|| Sri Dakshina Kali Trishati Stotram ||
asya śrīsarvamaṅgalavidyāyā nāma śrīdakṣiṇakālikā triśatīstōtra mahāmantrasya śrīkālabhairava r̥ṣiḥ anuṣṭup chandaḥ śrīdakṣiṇakālikā dēvatā hrīṁ bījaṁ hūṁ śaktiḥ krīṁ kīlakaṁ śrīdakṣiṇakālikā prasādasiddhyarthē japē viniyōgaḥ |
r̥ṣyādinyāsaḥ –
śrīkālabhairavarṣayē namaḥ śirasi |
anuṣṭup chandasē namō mukhē |
śrīdakṣiṇakālikāyai dēvatāyai namō hr̥di |
hrīṁ bījāya namō guhyē |
hūṁ śaktayē namaḥ pādayōḥ |
krīṁ kīlakāya namō nābhau |
viniyōgāya namaḥ sarvāṅgē |
karanyāsaḥ –
krāṁ aṅguṣṭhābhyāṁ namaḥ |
krīṁ tarjanībhyāṁ namaḥ |
krūṁ madhyamābhyāṁ namaḥ |
kraiṁ anāmikābhyāṁ namaḥ |
krauṁ kaniṣṭhikābhyāṁ namaḥ |
kraḥ karatala karapr̥ṣṭhābhyāṁ namaḥ |
hr̥dayādinyāsaḥ –
krāṁ hr̥dayāya namaḥ |
krīṁ śirasē svāhā |
krūṁ śikhāyai vaṣaṭ |
kraiṁ kavacāya hum |
krauṁ nētratrayāya vauṣaṭ |
kraḥ astrāya phaṭ |
dhyānam –
śavārūḍhāṁ mahābhīmāṁ ghōradaṁṣṭrāṁ hasanmukhīṁ
caturbhujāṁ khaḍgamuṇḍavarābhayakarāṁ śivām |
muṇḍamālādharāṁ dēvīṁ lalajjihvāṁ digambarāṁ
ēvaṁ sañcintayētkālīṁ śmaśānālayavāsinīm || 1 ||
śyāmāṅgīṁ digvasanāṁ śavaśivahr̥dayasthāṁ sadā lōlajihvāṁ
dōrdaṇḍaiḥ kluptakāñcīṁ vikasitavadanāṁ bhīmadaṁṣṭrāṁ trinētrām |
muṇḍasragbhūṣaṇāṁ hastavidhr̥tavaradābhītinistriṁśamuṇḍāṁ
dhyāyētprēmṇā mahākālaratiparasukhīṁ dakṣiṇāṁ kālikāṁ tām || 2 ||
pañcōpacāra pūjā –
laṁ pr̥thivyātmanē gandhaṁ kalpayāmi namaḥ |
haṁ ākāśātmanē puṣpāṇi kalpayāmi namaḥ |
yaṁ vāyvātmanē dhūpaṁ kalpayāmi namaḥ |
raṁ agnyātmanē dīpaṁ kalpayāmi namaḥ |
vaṁ amr̥tātmanē amr̥taṁ mahānaivēdyaṁ kalpayāmi namaḥ |
saṁ sarvātmanē sarvōpacārān kalpayāmi namaḥ |
atha stōtram |
krīṅkārī krīmpadākārā krīṅkāramantrapūraṇā |
krīṁmatī krīmpadāvāsā krīmbījajapatōṣiṇī || 1 ||
krīṅkārasattvā krīmātmā krīmbhūṣā krīṁmanusvarāṭ |
krīṅkāragarbhā krīṁsañjñā krīṅkāradhyēyarūpiṇī || 2 ||
krīṅkārāttamanuprauḍhā krīṅkāracakrapūjitā |
krīṅkāralalanānandā krīṅkārālāpatōṣiṇī || 3 ||
krīṅkalānādabindusthā krīṅkāracakravāsinī |
krīṅkāralakṣmīḥ krīṁśaktiḥ krīṅkāramanumaṇḍitā || 4 ||
krīṅkārānandasarvasvā krīñjñēyalakṣyamātragā |
krīṅkārabindupīṭhasthā krīṅkāranādamōdinī || 5 ||
krīntattvajñānavijñēyā krīṅkārayajñapālinī |
krīṅkāralakṣaṇānandā krīṅkāralayalālasā || 6 ||
krīṁmērumadhyagāsthānā krīṅkārādyavarārṇabhūḥ |
krīṅkāravarivasyāḍhyā krīṅkāragānalōlupā || 7 ||
krīṅkāranādasampannā krīṅkāraikākṣarātmikā |
