ஶ்ரீ த³க்ஷிணகாளிகா த்ரிஶதீ ஸ்தோத்ரம்

|| ஶ்ரீ த³க்ஷிணகாளிகா த்ரிஶதீ ஸ்தோத்ரம் ||

அஸ்ய ஶ்ரீஸர்வமங்க³ளவித்³யாயா நாம ஶ்ரீத³க்ஷிணகாளிகா த்ரிஶதீஸ்தோத்ர மஹாமந்த்ரஸ்ய ஶ்ரீகாலபை⁴ரவ ருஷி꞉ அனுஷ்டுப் ச²ந்த³꞉ ஶ்ரீத³க்ஷிணகாளிகா தே³வதா ஹ்ரீம் பீ³ஜம் ஹூம் ஶக்தி꞉ க்ரீம் கீலகம் ஶ்ரீத³க்ஷிணகாளிகா ப்ரஸாத³ஸித்³த்⁴யர்தே² ஜபே விநியோக³꞉ ।

ருஷ்யாதி³ந்யாஸ꞉ –
ஶ்ரீகாலபை⁴ரவர்ஷயே நம꞉ ஶிரஸி ।
அனுஷ்டுப் ச²ந்த³ஸே நமோ முகே² ।
ஶ்ரீத³க்ஷிணகாளிகாயை தே³வதாயை நமோ ஹ்ருதி³ ।
ஹ்ரீம் பீ³ஜாய நமோ கு³ஹ்யே ।
ஹூம் ஶக்தயே நம꞉ பாத³யோ꞉ ।
க்ரீம் கீலகாய நமோ நாபௌ⁴ ।
விநியோகா³ய நம꞉ ஸர்வாங்கே³ ।

கரந்யாஸ꞉ –
க்ராம் அங்கு³ஷ்டா²ப்⁴யாம் நம꞉ ।
க்ரீம் தர்ஜனீப்⁴யாம் நம꞉ ।
க்ரூம் மத்⁴யமாப்⁴யாம் நம꞉ ।
க்ரைம் அநாமிகாப்⁴யாம் நம꞉ ।
க்ரௌம் கநிஷ்டி²காப்⁴யாம் நம꞉ ।
க்ர꞉ கரதல கரப்ருஷ்டா²ப்⁴யாம் நம꞉ ।

ஹ்ருத³யாதி³ந்யாஸ꞉ –
க்ராம் ஹ்ருத³யாய நம꞉ ।
க்ரீம் ஶிரஸே ஸ்வாஹா ।
க்ரூம் ஶிகா²யை வஷட் ।
க்ரைம் கவசாய ஹும் ।
க்ரௌம் நேத்ரத்ரயாய வௌஷட் ।
க்ர꞉ அஸ்த்ராய ப²ட் ।

த்⁴யானம் –
ஶவாரூடா⁴ம் மஹாபீ⁴மாம் கோ⁴ரத³ம்ஷ்ட்ராம் ஹஸன்முகீ²ம்
சதுர்பு⁴ஜாம் க²ட்³க³முண்ட³வராப⁴யகராம் ஶிவாம் ।
முண்ட³மாலாத⁴ராம் தே³வீம் லலஜ்ஜிஹ்வாம் தி³க³ம்ப³ராம்
ஏவம் ஸஞ்சிந்தயேத்காளீம் ஶ்மஶானாலயவாஸினீம் ॥ 1 ॥

ஶ்யாமாங்கீ³ம் தி³க்³வஸனாம் ஶவஶிவஹ்ருத³யஸ்தா²ம் ஸதா³ லோலஜிஹ்வாம்
தோ³ர்த³ண்டை³꞉ க்லுப்தகாஞ்சீம் விகஸிதவத³னாம் பீ⁴மத³ம்ஷ்ட்ராம் த்ரிநேத்ராம் ।
முண்ட³ஸ்ரக்³பூ⁴ஷணாம் ஹஸ்தவித்⁴ருதவரதா³பீ⁴திநிஸ்த்ரிம்ஶமுண்டா³ம்
த்⁴யாயேத்ப்ரேம்ணா மஹாகாலரதிபரஸுகீ²ம் த³க்ஷிணாம் காளிகாம் தாம் ॥ 2 ॥

