|| Sri Dakshina Kali Kavacham 2 ||
kailāsaśikharārūḍhaṁ bhairavaṁ candraśēkharam |
vakṣaḥsthalē samāsīnā bhairavī paripr̥cchati || 1 ||
śrībhairavyuvāca |
dēvēśa paramēśāna lōkānugrahakārakaḥ |
kavacaṁ sūcitaṁ pūrvaṁ kimarthaṁ na prakāśitam || 2 ||
yadi mē mahatī prītistavāsti kula bhairava |
kavacaṁ kālikā dēvyāḥ kathayasvānukampayā || 3 ||
śrībhairava uvāca |
aprakāśya midaṁ dēvi naralōkē viśēṣataḥ |
lakṣavāraṁ vāritāsi strī svabhāvāddhi pr̥cchasi || 4 ||
śrībhairavyuvāca |
sēvakā bahavō nātha kuladharma parāyaṇāḥ |
yatastē tyaktajīvāśā śavōpari citōpari || 5 ||
tēṣāṁ prayōga siddhyarthaṁ svarakṣārthaṁ viśēṣataḥ |
pr̥cchāmi bahuśō dēva kathayasva dayānidhē || 6 ||
śrībhairava uvāca |
kathayāmi śr̥ṇu prājñē kālikā kavacaṁ param |
gōpanīyaṁ paśōragrē svayōnimaparē yathā || 7 ||
asya śrī dakṣiṇakālikā kavacasya bhairava r̥ṣiḥ uṣṇik chandaḥ advaitarūpiṇī śrī dakṣiṇakālikā dēvatā hrīṁ bījaṁ hūṁ śāktiḥ krīṁ kīlakaṁ sarvārtha sādhana puraḥsara mantra siddhyarthē pāṭhē viniyōgaḥ |
atha kavacam |
sahasrārē mahāpadmē karpūradhavalō guruḥ |
vāmōrusthitatacchaktiḥ sadā sarvatra rakṣatu || 8 ||
paramēśaḥ puraḥ pātu parāparagurustathā |
paramēṣṭhī guruḥ pātu divya siddhiśca mānavaḥ || 9 ||
mahādēvī sadā pātu mahādēvaḥ sadā:’vatu |
tripurō bhairavaḥ pātu divyarūpadharaḥ sadā || 10 ||
brahmānandaḥ sadā pātu pūrṇadēvaḥ sadā:’vatu |
calaścittaḥ sadā pātu cēlāñcalaśca pātu mām || 11 ||
kumāraḥ krōdhanaścaiva varadaḥ smaradīpanaḥ |
māyāmāyāvatī caiva siddhaughāḥ pātu sarvadā || 12 ||
vimalō kuśalaścaiva bhīmasēnaḥ sudhākaraḥ |
mīnō gōrakṣakaścaiva bhōjadēvaḥ prajāpatiḥ || 13 ||
mūladēvō rantidēvō vighnēśvara hutāśānaḥ |
santōṣaḥ samayānandaḥ pātu māṁ manavā sadā || 14 ||
sarvē:’pyānandanāthāntaḥ ambāṁ tāṁ mātaraḥ kramāt |
gaṇanāthaḥ sadā pātu bhairavaḥ pātu māṁ sadā || 15 ||
vaṭukō naḥ sadā pātu durgā māṁ parirakṣatu |
śirasaḥ pādaparyantaṁ pātu māṁ ghōradakṣiṇā || 16 ||
tathā śirasi māṁ kālī hr̥di mūlē ca rakṣatu |
sampūrṇa vidyayā dēvī sadā sarvatra rakṣatu || 17 ||
krīṁ krīṁ krīṁ vadanē pātu hr̥di hūṁ hūṁ sadā:’vatu |
hrīṁ hrīṁ pātu sadādhārē dakṣiṇē kālikē hr̥di || 18 ||
krīṁ krīṁ krīṁ pātu mē pūrvē hūṁ hūṁ dakṣē sadā:’vatu |
hrīṁ hrīṁ māṁ paścimē pātu hūṁ hūṁ pātu sadōttarē || 19 ||
