|| ಶ್ರೀ ದಕ್ಷಿಣಕಾಳೀ ಕವಚಂ 2 ||
ಕೈಲಾಸಶಿಖರಾರೂಢಂ ಭೈರವಂ ಚಂದ್ರಶೇಖರಮ್ |
ವಕ್ಷಃಸ್ಥಲೇ ಸಮಾಸೀನಾ ಭೈರವೀ ಪರಿಪೃಚ್ಛತಿ || ೧ ||
ಶ್ರೀಭೈರವ್ಯುವಾಚ |
ದೇವೇಶ ಪರಮೇಶಾನ ಲೋಕಾನುಗ್ರಹಕಾರಕಃ |
ಕವಚಂ ಸೂಚಿತಂ ಪೂರ್ವಂ ಕಿಮರ್ಥಂ ನ ಪ್ರಕಾಶಿತಮ್ || ೨ ||
ಯದಿ ಮೇ ಮಹತೀ ಪ್ರೀತಿಸ್ತವಾಸ್ತಿ ಕುಲ ಭೈರವ |
ಕವಚಂ ಕಾಳಿಕಾ ದೇವ್ಯಾಃ ಕಥಯಸ್ವಾನುಕಂಪಯಾ || ೩ ||
ಶ್ರೀಭೈರವ ಉವಾಚ |
ಅಪ್ರಕಾಶ್ಯ ಮಿದಂ ದೇವಿ ನರಲೋಕೇ ವಿಶೇಷತಃ |
ಲಕ್ಷವಾರಂ ವಾರಿತಾಸಿ ಸ್ತ್ರೀ ಸ್ವಭಾವಾದ್ಧಿ ಪೃಚ್ಛಸಿ || ೪ ||
ಶ್ರೀಭೈರವ್ಯುವಾಚ |
ಸೇವಕಾ ಬಹವೋ ನಾಥ ಕುಲಧರ್ಮ ಪರಾಯಣಾಃ |
ಯತಸ್ತೇ ತ್ಯಕ್ತಜೀವಾಶಾ ಶವೋಪರಿ ಚಿತೋಪರಿ || ೫ ||
ತೇಷಾಂ ಪ್ರಯೋಗ ಸಿದ್ಧ್ಯರ್ಥಂ ಸ್ವರಕ್ಷಾರ್ಥಂ ವಿಶೇಷತಃ |
ಪೃಚ್ಛಾಮಿ ಬಹುಶೋ ದೇವ ಕಥಯಸ್ವ ದಯಾನಿಧೇ || ೬ ||
ಶ್ರೀಭೈರವ ಉವಾಚ |
ಕಥಯಾಮಿ ಶೃಣು ಪ್ರಾಜ್ಞೇ ಕಾಳಿಕಾ ಕವಚಂ ಪರಮ್ |
ಗೋಪನೀಯಂ ಪಶೋರಗ್ರೇ ಸ್ವಯೋನಿಮಪರೇ ಯಥಾ || ೭ ||
ಅಸ್ಯ ಶ್ರೀ ದಕ್ಷಿಣಕಾಳಿಕಾ ಕವಚಸ್ಯ ಭೈರವ ಋಷಿಃ ಉಷ್ಣಿಕ್ ಛಂದಃ ಅದ್ವೈತರೂಪಿಣೀ ಶ್ರೀ ದಕ್ಷಿಣಕಾಳಿಕಾ ದೇವತಾ ಹ್ರೀಂ ಬೀಜಂ ಹೂಂ ಶಾಕ್ತಿಃ ಕ್ರೀಂ ಕೀಲಕಂ ಸರ್ವಾರ್ಥ ಸಾಧನ ಪುರಃಸರ ಮಂತ್ರ ಸಿದ್ಧ್ಯರ್ಥೇ ಪಾಠೇ ವಿನಿಯೋಗಃ |
ಅಥ ಕವಚಮ್ |
ಸಹಸ್ರಾರೇ ಮಹಾಪದ್ಮೇ ಕರ್ಪೂರಧವಳೋ ಗುರುಃ |
ವಾಮೋರುಸ್ಥಿತತಚ್ಛಕ್ತಿಃ ಸದಾ ಸರ್ವತ್ರ ರಕ್ಷತು || ೮ ||
ಪರಮೇಶಃ ಪುರಃ ಪಾತು ಪರಾಪರಗುರುಸ್ತಥಾ |
