মহাশাশ্তা অনুগ্রহ কবচম্ PDF বাংলা
Download PDF of Maha Shasta Anugraha Kavacham Bengali
Misc ✦ Kavach (कवच संग्रह) ✦ বাংলা
মহাশাশ্তা অনুগ্রহ কবচম্ বাংলা Lyrics
|| মহাশাশ্তা অনুগ্রহ কবচম্ ||
শ্রীদেব্যুবাচ-
ভগবন্ দেবদেবেশ সর্বজ্ঞ ত্রিপুরাংতক ।
প্রাপ্তে কলিযুগে ঘোরে মহাভূতৈঃ সমাবৃতে ॥ 1
মহাব্যাধি মহাব্যাল ঘোররাজৈঃ সমাবৃতে ।
দুঃস্বপ্নশোকসংতাপৈঃ দুর্বিনীতৈঃ সমাবৃতে ॥ 2
স্বধর্মবিরতেমার্গে প্রবৃত্তে হৃদি সর্বদা ।
তেষাং সিদ্ধিং চ মুক্তিং চ ত্বং মে ব্রূহি বৃষদ্বজ ॥ 3
ঈশ্বর উবাচ-
শৃণু দেবি মহাভাগে সর্বকল্যাণকারণে ।
মহাশাস্তুশ্চ দেবেশি কবচং পুণ্যবর্ধনম্ ॥ 4
অগ্নিস্তংভ জলস্তংভ সেনাস্তংভ বিধাযকম্ ।
মহাভূতপ্রশমনং মহাব্যাধিনিবারণম্ ॥ 5
মহাজ্ঞানপ্রদং পুণ্যং বিশেষাত্ কলিতাপহম্ ।
সর্বরক্ষোত্তমং পুংসাং আযুরারোগ্যবর্ধনম্ ॥ 6
কিমতো বহুনোক্তেন যং যং কামযতে দ্বিজঃ ।
তং তমাপ্নোত্যসংদেহো মহাশাস্তুঃ প্রসাদনাত্ ॥ 7
কবচস্য ঋষির্ব্রহ্মা গাযত্রীঃ ছংদ উচ্যতে ।
দেবতা শ্রীমহাশাস্তা দেবো হরিহরাত্মজঃ ॥ 8
ষডংগমাচরেদ্ভক্ত্যা মাত্রযা জাতিযুক্তযা ।
ধ্যানমস্য প্রবক্ষ্যামি শৃণুষ্বাবহিতা প্রিযে ॥ 9
অস্য শ্রী মহাশাস্তুঃ কবচমংত্রস্য । ব্রহ্মা ঋষিঃ । গাযত্রীঃ ছংদঃ । মহাশাস্তা দেবতা । হ্রাং বীজম্ । হ্রীং শক্তিঃ । হ্রূং কীলকম্ । শ্রী মহাশাস্তুঃ প্রসাদ সিদ্ধ্যর্থে জপে বিনিযোগঃ ॥
হ্রাং ইত্যাদি ষডংগন্যাসঃ ॥
ধ্যানম্-
তেজোমংডলমধ্যগং ত্রিনযনং দিব্যাংবরালংকৃতং
দেবং পুষ্পশরেক্ষুকার্মুক লসন্মাণিক্যপাত্রাঽভযম্ ।
বিভ্রাণং করপংকজৈঃ মদগজ স্কংধাধিরূঢং বিভুং
শাস্তারং শরণং ভজামি সততং ত্রৈলোক্য সংমোহনম্ ॥
মহাশাস্তা শিরঃ পাতু ফালং হরিহরাত্মজঃ ।
কামরূপী দৃশং পাতু সর্বজ্ঞো মে শ্রুতিং সদা ॥ 1
ঘ্রাণং পাতু কৃপাধ্যক্ষঃ মুখং গৌরীপ্রিযঃ সদা ।
বেদাধ্যাযী চ মে জিহ্বাং পাতু মে চিবুকং গুরুঃ ॥ 2
কংঠং পাতু বিশুদ্ধাত্মা স্কংধৌ পাতু সুরার্চিতঃ ।
বাহূ পাতু বিরূপাক্ষঃ করৌ তু কমলাপ্রিযঃ ॥ 3
ভূতাধিপো মে হৃদযং মধ্যং পাতু মহাবলঃ ।
নাভিং পাতু মহাবীরঃ কমলাক্ষোঽবতু কটিম্ ॥ 4
সনীপং পাতু বিশ্বেশঃ গুহ্যং গুহ্যার্থবিত্সদা ।
ঊরূ পাতু গজারূঢঃ বজ্রধারী চ জানুনী ॥ 5
জংঘে পাত্বংকুশধরঃ পাদৌ পাতু মহামতিঃ ।
সর্বাংগং পাতু মে নিত্যং মহামাযাবিশারদঃ ॥ 6
ইতীদং কবচং পুণ্যং সর্বাঘৌঘনিকৃংতনম্ ।
মহাব্যাধিপ্রশমনং মহাপাতকনাশনম্ ॥ 7
জ্ঞানবৈরাগ্যদং দিব্যমণিমাদিবিভূষিতম্ ।
আযুরারোগ্যজননং মহাবশ্যকরং পরম্ ॥ 8
যং যং কামযতে কামং তং তমাপ্নোত্যসংশযঃ ।
ত্রিসংধ্যং যঃ পঠেদ্বিদ্বান্ স যাতি পরমাং গতিম্ ॥
ইতি শ্রী মহাশাস্তা অনুগ্রহ কবচম্ ।
Join HinduNidhi WhatsApp Channel
Stay updated with the latest Hindu Text, updates, and exclusive content. Join our WhatsApp channel now!
Join Nowমহাশাশ্তা অনুগ্রহ কবচম্

READ
মহাশাশ্তা অনুগ্রহ কবচম্
on HinduNidhi Android App
DOWNLOAD ONCE, READ ANYTIME
Your PDF download will start in 15 seconds
CLOSE THIS