pr̥ṣṭhē pātu sadā svāhā mūlā sarvatra rakṣatu |
ṣaḍaṅgē yuvatī pātu ṣaḍaṅgēṣu sadaiva mām || 20 ||
mantrarājaḥ sadā pātu ūrdhvādhō digvidik sthitaḥ |
cakrarājē sthitāścāpi dēvatāḥ paripāntu mām || 21 ||
ugrā ugraprabhā dīptā pātu pūrvē trikōṇakē |
nīlā ghanā balākā ca tathā paratrikōṇakē || 22 ||
mātrā mudrā mitā caiva tathā madhya trikōṇakē |
kālī kapālinī kullā kurukullā virōdhinī || 23 ||
bahiḥ ṣaṭkōṇakē pāntu vipracittā tathā priyē |
sarvāḥ śyāmāḥ khaḍgadharā vāmahastēna tarjanīḥ || 24 ||
brāhmī pūrvadalē pātu nārāyaṇī tathāgnikē |
māhēśvarī dakṣadalē cāmuṇḍā rakṣasē:’vatu || 25 ||
kaumārī paścimē pātu vāyavyē cāparājitā |
vārāhī cōttarē pātu nārasiṁhī śivē:’vatu || 26 ||
aiṁ hrīṁ asitāṅgaḥ pūrvē bhairavaḥ parirakṣatu |
aiṁ hrīṁ ruruścājinakōṇē aiṁ hrīṁ caṇḍastu dakṣiṇē || 27 ||
aiṁ hrīṁ krōdhō nairr̥tē:’vyāt aiṁ hrīṁ unmattakastathā |
paścimē pātu aiṁ hrīṁ māṁ kapālī vāyu kōṇakē || 28 ||
aiṁ hrīṁ bhīṣaṇākhyaśca uttarē:’vatu bhairavaḥ |
aiṁ hrīṁ saṁhāra aiśānyāṁ mātr̥ṇāmaṅkagā śivāḥ || 29 ||
aiṁ hētukō vaṭukaḥ pūrvadalē pātu sadaiva mām |
aiṁ tripurāntakō vaṭukaḥ āgnēyyāṁ sarvadā:’vatu || 30 ||
aiṁ vahni vētālō vaṭukō dakṣiṇē māṁ sadā:’vatu |
aiṁ agnijihvavaṭukō:’vyāt nairr̥tyāṁ paścimē tathā || 31 ||
aiṁ kālavaṭukaḥ pātu aiṁ karālavaṭukastathā |
vāyavyāṁ aiṁ ēkaḥ pātu uttarē vaṭukō:’vatu || 32 ||
aiṁ bhīmavaṭukaḥ pātu aiśānyāṁ diśi māṁ sadā |
aiṁ hrīṁ hrīṁ hūṁ phaṭ svāhāntāścatuḥ ṣaṣṭi mātaraḥ || 33 ||
ūrdhvādhō dakṣavāmārgē pr̥ṣṭhadēśē tu pātu mām |
aiṁ hūṁ siṁhavyāghramukhī pūrvē māṁ parirakṣatu || 34 ||
aiṁ kāṁ kīṁ sarpamukhī agnikōṇē sadā:’vatu |
aiṁ māṁ māṁ mr̥gamēṣamukhī dakṣiṇē māṁ sadā:’vatu || 35 ||
aiṁ cauṁ cauṁ gajarājamukhī nairr̥tyāṁ māṁ sadā:’vatu |
aiṁ mēṁ mēṁ viḍālamukhī paścimē pātu māṁ sadā || 36 ||
aiṁ khauṁ khauṁ krōṣṭumukhī vāyukōṇē sadā:’vatu |
aiṁ hāṁ hāṁ hrasvadīrghamukhī lambōdara mahōdarī || 37 ||
pātumāmuttarē kōṇē aiṁ hrīṁ hrīṁ śivakōṇakē |
hrasvajaṅghatālajaṅghaḥ pralambauṣṭhī sadā:’vatu || 38 ||
ētāḥ śmaśānavāsinyō bhīṣaṇā vikr̥tānanāḥ |
pāntu mā sarvadā dēvyaḥ sādhakābhīṣṭapūrikāḥ || 39 ||
indrō māṁ pūrvatō rakṣēdāgnēyyāmagnidēvatā |
dakṣē yamaḥ sadā pātu nairr̥tyāṁ nairr̥tiśca mām || 40 ||
