ମହାଶାଶ୍ତା ଅନୁଗ୍ରହ କଵଚମ୍ PDF ଓଡିଆ

|| ମହାଶାଶ୍ତା ଅନୁଗ୍ରହ କଵଚମ୍ ||

ଶ୍ରୀଦେଵ୍ୟୁଵାଚ
ଭଗଵନ୍ ଦେଵଦେଵେଶ ସର୍ଵଜ୍ଞ ତ୍ରିପୁରାଂତକ ।
ପ୍ରାପ୍ତେ କଲିୟୁଗେ ଘୋରେ ମହାଭୂତୈଃ ସମାଵୃତେ ॥ 1

ମହାଵ୍ୟାଧି ମହାଵ୍ୟାଳ ଘୋରରାଜୈଃ ସମାଵୃତେ ।
ଦୁଃସ୍ଵପ୍ନଶୋକସଂତାପୈଃ ଦୁର୍ଵିନୀତୈଃ ସମାଵୃତେ ॥ 2

ସ୍ଵଧର୍ମଵିରତେମାର୍ଗେ ପ୍ରଵୃତ୍ତେ ହୃଦି ସର୍ଵଦା ।
ତେଷାଂ ସିଦ୍ଧିଂ ଚ ମୁକ୍ତିଂ ଚ ତ୍ଵଂ ମେ ବ୍ରୂହି ଵୃଷଦ୍ଵଜ ॥ 3

ଈଶ୍ଵର ଉଵାଚ
ଶୃଣୁ ଦେଵି ମହାଭାଗେ ସର୍ଵକଳ୍ୟାଣକାରଣେ ।
ମହାଶାସ୍ତୁଶ୍ଚ ଦେଵେଶି କଵଚଂ ପୁଣ୍ୟଵର୍ଧନମ୍ ॥ 4

ଅଗ୍ନିସ୍ତଂଭ ଜଲସ୍ତଂଭ ସେନାସ୍ତଂଭ ଵିଧାୟକମ୍ ।
ମହାଭୂତପ୍ରଶମନଂ ମହାଵ୍ୟାଧିନିଵାରଣମ୍ ॥ 5

ମହାଜ୍ଞାନପ୍ରଦଂ ପୁଣ୍ୟଂ ଵିଶେଷାତ୍ କଲିତାପହମ୍ ।
ସର୍ଵରକ୍ଷୋତ୍ତମଂ ପୁଂସାଂ ଆୟୁରାରୋଗ୍ୟଵର୍ଧନମ୍ ॥ 6

କିମତୋ ବହୁନୋକ୍ତେନ ୟଂ ୟଂ କାମୟତେ ଦ୍ଵିଜଃ ।
ତଂ ତମାପ୍ନୋତ୍ୟସଂଦେହୋ ମହାଶାସ୍ତୁଃ ପ୍ରସାଦନାତ୍ ॥ 7

କଵଚସ୍ୟ ଋଷିର୍ବ୍ରହ୍ମା ଗାୟତ୍ରୀଃ ଛଂଦ ଉଚ୍ୟତେ ।
ଦେଵତା ଶ୍ରୀମହାଶାସ୍ତା ଦେଵୋ ହରିହରାତ୍ମଜଃ ॥ 8

ଷଡଂଗମାଚରେଦ୍ଭକ୍ତ୍ୟା ମାତ୍ରୟା ଜାତିୟୁକ୍ତୟା ।
ଧ୍ୟାନମସ୍ୟ ପ୍ରଵକ୍ଷ୍ୟାମି ଶୃଣୁଷ୍ଵାଵହିତା ପ୍ରିୟେ ॥ 9

ଅସ୍ୟ ଶ୍ରୀ ମହାଶାସ୍ତୁଃ କଵଚମଂତ୍ରସ୍ୟ । ବ୍ରହ୍ମା ଋଷିଃ । ଗାୟତ୍ରୀଃ ଛଂଦଃ । ମହାଶାସ୍ତା ଦେଵତା । ହ୍ରାଂ ବୀଜମ୍ । ହ୍ରୀଂ ଶକ୍ତିଃ । ହ୍ରୂଂ କୀଲକମ୍ । ଶ୍ରୀ ମହାଶାସ୍ତୁଃ ପ୍ରସାଦ ସିଦ୍ଧ୍ୟର୍ଥେ ଜପେ ଵିନିୟୋଗଃ ॥

