ಶ್ರೀ ಅಯ್ಯಪ್ಪ ಷೋಡಶೋಪಚಾರ ಪೂಜಾ

|| ಶ್ರೀ ಅಯ್ಯಪ್ಪ ಷೋಡಶೋಪಚಾರ ಪೂಜಾ ||

ಪುನಃ ಸಙ್ಕಲ್ಪಮ್ –
ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭ ತಿಥೌ ಶ್ರೀ ಪೂರ್ಣಾ ಪುಷ್ಕಲಾಮ್ಬಾ ಸಮೇತ ಹರಿಹರಪುತ್ರ ಅಯ್ಯಪ್ಪ ಸ್ವಾಮಿನಃ ಅನುಗ್ರಹಪ್ರಸಾದ ಸಿದ್ಧ್ಯರ್ಥಂ ಪುರುಷಸೂಕ್ತ ಸಹಿತ ರುದ್ರಸೂಕ್ತ ವಿಧಾನೇನ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನಃ ಪ್ರೀತ್ಯರ್ಥಂ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥

ಪ್ರಾಣಪ್ರತಿಷ್ಠ –
ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷು॒:
ಪುನ॑: ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ ।
ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರ᳚ನ್ತ॒
ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ।
ಅ॒ಮೃತಂ॒ ವೈ ಪ್ರಾ॒ಣಾ ಅ॒ಮೃತ॒ಮಾಪ॑:
ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥
ಆವಾಹಿತೋ ಭವ ಸ್ಥಾಪಿತೋ ಭವ ।
ಸುಪ್ರಸನ್ನೋ ಭವ ವರದೋ ಭವ ॥
ಸ್ವಾಮಿನ್ ಸರ್ವಜಗನ್ನಾಥ ಯಾವತ್ಪೂಜಾಽವಸಾನಕಮ್ ।
ತಾವತ್ತ್ವಂ ಪ್ರೀತಿಭಾವೇನ ಬಿಮ್ಬೇಽಸ್ಮಿನ್ ಸನ್ನಿಧಿಂ ಕುರು ॥

ಧ್ಯಾನಮ್ –
ಆಶ್ಯಾಮಕೋಮಲ ವಿಶಾಲತನುಂ ವಿಚಿತ್ರ-
-ವಾಸೋವಸಾನಮರುಣೋತ್ಪಲ ವಾಮಹಸ್ತಮ್ ।
ಉತ್ತುಙ್ಗರತ್ನಮಕುಟಂ ಕುಟಿಲಾಗ್ರಕೇಶಂ
ಶಾಸ್ತಾರಮಿಷ್ಟವರದಂ ಶರಣಂ ಪ್ರಪದ್ಯೇ ॥
ತೇಜೋಮಣ್ಡಲಮಧ್ಯಗಂ ತ್ರಿನಯನಂ ದಿವ್ಯಾಮ್ಬರಾಲಙ್ಕೃತಂ
ದೇವಂ ಪುಷ್ಪಶರೇಕ್ಷುಕಾರ್ಮುಕಲಸನ್ಮಾಣಿಕ್ಯಪಾತ್ರಾಭಯಮ್ ।
ಬಿಭ್ರಾಣಂ ಕರಪಙ್ಕಜೈರ್ಮದಗಜಸ್ಕನ್ಧಾಧಿರೂಢಂ ವಿಭುಂ
ಶಾಸ್ತಾರಂ ಶರಣಂ ವ್ರಜಾಮಿ ಸತತಂ ತ್ರೈಲೋಕ್ಯಸಮ್ಮೋಹನಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಧ್ಯಾಯಾಮಿ ।

ಆವಾಹನಮ್ –
ಸ॒ಹಸ್ರ॑ಶೀರ್ಷಾ॒ ಪುರು॑ಷಃ ।
ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್ ।
ಸ ಭೂಮಿಂ॑ ವಿ॒ಶ್ವತೋ॑ ವೃ॒ತ್ವಾ ।
ಅತ್ಯ॑ತಿಷ್ಠದ್ದಶಾಙ್ಗು॒ಲಮ್ ॥
ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮ॑: ।
ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತ ತೇ॒ ನಮ॑: ॥
ಭವೋದ್ಭವಂ ಶಿವಾತೀತಂ ಭಾನುಕೋಟಿಸಮಪ್ರಭಮ್ ।
ಆವಾಹಯಾಮಿ ಭೂತೇಶಂ ಭವಾನೀಸುತಮುತ್ತಮಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಆವಾಹಯಾಮಿ ।

ಆಸನಮ್ –
ಪುರು॑ಷ ಏ॒ವೇದಗ್ಂ ಸರ್ವಮ್᳚ ।
ಯದ್ಭೂ॒ತಂ ಯಚ್ಚ॒ ಭವ್ಯಮ್᳚ ।
ಉ॒ತಾಮೃ॑ತ॒ತ್ವಸ್ಯೇಶಾ॑ನಃ ।
ಯ॒ದನ್ನೇ॑ನಾತಿ॒ರೋಹ॑ತಿ ॥
ಯಾ ತ॒ ಇಷು॑: ಶಿ॒ವತ॑ಮಾ ಶಿ॒ವಂ ಬ॒ಭೂವ॑ ತೇ॒ ಧನು॑: ।
ಶಿ॒ವಾ ಶ॑ರ॒ವ್ಯಾ॑ ಯಾ ತವ॒ ತಯಾ॑ ನೋ ರುದ್ರ ಮೃಡಯ ॥
ಅನೇಕಹಾರಸಮ್ಯುಕ್ತಂ ನಾನಾಮಣಿವಿರಾಜಿತಮ್ ।
ರತ್ನಸಿಂಹಾಸನಂ ದೇವ ಪ್ರೀತ್ಯರ್ಥಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಆಸನಂ ಸಮರ್ಪಯಾಮಿ ।

ಪಾದ್ಯಮ್ –
ಏ॒ತಾವಾ॑ನಸ್ಯ ಮಹಿ॒ಮಾ ।
ಅತೋ॒ ಜ್ಯಾಯಾಗ್॑ಶ್ಚ॒ ಪೂರು॑ಷಃ ।
ಪಾದೋ᳚ಽಸ್ಯ॒ ವಿಶ್ವಾ॑ ಭೂ॒ತಾನಿ॑ ।
ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ ॥
ಯಾ ತೇ॑ ರುದ್ರ ಶಿ॒ವಾ ತ॒ನೂರಘೋ॒ರಾಽಪಾ॑ಪಕಾಶಿನೀ ।
ತಯಾ॑ ನಸ್ತ॒ನುವಾ॒ ಶನ್ತ॑ಮಯಾ॒ ಗಿರಿ॑ಶನ್ತಾ॒ಭಿಚಾ॑ಕಶೀಹಿ ॥
ಭೂತನಾಥ ನಮಸ್ತೇಽಸ್ತು ನರಕಾರ್ಣವತಾರಕ ।
ಪಾದ್ಯಂ ಗೃಹಾಣ ದೇವೇಶ ಮಮ ಸೌಖ್ಯಂ ವಿವರ್ಧಯ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।

