|| శ్రీ దక్షిణకాళికా త్రిశతీ స్తోత్రం ||
అస్య శ్రీసర్వమంగళవిద్యాయా నామ శ్రీదక్షిణకాళికా త్రిశతీస్తోత్ర మహామంత్రస్య శ్రీకాలభైరవ ఋషిః అనుష్టుప్ ఛందః శ్రీదక్షిణకాళికా దేవతా హ్రీం బీజం హూం శక్తిః క్రీం కీలకం శ్రీదక్షిణకాళికా ప్రసాదసిద్ధ్యర్థే జపే వినియోగః |
ఋష్యాదిన్యాసః –
శ్రీకాలభైరవర్షయే నమః శిరసి |
అనుష్టుప్ ఛందసే నమో ముఖే |
శ్రీదక్షిణకాళికాయై దేవతాయై నమో హృది |
హ్రీం బీజాయ నమో గుహ్యే |
హూం శక్తయే నమః పాదయోః |
క్రీం కీలకాయ నమో నాభౌ |
వినియోగాయ నమః సర్వాంగే |
కరన్యాసః –
క్రాం అంగుష్ఠాభ్యాం నమః |
క్రీం తర్జనీభ్యాం నమః |
క్రూం మధ్యమాభ్యాం నమః |
క్రైం అనామికాభ్యాం నమః |
క్రౌం కనిష్ఠికాభ్యాం నమః |
క్రః కరతల కరపృష్ఠాభ్యాం నమః |
హృదయాదిన్యాసః –
క్రాం హృదయాయ నమః |
క్రీం శిరసే స్వాహా |
క్రూం శిఖాయై వషట్ |
క్రైం కవచాయ హుమ్ |
క్రౌం నేత్రత్రయాయ వౌషట్ |
క్రః అస్త్రాయ ఫట్ |
ధ్యానమ్ –
శవారూఢాం మహాభీమాం ఘోరదంష్ట్రాం హసన్ముఖీం
చతుర్భుజాం ఖడ్గముండవరాభయకరాం శివామ్ |
ముండమాలాధరాం దేవీం లలజ్జిహ్వాం దిగంబరాం
ఏవం సంచింతయేత్కాళీం శ్మశానాలయవాసినీమ్ || ౧ ||
శ్యామాంగీం దిగ్వసనాం శవశివహృదయస్థాం సదా లోలజిహ్వాం
దోర్దండైః క్లుప్తకాంచీం వికసితవదనాం భీమదంష్ట్రాం త్రినేత్రామ్ |
ముండస్రగ్భూషణాం హస్తవిధృతవరదాభీతినిస్త్రింశముండాం
ధ్యాయేత్ప్రేమ్ణా మహాకాలరతిపరసుఖీం దక్షిణాం కాళికాం తామ్ || ౨ ||
పంచోపచార పూజా –
లం పృథివ్యాత్మనే గంధం కల్పయామి నమః |
హం ఆకాశాత్మనే పుష్పాణి కల్పయామి నమః |
యం వాయ్వాత్మనే ధూపం కల్పయామి నమః |
రం అగ్న్యాత్మనే దీపం కల్పయామి నమః |
వం అమృతాత్మనే అమృతం మహానైవేద్యం కల్పయామి నమః |
సం సర్వాత్మనే సర్వోపచారాన్ కల్పయామి నమః |
అథ స్తోత్రమ్ |
క్రీంకారీ క్రీంపదాకారా క్రీంకారమంత్రపూరణా |
క్రీంమతీ క్రీంపదావాసా క్రీంబీజజపతోషిణీ || ౧ ||
క్రీంకారసత్త్వా క్రీమాత్మా క్రీంభూషా క్రీంమనుస్వరాట్ |
క్రీంకారగర్భా క్రీంసంజ్ఞా క్రీంకారధ్యేయరూపిణీ || ౨ ||
క్రీంకారాత్తమనుప్రౌఢా క్రీంకారచక్రపూజితా |
క్రీంకారలలనానందా క్రీంకారాలాపతోషిణీ || ౩ ||
క్రీంకలానాదబిందుస్థా క్రీంకారచక్రవాసినీ |
క్రీంకారలక్ష్మీః క్రీంశక్తిః క్రీంకారమనుమండితా || ౪ ||
క్రీంకారానందసర్వస్వా క్రీంజ్ఞేయలక్ష్యమాత్రగా |
క్రీంకారబిందుపీఠస్థా క్రీంకారనాదమోదినీ || ౫ ||
క్రీంతత్త్వజ్ఞానవిజ్ఞేయా క్రీంకారయజ్ఞపాలినీ |
క్రీంకారలక్షణానందా క్రీంకారలయలాలసా || ౬ ||