பஞ்சோபசார பூஜா –
லம் ப்ருதி²வ்யாத்மனே க³ந்த⁴ம் கல்பயாமி நம꞉ ।
ஹம் ஆகாஶாத்மனே புஷ்பாணி கல்பயாமி நம꞉ ।
யம் வாய்வாத்மனே தூ⁴பம் கல்பயாமி நம꞉ ।
ரம் அக்³ன்யாத்மனே தீ³பம் கல்பயாமி நம꞉ ।
வம் அம்ருதாத்மனே அம்ருதம் மஹாநைவேத்³யம் கல்பயாமி நம꞉ ।
ஸம் ஸர்வாத்மனே ஸர்வோபசாரான் கல்பயாமி நம꞉ ।

அத² ஸ்தோத்ரம் ।
க்ரீங்காரீ க்ரீம்பதா³காரா க்ரீங்காரமந்த்ரபூரணா ।
க்ரீம்மதீ க்ரீம்பதா³வாஸா க்ரீம்பீ³ஜஜபதோஷிணீ ॥ 1 ॥

க்ரீங்காரஸத்த்வா க்ரீமாத்மா க்ரீம்பூ⁴ஷா க்ரீம்மனுஸ்வராட் ।
க்ரீங்காரக³ர்பா⁴ க்ரீம்ஸஞ்ஜ்ஞா க்ரீங்காரத்⁴யேயரூபிணீ ॥ 2 ॥

க்ரீங்காராத்தமனுப்ரௌடா⁴ க்ரீங்காரசக்ரபூஜிதா ।
க்ரீங்காரளலனானந்தா³ க்ரீங்காராளாபதோஷிணீ ॥ 3 ॥

க்ரீங்கலாநாத³பி³ந்து³ஸ்தா² க்ரீங்காரசக்ரவாஸினீ ।
க்ரீங்காரளக்ஷ்மீ꞉ க்ரீம்ஶக்தி꞉ க்ரீங்காரமனுமண்டி³தா ॥ 4 ॥

க்ரீங்காரானந்த³ஸர்வஸ்வா க்ரீஞ்ஜ்ஞேயலக்ஷ்யமாத்ரகா³ ।
க்ரீங்காரபி³ந்து³பீட²ஸ்தா² க்ரீங்காரநாத³மோதி³னீ ॥ 5 ॥

க்ரீந்தத்த்வஜ்ஞானவிஜ்ஞேயா க்ரீங்காரயஜ்ஞபாலினீ ।
க்ரீங்காரளக்ஷணானந்தா³ க்ரீங்காரளயலாலஸா ॥ 6 ॥

க்ரீம்மேருமத்⁴யகா³ஸ்தா²னா க்ரீங்காராத்³யவரார்ணபூ⁴꞉ ।
க்ரீங்காரவரிவஸ்யாட்⁴யா க்ரீங்காரகா³னலோலுபா ॥ 7 ॥

க்ரீங்காரநாத³ஸம்பன்னா க்ரீங்காரைகாக்ஷராத்மிகா ।
க்ரீமாதி³கு³ணவர்கா³த்தத்ரிதயாத்³யாஹுதிப்ரியா ॥ 8 ॥

க்ரீங்க்லின்னரமணானந்த³மஹாகாலவராங்க³னா ।
க்ரீம்லாஸ்யதாண்ட³வானந்தா³ க்ரீங்காரபோ⁴க³மோக்ஷதா³ ॥ 9 ॥

க்ரீங்காரயோகி³னீஸாத்⁴யோபாஸ்திஸர்வஸ்வகோ³சரா ।
க்ரீங்காரமாத்ருகாஸித்³த⁴வித்³யாராஜ்ஞீகளேவரா ॥ 10 ॥

ஹூங்காரமந்த்ரா ஹூங்க³ர்பா⁴ ஹூங்காரநாத³கோ³சரா ।
ஹூங்காரரூபா ஹூங்காரஜ்ஞேயா ஹூங்காரமாத்ருகா ॥ 11 ॥

ஹூம்ப²ட்காரமஹாநாத³மயீ ஹூங்காரஶாலினீ ।
ஹூங்காரஜபஸம்மோதா³ ஹூங்காரஜாபவாக்ப்ரதா³ ॥ 12 ॥

ஹூங்காரஹோமஸம்ப்ரீதா ஹூங்காரதந்த்ரவாஹினீ ।
ஹூங்காரதத்த்வவிஜ்ஞானஜ்ஞாத்ருஜ்ஞேயஸ்வரூபிணீ ॥ 13 ॥

ஹூங்காரஜாபஜாட்³யக்⁴னீ ஹூங்காரஜீவனாடி³கா ।
ஹூங்காரமூலமந்த்ராத்மா ஹூங்காரபாரமார்தி²கா ॥ 14 ॥