ಅರ್ಘ್ಯಮ್ –
ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ ।
ಪಾದೋ᳚ಽಸ್ಯೇ॒ಹಾಽಽಭ॑ವಾ॒ತ್ಪುನ॑: ।
ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ ।
ಸಾ॒ಶ॒ನಾ॒ನ॒ಶ॒ನೇ ಅ॒ಭಿ ॥
ಯಾಮಿಷುಂ॑ ಗಿರಿಶನ್ತ॒ ಹಸ್ತೇ॒ ಬಿಭ॒ರ್ಷ್ಯಸ್ತ॑ವೇ ।
ಶಿ॒ವಾಂ ಗಿ॑ರಿತ್ರ॒ ತಾಂ ಕು॑ರು॒ ಮಾ ಹಿಗ್ಂ॑ಸೀ॒: ಪುರು॑ಷಂ॒ ಜಗ॑ತ್ ॥
ಜ್ಯೇಷ್ಠರೂಪ ನಮಸ್ತುಭ್ಯಂ ಭಸ್ಮೋದ್ಧೂಲಿತವಿಗ್ರಹಮ್ ।
ಜೈತ್ರಯಾತ್ರವಿಭೂತ ತ್ವಂ ಗೃಹಾಣಾರ್ಘ್ಯಂ ಮಯಾರ್ಪಿತಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ।

ಆಚಮನೀಯಮ್ –
ತಸ್ಮಾ᳚ದ್ವಿ॒ರಾಡ॑ಜಾಯತ ।
ವಿ॒ರಾಜೋ॒ ಅಧಿ॒ ಪೂರು॑ಷಃ ।
ಸ ಜಾ॒ತೋ ಅತ್ಯ॑ರಿಚ್ಯತ ।
ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ ॥
ಶಿ॒ವೇನ॒ ವಚ॑ಸಾ ತ್ವಾ॒ ಗಿರಿ॒ಶಾಚ್ಛಾ॑ ವದಾಮಸಿ ।
ಯಥಾ॑ ನ॒: ಸರ್ವ॒ಮಿಜ್ಜಗ॑ದಯ॒ಕ್ಷ್ಮಗ್ಂ ಸು॒ಮನಾ॒ ಅಸ॑ತ್ ॥
ಜನಾರ್ದನಾಯ ದೇವಾಯ ಸಮಸ್ತಜಗದಾತ್ಮನೇ ।
ನಿರ್ಮಲಜ್ಞಾನರೂಪಾಯ ಗೃಹಾಣಾಚಮನಂ ವಿಭೋ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಮುಖೇ ಆಚಮನಂ ಸಮರ್ಪಯಾಮಿ ।

ಪಞ್ಚಾಮೃತ ಸ್ನಾನಮ್ –
ಓಂ ಶ್ರೀ ಹರಿಹರಪುತ್ರಾಯ ನಮಃ ಕ್ಷೀರೇಣ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ದಧ್ಯೇನ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ಆಜ್ಯೇನ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ಮಧುನಾ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ಇಕ್ಷುರಸೇನ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ನಾರಿಕೇಲ ಜಲೇನ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ಸೌಗನ್ಧಿಕಾ ಜಲೇನ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ಕರ್ಪೂರಿಕಾ ಜಲೇನ ಸ್ನಪಯಾಮಿ ।
ಓಂ ಶ್ರೀ ಹರಿಹರಪುತ್ರಾಯ ನಮಃ ಗಙ್ಗಾ ಜಲೇನ ಸ್ನಪಯಾಮಿ ।

ಶುದ್ಧೋದಕ ಸ್ನಾನಮ್ –
ಯತ್ಪುರು॑ಷೇಣ ಹ॒ವಿಷಾ᳚ ।
ದೇ॒ವಾ ಯ॒ಜ್ಞಮತ॑ನ್ವತ ।
ವ॒ಸ॒ನ್ತೋ ಅ॑ಸ್ಯಾಸೀ॒ದಾಜ್ಯಮ್᳚ ।
ಗ್ರೀ॒ಷ್ಮ ಇ॒ಧ್ಮಶ್ಶ॒ರದ್ಧ॒ವಿಃ ॥
ಅಧ್ಯ॑ವೋಚದಧಿವ॒ಕ್ತಾ ಪ್ರ॑ಥ॒ಮೋ ದೈವ್ಯೋ॑ ಭಿ॒ಷಕ್ ।
ಅಹೀಗ್ಗ್॑ಶ್ಚ॒ ಸರ್ವಾ᳚ಞ್ಜ॒ಮ್ಭಯ॒ನ್ತ್ಸರ್ವಾ᳚ಶ್ಚ ಯಾತುಧಾ॒ನ್ಯ॑: ॥
ತೀರ್ಥೋದಕೈಃ ಕಾಞ್ಚನಕುಮ್ಭಸಂಸ್ಥೈಃ
ಸುವಾಸಿತೈಃ ದೇವಕೃಪಾರಸಾರ್ದ್ರೈಃ ।
ಮಯಾರ್ಪಿತಂ ಸ್ನಾನವಿಧಿಂ ಗೃಹಾಣ
ಪಾದಾಬ್ಜನಿಷ್ಠ್ಯೂತನದೀಪ್ರವಾಹಃ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ।
ಸ್ನಾನಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।

ವಸ್ತ್ರಮ್ –
ಸ॒ಪ್ತಾಸ್ಯಾ॑ಸನ್ಪರಿ॒ಧಯ॑: ।
ತ್ರಿಃ ಸ॒ಪ್ತ ಸ॒ಮಿಧ॑: ಕೃ॒ತಾಃ ।
ದೇ॒ವಾ ಯದ್ಯ॒ಜ್ಞಂ ತ॑ನ್ವಾ॒ನಾಃ ।
ಅಬ॑ಧ್ನ॒ನ್ಪುರು॑ಷಂ ಪ॒ಶುಮ್ ॥
ಅ॒ಸೌ ಯಸ್ತಾ॒ಮ್ರೋ ಅ॑ರು॒ಣ ಉ॒ತ ಬ॒ಭ್ರುಃ ಸು॑ಮ॒ಙ್ಗಲ॑: ।
ಯೇ ಚೇ॒ಮಾಗ್ಂ ರು॒ದ್ರಾ ಅ॒ಭಿತೋ॑ ದಿ॒ಕ್ಷು ಶ್ರಿ॒ತಾಃ ಸ॑ಹಸ್ರ॒ಶೋಽವೈ॑ಷಾ॒ಗ್ಂ॒ ಹೇಡ॑ ಈಮಹೇ ॥
ವಿದ್ಯುದ್ವಿಲಾಸರಮ್ಯೇನ ಸ್ವರ್ಣವಸ್ತ್ರೇಣಸಮ್ಯುತಮ್ ।
ವಸ್ತ್ರಯುಗ್ಮಂ ಗೃಹಾಣೇದಂ ಭಕ್ತ್ಯಾ ದತ್ತಂ ಮಯಾ ಪ್ರಭೋ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।