క్రీంమేరుమధ్యగాస్థానా క్రీంకారాద్యవరార్ణభూః |
క్రీంకారవరివస్యాఢ్యా క్రీంకారగానలోలుపా || ౭ ||
క్రీంకారనాదసంపన్నా క్రీంకారైకాక్షరాత్మికా |
క్రీమాదిగుణవర్గాత్తత్రితయాద్యాహుతిప్రియా || ౮ ||
క్రీంక్లిన్నరమణానందమహాకాలవరాంగనా |
క్రీంలాస్యతాండవానందా క్రీంకారభోగమోక్షదా || ౯ ||
క్రీంకారయోగినీసాధ్యోపాస్తిసర్వస్వగోచరా |
క్రీంకారమాతృకాసిద్ధవిద్యారాజ్ఞీకలేవరా || ౧౦ ||
హూంకారమంత్రా హూంగర్భా హూంకారనాదగోచరా |
హూంకారరూపా హూంకారజ్ఞేయా హూంకారమాతృకా || ౧౧ ||
హూంఫట్కారమహానాదమయీ హూంకారశాలినీ |
హూంకారజపసమ్మోదా హూంకారజాపవాక్ప్రదా || ౧౨ ||
హూంకారహోమసంప్రీతా హూంకారతంత్రవాహినీ |
హూంకారతత్త్వవిజ్ఞానజ్ఞాతృజ్ఞేయస్వరూపిణీ || ౧౩ ||
హూంకారజాపజాడ్యఘ్నీ హూంకారజీవనాడికా |
హూంకారమూలమంత్రాత్మా హూంకారపారమార్థికా || ౧౪ ||
హూంకారఘోషణాహ్లాదా హూంకారైకపరాయణా |
హూంకారబీజసంక్లుప్తా హూంకారవరదాయినీ || ౧౫ ||
హూంకారద్యోతనజ్యోతిర్హూంకారనీలభారతీ |
హూంకారాలంబనాధారా హూంకారయోగసౌఖ్యదా || ౧౬ ||
హూంకారఝంకృతాకారా హూంకారాంచితవాగ్ఝరీ |
హూంకారచండీపారీణానందఝిల్లీస్వరూపిణీ || ౧౭ ||
హ్రీంకారమంత్రగాయత్రీ హ్రీంకారసార్వకామికీ |
హ్రీంకారసామసర్వస్వా హ్రీంకారరాజయోగినీ || ౧౮ ||
హ్రీంకారజ్యోతిరుద్దామా హ్రీంకారమూలకారణా |
హ్రీంకారోత్తసపర్యాఢ్యా హ్రీంకారతంత్రమాతృకా || ౧౯ ||
హ్రీంజహల్లక్షణాభృంగీ హ్రీంకారహంసనాదినీ |
హ్రీంకారతారిణీవిద్యా హ్రీంకారభువనేశ్వరీ || ౨౦ ||
హ్రీంకారకాలికామూర్తిర్హ్రీంకారనాదసుందరీ |
హ్రీంకారజ్ఞానవిజ్ఞానా హ్రీంకారకాలమోహినీ || ౨౧ ||
హ్రీంకారకామపీఠస్థా హ్రీంకారసంస్కృతాఖిలా |
హ్రీంకారవిశ్వసంభారా హ్రీంకారామృతసాగరా || ౨౨ ||
హ్రీంకారమంత్రసన్నద్ధా హ్రీంకారరసపూర్ణగా |
హ్రీంకారమాయావిర్భావా హ్రీంకారసరసీరుహా || ౨౩ ||
హ్రీంకారకలనాధారా హ్రీంకారవేదమాతృకా |
హ్రీంకారజ్ఞానమందారా హ్రీంకారరాజహంసినీ || ౨౪ ||
దంతురా దక్షయజ్ఞఘ్నీ దయా దక్షిణకాళికా |
దక్షిణాచారసుప్రీతా దంశభీరుబలిప్రియా || ౨౫ ||
దక్షిణాభిముఖీ దక్షా దత్రోత్సేకప్రదాయికా |
దర్పఘ్నీ దర్శకుహ్వష్టమీయామ్యారాధనప్రియా || ౨౬ ||
దర్శనప్రతిభూర్దంభహంత్రీ దక్షిణతల్లజా |
క్షిత్యాదితత్త్వసంభావ్యా క్షిత్యుత్తమగతిప్రదా || ౨౭ ||
క్షిప్రప్రసాదితా క్షిప్రా క్షితివర్ధనసంస్థితా |
క్షిప్రాగంగాదినద్యంభఃప్రవాహవాసతోషిణీ || ౨౮ ||
క్షితిజాహర్నిశోపాసాజపపారాయణప్రియా |
క్షిద్రాదిగ్రహనక్షత్రజ్యోతీరూపప్రకాశికా || ౨౯ ||
