मन्त्रसिद्धिप्रदमहादुर्गाशतनामस्तोत्रम्

|| मन्त्रसिद्धिप्रदमहादुर्गाशतनामस्तोत्रम् ||

ॐ दुर्गा भवानी देवेशी विश्वनाथप्रिया शिवा ।
घोरदंष्ट्राकरालास्या मुण्डमालाविभूषिता ॥ १॥

रुद्राणी तारिणी तारा माहेशी भववल्लभा ।
नारायणी जगद्धात्री महादेवप्रिया जया ॥ २॥

विजया च जयाराध्या शर्वाणी हरवल्लभा ।
असिता चाणिमादेवी लघिमा गरिमा तथा ॥ ३॥

महेशशक्तिर्विश्वेशी गौरी पर्वतनन्दिनी ।
नित्या च निष्कलङ्का च निरीहा नित्यनूतना ॥ ४॥

रक्ता रक्तमुखी वाणी वस्तुयुक्तासमप्रभा ।
यशोदा राधिका चण्डी द्रौपदी रुक्मिणी तथा ॥ ५॥

गुहप्रिया गुहरता गुहवंशविलासिनी ।
गणेशजननी माता विश्वरूपा च जाह्नवी ॥ ६॥

गङ्गा काली च काशी च भैरवी भुवनेश्वरी ।
निर्मला च सुगन्धा च देवकी देवपूजिता ॥ ७॥

दक्षजा दक्षिणा दक्षा दक्षयज्ञविनाशिनी ।
सुशीला सुन्दरी सौम्या मातङ्गी कमलात्मिका ॥ ८॥

निशुम्भनाशिनी शुम्भनाशिनी चण्डनाशिनी ।
धूम्रलोचनसंहारी महिषासुरमर्दिनी ॥ ९॥

उमा गौरी कराला च कामिनी विश्वमोहिनी ।
जगदीशप्रिया जन्मनाशिनी भवनाशिनी ॥ १०॥

घोरवक्त्रा ललज्जिह्वा अट्टहासा दिगम्बरा ।
भारती स्वरगता देवी भोगदा मोक्षदायिनी ॥ ११॥

इत्येवं शतनामानि कथितानि वरानने ।
नामस्मरणमात्रेण जीवन्मुक्तो न संशयः ।
पठित्वा शतनामानि मन्त्रसिद्धिं लभेत् धृवम् ॥ १२॥

इति मन्त्रसिद्धिप्रदमहादुर्गाशतनामस्तोत्रं सम्पूर्णम् ।

• sanskritश्रीशान्तादुर्गास्तोत्रम्
• sanskritश्रीशान्तादुर्गादेविप्रणतिस्तोत्रम्
• sanskritदेवी भुजंग स्तोत्रम्
• sanskritश्रीदुर्गाम्बास्तोत्रम्
• sanskritश्री कनकदुर्गा आनन्दलहरी
• sanskritश्री कालिका अर्गल स्तोत्रम्
• sanskritश्री कालिका कीलक स्तोत्रम्
• sanskritश्री जगद्धात्री स्तोत्रम्
• malayalamആപദുന്മൂലന ദുർഗാ സ്തോത്രം
• teluguఆపదున్మూలన దుర్గా స్తోత్రం
• tamilஆபதுன்மூலன துர்கா ஸ்தோத்திரம்
• kannadaಆಪದುನ್ಮೂಲನ ದುರ್ಗಾ ಸ್ತೋತ್ರ
• hindiआपदुन्मूलन दुर्गा स्तोत्र
• malayalamദുർഗാ ശരണാഗതി സ്തോത്രം
• teluguదుర్గా శరణాగతి స్తోత్రం

Found a Mistake or Error? Report it Now