ಉಪವೀತಮ್ –
ತಂ ಯ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷನ್॑ ।
ಪುರು॑ಷಂ ಜಾ॒ತಮ॑ಗ್ರ॒ತಃ ।
ತೇನ॑ ದೇ॒ವಾ ಅಯ॑ಜನ್ತ ।
ಸಾ॒ಧ್ಯಾ ಋಷ॑ಯಶ್ಚ॒ ಯೇ ॥
ಅ॒ಸೌ ಯೋ॑ಽವ॒ಸರ್ಪ॑ತಿ॒ ನೀಲ॑ಗ್ರೀವೋ॒ ವಿಲೋ॑ಹಿತಃ ।
ಉ॒ತೈನಂ॑ ಗೋ॒ಪಾ ಅ॑ದೃಶ॒ನ್ನದೃ॑ಶನ್ನುದಹಾ॒ರ್ಯ॑: ।
ಉ॒ತೈನಂ॒ ವಿಶ್ವಾ॑ ಭೂ॒ತಾನಿ॒ ಸ ದೃ॒ಷ್ಟೋ ಮೃ॑ಡಯಾತಿ ನಃ ॥
ರಾಜಿತಂ ಬ್ರಹ್ಮಸೂತ್ರಂ ಚ ಕಾಞ್ಚನಂ ಉತ್ತರೀಯಕಮ್ ।
ಉಪವೀತಂ ಗೃಹಾಣೇದಂ ಭಕ್ತ್ಯಾ ದತ್ತಂ ಮಯಾ ಪ್ರಭೋ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।

ಗನ್ಧಮ್ –
ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತ॑: ।
ಸಮ್ಭೃ॑ತಂ ಪೃಷದಾ॒ಜ್ಯಮ್ ।
ಪ॒ಶೂಗ್ಸ್ತಾಗ್ಶ್ಚ॑ಕ್ರೇ ವಾಯ॒ವ್ಯಾನ್॑ ।
ಆ॒ರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ ॥
ನಮೋ॑ ಅಸ್ತು॒ ನೀಲ॑ಗ್ರೀವಾಯ ಸಹಸ್ರಾ॒ಕ್ಷಾಯ॑ ಮೀ॒ಢುಷೇ᳚ ।
ಅಥೋ॒ ಯೇ ಅ॑ಸ್ಯ॒ ಸತ್ತ್ವಾ॑ನೋ॒ಽಹಂ ತೇಭ್ಯೋ॑ಽಕರಂ॒ ನಮ॑: ॥
ಸರ್ವಭೂತಪ್ರಮಥನ ಸರ್ವಜ್ಞ ಸಕಲೋದ್ಭವ ।
ಸರ್ವಾತ್ಮನ್ ಸರ್ವಭೂತೇಶ ಸುಗನ್ಧಂ ಸಗೃಹಾಣ ಭೋಃ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ದಿವ್ಯಶ್ರೀಚನ್ದನಂ ಸಮರ್ಪಯಾಮಿ ।

ಆಭರಣಮ್ –
ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತ॑: ।
ಋಚ॒: ಸಾಮಾ॑ನಿ ಜಜ್ಞಿರೇ ।
ಛನ್ದಾಗ್ಂ॑ಸಿ ಜಜ್ಞಿರೇ॒ ತಸ್ಮಾ᳚ತ್ ।
ಯಜು॒ಸ್ತಸ್ಮಾ॑ದಜಾಯತ ॥
ಪ್ರ ಮು॑ಞ್ಚ॒ ಧನ್ವ॑ನ॒ಸ್ತ್ವಮು॒ಭಯೋ॒ರಾರ್ತ್ನಿ॑ಯೋ॒ರ್ಜ್ಯಾಮ್ ।
ಯಾಶ್ಚ॑ ತೇ॒ ಹಸ್ತ॒ ಇಷ॑ವ॒: ಪರಾ॒ ತಾ ಭ॑ಗವೋ ವಪ ॥
ಹಿರಣ್ಯಹಾರಕೇಯೂರ ಗ್ರೈವೇಯಮಣಿಕಙ್ಕಣೈಃ ।
ಸುಹಾರಂ ಭೂಷಣೈರ್ಯುಕ್ತಂ ಗೃಹಾಣ ಪುರುಷೋತ್ತಮ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಆಭರಣಂ ಸಮರ್ಪಯಾಮಿ ।

ಅಕ್ಷತಾನ್ –
ಅಕ್ಷತಾನ್ ಧವಲಾನ್ ದಿವ್ಯಾನ್ ಶಾಲೀಯಾಂಸ್ತಣ್ಡುಲಾನ್ ಶುಭಾನ್ ।
ಹರಿದ್ರಾಮಿಶ್ರಿತಾನ್ ತುಭ್ಯಂ ಗೃಹಾಣಾಸುರಸಂಹರ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಅಕ್ಷತಾನ್ ಸಮರ್ಪಯಾಮಿ ।

ಪುಷ್ಪಮ್ –
ತಸ್ಮಾ॒ದಶ್ವಾ॑ ಅಜಾಯನ್ತ ।
ಯೇ ಕೇ ಚೋ॑ಭ॒ಯಾದ॑ತಃ ।
ಗಾವೋ॑ ಹ ಜಜ್ಞಿರೇ॒ ತಸ್ಮಾ᳚ತ್ ।
ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯ॑: ॥
ಅ॒ವ॒ತತ್ಯ॒ ಧನು॒ಸ್ತ್ವಗ್ಂ ಸಹ॑ಸ್ರಾಕ್ಷ॒ ಶತೇ॑ಷುಧೇ ।
ನಿ॒ಶೀರ್ಯ॑ ಶ॒ಲ್ಯಾನಾಂ॒ ಮುಖಾ॑ ಶಿ॒ವೋ ನ॑: ಸು॒ಮನಾ॑ ಭವ ॥
ಅಘೋರಪರಮಪ್ರಖ್ಯ ಅಚಿನ್ತ್ಯಾವ್ಯಕ್ತಲಕ್ಷಣ ।
ಅನನ್ತಾದಿತ್ಯಸಙ್ಕಾಶಂ ಪುಷ್ಪಾಣಿ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಪುಷ್ಪಾಣಿ ಸಮರ್ಪಯಾಮಿ ।