krīmādiguṇavargāttatritayādyāhutipriyā || 8 ||
krīṅklinnaramaṇānandamahākālavarāṅganā |
krīṁlāsyatāṇḍavānandā krīṅkārabhōgamōkṣadā || 9 ||
krīṅkārayōginīsādhyōpāstisarvasvagōcarā |
krīṅkāramātr̥kāsiddhavidyārājñīkalēvarā || 10 ||
hūṅkāramantrā hūṅgarbhā hūṅkāranādagōcarā |
hūṅkārarūpā hūṅkārajñēyā hūṅkāramātr̥kā || 11 ||
hūmphaṭkāramahānādamayī hūṅkāraśālinī |
hūṅkārajapasammōdā hūṅkārajāpavākpradā || 12 ||
hūṅkārahōmasamprītā hūṅkāratantravāhinī |
hūṅkāratattvavijñānajñātr̥jñēyasvarūpiṇī || 13 ||
hūṅkārajāpajāḍyaghnī hūṅkārajīvanāḍikā |
hūṅkāramūlamantrātmā hūṅkārapāramārthikā || 14 ||
hūṅkāraghōṣaṇāhlādā hūṅkāraikaparāyaṇā |
hūṅkārabījasaṅkluptā hūṅkāravaradāyinī || 15 ||
hūṅkāradyōtanajyōtirhūṅkāranīlabhāratī |
hūṅkārālambanādhārā hūṅkārayōgasaukhyadā || 16 ||
hūṅkārajhaṅkr̥tākārā hūṅkārāñcitavāgjharī |
hūṅkāracaṇḍīpārīṇānandajhillīsvarūpiṇī || 17 ||
hrīṅkāramantragāyatrī hrīṅkārasārvakāmikī |
hrīṅkārasāmasarvasvā hrīṅkārarājayōginī || 18 ||
hrīṅkārajyōtiruddāmā hrīṅkāramūlakāraṇā |
hrīṅkārōttasaparyāḍhyā hrīṅkāratantramātr̥kā || 19 ||
hrīñjahallakṣaṇābhr̥ṅgī hrīṅkārahaṁsanādinī |
hrīṅkāratāriṇīvidyā hrīṅkārabhuvanēśvarī || 20 ||
hrīṅkārakālikāmūrtirhrīṅkāranādasundarī |
hrīṅkārajñānavijñānā hrīṅkārakālamōhinī || 21 ||
hrīṅkārakāmapīṭhasthā hrīṅkārasaṁskr̥tākhilā |
hrīṅkāraviśvasambhārā hrīṅkārāmr̥tasāgarā || 22 ||
hrīṅkāramantrasannaddhā hrīṅkārarasapūrṇagā |
hrīṅkāramāyāvirbhāvā hrīṅkārasarasīruhā || 23 ||
hrīṅkārakalanādhārā hrīṅkāravēdamātr̥kā |
hrīṅkārajñānamandārā hrīṅkārarājahaṁsinī || 24 ||
danturā dakṣayajñaghnī dayā dakṣiṇakālikā |
dakṣiṇācārasuprītā daṁśabhīrubalipriyā || 25 ||
dakṣiṇābhimukhī dakṣā datrōtsēkapradāyikā |
darpaghnī darśakuhvaṣṭamīyāmyārādhanapriyā || 26 ||
darśanapratibhūrdambhahantrī dakṣiṇatallajā |
kṣityāditattvasambhāvyā kṣityuttamagatipradā || 27 ||
kṣipraprasāditā kṣiprā kṣitivardhanasaṁsthitā |
kṣiprāgaṅgādinadyambhaḥpravāhavāsatōṣiṇī || 28 ||
kṣitijāharniśōpāsājapapārāyaṇapriyā |
kṣidrādigrahanakṣatrajyōtīrūpaprakāśikā || 29 ||
kṣitīśādijanārādhyā kṣipratāṇḍavakāriṇī |
kṣipāpraṇayanunnātmaprēritākhilayōginī || 30 ||
kṣitipratiṣṭhitārādhyā kṣitidēvādipūjitā |
kṣitivr̥ttisusampannōpāsakapriyadēvatā || 31 ||
ṇēkārarūpiṇī nētrī nētrāntānugrahapradā |
nētrasārasvatōnmēṣā nējitākhilasēvakā || 32 ||
ṇēkārajyōtirābhāsā nētratrayavirājitā |
