శ్రీ భానువినాయక స్తోత్రం PDF తెలుగు

శ్రీ భానువినాయక స్తోత్రం తెలుగు Lyrics

|| శ్రీ భానువినాయక స్తోత్రం (Bhanu Vinayaka Stotram Telugu PDF) ||

అరుణ ఉవాచ |

నమస్తే గణనాథాయ తేజసాం పతయే నమః |
అనామయాయ దేవేశ ఆత్మనే తే నమో నమః || ౧ ||

బ్రహ్మణాం పతయే తుభ్యం జీవానాం పతయే నమః |
ఆఖువాహనగాయైవ సప్తాశ్వాయ నమో నమః || ౨ ||

స్వానందవాసినే తుభ్యం సౌరలోకనివాసినే |
చతుర్భుజధరాయైవ సహస్రకిరణాయ చ || ౩ ||

సిద్ధిబుద్ధిపతే తుభ్యం సంజ్ఞానాథాయ తే నమః |
విఘ్నహంత్రే తమోహంత్రే హేరంబాయ నమో నమః || ౪ ||

అనంతవిభవాయైవ నామరూపప్రధారిణే |
మాయాచాలక సర్వేశ సర్వపూజ్యాయ తే నమః || ౫ ||

గ్రహరాజాయ దీప్తీనాం దీప్తిదాయ యశస్వినే |
గణేశాయ పరేశాయ విఘ్నేశాయ నమో నమః || ౬ ||

వివస్వతే భానవే తే రవయే జ్యోతిషాం పతే |
లంబోదరైకదంతాయ మహోత్కటాయ తే నమః || ౭ ||

యః సూర్యో వికటః సోఽపి న భేదో దృశ్యతే కదా |
భక్తిం దేహి గజాస్య త్వం త్వదీయాం మే నమో నమః || ౮ ||

కిం స్తౌమి త్వాం గణాధీశ యోగాకారస్వరూపిణమ్ |
చతుర్ధా భజ్య స్వాత్మానం ఖేలసి త్వం న సంశయః || ౯ ||

ఏవం స్వస్య స్తుతిం శ్రుత్వా వికటో రూపమాదధే |
వామాంగే సంజ్ఞయా యుక్తం గజవక్త్రాదిచిహ్నితమ్ || ౧౦ ||

తం దృష్ట్వా ప్రణనామాథానూరుర్హర్షసమన్వితః |
తం జగాద గణాధీశో వరం వృణు హృదీప్సితమ్ || ౧౧ ||

త్వయా కృతమిదం స్తోత్రం సర్వసిద్ధిప్రదాయకమ్ |
భవిష్యతి న సందేహశ్చింతితం స లభేత్ పరమ్ || ౧౨ ||

శృణుయాద్వా జపేద్వాఽపి తస్య కించిన్న దుర్లభమ్ |
భవిష్యతి మహాపక్షిన్ మమ సంతోషకారకమ్ || ౧౩ ||

ఇతి శ్రీమన్ముద్గలే మహాపురాణే షష్ఠే ఖండే అరుణ కృత శ్రీ భానువినాయక స్తోత్రమ్ ||