ಅಙ್ಗಪೂಜಾ –
ಓಂ ಧರ್ಮಶಾಸ್ತ್ರೇ ನಮಃ – ಪಾದೌ ಪೂಜಯಾಮಿ ।
ಓಂ ಶಿಲ್ಪಶಾಸ್ತ್ರೇ ನಮಃ – ಗುಲ್ಫೌ ಪೂಜಯಾಮಿ ।
ಓಂ ವೀರಶಾಸ್ತ್ರೇ ನಮಃ – ಜಙ್ಘೇ ಪೂಜಯಾಮಿ ।
ಓಂ ಯೋಗಶಾಸ್ತ್ರೇ ನಮಃ – ಜಾನುನೀಂ ಪೂಜಯಾಮಿ ।
ಓಂ ಮಹಾಶಾಸ್ತ್ರೇ ನಮಃ – ಊರೂಂ ಪೂಜಯಾಮಿ ।
ಓಂ ಬ್ರಹ್ಮಶಾಸ್ತ್ರೇ ನಮಃ – ಕಟಿಂ ಪೂಜಯಾಮಿ ।
ಓಂ ಕಾಲಶಾಸ್ತ್ರೇ ನಮಃ – ಗುಹ್ಯಂ ಪೂಜಯಾಮಿ ।
ಓಂ ಶಬರಿಗಿರೀಶಾಯ ನಮಃ – ಮೇಢ್ರಂ ಪೂಜಯಾಮಿ ।
ಓಂ ಸತ್ಯರೂಪಾಯ ನಮಃ – ನಾಭಿಂ ಪೂಜಯಾಮಿ ।
ಓಂ ಮಣಿಕಣ್ಠಾಯ ನಮಃ – ಉದರಂ ಪೂಜಯಾಮಿ ।
ಓಂ ವಿಷ್ಣುತನಯಾಯ ನಮಃ – ವಕ್ಷಸ್ಥಲಂ ಪೂಜಯಾಮಿ ।
ಓಂ ಶಿವಪುತ್ರಾಯ ನಮಃ – ಪಾರ್ಶ್ವೌ ಪೂಜಯಾಮಿ ।
ಓಂ ಹರಿಹರಪುತ್ರಾಯ ನಮಃ – ಹೃದಯಂ ಪೂಜಯಾಮಿ ।
ಓಂ ತ್ರಿನೇತ್ರಾಯ ನಮಃ – ಕಣ್ಠಂ ಪೂಜಯಾಮಿ ।
ಓಂ ಓಙ್ಕಾರರೂಪಾಯ ನಮಃ – ಸ್ತನೌ ಪೂಜಯಾಮಿ ।
ಓಂ ವರದಹಸ್ತಾಯ ನಮಃ – ಹಸ್ತಾನ್ ಪೂಜಯಾಮಿ ।
ಓಂ ಭೀಮಾಯ ನಮಃ – ಬಾಹೂನ್ ಪೂಜಯಾಮಿ ।
ಓಂ ತೇಜಸ್ವಿನೇ ನಮಃ – ಮುಖಂ ಪೂಜಯಾಮಿ ।
ಓಂ ಅಷ್ಟಮೂರ್ತಯೇ ನಮಃ – ದನ್ತಾನ್ ಪೂಜಯಾಮಿ ।
ಓಂ ಶುಭವೀಕ್ಷಣಾಯ ನಮಃ – ನೇತ್ರೌ ಪೂಜಯಾಮಿ ।
ಓಂ ಕೋಮಲಾಙ್ಗಾಯ ನಮಃ – ಕರ್ಣೌ ಪೂಜಯಾಮಿ ।
ಓಂ ಪಾಪವಿನಾಶಾಯ ನಮಃ – ಲಲಾಟಂ ಪೂಜಯಾಮಿ ।
ಓಂ ಶತ್ರುನಾಶಾಯ ನಮಃ – ನಾಸಿಕಾಂ ಪೂಜಯಾಮಿ ।
ಓಂ ಪುತ್ರಲಾಭಾಯ ನಮಃ – ಚುಬುಕಂ ಪೂಜಯಾಮಿ ।
ಓಂ ಗಜಾಧಿಪಾಯ ನಮಃ – ಓಷ್ಠೌ ಪೂಜಯಾಮಿ ।
ಓಂ ಹರಿಹರಾತ್ಮಜಾಯ ನಮಃ – ಗಣ್ಡಸ್ಥಲಂ ಪೂಜಯಾಮಿ ।
ಓಂ ಗಣೇಶಪೂಜ್ಯಾಯ ನಮಃ – ಕವಚಾನ್ ಪೂಜಯಾಮಿ ।
ಓಂ ಚಿದ್ರೂಪಾಯ ನಮಃ – ಶಿರಃ ಪೂಜಯಾಮಿ ।
ಓಂ ಸರ್ವೇಶಾಯ ನಮಃ – ಸರ್ವಾಣ್ಯಙ್ಗಾನಿ ಪೂಜಯಾಮಿ ।

ಅಷ್ಟೋತ್ತರಶತನಾಮಾವಲೀ –

ಶ್ರೀ ಅಯ್ಯಪ್ಪ ಅಷ್ಟೋತ್ತರ ಶತನಾಮಾವಲೀ ಪಶ್ಯತು ॥

ಧೂಪಮ್ –
ಯತ್ಪುರು॑ಷಂ॒ ವ್ಯ॑ದಧುಃ ।
ಕ॒ತಿ॒ಧಾ ವ್ಯ॑ಕಲ್ಪಯನ್ ।
ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ ।
ಕಾವೂ॒ರೂ ಪಾದಾ॑ವುಚ್ಯೇತೇ ॥
ವಿಜ್ಯಂ॒ ಧನು॑: ಕಪ॒ರ್ದಿನೋ॒ ವಿಶ॑ಲ್ಯೋ॒ ಬಾಣ॑ವಾಗ್ಂ ಉ॒ತ ।
ಅನೇ॑ಶನ್ನ॒ಸ್ಯೇಷ॑ವ ಆ॒ಭುರ॑ಸ್ಯ ನಿಷ॒ಙ್ಗಥಿ॑: ॥
ಧೂಪಂ ನಾನಾಪರಿಮಲಂ ಯಕ್ಷಕರ್ದಮಮಿಶ್ರಿತಮ್ ।
ದಶಾಙ್ಗದ್ರವ್ಯಸಮ್ಯುಕ್ತಂ ಅಙ್ಗೀಕುರು ಮಯಾರ್ಪಿತಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಧೂಪಂ ಆಘ್ರಾಪಯಾಮಿ ।