ಪರಮೇಷ್ಠೀ ಗುರುಃ ಪಾತು ದಿವ್ಯ ಸಿದ್ಧಿಶ್ಚ ಮಾನವಃ || ೯ ||
ಮಹಾದೇವೀ ಸದಾ ಪಾತು ಮಹಾದೇವಃ ಸದಾಽವತು |
ತ್ರಿಪುರೋ ಭೈರವಃ ಪಾತು ದಿವ್ಯರೂಪಧರಃ ಸದಾ || ೧೦ ||
ಬ್ರಹ್ಮಾನಂದಃ ಸದಾ ಪಾತು ಪೂರ್ಣದೇವಃ ಸದಾಽವತು |
ಚಲಶ್ಚಿತ್ತಃ ಸದಾ ಪಾತು ಚೇಲಾಂಚಲಶ್ಚ ಪಾತು ಮಾಮ್ || ೧೧ ||
ಕುಮಾರಃ ಕ್ರೋಧನಶ್ಚೈವ ವರದಃ ಸ್ಮರದೀಪನಃ |
ಮಾಯಾಮಾಯಾವತೀ ಚೈವ ಸಿದ್ಧೌಘಾಃ ಪಾತು ಸರ್ವದಾ || ೧೨ ||
ವಿಮಲೋ ಕುಶಲಶ್ಚೈವ ಭೀಮಸೇನಃ ಸುಧಾಕರಃ |
ಮೀನೋ ಗೋರಕ್ಷಕಶ್ಚೈವ ಭೋಜದೇವಃ ಪ್ರಜಾಪತಿಃ || ೧೩ ||
ಮೂಲದೇವೋ ರಂತಿದೇವೋ ವಿಘ್ನೇಶ್ವರ ಹುತಾಶಾನಃ |
ಸಂತೋಷಃ ಸಮಯಾನಂದಃ ಪಾತು ಮಾಂ ಮನವಾ ಸದಾ || ೧೪ ||
ಸರ್ವೇಽಪ್ಯಾನಂದನಾಥಾಂತಃ ಅಂಬಾಂ ತಾಂ ಮಾತರಃ ಕ್ರಮಾತ್ |
ಗಣನಾಥಃ ಸದಾ ಪಾತು ಭೈರವಃ ಪಾತು ಮಾಂ ಸದಾ || ೧೫ ||
ವಟುಕೋ ನಃ ಸದಾ ಪಾತು ದುರ್ಗಾ ಮಾಂ ಪರಿರಕ್ಷತು |
ಶಿರಸಃ ಪಾದಪರ್ಯಂತಂ ಪಾತು ಮಾಂ ಘೋರದಕ್ಷಿಣಾ || ೧೬ ||
ತಥಾ ಶಿರಸಿ ಮಾಂ ಕಾಳೀ ಹೃದಿ ಮೂಲೇ ಚ ರಕ್ಷತು |
ಸಂಪೂರ್ಣ ವಿದ್ಯಯಾ ದೇವೀ ಸದಾ ಸರ್ವತ್ರ ರಕ್ಷತು || ೧೭ ||
ಕ್ರೀಂ ಕ್ರೀಂ ಕ್ರೀಂ ವದನೇ ಪಾತು ಹೃದಿ ಹೂಂ ಹೂಂ ಸದಾಽವತು |
ಹ್ರೀಂ ಹ್ರೀಂ ಪಾತು ಸದಾಧಾರೇ ದಕ್ಷಿಣೇ ಕಾಳಿಕೇ ಹೃದಿ || ೧೮ ||
ಕ್ರೀಂ ಕ್ರೀಂ ಕ್ರೀಂ ಪಾತು ಮೇ ಪೂರ್ವೇ ಹೂಂ ಹೂಂ ದಕ್ಷೇ ಸದಾಽವತು |
ಹ್ರೀಂ ಹ್ರೀಂ ಮಾಂ ಪಶ್ಚಿಮೇ ಪಾತು ಹೂಂ ಹೂಂ ಪಾತು ಸದೋತ್ತರೇ || ೧೯ ||
ಪೃಷ್ಠೇ ಪಾತು ಸದಾ ಸ್ವಾಹಾ ಮೂಲಾ ಸರ್ವತ್ರ ರಕ್ಷತು |
