पदम् ।
जय योगपरायण संसृतिवारण
ब्रह्मनिरञ्जन देहि पदम् ॥

॥ इति श्रीमदनमोहनाष्टकं सम्पूर्णम् ॥

Stay updated with the latest Hindu Text, updates, and exclusive content. Join our WhatsApp channel now!

READ WITHOUT DOWNLOAD
मदन मोहन अष्टकम

Download this PDF