|| Sri Aditya Stotram 2 (Bhavishya Purane) ||
navagrahāṇāṁ sarvēṣāṁ sūryādīnāṁ pr̥thak pr̥thak |
pīḍā ca dussahā rājan jāyatē satataṁ nr̥ṇām || 1 ||
pīḍānāśāya rājēndra nāmāni śr̥ṇu bhāsvataḥ |
sūryādīnāṁ ca sarvēṣāṁ pīḍā naśyati śr̥ṇvataḥ || 2 ||
ādityaḥ savitā sūryaḥ pūṣārkaḥ śīghragō raviḥ |
bhagastvaṣṭā:’ryamā haṁsō hēlistējōnidhirhariḥ || 3 ||
dinanāthō dinakaraḥ saptasaptiḥ prabhākaraḥ |
vibhāvasurvēdakartā vēdāṅgō vēdavāhanaḥ || 4 ||
haridaśvaḥ kālavaktraḥ karmasākṣī jagatpatiḥ |
padminībōdhakō bhānurbhāskaraḥ karuṇākaraḥ || 5 ||
dvādaśātmā viśvakarmā lōhitāṅgastamōnudaḥ |
jagannāthō:’ravindākṣaḥ kālātmā kaśyapātmajaḥ || 6 ||
bhūtāśrayō grahapatiḥ sarvalōkanamaskr̥taḥ |
japākusumasaṅkāśō bhāsvānaditinandanaḥ || 7 ||
dhvāntēbhasiṁhaḥ sarvātmā lōkanētrō vikartanaḥ |
mārtāṇḍō mihiraḥ sūrastapanō lōkatāpanaḥ || 8 ||
jagatkartā jagatsākṣī śanaiścarapitā jayaḥ |
sahasraraśmistaraṇirbhagavānbhaktavatsalaḥ || 9 ||
vivasvānādidēvaśca dēvadēvō divākaraḥ |
dhanvantarirvyādhihartā dadrukuṣṭhavināśanaḥ || 10 ||
carācarātmā maitrēyō:’mitō viṣṇurvikartanaḥ |
lōkaśōkāpahartā ca kamalākara ātmabhūḥ || 11 ||
nārāyaṇō mahādēvō rudraḥ puruṣa īśvaraḥ |
jīvātmā paramātmā ca sūkṣmātmā sarvatōmukhaḥ || 12 ||
indrō:’nalō yamaścaiva nairr̥tō varuṇō:’nilaḥ |
śrīda īśāna induśca bhaumaḥ saumyō guruḥ kaviḥ || 13 ||
śaurirvidhuntudaḥ kētuḥ kālaḥ kālātmakō vibhuḥ |
sarvadēvamayō dēvaḥ kr̥ṣṇaḥ kāmapradāyakaḥ || 14 ||
ya ētairnāmabhirmartyō bhaktyā stauti divākaram |
sarvapāpavinirmuktaḥ sarvarōgavivarjitaḥ || 15 ||
putravān dhanavān śrīmān jāyatē sa na saṁśayaḥ |
ravivārē paṭhēdyastu nāmānyētāni bhāsvataḥ || 16 ||
pīḍāśāntirbhavēttasya grahāṇāṁ ca viśēṣataḥ |
sadyaḥ sukhamavāpnōti cāyurdīrghaṁ ca nīrujam || 17 ||
iti śrībhaviṣyapurāṇē śrī āditya stōtram ||
Found a Mistake or Error? Report it Now