ହ୍ରାଂ ଇତ୍ୟାଦି ଷଡଂଗନ୍ୟାସଃ ॥

ଧ୍ୟାନମ୍
ତେଜୋମଂଡଲମଧ୍ୟଗଂ ତ୍ରିନୟନଂ ଦିଵ୍ୟାଂବରାଲଂକୃତଂ
ଦେଵଂ ପୁଷ୍ପଶରେକ୍ଷୁକାର୍ମୁକ ଲସନ୍ମାଣିକ୍ୟପାତ୍ରାଽଭୟମ୍ ।
ବିଭ୍ରାଣଂ କରପଂକଜୈଃ ମଦଗଜ ସ୍କଂଧାଧିରୂଢଂ ଵିଭୁଂ
ଶାସ୍ତାରଂ ଶରଣଂ ଭଜାମି ସତତଂ ତ୍ରୈଲୋକ୍ୟ ସଂମୋହନମ୍ ॥

ମହାଶାସ୍ତା ଶିରଃ ପାତୁ ଫାଲଂ ହରିହରାତ୍ମଜଃ ।
କାମରୂପୀ ଦୃଶଂ ପାତୁ ସର୍ଵଜ୍ଞୋ ମେ ଶ୍ରୁତିଂ ସଦା ॥ 1

ଘ୍ରାଣଂ ପାତୁ କୃପାଧ୍ୟକ୍ଷଃ ମୁଖଂ ଗୌରୀପ୍ରିୟଃ ସଦା ।
ଵେଦାଧ୍ୟାୟୀ ଚ ମେ ଜିହ୍ଵାଂ ପାତୁ ମେ ଚିବୁକଂ ଗୁରୁଃ ॥ 2

କଂଠଂ ପାତୁ ଵିଶୁଦ୍ଧାତ୍ମା ସ୍କଂଧୌ ପାତୁ ସୁରାର୍ଚିତଃ ।
ବାହୂ ପାତୁ ଵିରୂପାକ୍ଷଃ କରୌ ତୁ କମଲାପ୍ରିୟଃ ॥ 3

ଭୂତାଧିପୋ ମେ ହୃଦୟଂ ମଧ୍ୟଂ ପାତୁ ମହାବଲଃ ।
ନାଭିଂ ପାତୁ ମହାଵୀରଃ କମଲାକ୍ଷୋଽଵତୁ କଟିମ୍ ॥ 4

ସନୀପଂ ପାତୁ ଵିଶ୍ଵେଶଃ ଗୁହ୍ୟଂ ଗୁହ୍ୟାର୍ଥଵିତ୍ସଦା ।
ଊରୂ ପାତୁ ଗଜାରୂଢଃ ଵଜ୍ରଧାରୀ ଚ ଜାନୁନୀ ॥ 5

ଜଂଘେ ପାତ୍ଵଂକୁଶଧରଃ ପାଦୌ ପାତୁ ମହାମତିଃ ।
ସର୍ଵାଂଗଂ ପାତୁ ମେ ନିତ୍ୟଂ ମହାମାୟାଵିଶାରଦଃ ॥ 6

ଇତୀଦଂ କଵଚଂ ପୁଣ୍ୟଂ ସର୍ଵାଘୌଘନିକୃଂତନମ୍ ।
ମହାଵ୍ୟାଧିପ୍ରଶମନଂ ମହାପାତକନାଶନମ୍ ॥ 7

ଜ୍ଞାନଵୈରାଗ୍ୟଦଂ ଦିଵ୍ୟମଣିମାଦିଵିଭୂଷିତମ୍ ।
ଆୟୁରାରୋଗ୍ୟଜନନଂ ମହାଵଶ୍ୟକରଂ ପରମ୍ ॥ 8

ୟଂ ୟଂ କାମୟତେ କାମଂ ତଂ ତମାପ୍ନୋତ୍ୟସଂଶୟଃ ।
ତ୍ରିସଂଧ୍ୟଂ ୟଃ ପଠେଦ୍ଵିଦ୍ଵାନ୍ ସ ୟାତି ପରମାଂ ଗତିମ୍ ॥

ଇତି ଶ୍ରୀ ମହାଶାସ୍ତା ଅନୁଗ୍ରହ କଵଚମ୍ ।