ಷಡಂಗೇ ಯುವತೀ ಪಾತು ಷಡಂಗೇಷು ಸದೈವ ಮಾಮ್ || ೨೦ ||
ಮಂತ್ರರಾಜಃ ಸದಾ ಪಾತು ಊರ್ಧ್ವಾಧೋ ದಿಗ್ವಿದಿಕ್ ಸ್ಥಿತಃ |
ಚಕ್ರರಾಜೇ ಸ್ಥಿತಾಶ್ಚಾಪಿ ದೇವತಾಃ ಪರಿಪಾಂತು ಮಾಮ್ || ೨೧ ||
ಉಗ್ರಾ ಉಗ್ರಪ್ರಭಾ ದೀಪ್ತಾ ಪಾತು ಪೂರ್ವೇ ತ್ರಿಕೋಣಕೇ |
ನೀಲಾ ಘನಾ ಬಲಾಕಾ ಚ ತಥಾ ಪರತ್ರಿಕೋಣಕೇ || ೨೨ ||
ಮಾತ್ರಾ ಮುದ್ರಾ ಮಿತಾ ಚೈವ ತಥಾ ಮಧ್ಯ ತ್ರಿಕೋಣಕೇ |
ಕಾಳೀ ಕಪಾಲಿನೀ ಕುಲ್ಲಾ ಕುರುಕುಲ್ಲಾ ವಿರೋಧಿನೀ || ೨೩ ||
ಬಹಿಃ ಷಟ್ಕೋಣಕೇ ಪಾಂತು ವಿಪ್ರಚಿತ್ತಾ ತಥಾ ಪ್ರಿಯೇ |
ಸರ್ವಾಃ ಶ್ಯಾಮಾಃ ಖಡ್ಗಧರಾ ವಾಮಹಸ್ತೇನ ತರ್ಜನೀಃ || ೨೪ ||
ಬ್ರಾಹ್ಮೀ ಪೂರ್ವದಳೇ ಪಾತು ನಾರಾಯಣೀ ತಥಾಗ್ನಿಕೇ |
ಮಾಹೇಶ್ವರೀ ದಕ್ಷದಳೇ ಚಾಮುಂಡಾ ರಕ್ಷಸೇಽವತು || ೨೫ ||
ಕೌಮಾರೀ ಪಶ್ಚಿಮೇ ಪಾತು ವಾಯವ್ಯೇ ಚಾಪರಾಜಿತಾ |
ವಾರಾಹೀ ಚೋತ್ತರೇ ಪಾತು ನಾರಸಿಂಹೀ ಶಿವೇಽವತು || ೨೬ ||
ಐಂ ಹ್ರೀಂ ಅಸಿತಾಂಗಃ ಪೂರ್ವೇ ಭೈರವಃ ಪರಿರಕ್ಷತು |
ಐಂ ಹ್ರೀಂ ರುರುಶ್ಚಾಜಿನಕೋಣೇ ಐಂ ಹ್ರೀಂ ಚಂಡಸ್ತು ದಕ್ಷಿಣೇ || ೨೭ ||
ಐಂ ಹ್ರೀಂ ಕ್ರೋಧೋ ನೈರೃತೇಽವ್ಯಾತ್ ಐಂ ಹ್ರೀಂ ಉನ್ಮತ್ತಕಸ್ತಥಾ |
ಪಶ್ಚಿಮೇ ಪಾತು ಐಂ ಹ್ರೀಂ ಮಾಂ ಕಪಾಲೀ ವಾಯು ಕೋಣಕೇ || ೨೮ ||
ಐಂ ಹ್ರೀಂ ಭೀಷಣಾಖ್ಯಶ್ಚ ಉತ್ತರೇಽವತು ಭೈರವಃ |
ಐಂ ಹ್ರೀಂ ಸಂಹಾರ ಐಶಾನ್ಯಾಂ ಮಾತೃಣಾಮಂಕಗಾ ಶಿವಾಃ || ೨೯ ||
ಐಂ ಹೇತುಕೋ ವಟುಕಃ ಪೂರ್ವದಳೇ ಪಾತು ಸದೈವ ಮಾಮ್ |
ಐಂ ತ್ರಿಪುರಾಂತಕೋ ವಟುಕಃ ಆಗ್ನೇಯ್ಯಾಂ ಸರ್ವದಾಽವತು || ೩೦ ||