ದೀಪಮ್ –
ಬ್ರಾ॒ಹ್ಮ॒ಣೋ᳚ಽಸ್ಯ॒ ಮುಖ॑ಮಾಸೀತ್ ।
ಬಾ॒ಹೂ ರಾ॑ಜ॒ನ್ಯ॑: ಕೃ॒ತಃ ।
ಊ॒ರೂ ತದ॑ಸ್ಯ॒ ಯದ್ವೈಶ್ಯ॑: ।
ಪ॒ದ್ಭ್ಯಾಗ್ಂ ಶೂ॒ದ್ರೋ ಅ॑ಜಾಯತ ॥
ಯಾ ತೇ॑ ಹೇ॒ತಿರ್ಮೀ॑ಢುಷ್ಟಮ॒ ಹಸ್ತೇ॑ ಬ॒ಭೂವ॑ ತೇ॒ ಧನು॑: ।
ತಯಾ॒ಽಸ್ಮಾನ್ ವಿ॒ಶ್ವತ॒ಸ್ತ್ವಮ॑ಯ॒ಕ್ಷ್ಮಯಾ॒ ಪರಿ॑ಬ್ಭುಜ ॥
ಘೃತವರ್ತಿಸಮಾಯುಕ್ತಂ ವಹ್ನಿನಾ ಯೋಜಿತಂ ಪ್ರಿಯಮ್ ।
ದೀಪಂ ಗೃಹಾಣ ದೇವೇಶ ತ್ರೈಲೋಕ್ಯತಿಮಿರಾಪಹಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ದೀಪಂ ದರ್ಶಯಾಮಿ ।
ಧೂಪ ದೀಪಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।

ನೈವೇದ್ಯಮ್ –
ಚ॒ನ್ದ್ರಮಾ॒ ಮನ॑ಸೋ ಜಾ॒ತಃ ।
ಚಕ್ಷೋ॒: ಸೂರ್ಯೋ॑ ಅಜಾಯತ ।
ಮುಖಾ॒ದಿನ್ದ್ರ॑ಶ್ಚಾ॒ಗ್ನಿಶ್ಚ॑ ।
ಪ್ರಾ॒ಣಾದ್ವಾ॒ಯುರ॑ಜಾಯತ ॥
ನಮ॑ಸ್ತೇ ಅ॒ಸ್ತ್ವಾಯು॑ಧಾ॒ಯಾನಾ॑ತತಾಯ ಧೃ॒ಷ್ಣವೇ᳚ ।
ಉ॒ಭಾಭ್ಯಾ॑ಮು॒ತ ತೇ॒ ನಮೋ॑ ಬಾ॒ಹುಭ್ಯಾಂ॒ ತವ॒ ಧನ್ವ॑ನೇ ॥
ಸುಗನ್ಧಾನ್ ಸುಕೃತಾಂಶ್ಚೈವ ಮೋದಕಾನ್ ಘೃತ ಪಾಚಿತಾನ್ ।
ನೈವೇದ್ಯಂ ಗೃಹ್ಯತಾಂ ದೇವ ಚಣಮುದ್ಗೈಃ ಪ್ರಕಲ್ಪಿತಾನ್ ॥
ಭಕ್ಷ್ಯಂ ಭೋಜ್ಯಂ ಚ ಲೇಹ್ಯಂ ಚ ಚೋಷ್ಯಂ ಪಾನೀಯಮೇವ ಚ ।
ಇದಂ ಗೃಹಾಣ ನೈವೇದ್ಯಂ ಮಯಾ ದತ್ತಂ ಮಹಾಪ್ರಭೋ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ನೈವೇದ್ಯಂ ಸಮರ್ಪಯಾಮಿ ।

ಓಂ ಭೂರ್ಭುವ॒ಸ್ಸುವ॑: । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ ।
ಧಿಯೋ॒ ಯೋ ನ॑: ಪ್ರಚೋ॒ದಯಾ᳚ತ್ ॥

ಸತ್ಯಂ ತ್ವಾ ಋತೇನ ಪರಿಷಿಞ್ಚಾಮಿ ।
(ಸಾಯಙ್ಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಞ್ಚಾಮಿ)
ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ ।
ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ ।
ಓಂ ವ್ಯಾ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ ।
ಓಂ ಸ॒ಮಾ॒ನಾಯ॒ ಸ್ವಾಹಾ᳚ ।
ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ ।
ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ ।
ಹಸ್ತೌ ಪ್ರಕ್ಷಾಲಯಾಮಿ । ಪಾದೌ ಪ್ರಕ್ಷಾಲಯಾಮಿ ।
ಶುದ್ಧಾಚಮನೀಯಂ ಸಮರ್ಪಯಾಮಿ ।

ತಾಮ್ಬೂಲಮ್ –
ನಾಭ್ಯಾ॑ ಆಸೀದ॒ನ್ತರಿ॑ಕ್ಷಮ್ ।
ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ ।
ಪ॒ದ್ಭ್ಯಾಂ ಭೂಮಿ॒ರ್ದಿಶ॒: ಶ್ರೋತ್ರಾ᳚ತ್ ।
ತಥಾ॑ ಲೋ॒ಕಾಗ್ಂ ಅ॑ಕಲ್ಪಯನ್ ॥
ಪರಿ॑ ತೇ॒ ಧನ್ವ॑ನೋ ಹೇ॒ತಿರ॒ಸ್ಮಾನ್ವೃ॑ಣಕ್ತು ವಿ॒ಶ್ವತ॑: ।
ಅಥೋ॒ ಯ ಇ॑ಷು॒ಧಿಸ್ತವಾ॒ರೇ ಅ॒ಸ್ಮನ್ನಿ ಧೇ॑ಹಿ॒ ತಮ್ ॥
ಪೂಗೀಫಲೈಃ ಸಕರ್ಪೂರೈಃ ನಾಗವಲ್ಲೀದಲೈರ್ಯುತಮ್ ।
ಮುಕ್ತಾಚೂರ್ಣಸಮಾಯುಕ್ತಂ ತಾಮ್ಬೂಲಂ ಪ್ರತಿಗೃಹ್ಯತಾಮ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ತಾಮ್ಬೂಲಂ ಸಮರ್ಪಯಾಮಿ ।