nētrāñjanasavarṇāṅgī nētrabindūjjvalatprabhā || 33 ||
ṇēkāraparvatēndrāgrasamudyadamr̥tadyutiḥ |
nētrātītaprakāśārciraśēṣajanamōhinī || 34 ||
ṇēkāramūlamantrārtharahasyajñānadāyinī |
ṇēkārajapasuprītā nētrānandasvarūpiṇī || 35 ||
kālī kālaśavārūḍhā kāruṇyāmr̥tasāgarā |
kāntārapīṭhasaṁsthānā kālabhairavapūjitā || 36 ||
kāśīkāśmīrakāmpilyakāñcīkailāsavāsinī |
kāmākṣī kālikā kāntā kāṣṭhāmbarasuśōbhanā || 37 ||
kālahr̥nnaṭanānandā kāmākhyādisvarūpiṇī |
kāvyāmr̥tarasānandā kāmakōṭivilāsinī || 38 ||
liṅgamūrtisusampr̥ktā liṣṭāṅgacandraśēkharā |
limpākanādasantuṣṭā liṅgitāṣṭakalēvarā || 39 ||
likāramantrasaṁsiddhā ligulālanaśālinī |
likṣāmātrāṇusūkṣmābhā liṅgiliṅgapradīpinī || 40 ||
likhitākṣaravinyāsā liptakālāṅgaśōbhanā |
liṅgōpahitasūkṣmārthadyōtanajñānadāyinī || 41 ||
lipilēkhyapramāṇādilakṣitātmasvarūpiṇī |
likārāñcitamantraprajāpajīvanavardhanī || 42 ||
liṅgakēṣṭāśaṣaḍvaktrapriyasūnumatallikā |
kēlihāsapriyasvāntā kēvalānandarūpiṇī || 43 ||
kēdārādisthalāvāsā kēkinartanalōlupā |
kēnādyupaniṣatsārā kētumālādivarṣapā || 44 ||
kēralīyamatāntasthā kēndrabindutvagōcarā |
kēnātyādyujjvalakrīḍārasabhāvajñalālasā || 45 ||
kēyūranūpurasthānamaṇibandhāhibhūṣitā |
kēnāramālikābhūṣā kēśavādisamarcitā || 46 ||
kēśakālābhrasaundaryā kēvalātmavilāsinī |
krīṅkārabhavanōdyuktā krīṅkāraikaparāyaṇā || 47 ||
krīṁmuktidānamandārā krīmyōginīvilāsinī |
krīṅkārasamayācāratatparaprāṇadhāriṇī || 48 ||
krīñjapāsaktahr̥ddēśavāsinī krīṁmanōharā |
krīṅkāramantrālaṅkārā krīñcaturvargadāyikā || 49 ||
krīṅkaulamārgasampannapuraścaraṇadōhadā |
krīṅkāramantrakūpārōtpannapīyūṣaśēvadhiḥ || 50 ||
krīṅkārādyantahūṁhrīmphaṭsvāhādiparivartanī |
krīṅkārāmr̥tamādhuryarasajñārasanāgragā || 51 ||
krīñjāpadivyarājīvabhramarī krīṁhutāśanī |
krīṅkārahōmakuṇḍāgnijihvāpratyakṣarūpiṇī || 52 ||
krīṁsampuṭārcanādhāraṇānandasvāntalāsinī |
krīṅkārasumanōgranthamālikāpriyadhāriṇī || 53 ||
krīṅkāraikākṣarīmantrasvādhīnaprāṇavallabhā |
krīṅkārabījasandhānajapadhyānavaśaṁvadā || 54 ||
krīṅkārōjjr̥mbhanādāntamantramātrasvatantragā |
krīṅkārōnnatavidyāṅgaśāktācārābhinandinī || 55 ||
krīṁrandhraguhyabhāvajñayōginīparatantragā |
krīṅkālītāriṇīsundaryādividyāsvarūpiṇī || 56 ||
krīṅkārapañcabhūtātmaprāpañcikakuṭumbinī |
krīṅkārōrvyādiniśśēṣatattvakūṭavijr̥mbhiṇī || 57 ||
krīṅkāramantraśaktipravinyastakr̥tyapañcakā |