varuṇō:’vatu māṁ paścāt vāyurmāṁ vāyavē:’vatu |
kubēraścōttarē pāyāt aiśānyāṁ tu sadāśivaḥ || 41 ||
ūrdhvaṁ brahmā sadā pātu adhaścānantadēvatā |
pūrvādidik sthitāḥ pāntu vajrādyāścāyudhāśca mām || 42 ||
kālikā:’vātu śirasi hr̥dayē kālikā:’vatu |
ādhārē kālikā pātu pādayōḥ kālikā:’vatu || 43 ||
dikṣu māṁ kālikā pātu vidikṣu kālikā:’vatu |
ūrdhvaṁ mē kālikā pātu adhaśca kālikā:’vatu || 44 ||
carmāsr̥ṅmāṁsamēdā:’sthi majjā śukrāṇi mē:’vatu |
indriyāṇi manaścaiva dēhaṁ siddhiṁ ca mē:’vatu || 45 ||
ākēśāt pādaparyantaṁ kālikā mē sadā:’vatu |
viyati kālikā pātu pathi māṁ kālikā:’vatu || 46 ||
śayanē kālikā pātu sarvakāryēṣu kālikā |
putrān mē kālikā pātu dhanaṁ mē pātu kālikā || 47 ||
yatra mē saṁśayāviṣṭāstā naśyantu śivājñayā |
itīdaṁ kavacaṁ dēvi brahmalōkē:’pi durlabham || 48 ||
tava prītyā māyākhyātaṁ gōpanīyaṁ svayōnivat |
tava nāmni smr̥tē dēvi sarvajñaṁ ca phalaṁ labhēt || 49 ||
sarvapāpakṣayaṁ yānti vāñchā sarvatra siddhyati |
nāmnāḥ śataguṇaṁ stōtraṁ dhyānam tasmācchatādhikam || 50 ||
tasmāt śatādhikō mantraḥ kavacaṁ tacchatādhikam |
śuciḥ samāhitō bhūtvā bhakti śraddhā samanvitaḥ || 51 ||
saṁsthāpya vāmabhāgē tu śaktiṁ svāmi parāyaṇām |
raktavastraparidhānāṁ śivamantradharāṁ śubhām || 52 ||
yā śaktiḥ sā mahādēvī hararūpaśca sādhakaḥ |
anyō:’nya cintayēddēvīṁ dēvatvamupajāyatē || 53 ||
śaktiyuktō yajēddēvīṁ cakrē vā manasāpi vā |
bhōgaiśca madhuparkādyaistāmbūlaiśca suvāsitaiḥ || 54 ||
tatastu kavacaṁ divyaṁ paṭhadēkamanāḥ priyē |
tasya sarvārtha siddhisyānnātra kāryāvicāraṇā || 55 ||
idaṁ rahasyaṁ paramaṁ paraṁ svastyayanaṁ mahat |
yā sakr̥ttu paṭhēddēvi kavacaṁ dēvadurlabham || 56 ||
sarvayajñaphalaṁ tasya bhavēdēva na saṁśayaḥ |
saṅgrāmē ca jayēt śatrūn mātaṅgāniva kēśarī || 57 ||
nāstrāṇi tasya śastrāṇi śarīrē prabhavanti ca |
tasya vyādhi kadācinna duḥkhaṁ nāsti kadācana || 58 ||
gatistasyaiva sarvatra vāyutulyaḥ sadā bhavēt |
dīrghāyuḥ kāmabhōgīśō gurubhaktaḥ sadā bhavēt || 59 ||
ahō kavaca māhātmyaṁ paṭhyamānasya nityaśaḥ |
vināpi nayayōgēna yōgīśa samatāṁ vrajēt || 60 ||
satyaṁ satyaṁ punaḥ satyaṁ satyaṁ satyaṁ punaḥ punaḥ |
na śaknōmi prabhāvaṁ tu kavacasyāsya varṇitam || 61 ||
iti śrī dakṣiṇakālikā kavacam |
Found a Mistake or Error? Report it Now