ஹூங்காரகோ⁴ஷணாஹ்லாதா³ ஹூங்காரைகபராயணா ।
ஹூங்காரபீ³ஜஸங்க்லுப்தா ஹூங்காரவரதா³யினீ ॥ 15 ॥

ஹூங்காரத்³யோதனஜ்யோதிர்ஹூங்காரநீலபா⁴ரதீ ।
ஹூங்காராளம்ப³னாதா⁴ரா ஹூங்காரயோக³ஸௌக்²யதா³ ॥ 16 ॥

ஹூங்காரஜ²ங்க்ருதாகாரா ஹூங்காராஞ்சிதவாக்³ஜ²ரீ ।
ஹூங்காரசண்டீ³பாரீணானந்த³ஜி²ல்லீஸ்வரூபிணீ ॥ 17 ॥

ஹ்ரீங்காரமந்த்ரகா³யத்ரீ ஹ்ரீங்காரஸார்வகாமிகீ ।
ஹ்ரீங்காரஸாமஸர்வஸ்வா ஹ்ரீங்காரராஜயோகி³னீ ॥ 18 ॥

ஹ்ரீங்காரஜ்யோதிருத்³தா³மா ஹ்ரீங்காரமூலகாரணா ।
ஹ்ரீங்காரோத்தஸபர்யாட்⁴யா ஹ்ரீங்காரதந்த்ரமாத்ருகா ॥ 19 ॥

ஹ்ரீஞ்ஜஹல்லக்ஷணாப்⁴ருங்கீ³ ஹ்ரீங்காரஹம்ஸநாதி³னீ ।
ஹ்ரீங்காரதாரிணீவித்³யா ஹ்ரீங்காரபு⁴வனேஶ்வரீ ॥ 20 ॥

ஹ்ரீங்காரகாளிகாமூர்திர்ஹ்ரீங்காரநாத³ஸுந்த³ரீ ।
ஹ்ரீங்காரஜ்ஞானவிஜ்ஞானா ஹ்ரீங்காரகாலமோஹினீ ॥ 21 ॥

ஹ்ரீங்காரகாமபீட²ஸ்தா² ஹ்ரீங்காரஸம்ஸ்க்ருதாகி²லா ।
ஹ்ரீங்காரவிஶ்வஸம்பா⁴ரா ஹ்ரீங்காராம்ருதஸாக³ரா ॥ 22 ॥

ஹ்ரீங்காரமந்த்ரஸன்னத்³தா⁴ ஹ்ரீங்காரரஸபூர்ணகா³ ।
ஹ்ரீங்காரமாயாவிர்பா⁴வா ஹ்ரீங்காரஸரஸீருஹா ॥ 23 ॥

ஹ்ரீங்காரகலனாதா⁴ரா ஹ்ரீங்காரவேத³மாத்ருகா ।
ஹ்ரீங்காரஜ்ஞானமந்தா³ரா ஹ்ரீங்காரராஜஹம்ஸினீ ॥ 24 ॥

த³ந்துரா த³க்ஷயஜ்ஞக்⁴னீ த³யா த³க்ஷிணகாளிகா ।
த³க்ஷிணாசாரஸுப்ரீதா த³ம்ஶபீ⁴ருப³லிப்ரியா ॥ 25 ॥

த³க்ஷிணாபி⁴முகீ² த³க்ஷா த³த்ரோத்ஸேகப்ரதா³யிகா ।
த³ர்பக்⁴னீ த³ர்ஶகுஹ்வஷ்டமீயாம்யாராத⁴னப்ரியா ॥ 26 ॥

த³ர்ஶனப்ரதிபூ⁴ர்த³ம்ப⁴ஹந்த்ரீ த³க்ஷிணதல்லஜா ।
க்ஷித்யாதி³தத்த்வஸம்பா⁴வ்யா க்ஷித்யுத்தமக³திப்ரதா³ ॥ 27 ॥

க்ஷிப்ரப்ரஸாதி³தா க்ஷிப்ரா க்ஷிதிவர்த⁴னஸம்ஸ்தி²தா ।
க்ஷிப்ராக³ங்கா³தி³னத்³யம்ப⁴꞉ப்ரவாஹவாஸதோஷிணீ ॥ 28 ॥

க்ஷிதிஜாஹர்நிஶோபாஸாஜபபாராயணப்ரியா ।
க்ஷித்³ராதி³க்³ரஹநக்ஷத்ரஜ்யோதீரூபப்ரகாஶிகா ॥ 29 ॥