krīṁnirvartitaviśvāṇḍakalpapralayasākṣiṇī || 58 ||
krīṅkāravidyucchaktipraṇunnasarvajagatkriyā |
krīṅkāramātrasatyādisarvalōkapracālinī || 59 ||
krīṅkārayōgasaṁlīnadaharākāśabhāsinī |
krīṁsaṁlagnaparaḥkōṭisaṅkhyāmantrajapapriyā || 60 ||
krīṅkārabinduṣaṭkōṇanavakōṇapratiṣṭhitā |
krīṅkāravr̥ttapadmāṣṭadalabhūpuraniṣṭhitā || 61 ||
krīṅkārajāpabhaktaughanityanissīmaharṣadā |
krīntripañcāracakrasthā krīṅkālyugrādisēvitā || 62 ||
krīṅkārajāpahr̥dvyōmacandrikā krīṅkarālikā |
krīṅkārabrahmarandhrasthabrahmajñēyasvarūpiṇī || 63 ||
krīmbrāhmīnārasiṁhyādiyōginyāvr̥tasundarī |
krīṅkārasādhakaunnatyasāmōdasiddhidāyinī || 64 ||
hūṅkāratārā hūmbījajapatatparamōkṣadā |
hūntraividyadharāmnāyānvīkṣikyādipradāyikā || 65 ||
hūṁvidyāsādhanāmātracaturvargaphalapradā |
hūñjāpakatrayastriṁśatkōṭidēvaprapūjitā || 66 ||
hūṅkārabījasampannā hūṅkārōttāraṇāmbikā |
hūmphaṭkārasudhāmūrtirhūmphaṭsvāhāsvarūpiṇī || 67 ||
hūṅkārabījagūḍhātmavijñānavaibhavāmbikā |
hūṅkāraśrutiśīrṣōktavēdāntatattvarūpiṇī || 68 ||
hūṅkārabindunādāntacandrārdhavyāpikōnmanī |
hūṅkārājñāsahasrārajāgratsvapnasuṣuptigā || 69 ||
hūmprāgdakṣiṇapāścātyōttarānvayacatuṣkagā |
hūṁvahnisūryasōmākhyakuṇḍalinyāttaśaktikā || 70 ||
hūṅkārēcchākriyājñānaśaktitritayarūpiṇī |
hūṁrasāsthivasāmāṁsāsr̥ṅmajjāśukraniṣṭhitā || 71 ||
hūṅkāravananīlāṁśumēghanādānulāsinī |
hūṅkārajapasānandapuraścaraṇakāmadā || 72 ||
hūṅkārakalanākālanairguṇyaniṣkriyātmikā |
hūṅkārabrahmavidyādigurūttamasvarūpiṇī || 73 ||
hūṅkārasphōṭanānandaśabdabrahmasvarūpiṇī |
hūṅkāraśāktatantrādiparamēṣṭhigurūttamā || 74 ||
hūṅkāravēdamantrōktamahāvidyāprabōdhinī |
hūṅkārasthūlasūkṣmātparabrahmasvarūpiṇī || 75 ||
hūṅkāranirguṇabrahmacitsvarūpaprakāśikā |
hūṁnirvikārakālātmā hūṁśuddhasattvabhūmikā || 76 ||
hrīmaṣṭabhairavārādhyā hrīmbījādimanupriyā |
hrīñjayādyaṅkapīṭhākhyaśaktyārādhyapadāmbujā || 77 ||
hrīṁmahatsiṁhadhūmrādibhairavyarcitapādukā |
hrīñjapākaravīrārkapuṣpahōmārcanapriyā || 78 ||
hrīṅkāranaigamākārā hrīṁsarvadēvarūpiṇī |
hrīṅkūrcakālikākūṭavākprasiddhipradāyikā || 79 ||
hrīṅkārabījasampannavidyārājñīsamādhigā |
hrīṅkārasaccidānandaparabrahmasvarūpiṇī || 80 ||
hrīṁhr̥llēkhākhyamantrātmā hrīṅkr̥ṣṇaraktamāninī |
hrīmpiṇḍakartarībījamālādimantrarūpiṇī || 81 ||
hrīṁnirvāṇamayī hrīṅkāramahākālamōhinī |
hrīṁmatī hrīmparāhlādā hrīṁ hrīṅkāraguṇāvr̥tā || 82 ||