ನೀರಾಜನಮ್ –
ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾನ್ತ᳚ಮ್ ।
ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ ।
ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರ॑: ।
ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒ ಯದಾಸ್ತೇ᳚ ॥
ನಮ॑ಸ್ತೇ ಅಸ್ತು ಭಗವನ್ವಿಶ್ವೇಶ್ವ॒ರಾಯ॑ ಮಹಾದೇ॒ವಾಯ॑
ತ್ರ್ಯಮ್ಬ॒ಕಾಯ॑ ತ್ರಿಪುರಾನ್ತ॒ಕಾಯ॑ ತ್ರಿಕಾಗ್ನಿಕಾ॒ಲಾಯ॑
ಕಾಲಾಗ್ನಿರು॒ದ್ರಾಯ॑ ನೀಲಕ॒ಣ್ಠಾಯ॑ ಮೃತ್ಯುಞ್ಜ॒ಯಾಯ॑
ಸರ್ವೇಶ್ವ॒ರಾಯ॑ ಸದಾಶಿ॒ವಾಯ॑ ಶ್ರೀಮನ್ಮಹಾದೇ॒ವಾಯ॒ ನಮ॑: ॥
ಚತುರ್ವರ್ತಿಸಮಾಯುಕ್ತಂ ಘೃತೇನ ಚ ಸುಪೂರಿತಮ್ ।
ನೀರಾಜನಂ ಗೃಹಾಣೇದಂ ಭೂತನಾಥ ಜಗತ್ಪತೇ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ನೀರಾಜನಂ ಸಮರ್ಪಯಾಮಿ ।
ನೀರಜನಾನನ್ತರಂ ಶುದ್ಧಾಚಮನೀಯಂ ಸಮರ್ಪಯಾಮಿ ।

ಮನ್ತ್ರಪುಷ್ಪಮ್ –
ಧಾ॒ತಾ ಪು॒ರಸ್ತಾ॒ದ್ಯಮು॑ದಾಜ॒ಹಾರ॑ ।
ಶ॒ಕ್ರಃ ಪ್ರವಿ॒ದ್ವಾನ್ಪ್ರ॒ದಿಶ॒ಶ್ಚತ॑ಸ್ರಃ ।
ತಮೇ॒ವಂ ವಿ॒ದ್ವಾನ॒ಮೃತ॑ ಇ॒ಹ ಭ॑ವತಿ ।
ನಾನ್ಯಃ ಪನ್ಥಾ॒ ಅಯ॑ನಾಯ ವಿದ್ಯತೇ ॥
ಯೋ ರು॒ದ್ರೋ ಅ॒ಗ್ನೌ ಯೋ ಅ॒ಪ್ಸು ಯ ಓಷ॑ಧೀಷು॒ ಯೋ ರು॒ದ್ರೋ
ವಿಶ್ವಾ॒ಭುವ॑ನಾಽಽವಿ॒ವೇಶ॒ ತಸ್ಮೈ॑ ರು॒ದ್ರಾಯ॒ ನಮೋ॑ ಅಸ್ತು ॥
ಓಂ ಹ್ರೀಂ ಹರಿಹರಪುತ್ರಾಯ ಪುತ್ರಲಾಭಾಯ ಶತ್ರುನಾಶಾಯ ಮದಗಜವಾಹಾಯ ಮಹಾಶಾಸ್ತ್ರೇ ನಮಃ ।
ಓಂ ಭೂತನಾಥಾಯ ವಿದ್ಮಹೇ ಭವಪುತ್ರಾಯ ಧೀಮಹಿ ।
ತನ್ನಃ ಶಾಸ್ತಾ ಪ್ರಚೋದಯಾತ್ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಮನ್ತ್ರಪುಷ್ಪಂ ಸಮರ್ಪಯಾಮಿ ।

ಪ್ರದಕ್ಷಿಣಮ್ –
ಯಾನಿಕಾನಿ ಚ ಪಾಪಾನಿ ಜನ್ಮಾನ್ತರಕೃತಾನಿ ಚ ।
ತಾನಿ ತಾನಿ ಪ್ರಣಶ್ಯನ್ತಿ ಪ್ರದಕ್ಷಿಣ ಪದೇ ಪದೇ ॥
ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಮ್ಭವಃ ।
ತ್ರಾಹಿ ಮಾಂ ಕೃಪಯಾ ದೇವ ಶರಣಾಗತವತ್ಸಲ ॥
ಅನ್ಯಧಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ ।
ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ಹರಿಹರಾತ್ಮಜಾ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನೇ ನಮಃ ಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।

ನಮಸ್ಕಾರಮ್ –
ಓಂ ರತ್ನಾಭಂ ಸುಪ್ರಸನ್ನಂ ಶಶಿಧರಮಕುಟಂ ರತ್ನಭೂಷಾಭಿರಾಮಂ
ಶೂಲಕೇಲಂ ಕಪಾಲಂ ಶರಮುಸಲಧನುರ್ಬಾಹು ಸಙ್ಕೇತಧಾರಮ್ ।
ಮತ್ತೇಭಾರೂಢಂ ಆದ್ಯಂ ಹರಿಹರತನಯಂ ಕೋಮಲಾಙ್ಗಂ ದಯಾಲುಂ
ವಿಶ್ವೇಶಂ ಭಕ್ತವನ್ದ್ಯಂ ಶತಜನವರದಂ ಗ್ರಾಮಪಾಲಂ ನಮಾಮಿ ॥