ಐಂ ವಹ್ನಿ ವೇತಾಳೋ ವಟುಕೋ ದಕ್ಷಿಣೇ ಮಾಂ ಸದಾಽವತು |
ಐಂ ಅಗ್ನಿಜಿಹ್ವವಟುಕೋಽವ್ಯಾತ್ ನೈರೃತ್ಯಾಂ ಪಶ್ಚಿಮೇ ತಥಾ || ೩೧ ||
ಐಂ ಕಾಲವಟುಕಃ ಪಾತು ಐಂ ಕರಾಳವಟುಕಸ್ತಥಾ |
ವಾಯವ್ಯಾಂ ಐಂ ಏಕಃ ಪಾತು ಉತ್ತರೇ ವಟುಕೋಽವತು || ೩೨ ||
ಐಂ ಭೀಮವಟುಕಃ ಪಾತು ಐಶಾನ್ಯಾಂ ದಿಶಿ ಮಾಂ ಸದಾ |
ಐಂ ಹ್ರೀಂ ಹ್ರೀಂ ಹೂಂ ಫಟ್ ಸ್ವಾಹಾಂತಾಶ್ಚತುಃ ಷಷ್ಟಿ ಮಾತರಃ || ೩೩ ||
ಊರ್ಧ್ವಾಧೋ ದಕ್ಷವಾಮಾರ್ಗೇ ಪೃಷ್ಠದೇಶೇ ತು ಪಾತು ಮಾಮ್ |
ಐಂ ಹೂಂ ಸಿಂಹವ್ಯಾಘ್ರಮುಖೀ ಪೂರ್ವೇ ಮಾಂ ಪರಿರಕ್ಷತು || ೩೪ ||
ಐಂ ಕಾಂ ಕೀಂ ಸರ್ಪಮುಖೀ ಅಗ್ನಿಕೋಣೇ ಸದಾಽವತು |
ಐಂ ಮಾಂ ಮಾಂ ಮೃಗಮೇಷಮುಖೀ ದಕ್ಷಿಣೇ ಮಾಂ ಸದಾಽವತು || ೩೫ ||
ಐಂ ಚೌಂ ಚೌಂ ಗಜರಾಜಮುಖೀ ನೈರೃತ್ಯಾಂ ಮಾಂ ಸದಾಽವತು |
ಐಂ ಮೇಂ ಮೇಂ ವಿಡಾಲಮುಖೀ ಪಶ್ಚಿಮೇ ಪಾತು ಮಾಂ ಸದಾ || ೩೬ ||
ಐಂ ಖೌಂ ಖೌಂ ಕ್ರೋಷ್ಟುಮುಖೀ ವಾಯುಕೋಣೇ ಸದಾಽವತು |
ಐಂ ಹಾಂ ಹಾಂ ಹ್ರಸ್ವದೀರ್ಘಮುಖೀ ಲಂಬೋದರ ಮಹೋದರೀ || ೩೭ ||
ಪಾತುಮಾಮುತ್ತರೇ ಕೋಣೇ ಐಂ ಹ್ರೀಂ ಹ್ರೀಂ ಶಿವಕೋಣಕೇ |
ಹ್ರಸ್ವಜಂಘತಾಲಜಂಘಃ ಪ್ರಲಂಬೌಷ್ಠೀ ಸದಾಽವತು || ೩೮ ||
ಏತಾಃ ಶ್ಮಶಾನವಾಸಿನ್ಯೋ ಭೀಷಣಾ ವಿಕೃತಾನನಾಃ |
ಪಾಂತು ಮಾ ಸರ್ವದಾ ದೇವ್ಯಃ ಸಾಧಕಾಭೀಷ್ಟಪೂರಿಕಾಃ || ೩೯ ||
ಇಂದ್ರೋ ಮಾಂ ಪೂರ್ವತೋ ರಕ್ಷೇದಾಗ್ನೇಯ್ಯಾಮಗ್ನಿದೇವತಾ |
ದಕ್ಷೇ ಯಮಃ ಸದಾ ಪಾತು ನೈರೃತ್ಯಾಂ ನೈರೃತಿಶ್ಚ ಮಾಮ್ || ೪೦ ||
ವರುಣೋಽವತು ಮಾಂ ಪಶ್ಚಾತ್ ವಾಯುರ್ಮಾಂ ವಾಯವೇಽವತು |