க்ஷிதீஶாதி³ஜனாராத்⁴யா க்ஷிப்ரதாண்ட³வகாரிணீ ।
க்ஷிபாப்ரணயனுன்னாத்மப்ரேரிதாகி²லயோகி³னீ ॥ 30 ॥

க்ஷிதிப்ரதிஷ்டி²தாராத்⁴யா க்ஷிதிதே³வாதி³பூஜிதா ।
க்ஷிதிவ்ருத்திஸுஸம்பன்னோபாஸகப்ரியதே³வதா ॥ 31 ॥

ணேகாரரூபிணீ நேத்ரீ நேத்ராந்தானுக்³ரஹப்ரதா³ ।
நேத்ரஸாரஸ்வதோன்மேஷா நேஜிதாகி²லஸேவகா ॥ 32 ॥

ணேகாரஜ்யோதிராபா⁴ஸா நேத்ரத்ரயவிராஜிதா ।
நேத்ராஞ்ஜனஸவர்ணாங்கீ³ நேத்ரபி³ந்தூ³ஜ்ஜ்வலத்ப்ரபா⁴ ॥ 33 ॥

ணேகாரபர்வதேந்த்³ராக்³ரஸமுத்³யத³ம்ருதத்³யுதி꞉ ।
நேத்ராதீதப்ரகாஶார்சிரஶேஷஜநமோஹினீ ॥ 34 ॥

ணேகாரமூலமந்த்ரார்த²ரஹஸ்யஜ்ஞானதா³யினீ ।
ணேகாரஜபஸுப்ரீதா நேத்ரானந்த³ஸ்வரூபிணீ ॥ 35 ॥

காளீ காலஶவாரூடா⁴ காருண்யாம்ருதஸாக³ரா ।
காந்தாரபீட²ஸம்ஸ்தா²னா காலபை⁴ரவபூஜிதா ॥ 36 ॥

காஶீகாஶ்மீரகாம்பில்யகாஞ்சீகைலாஸவாஸினீ ।
காமாக்ஷீ காளிகா காந்தா காஷ்டா²ம்ப³ரஸுஶோப⁴னா ॥ 37 ॥

காலஹ்ருன்னடனானந்தா³ காமாக்²யாதி³ஸ்வரூபிணீ ।
காவ்யாம்ருதரஸானந்தா³ காமகோடிவிளாஸினீ ॥ 38 ॥

லிங்க³மூர்திஸுஸம்ப்ருக்தா லிஷ்டாங்க³சந்த்³ரஶேக²ரா ।
லிம்பாகநாத³ஸந்துஷ்டா லிங்கி³தாஷ்டகளேவரா ॥ 39 ॥

லிகாரமந்த்ரஸம்ஸித்³தா⁴ லிகு³ளாலனஶாலினீ ।
லிக்ஷாமாத்ராணுஸூக்ஷ்மாபா⁴ லிங்கி³ளிங்க³ப்ரதீ³பினீ ॥ 40 ॥

லிகி²தாக்ஷரவிந்யாஸா லிப்தகாலாங்க³ஶோப⁴னா ।
லிங்கோ³பஹிதஸூக்ஷ்மார்த²த்³யோதனஜ்ஞானதா³யினீ ॥ 41 ॥

லிபிலேக்²யப்ரமாணாதி³ளக்ஷிதாத்மஸ்வரூபிணீ ।
லிகாராஞ்சிதமந்த்ரப்ரஜாபஜீவனவர்த⁴னீ ॥ 42 ॥

லிங்க³கேஷ்டாஶஷட்³வக்த்ரப்ரியஸூனுமதல்லிகா ।
கேலிஹாஸப்ரியஸ்வாந்தா கேவலானந்த³ரூபிணீ ॥ 43 ॥

கேதா³ராதி³ஸ்த²லாவாஸா கேகினர்தனலோலுபா ।
கேநாத்³யுபநிஷத்ஸாரா கேதுமாலாதி³வர்ஷபா ॥ 44 ॥

கேரளீயமதாந்தஸ்தா² கேந்த்³ரபி³ந்து³த்வகோ³சரா ।
கேனாத்யாத்³யுஜ்ஜ்வலக்ரீடா³ரஸபா⁴வஜ்ஞலாலஸா ॥ 45 ॥

