|| శ్రీ భాస్కరాష్టకం ||
శ్రీపద్మినీశమరుణోజ్జ్వలకాంతిమంతం
మౌనీంద్రవృందసురవందితపాదపద్మమ్ |
నీరేజసంభవముకుందశివస్వరూపం
శ్రీభాస్కరం భువనబాంధవమాశ్రయామి || ౧ ||
మార్తాండమీశమఖిలాత్మకమంశుమంత-
-మానందరూపమణిమాదికసిద్ధిదం చ |
ఆద్యంతమధ్యరహితం చ శివప్రదం త్వాం
శ్రీభాస్కరం నతజనాశ్రయమాశ్రయామి || ౨ ||
సప్తాశ్వమభ్రమణిమాశ్రితపారిజాతం
జాంబూనదాభమతినిర్మలదృష్టిదం చ |
దివ్యాంబరాభరణభూషితచారుమూర్తిం
శ్రీభాస్కరం గ్రహగణాధిపమాశ్రయామి || ౩ ||
పాపార్తిరోగభయదుఃఖహరం శరణ్యం
సంసారగాఢతమసాగరతారకం చ |
హంసాత్మకం నిగమవేద్యమహస్కరం త్వాం
శ్రీభాస్కరం కమలబాంధవమాశ్రయామి || ౪ ||
ప్రత్యక్షదైవమచలాత్మకమచ్యుతం చ
భక్తప్రియం సకలసాక్షిణమప్రమేయమ్ |
సర్వాత్మకం సకలలోకహరం ప్రసన్నం
శ్రీభాస్కరం జగదధీశ్వరమాశ్రయామి || ౫ ||
జ్యోతిస్వరూపమఘసంచయనాశకం చ |
తాపత్రయాంతకమనంతసుఖప్రదం చ |
కాలాత్మకం గ్రహగణేన సుసేవితం చ |
శ్రీభాస్కరం భువనరక్షకమాశ్రయామి || ౬ ||
సృష్టిస్థితిప్రళయకారణమీశ్వరం చ
దృష్టిప్రదం పరమతుష్టిదమాశ్రితానామ్ |
ఇష్టార్థదం సకలకష్టనివారకం చ
శ్రీభాస్కరం మృగపతీశ్వరమాశ్రయామి || ౭ ||
ఆదిత్యమార్తజనరక్షకమవ్యయం చ
ఛాయాధవం కనకరేతసమగ్నిగర్భమ్ |
సూర్యం కృపాలుమఖిలాశ్రయమాదిదేవం
లక్ష్మీనృసింహకవిపాలకమాశ్రయామి || ౮ ||
శ్రీభాస్కరాష్టకమిదం పరమం పవిత్రం
యత్ర శ్రుతం చ పఠితం సతతం స్మృతం చ |
తత్ర స్థిరాణి కమలాప్తకృపావిలాసై-
-ర్దీర్ఘాయురర్థబలవీర్యసుతాదికాని || ౯ ||
ఇతి శ్రీ భాస్కరాష్టకమ్ |
Found a Mistake or Error? Report it Now