ಕುಬೇರಶ್ಚೋತ್ತರೇ ಪಾಯಾತ್ ಐಶಾನ್ಯಾಂ ತು ಸದಾಶಿವಃ || ೪೧ ||
ಊರ್ಧ್ವಂ ಬ್ರಹ್ಮಾ ಸದಾ ಪಾತು ಅಧಶ್ಚಾನಂತದೇವತಾ |
ಪೂರ್ವಾದಿದಿಕ್ ಸ್ಥಿತಾಃ ಪಾಂತು ವಜ್ರಾದ್ಯಾಶ್ಚಾಯುಧಾಶ್ಚ ಮಾಮ್ || ೪೨ ||
ಕಾಳಿಕಾಽವಾತು ಶಿರಸಿ ಹೃದಯೇ ಕಾಳಿಕಾಽವತು |
ಆಧಾರೇ ಕಾಳಿಕಾ ಪಾತು ಪಾದಯೋಃ ಕಾಳಿಕಾಽವತು || ೪೩ ||
ದಿಕ್ಷು ಮಾಂ ಕಾಳಿಕಾ ಪಾತು ವಿದಿಕ್ಷು ಕಾಳಿಕಾಽವತು |
ಊರ್ಧ್ವಂ ಮೇ ಕಾಳಿಕಾ ಪಾತು ಅಧಶ್ಚ ಕಾಳಿಕಾಽವತು || ೪೪ ||
ಚರ್ಮಾಸೃಙ್ಮಾಂಸಮೇದಾಽಸ್ಥಿ ಮಜ್ಜಾ ಶುಕ್ರಾಣಿ ಮೇಽವತು |
ಇಂದ್ರಿಯಾಣಿ ಮನಶ್ಚೈವ ದೇಹಂ ಸಿದ್ಧಿಂ ಚ ಮೇಽವತು || ೪೫ ||
ಆಕೇಶಾತ್ ಪಾದಪರ್ಯಂತಂ ಕಾಳಿಕಾ ಮೇ ಸದಾಽವತು |
ವಿಯತಿ ಕಾಳಿಕಾ ಪಾತು ಪಥಿ ಮಾಂ ಕಾಳಿಕಾಽವತು || ೪೬ ||
ಶಯನೇ ಕಾಳಿಕಾ ಪಾತು ಸರ್ವಕಾರ್ಯೇಷು ಕಾಳಿಕಾ |
ಪುತ್ರಾನ್ ಮೇ ಕಾಳಿಕಾ ಪಾತು ಧನಂ ಮೇ ಪಾತು ಕಾಳಿಕಾ || ೪೭ ||
ಯತ್ರ ಮೇ ಸಂಶಯಾವಿಷ್ಟಾಸ್ತಾ ನಶ್ಯಂತು ಶಿವಾಜ್ಞಯಾ |
ಇತೀದಂ ಕವಚಂ ದೇವಿ ಬ್ರಹ್ಮಲೋಕೇಽಪಿ ದುರ್ಲಭಮ್ || ೪೮ ||
ತವ ಪ್ರೀತ್ಯಾ ಮಾಯಾಖ್ಯಾತಂ ಗೋಪನೀಯಂ ಸ್ವಯೋನಿವತ್ |
ತವ ನಾಮ್ನಿ ಸ್ಮೃತೇ ದೇವಿ ಸರ್ವಜ್ಞಂ ಚ ಫಲಂ ಲಭೇತ್ || ೪೯ ||
ಸರ್ವಪಾಪಕ್ಷಯಂ ಯಾಂತಿ ವಾಂಛಾ ಸರ್ವತ್ರ ಸಿದ್ಧ್ಯತಿ |
ನಾಮ್ನಾಃ ಶತಗುಣಂ ಸ್ತೋತ್ರಂ ಧ್ಯಾನಂ ತಸ್ಮಾಚ್ಛತಾಧಿಕಮ್ || ೫೦ ||
ತಸ್ಮಾತ್ ಶತಾಧಿಕೋ ಮಂತ್ರಃ ಕವಚಂ ತಚ್ಛತಾಧಿಕಮ್ |
ಶುಚಿಃ ಸಮಾಹಿತೋ ಭೂತ್ವಾ ಭಕ್ತಿ ಶ್ರದ್ಧಾ ಸಮನ್ವಿತಃ || ೫೧ ||