கேயூரநூபுரஸ்தா²னமணிப³ந்தா⁴ஹிபூ⁴ஷிதா ।
கேனாரமாலிகாபூ⁴ஷா கேஶவாதி³ஸமர்சிதா ॥ 46 ॥

கேஶகாலாப்⁴ரஸௌந்த³ர்யா கேவலாத்மவிளாஸினீ ।
க்ரீங்காரப⁴வனோத்³யுக்தா க்ரீங்காரைகபராயணா ॥ 47 ॥

க்ரீம்முக்திதா³னமந்தா³ரா க்ரீம்யோகி³னீவிளாஸினீ ।
க்ரீங்காரஸமயாசாரதத்பரப்ராணதா⁴ரிணீ ॥ 48 ॥

க்ரீஞ்ஜபாஸக்தஹ்ருத்³தே³ஶவாஸினீ க்ரீம்மனோஹரா ।
க்ரீங்காரமந்த்ராளங்காரா க்ரீஞ்சதுர்வர்க³தா³யிகா ॥ 49 ॥

க்ரீங்கௌலமார்க³ஸம்பன்னபுரஶ்சரணதோ³ஹதா³ ।
க்ரீங்காரமந்த்ரகூபாரோத்பன்னபீயூஷஶேவதி⁴꞉ ॥ 50 ॥

க்ரீங்காராத்³யந்தஹூம்ஹ்ரீம்ப²ட்ஸ்வாஹாதி³பரிவர்தனீ ।
க்ரீங்காராம்ருதமாது⁴ர்யரஸஜ்ஞாரஸநாக்³ரகா³ ॥ 51 ॥

க்ரீஞ்ஜாபதி³வ்யராஜீவப்⁴ரமரீ க்ரீம்ஹுதாஶனீ ।
க்ரீங்காரஹோமகுண்டா³க்³நிஜிஹ்வாப்ரத்யக்ஷரூபிணீ ॥ 52 ॥

க்ரீம்ஸம்புடார்சனாதா⁴ரணானந்த³ஸ்வாந்தலாஸினீ ।
க்ரீங்காரஸுமனோக்³ரந்த²மாலிகாப்ரியதா⁴ரிணீ ॥ 53 ॥

க்ரீங்காரைகாக்ஷரீமந்த்ரஸ்வாதீ⁴னப்ராணவல்லபா⁴ ।
க்ரீங்காரபீ³ஜஸந்தா⁴னஜபத்⁴யானவஶம்வதா³ ॥ 54 ॥

க்ரீங்காரோஜ்ஜ்ரும்ப⁴நாதா³ந்தமந்த்ரமாத்ரஸ்வதந்த்ரகா³ ।
க்ரீங்காரோன்னதவித்³யாங்க³ஶாக்தாசாராபி⁴னந்தி³னீ ॥ 55 ॥

க்ரீம்ரந்த்⁴ரகு³ஹ்யபா⁴வஜ்ஞயோகி³னீபரதந்த்ரகா³ ।
க்ரீங்காளீதாரிணீஸுந்த³ர்யாதி³வித்³யாஸ்வரூபிணீ ॥ 56 ॥

க்ரீங்காரபஞ்சபூ⁴தாத்மப்ராபஞ்சிககுடும்பி³னீ ।
க்ரீங்காரோர்வ்யாதி³நிஶ்ஶேஷதத்த்வகூடவிஜ்ரும்பி⁴ணீ ॥ 57 ॥

க்ரீங்காரமந்த்ரஶக்திப்ரவின்யஸ்தக்ருத்யபஞ்சகா ।
க்ரீம்நிர்வர்திதவிஶ்வாண்ட³கல்பப்ரளயஸாக்ஷிணீ ॥ 58 ॥

க்ரீங்காரவித்³யுச்ச²க்திப்ரணுன்னஸர்வஜக³த்க்ரியா ।
க்ரீங்காரமாத்ரஸத்யாதி³ஸர்வலோகப்ரசாலினீ ॥ 59 ॥

க்ரீங்காரயோக³ஸம்லீனத³ஹராகாஶபா⁴ஸினீ ।
க்ரீம்ஸம்லக்³னபர꞉கோடிஸங்க்²யாமந்த்ரஜபப்ரியா ॥ 60 ॥

க்ரீங்காரபி³ந்து³ஷட்கோணனவகோணப்ரதிஷ்டி²தா ।
க்ரீங்காரவ்ருத்தபத்³மாஷ்டத³ளபூ⁴புரநிஷ்டி²தா ॥ 61 ॥

