శారదా స్తుతి

|| శారదా స్తుతి ||

అచలాం సురవరదా చిరసుఖదాం జనజయదాం .

విమలాం పదనిపుణాం పరగుణదాం ప్రియదివిజాం .

శారదాం సర్వదా భజే శారదాం .

సుజపాసుమసదృశాం తనుమృదులాం నరమతిదాం .

మహతీప్రియధవలాం నృపవరదాం ప్రియధనదాం .

శారదాం సర్వదా భజే శారదాం .

సరసీరుహనిలయాం మణివలయాం రసవిలయాం .

శరణాగతవరణాం సమతపనాం వరధిషణాం .

శారదాం సర్వదా భజే శారదాం .

సురచర్చితసగుణాం వరసుగుణాం శ్రుతిగహనాం .

బుధమోదితహృదయాం శ్రితసదయాం తిమిరహరాం .

శారదాం సర్వదా భజే శారదాం .

కమలోద్భవవరణాం రసరసికాం కవిరసదాం .

మునిదైవతవచా స్మృతివినుతాం వసువిసృతాం .

శారదాం సర్వదా భజే శారదాం .

య ఇమం స్తవమనిశం భువి కథయేదథ మతిమాన్ .

లభతే స తు సతతం మతిమపరాం శ్రుతిజనితాం .

శారదాం సర్వదా భజే శారదాం .

Found a Mistake or Error? Report it Now