ಶರಣು ಘೋಷ –

ಶ್ರೀ ಅಯ್ಯಪ್ಪ ಶರಣುಘೋಷ ಪಶ್ಯತು ॥

ಶರಣು ಪ್ರಾರ್ಥನ –

॥ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಭೂತನಾಥ ಸದಾನನ್ದ ಸರ್ವಭೂತದಯಾಪರಾ ।
ರಕ್ಷ ರಕ್ಷ ಮಹಾಬಾಹೋ ಶಾಸ್ತಾರಂ ಪ್ರಣಮಾಮ್ಯಹಮ್ ॥ ೧ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಲೋಕವೀರಂ ಮಹಾಪೂಜ್ಯಂ ಸರ್ವರಕ್ಷಾಕರಂ ವಿಭುಮ್ ।
ಪಾರ್ವತೀ ಹೃದಯಾನನ್ದಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ ೨ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ವಿಪ್ರಪೂಜ್ಯಂ ವಿಶ್ವವನ್ದ್ಯಂ ವಿಷ್ಣುಶಮ್ಭೋಃ ಪ್ರಿಯಂ ಸುತಮ್ ।
ಕ್ಷಿಪ್ರಪ್ರಸಾದನಿರತಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ ೩ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಮತ್ತಮಾತಙ್ಗಗಮನಂ ಕಾರುಣ್ಯಾಮೃತಪೂರಿತಮ್ ।
ಸರ್ವವಿಘ್ನಹರಂ ದೇವಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ ೪ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಅಸ್ಮತ್ಕುಲೇಶ್ವರಂ ದೇವಂ ಅಸ್ಮಚ್ಛತ್ರು ವಿನಾಶನಮ್ ।
ಅಸ್ಮದಿಷ್ಟಪ್ರದಾತಾರಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ ೫ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಪಾಣ್ಡ್ಯೇಶವಂಶತಿಲಕಂ ಕೇರಲೇ ಕೇಲಿವಿಗ್ರಹಮ್ । [ಭಾರತೀ]
ಆರ್ತತ್ರಾಣಪರಂ ದೇವಂ ಶಾಸ್ತಾರಂ ಪ್ರಣಮಾಮ್ಯಹಮ್ ॥ ೬ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಪಞ್ಚರತ್ನಾಖ್ಯಮೇತದ್ಯೋ ನಿತ್ಯಂ ಶುದ್ಧಃ ಪಠೇನ್ನರಃ ।
ತಸ್ಯ ಪ್ರಸನ್ನೋ ಭಗವಾನ್ ಶಾಸ್ತಾ ವಸತಿ ಮಾನಸೇ ॥ ೭ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಅರುಣೋದಯ ಸಙ್ಕಾಶಂ ನೀಲಕುಣ್ಡಲಧಾರಿಣಮ್ ।
ನೀಲಾಮ್ಬರಧರಂ ದೇವಂ ವನ್ದೇಽಹಂ ಬ್ರಹ್ಮನನ್ದನಮ್ ॥ ೮ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಚಾಪಬಾಣಂ ವಾಮಹಸ್ತೇ ರೌಪ್ಯವೇತ್ರಂ ಚ ದಕ್ಷಿಣೇ ।
ವಿಲಸತ್ಕುಣ್ಡಲಧರಂ ದೇವಂ ವನ್ದೇಽಹಂ ವಿಷ್ಣುನನ್ದನಮ್ ॥ ೯ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ವ್ಯಾಘ್ರಾರೂಢಂ ರಕ್ತನೇತ್ರಂ ಸ್ವರ್ಣಮಾಲಾ ವಿಭೂಷಣಮ್ ।
ವೀರಪಟ್ಟಧರಂ ದೇವಂ ವನ್ದೇಽಹಂ ಶಮ್ಭುನನ್ದನಮ್ ॥ ೧೦ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಕಿಙ್ಕಿಣ್ಯೋಢ್ಯಾಣ ಭೂಪೇತಂ ಪೂರ್ಣಚನ್ದ್ರನಿಭಾನನಮ್ ।
ಕಿರಾತರೂಪ ಶಾಸ್ತಾರಂ ವನ್ದೇಽಹಂ ಪಾಣ್ಡ್ಯನನ್ದನಮ್ ॥ ೧೧ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಭೂತಭೇತಾಲಸಂಸೇವ್ಯಂ ಕಾಞ್ಚನಾದ್ರಿ ನಿವಾಸಿನಮ್ ।
ಮಣಿಕಣ್ಠಮಿತಿ ಖ್ಯಾತಂ ವನ್ದೇಽಹಂ ಶಕ್ತಿನನ್ದನಮ್ ॥ ೧೨ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಯಸ್ಯ ಧನ್ವನ್ತರೀ ಮಾತ ಪಿತಾ ರುದ್ರೋಭಿಷಕ್ ನಮಃ ।
ತ್ವಂ ಶಾಸ್ತಾರಮಹಂ ವನ್ದೇ ಮಹಾವೈದ್ಯಂ ದಯಾನಿಧಿಮ್ ॥ ೧೩ ॥
ಓಂ ಶ್ರೀ ಸ್ವಾಮಿಯೇ ಶರಣಂ ಅಯ್ಯಪ್ಪ ॥

ಶಬರಿ ಪರ್ವತೇ ಪೂಜ್ಯಂ ಶಾನ್ತಮಾನಸಸಂಸ್ಥಿತಮ್ ।
ಭಕ್ತೌಘ ಪಾಪಹನ್ತಾರಂ ಅಯ್ಯಪ್ಪನ್ ಪ್ರಣಮಾಮ್ಯಹಮ್ ॥ ೧೪ ॥

ಸ್ಮರಣ –
ಸ್ವಾಮಿ ಶರಣಮ್ – ಅಯ್ಯಪ್ಪ ಶರಣಂ
ಭಗವಾನ್ ಶರಣಮ್ – ಭಗವತಿ ಶರಣಂ
ದೇವನ್ ಶರಣಮ್ – ದೇವೀ ಶರಣಂ
ದೇವನ್ ಪಾದಮ್ – ದೇವೀ ಪಾದಂ
ಸ್ವಾಮಿ ಪಾದಮ್ – ಅಯ್ಯಪ್ಪ ಪಾದಂ
ಭಗವಾನೇ – ಭಗವತಿಯೇ
ಈಶ್ವರನೇ – ಈಶ್ವರಿಯೇ
ದೇವನೇ – ದೇವಿಯೇ
ಶಕ್ತನೇ – ಶಕ್ತಿಯೇ
ಸ್ವಾಮಿಯೇ – ಅಯ್ಯಪ್ಪೋ
ಪಲ್ಲಿಕಟ್ಟು – ಶಬರಿಮಲೈಕ್ಕು
ಇರುಮುಡಿಕಟ್ಟು – ಶಬರಿಮಲೈಕ್ಕು
ಕತ್ತುಙ್ಕಟ್ಟು – ಶಬರಿಮಲೈಕ್ಕು
ಕಲ್ಲುಂಮುಲ್ಲುಮ್ – ಕಾಲಿಕಿಮೇತ್ತೈ
ಏತ್ತಿವಿಡಯ್ಯಾ – ತೂಕಿಕ್ಕವಿಡಯ್ಯಾ
ದೇಹಬಲನ್ದಾ – ಪಾದಬಲನ್ದಾ
ಯಾರೈಕಾನ – ಸ್ವಾಮಿಯೈಕಾನ
ಸ್ವಾಮಿಯೈಕಣ್ಡಾಲ್ – ಮೋಕ್ಷಙ್ಕಿಟ್ಟುಂ
ಸ್ವಾಮಿಮಾರೇ – ಅಯ್ಯಪ್ಪಮಾರೇ
ನೇಯ್ಯಾಭಿಷೇಕಮ್ – ಸ್ವಾಮಿಕ್ಕೇ
ಕರ್ಪೂರದೀಪಮ್ – ಸ್ವಾಮಿಕ್ಕೇ
ಪಾಲಾಭಿಷೇಕಮ್ – ಸ್ವಾಮಿಕ್ಕೇ
ಭಸ್ಮಾಭಿಷೇಕಮ್ – ಸ್ವಾಮಿಕ್ಕೇ
ತೇನಾಭಿಷೇಕಮ್ – ಸ್ವಾಮಿಕ್ಕೇ
ಚನ್ದನಾಭಿಷೇಕಮ್ – ಸ್ವಾಮಿಕ್ಕೇ
ಪೂಲಾಭಿಷೇಕಮ್ – ಸ್ವಾಮಿಕ್ಕೇ
ಪನ್ನೀರಾಭಿಷೇಕಮ್ – ಸ್ವಾಮಿಕ್ಕೇ
ಪಮ್ಬಾಶಿಶುವೇ – ಅಯ್ಯಪ್ಪಾ
ಕಾನನವಾಸಾ – ಅಯ್ಯಪ್ಪಾ
ಶಬರಿಗಿರೀಶಾ – ಅಯ್ಯಪ್ಪಾ
ಪನ್ದಲರಾಜಾ – ಅಯ್ಯಪ್ಪಾ
ಪಮ್ಬಾವಾಸಾ – ಅಯ್ಯಪ್ಪಾ
ವನ್ಪುಲಿವಾಹನ – ಅಯ್ಯಪ್ಪಾ
ಸುನ್ದರರೂಪಾ – ಅಯ್ಯಪ್ಪಾ
ಷಣ್ಮುಗಸೋದರ – ಅಯ್ಯಪ್ಪಾ
ಮೋಹಿನಿತನಯಾ – ಅಯ್ಯಪ್ಪಾ
ಗಣೇಶಸೋದರ – ಅಯ್ಯಪ್ಪಾ
ಹರಿಹರತನಯಾ – ಅಯ್ಯಪ್ಪಾ
ಅನಾಧರಕ್ಷಕ – ಅಯ್ಯಪ್ಪಾ
ಸದ್ಗುರುನಾಥಾ – ಅಯ್ಯಪ್ಪಾ
ಸ್ವಾಮಿಯೇ – ಅಯ್ಯಪ್ಪೋ
ಅಯ್ಯಪ್ಪೋ – ಸ್ವಾಮಿಯೇ
ಸ್ವಾಮಿ ಶರಣಮ್ – ಅಯ್ಯಪ್ಪ ಶರಣಂ