க்ரீங்காரஜாபப⁴க்தௌக⁴நித்யநிஸ்ஸீமஹர்ஷதா³ ।
க்ரீந்த்ரிபஞ்சாரசக்ரஸ்தா² க்ரீங்கால்யுக்³ராதி³ஸேவிதா ॥ 62 ॥

க்ரீங்காரஜாபஹ்ருத்³வ்யோமசந்த்³ரிகா க்ரீங்கராளிகா ।
க்ரீங்காரப்³ரஹ்மரந்த்⁴ரஸ்த²ப்³ரஹ்மஜ்ஞேயஸ்வரூபிணீ ॥ 63 ॥

க்ரீம்ப்³ராஹ்மீநாரஸிம்ஹ்யாதி³யோகி³ன்யாவ்ருதஸுந்த³ரீ ।
க்ரீங்காரஸாத⁴கௌன்னத்யஸாமோத³ஸித்³தி⁴தா³யினீ ॥ 64 ॥

ஹூங்காரதாரா ஹூம்பீ³ஜஜபதத்பரமோக்ஷதா³ ।
ஹூந்த்ரைவித்³யத⁴ராம்னாயான்வீக்ஷிக்யாதி³ப்ரதா³யிகா ॥ 65 ॥

ஹூம்வித்³யாஸாத⁴நாமாத்ரசதுர்வர்க³ப²லப்ரதா³ ।
ஹூஞ்ஜாபகத்ரயஸ்த்ரிம்ஶத்கோடிதே³வப்ரபூஜிதா ॥ 66 ॥

ஹூங்காரபீ³ஜஸம்பன்னா ஹூங்காரோத்தாரணாம்பி³கா ।
ஹூம்ப²ட்காரஸுதா⁴மூர்திர்ஹூம்ப²ட்ஸ்வாஹாஸ்வரூபிணீ ॥ 67 ॥

ஹூங்காரபீ³ஜகூ³டா⁴த்மவிஜ்ஞானவைப⁴வாம்பி³கா ।
ஹூங்காரஶ்ருதிஶீர்ஷோக்தவேதா³ந்ததத்த்வரூபிணீ ॥ 68 ॥

ஹூங்காரபி³ந்து³நாதா³ந்தசந்த்³ரார்த⁴வ்யாபிகோன்மனீ ।
ஹூங்காராஜ்ஞாஸஹஸ்ராரஜாக்³ரத்ஸ்வப்னஸுஷுப்திகா³ ॥ 69 ॥

ஹூம்ப்ராக்³த³க்ஷிணபாஶ்சாத்யோத்தரான்வயசதுஷ்ககா³ ।
ஹூம்வஹ்நிஸூர்யஸோமாக்²யகுண்ட³லின்யாத்தஶக்திகா ॥ 70 ॥

ஹூங்காரேச்சா²க்ரியாஜ்ஞானஶக்தித்ரிதயரூபிணீ ।
ஹூம்ரஸாஸ்தி²வஸாமாம்ஸாஸ்ருங்மஜ்ஜாஶுக்ரநிஷ்டி²தா ॥ 71 ॥

ஹூங்காரவனநீலாம்ஶுமேக⁴நாதா³னுலாஸினீ ।
ஹூங்காரஜபஸானந்த³புரஶ்சரணகாமதா³ ॥ 72 ॥

ஹூங்காரகலனாகாலனைர்கு³ண்யநிஷ்க்ரியாத்மிகா ।
ஹூங்காரப்³ரஹ்மவித்³யாதி³கு³ரூத்தமஸ்வரூபிணீ ॥ 73 ॥

ஹூங்காரஸ்போ²டனானந்த³ஶப்³த³ப்³ரஹ்மஸ்வரூபிணீ ।
ஹூங்காரஶாக்ததந்த்ராதி³பரமேஷ்டி²கு³ரூத்தமா ॥ 74 ॥

ஹூங்காரவேத³மந்த்ரோக்தமஹாவித்³யாப்ரபோ³தி⁴னீ ।
ஹூங்காரஸ்தூ²லஸூக்ஷ்மாத்பரப்³ரஹ்மஸ்வரூபிணீ ॥ 75 ॥

ஹூங்காரநிர்கு³ணப்³ரஹ்மசித்ஸ்வரூபப்ரகாஶிகா ।
ஹூம்நிர்விகாரகாலாத்மா ஹூம்ஶுத்³த⁴ஸத்த்வபூ⁴மிகா ॥ 76 ॥