ಸಂಸ್ಥಾಪ್ಯ ವಾಮಭಾಗೇ ತು ಶಕ್ತಿಂ ಸ್ವಾಮಿ ಪರಾಯಣಾಮ್ |
ರಕ್ತವಸ್ತ್ರಪರಿಧಾನಾಂ ಶಿವಮಂತ್ರಧರಾಂ ಶುಭಾಮ್ || ೫೨ ||
ಯಾ ಶಕ್ತಿಃ ಸಾ ಮಹಾದೇವೀ ಹರರೂಪಶ್ಚ ಸಾಧಕಃ |
ಅನ್ಯೋಽನ್ಯ ಚಿಂತಯೇದ್ದೇವೀಂ ದೇವತ್ವಮುಪಜಾಯತೇ || ೫೩ ||
ಶಕ್ತಿಯುಕ್ತೋ ಯಜೇದ್ದೇವೀಂ ಚಕ್ರೇ ವಾ ಮನಸಾಪಿ ವಾ |
ಭೋಗೈಶ್ಚ ಮಧುಪರ್ಕಾದ್ಯೈಸ್ತಾಂಬೂಲೈಶ್ಚ ಸುವಾಸಿತೈಃ || ೫೪ ||
ತತಸ್ತು ಕವಚಂ ದಿವ್ಯಂ ಪಠದೇಕಮನಾಃ ಪ್ರಿಯೇ |
ತಸ್ಯ ಸರ್ವಾರ್ಥ ಸಿದ್ಧಿಸ್ಯಾನ್ನಾತ್ರ ಕಾರ್ಯಾವಿಚಾರಣಾ || ೫೫ ||
ಇದಂ ರಹಸ್ಯಂ ಪರಮಂ ಪರಂ ಸ್ವಸ್ತ್ಯಯನಂ ಮಹತ್ |
ಯಾ ಸಕೃತ್ತು ಪಠೇದ್ದೇವಿ ಕವಚಂ ದೇವದುರ್ಲಭಮ್ || ೫೬ ||
ಸರ್ವಯಜ್ಞಫಲಂ ತಸ್ಯ ಭವೇದೇವ ನ ಸಂಶಯಃ |
ಸಂಗ್ರಾಮೇ ಚ ಜಯೇತ್ ಶತ್ರೂನ್ ಮಾತಂಗಾನಿವ ಕೇಶರೀ || ೫೭ ||
ನಾಸ್ತ್ರಾಣಿ ತಸ್ಯ ಶಸ್ತ್ರಾಣಿ ಶರೀರೇ ಪ್ರಭವಂತಿ ಚ |
ತಸ್ಯ ವ್ಯಾಧಿ ಕದಾಚಿನ್ನ ದುಃಖಂ ನಾಸ್ತಿ ಕದಾಚನ || ೫೮ ||
ಗತಿಸ್ತಸ್ಯೈವ ಸರ್ವತ್ರ ವಾಯುತುಲ್ಯಃ ಸದಾ ಭವೇತ್ |
ದೀರ್ಘಾಯುಃ ಕಾಮಭೋಗೀಶೋ ಗುರುಭಕ್ತಃ ಸದಾ ಭವೇತ್ || ೫೯ ||
ಅಹೋ ಕವಚ ಮಾಹಾತ್ಮ್ಯಂ ಪಠ್ಯಮಾನಸ್ಯ ನಿತ್ಯಶಃ |
ವಿನಾಪಿ ನಯಯೋಗೇನ ಯೋಗೀಶ ಸಮತಾಂ ವ್ರಜೇತ್ || ೬೦ ||
ಸತ್ಯಂ ಸತ್ಯಂ ಪುನಃ ಸತ್ಯಂ ಸತ್ಯಂ ಸತ್ಯಂ ಪುನಃ ಪುನಃ |
ನ ಶಕ್ನೋಮಿ ಪ್ರಭಾವಂ ತು ಕವಚಸ್ಯಾಸ್ಯ ವರ್ಣಿತಮ್ || ೬೧ ||
ಇತಿ ಶ್ರೀ ದಕ್ಷಿಣಕಾಳಿಕಾ ಕವಚಮ್ |
Found a Mistake or Error? Report it Now