hrīmādisarvamantrasthā hrīṅkārajvalitaprabhā |
hrīṅkārōrjitapūjēṣṭā hrīṅkāramātr̥kāmbikā || 83 ||
hrīṅkāradhyānayōgēṣṭā hrīṅkāramantravēginī |
hrīmādyantavihīnasvarūpiṇī hrīmparātparā || 84 ||
hrīmbhadrātmajarōciṣṇuhastābjavaravarṇinī |
svāhākārāttahōmēṣṭā svāhā svādhīnavallabhā || 85 ||
svāntaprasādanairmalyavaradānābhivarṣiṇī |
svādhiṣṭhānādipadmasthā svārājyasiddhidāyikā || 86 ||
svādhyāyatatparaprītā svāminī svādalōlupā |
svācchandyaramaṇaklinnā svādvīphalarasapriyā || 87 ||
svāsthyalīnajapaprītā svātantryacaritārthakā |
svādiṣṭhacaṣakāsvādaprēmōllāsitamānasā || 88 ||
hāyanādyanibaddhātmā hāṭakādripradāyinī |
hārīkr̥tanr̥muṇḍālirhānivr̥ddhyādikāraṇā || 89 ||
hānadānādigāmbhīryadāyinī hārirūpiṇī |
hārahārādimādhuryamadirāpānalōlupā || 90 ||
hāṭakēśāditīrthasthakālakālapriyaṅkarī |
hāhāhūhvādigandharvagānaśravaṇalālasā || 91 ||
hārikaṇṭhasvarasthāyyālāpanādirasātmikā |
hārdasyandikaṭākṣaprapālitōpāsakāvalī || 92 ||
hālāhalāśanaprēmaphalinī hāvaśālinī |
hāsaprakāśavadanāmbhōruhānanditākhilā || 93 ||
atha phalaśrutiḥ –
vidyārājñīvarṇamālākramakalpitanāmakam |
kālīsānniddhyasampannaṁ vidyāgūḍhārthasampuṭam || 1 ||
ētadyaḥ parayā bhaktyā triśatīstōtramuttamam |
sarvamaṅgalavidyākhyaṁ triśatīsaṅkhyayā japēt || 2 ||
viśvaṁ kālīmayaṁ paśyan kālōbhāvasamāhitaḥ |
pūjāhōmajapadhyānakramasambhr̥tasādhanaḥ || 3 ||
guruvidyākālikātmatanmayatvapariṣkr̥taḥ |
śucissauśīlyavān yōgī samādhyānandatatparaḥ || 4 ||
vidyātādātmyasaṁsiddhaguptatattvajñamantriṇaḥ |
tasyā:’sādhyaṁ kvacinnāsti sarvamaṅgalamāpnuyāt || 5 ||
varṇagūḍhārthabhāvaṁ yō dhyāyan mantraṁ japēt sadā |
krīṁ svāhā dakṣiṇē caiva kālikē kālikādalam || 6 ||
kālabhāgastu hūṅkārō hrīṅkālakālikāṁśakaḥ |
ṣaṭkōṇaṁ navakōṇaṁ ca kālikācakramīritam || 7 ||
śēṣaṁ tu kālacakraṁ hi kālīkālamayaṁ samam |
gūḍhaṁ vijānataḥ kālī viharēddhr̥di sarvadā || 8 ||
saubhāgyadāyinī mātā prēmabhaktivaśaṁvadā |
yōginīmānasōllāsā śrīmahākālarañjanī || 9 ||
śr̥ṅgāralōlāsammugdhā lālityamattakāśinī |
asamānadayāśīlā bhaktalālanalōlupā || 10 ||
naiva yacchēdabhaktāya gōpanīyamimaṁ stavam |
yastu mōhavaśādyacchēt pāpiṣṭhassa bhavēddhr̥vam || 11 ||
pārāyaṇāt prēmabhaktyā labhatē kṣēmamuttamam |
kālīmayaḥ puṇyamūrtiścirañjīvī ca mōkṣabhāk || 12 ||
iti śrīkālītantrē śrīsarvamaṅgalavidyā nāma śrī dakṣiṇakālikā triśatī stōtram ||
Found a Mistake or Error? Report it Now