ஹ்ரீமஷ்டபை⁴ரவாராத்⁴யா ஹ்ரீம்பீ³ஜாதி³மனுப்ரியா ।
ஹ்ரீஞ்ஜயாத்³யங்கபீடா²க்²யஶக்த்யாராத்⁴யபதா³ம்பு³ஜா ॥ 77 ॥

ஹ்ரீம்மஹத்ஸிம்ஹதூ⁴ம்ராதி³பை⁴ரவ்யர்சிதபாது³கா ।
ஹ்ரீஞ்ஜபாகரவீரார்கபுஷ்பஹோமார்சனப்ரியா ॥ 78 ॥

ஹ்ரீங்காரனைக³மாகாரா ஹ்ரீம்ஸர்வதே³வரூபிணீ ।
ஹ்ரீங்கூர்சகாளிகாகூடவாக்ப்ரஸித்³தி⁴ப்ரதா³யிகா ॥ 79 ॥

ஹ்ரீங்காரபீ³ஜஸம்பன்னவித்³யாராஜ்ஞீஸமாதி⁴கா³ ।
ஹ்ரீங்காரஸச்சிதா³னந்த³பரப்³ரஹ்மஸ்வரூபிணீ ॥ 80 ॥

ஹ்ரீம்ஹ்ருல்லேகா²க்²யமந்த்ராத்மா ஹ்ரீங்க்ருஷ்ணரக்தமானினீ ।
ஹ்ரீம்பிண்ட³கர்தரீபீ³ஜமாலாதி³மந்த்ரரூபிணீ ॥ 81 ॥

ஹ்ரீம்நிர்வாணமயீ ஹ்ரீங்காரமஹாகாலமோஹினீ ।
ஹ்ரீம்மதீ ஹ்ரீம்பராஹ்லாதா³ ஹ்ரீம் ஹ்ரீங்காரகு³ணாவ்ருதா ॥ 82 ॥

ஹ்ரீமாதி³ஸர்வமந்த்ரஸ்தா² ஹ்ரீங்காரஜ்வலிதப்ரபா⁴ ।
ஹ்ரீங்காரோர்ஜிதபூஜேஷ்டா ஹ்ரீங்காரமாத்ருகாம்பி³கா ॥ 83 ॥

ஹ்ரீங்காரத்⁴யானயோகே³ஷ்டா ஹ்ரீங்காரமந்த்ரவேகி³னீ ।
ஹ்ரீமாத்³யந்தவிஹீனஸ்வரூபிணீ ஹ்ரீம்பராத்பரா ॥ 84 ॥

ஹ்ரீம்ப⁴த்³ராத்மஜரோசிஷ்ணுஹஸ்தாப்³ஜவரவர்ணினீ ।
ஸ்வாஹாகாராத்தஹோமேஷ்டா ஸ்வாஹா ஸ்வாதீ⁴னவல்லபா⁴ ॥ 85 ॥

ஸ்வாந்தப்ரஸாத³னைர்மல்யவரதா³நாபி⁴வர்ஷிணீ ।
ஸ்வாதி⁴ஷ்டா²நாதி³பத்³மஸ்தா² ஸ்வாராஜ்யஸித்³தி⁴தா³யிகா ॥ 86 ॥

ஸ்வாத்⁴யாயதத்பரப்ரீதா ஸ்வாமினீ ஸ்வாத³ளோலுபா ।
ஸ்வாச்ச²ந்த்³யரமணக்லின்னா ஸ்வாத்³வீப²லரஸப்ரியா ॥ 87 ॥

ஸ்வாஸ்த்²யலீனஜபப்ரீதா ஸ்வாதந்த்ர்யசரிதார்த²கா ।
ஸ்வாதி³ஷ்ட²சஷகாஸ்வாத³ப்ரேமோல்லாஸிதமானஸா ॥ 88 ॥

ஹாயநாத்³யநிப³த்³தா⁴த்மா ஹாடகாத்³ரிப்ரதா³யினீ ।
ஹாரீக்ருதந்ருமுண்டா³லிர்ஹாநிவ்ருத்³த்⁴யாதி³காரணா ॥ 89 ॥

ஹானதா³நாதி³கா³ம்பீ⁴ர்யதா³யினீ ஹாரிரூபிணீ ।
ஹாரஹாராதி³மாது⁴ர்யமதி³ராபானலோலுபா ॥ 90 ॥

