पार्वतीकृता ४ शिवस्तुतिः

|| पार्वतीकृता ४ शिवस्तुतिः ||

(शिवरहस्यान्तर्गते ईशाख्ये)

पार्वत्युवाच ।

प्रभाकरनिशाकरज्वलनलोचनं शङ्करं
वतंसितसुधाकरं गरधरं च गङ्गाधरम् ।
भजामि च मयस्करं वरगुणौधरत्नाकरं
यमान्धकहरं हरं फणिगणेशहारं शिवम् ॥ ६१॥

अरुणाभरणं महेश शम्भो
शरणं त्वां समुपैमि देव देव ।
करुणावरुणालयोऽसि शम्भो
प्रणमन्तीमभिवीक्ष्य देव पाहि ॥ ६२॥

कुम्भीन्द्रकुम्भस्थितपादपद्मं
मत्तेभकृत्त्यम्बरमाशुतोषम् ।
कुम्भ्यास्यसूनुमथ कुम्भभवादिपूज्यं
कुम्भेश्वरं भवभयापहरं प्रपद्ये ॥ ६३॥

केदारेश महेश शङ्कर विभो काकोदराकल्पक
हे विश्वाधिक शीतदीधिति कलाचूडाल गङ्गाधर ।
गिरिराजशिरोधरैकवास
कृपया पाहि वृषाधिनाथवाह ॥ ६४॥

॥ इति शिवरहस्यान्तर्गते पार्वतीकृता शिवस्तुतिः सम्पूर्णा ॥

Found a Mistake or Error? Report it Now