ಮಙ್ಗಲಮ್ –
ಶಙ್ಕರಾಯ ಶಙ್ಕರಾಯ ಶಙ್ಕರಾಯ ಮಙ್ಗಲಮ್ ।
ಶಾಙ್ಕರೀ ಮನೋಹರಾಯ ಶಾಶ್ವತಾಯ ಮಙ್ಗಲಮ್ ॥
ಗುರುವರಾಯ ಮಙ್ಗಲಂ ದತ್ತಾತ್ರೇಯ ಮಙ್ಗಲಮ್ ।
ರಾಜಾ ರಾಮ ಮಙ್ಗಲಂ ರಾಮಕೃಷ್ಣ ಮಙ್ಗಲಮ್ ॥
ಅಯ್ಯಪ್ಪ ಮಙ್ಗಲಂ ಮಣಿಕಣ್ಠ ಮಙ್ಗಲಮ್ ।
ಶಬರೀಶ ಮಙ್ಗಲಂ ಶಾಸ್ತಾಯ ಮಙ್ಗಲಮ್ ॥
ಮಙ್ಗಲಂ ಮಙ್ಗಲಂ ನಿತ್ಯ ಜಯ ಮಙ್ಗಲಮ್ ।
ಮಙ್ಗಲಂ ಮಙ್ಗಲಂ ನಿತ್ಯ ಶುಭ ಮಙ್ಗಲಮ್ ॥

ಪ್ರಾರ್ಥನ –
ಅರಿಞ್ಜುಂ ಅರಿಯಾಮಲುಂ ತೇರಿಞ್ಜುಂ ತೇರಿಯಾಮಲುಂ
ನಾನ್ ಚೇಯ್ಯಿಂ ಏಲ್ಲಾಪಾವಙ್ಗಲೈ ಪೋರುತ್ತು ಕಾತ್ತುರಕ್ಷಿಕ್ಕುಂ
ಸತ್ಯಮಾನ ಪೋನ್ನುಂ ಪದಿನೇಟ್ಟಾಂ ಪಡಿಯೇಲ್ ಪಸಿಕ್ಕುಂ
ವಿಲ್ಲಾಲಿ ವೀರನ್ ವೀರಮಣಿಕಣ್ಠನ್ ಕಾಶೀ ರಾಮೇಶ್ವರಂ
ಪಾಣ್ಡಿ ಮಲಯಾಲಮ್ ಅಕ್ಕಿಯಾಲಂ
ಓಂ ಶ್ರೀ ಹರಿಹರ ಸುತನ್
ಆನನ್ದ ಚಿತ್ತನ್ ಅಯ್ಯನಯ್ಯಪ್ಪನ್
ಸ್ವಾಮಿಯೇ ಶರಣಂ ಅಯ್ಯಪ್ಪ

ಕ್ಷಮಾಪ್ರಾರ್ಥನ –
ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು ।
ನ್ಯೂನಂ ಸಮ್ಪೂರ್ಣತಾಂ ಯಾತಿ ಸದ್ಯೋ ವನ್ದೇ ತಮಚ್ಯುತಮ್ ॥
ಮನ್ತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಹರಾತ್ಮಜ ।
ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ॥

ಅನಯಾ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಕಃ ಹರಿಹರಪುತ್ರ ಶ್ರೀ ಅಯ್ಯಪ್ಪ ಸ್ವಾಮಿ ಸುಪ್ರೀತೋ ಸುಪ್ರಸನ್ನೋ ವರದೋ ಭವತು ॥

ಶ್ರೀ ಅಯ್ಯಪ್ಪ ಸ್ವಾಮಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥

ಉದ್ವಾಸನಮ್ –
ಯ॒ಜ್ಞೇನ॑ ಯ॒ಜ್ಞಮ॑ಯಜನ್ತ ದೇ॒ವಾಃ ।
ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ ।
ತೇ ಹ॒ ನಾಕಂ॑ ಮಹಿ॒ಮಾನ॑: ಸಚನ್ತೇ ।
ಯತ್ರ॒ ಪೂರ್ವೇ॑ ಸಾ॒ಧ್ಯಾಃ ಸನ್ತಿ॑ ದೇ॒ವಾಃ ॥
ಓಂ ಶ್ರೀಹರಿಹರಪುತ್ರ ಅಯ್ಯಪ್ಪ ಸ್ವಾಮಿನಂ ಯಥಾಸ್ಥಾನಂ ಪ್ರವೇಶಯಾಮಿ ।

ಹರಿವರಾಸನಮ್ – (ರಾತ್ರಿ ಪೂಜ ಅನನ್ತರಂ)

ಹರಿವರಾಸನಂ ಪಶ್ಯತು ॥

ಸರ್ವಂ ಶ್ರೀ ಅಯ್ಯಪ್ಪಸ್ವಾಮಿ ಪಾದಾರ್ಪಣಮಸ್ತು ।

ಓಂ ಶಾನ್ತಿ॒: ಶಾನ್ತಿ॒: ಶಾನ್ತಿ॑: ॥

Found a Mistake or Error? Report it Now