ஹாடகேஶாதி³தீர்த²ஸ்த²காலகாலப்ரியங்கரீ ।
ஹாஹாஹூஹ்வாதி³க³ந்த⁴ர்வகா³னஶ்ரவணலாலஸா ॥ 91 ॥

ஹாரிகண்ட²ஸ்வரஸ்தா²ய்யாளாபநாதி³ரஸாத்மிகா ।
ஹார்த³ஸ்யந்தி³கடாக்ஷப்ரபாலிதோபாஸகாவளீ ॥ 92 ॥

ஹாலாஹலாஶனப்ரேமப²லினீ ஹாவஶாலினீ ।
ஹாஸப்ரகாஶவத³னாம்போ⁴ருஹானந்தி³தாகி²லா ॥ 93 ॥

அத² ப²லஶ்ருதி꞉ –
வித்³யாராஜ்ஞீவர்ணமாலாக்ரமகல்பிதநாமகம் ।
காளீஸான்னித்³த்⁴யஸம்பன்னம் வித்³யாகூ³டா⁴ர்த²ஸம்புடம் ॥ 1 ॥

ஏதத்³ய꞉ பரயா ப⁴க்த்யா த்ரிஶதீஸ்தோத்ரமுத்தமம் ।
ஸர்வமங்க³ளவித்³யாக்²யம் த்ரிஶதீஸங்க்²யயா ஜபேத் ॥ 2 ॥

விஶ்வம் காளீமயம் பஶ்யன் காலோபா⁴வஸமாஹித꞉ ।
பூஜாஹோமஜபத்⁴யானக்ரமஸம்ப்⁴ருதஸாத⁴ன꞉ ॥ 3 ॥

கு³ருவித்³யாகாளிகாத்மதன்மயத்வபரிஷ்க்ருத꞉ ।
ஶுசிஸ்ஸௌஶீல்யவான் யோகீ³ ஸமாத்⁴யானந்த³தத்பர꞉ ॥ 4 ॥

வித்³யாதாதா³த்ம்யஸம்ஸித்³த⁴கு³ப்ததத்த்வஜ்ஞமந்த்ரிண꞉ ।
தஸ்யா(அ)ஸாத்⁴யம் க்வசின்னாஸ்தி ஸர்வமங்க³ளமாப்னுயாத் ॥ 5 ॥

வர்ணகூ³டா⁴ர்த²பா⁴வம் யோ த்⁴யாயன் மந்த்ரம் ஜபேத் ஸதா³ ।
க்ரீம் ஸ்வாஹா த³க்ஷிணே சைவ காளிகே காளிகாத³ளம் ॥ 6 ॥

காலபா⁴க³ஸ்து ஹூங்காரோ ஹ்ரீங்காலகாளிகாம்ஶக꞉ ।
ஷட்கோணம் நவகோணம் ச காளிகாசக்ரமீரிதம் ॥ 7 ॥

ஶேஷம் து காலசக்ரம் ஹி காளீகாலமயம் ஸமம் ।
கூ³ட⁴ம் விஜானத꞉ காளீ விஹரேத்³த்⁴ருதி³ ஸர்வதா³ ॥ 8 ॥

ஸௌபா⁴க்³யதா³யினீ மாதா ப்ரேமப⁴க்திவஶம்வதா³ ।
யோகி³னீமானஸோல்லாஸா ஶ்ரீமஹாகாலரஞ்ஜனீ ॥ 9 ॥

ஶ்ருங்கா³ரளோலாஸம்முக்³தா⁴ லாலித்யமத்தகாஶினீ ।
அஸமானத³யாஶீலா ப⁴க்தலாலனலோலுபா ॥ 10 ॥

நைவ யச்சே²த³ப⁴க்தாய கோ³பனீயமிமம் ஸ்தவம் ।
யஸ்து மோஹவஶாத்³யச்சே²த் பாபிஷ்ட²ஸ்ஸ ப⁴வேத்³த்⁴ருவம் ॥ 11 ॥

பாராயணாத் ப்ரேமப⁴க்த்யா லப⁴தே க்ஷேமமுத்தமம் ।
காளீமய꞉ புண்யமூர்திஶ்சிரஞ்ஜீவீ ச மோக்ஷபா⁴க் ॥ 12 ॥

இதி ஶ்ரீகாளீதந்த்ரே ஶ்ரீஸர்வமங்க³ளவித்³யா நாம ஶ்ரீ த³க்ஷிணகாளிகா த்ரிஶதீ ஸ்தோத்ரம் ॥

Found a Mistake or Error? Report it Now