క్షితీశాదిజనారాధ్యా క్షిప్రతాండవకారిణీ |
క్షిపాప్రణయనున్నాత్మప్రేరితాఖిలయోగినీ || ౩౦ ||
క్షితిప్రతిష్ఠితారాధ్యా క్షితిదేవాదిపూజితా |
క్షితివృత్తిసుసంపన్నోపాసకప్రియదేవతా || ౩౧ ||
ణేకారరూపిణీ నేత్రీ నేత్రాంతానుగ్రహప్రదా |
నేత్రసారస్వతోన్మేషా నేజితాఖిలసేవకా || ౩౨ ||
ణేకారజ్యోతిరాభాసా నేత్రత్రయవిరాజితా |
నేత్రాంజనసవర్ణాంగీ నేత్రబిందూజ్జ్వలత్ప్రభా || ౩౩ ||
ణేకారపర్వతేంద్రాగ్రసముద్యదమృతద్యుతిః |
నేత్రాతీతప్రకాశార్చిరశేషజనమోహినీ || ౩౪ ||
ణేకారమూలమంత్రార్థరహస్యజ్ఞానదాయినీ |
ణేకారజపసుప్రీతా నేత్రానందస్వరూపిణీ || ౩౫ ||
కాలీ కాలశవారూఢా కారుణ్యామృతసాగరా |
కాంతారపీఠసంస్థానా కాలభైరవపూజితా || ౩౬ ||
కాశీకాశ్మీరకాంపిల్యకాంచీకైలాసవాసినీ |
కామాక్షీ కాలికా కాంతా కాష్ఠాంబరసుశోభనా || ౩౭ ||
కాలహృన్నటనానందా కామాఖ్యాదిస్వరూపిణీ |
కావ్యామృతరసానందా కామకోటివిలాసినీ || ౩౮ ||
లింగమూర్తిసుసంపృక్తా లిష్టాంగచంద్రశేఖరా |
లింపాకనాదసంతుష్టా లింగితాష్టకలేవరా || ౩౯ ||
లికారమంత్రసంసిద్ధా లిగులాలనశాలినీ |
లిక్షామాత్రాణుసూక్ష్మాభా లింగిలింగప్రదీపినీ || ౪౦ ||
లిఖితాక్షరవిన్యాసా లిప్తకాలాంగశోభనా |
లింగోపహితసూక్ష్మార్థద్యోతనజ్ఞానదాయినీ || ౪౧ ||
లిపిలేఖ్యప్రమాణాదిలక్షితాత్మస్వరూపిణీ |
లికారాంచితమంత్రప్రజాపజీవనవర్ధనీ || ౪౨ ||
లింగకేష్టాశషడ్వక్త్రప్రియసూనుమతల్లికా |
కేలిహాసప్రియస్వాంతా కేవలానందరూపిణీ || ౪౩ ||
కేదారాదిస్థలావాసా కేకినర్తనలోలుపా |
కేనాద్యుపనిషత్సారా కేతుమాలాదివర్షపా || ౪౪ ||
కేరలీయమతాంతస్థా కేంద్రబిందుత్వగోచరా |
కేనాత్యాద్యుజ్జ్వలక్రీడారసభావజ్ఞలాలసా || ౪౫ ||
కేయూరనూపురస్థానమణిబంధాహిభూషితా |
కేనారమాలికాభూషా కేశవాదిసమర్చితా || ౪౬ ||
కేశకాలాభ్రసౌందర్యా కేవలాత్మవిలాసినీ |
క్రీంకారభవనోద్యుక్తా క్రీంకారైకపరాయణా || ౪౭ ||
క్రీంముక్తిదానమందారా క్రీంయోగినీవిలాసినీ |
క్రీంకారసమయాచారతత్పరప్రాణధారిణీ || ౪౮ ||
క్రీంజపాసక్తహృద్దేశవాసినీ క్రీంమనోహరా |
క్రీంకారమంత్రాలంకారా క్రీంచతుర్వర్గదాయికా || ౪౯ ||
క్రీంకౌలమార్గసంపన్నపురశ్చరణదోహదా |
క్రీంకారమంత్రకూపారోత్పన్నపీయూషశేవధిః || ౫౦ ||
క్రీంకారాద్యంతహూంహ్రీంఫట్స్వాహాదిపరివర్తనీ |
క్రీంకారామృతమాధుర్యరసజ్ఞారసనాగ్రగా || ౫౧ ||
క్రీంజాపదివ్యరాజీవభ్రమరీ క్రీంహుతాశనీ |
క్రీంకారహోమకుండాగ్నిజిహ్వాప్రత్యక్షరూపిణీ || ౫౨ ||
క్రీంసంపుటార్చనాధారణానందస్వాంతలాసినీ |
క్రీంకారసుమనోగ్రంథమాలికాప్రియధారిణీ || ౫౩ ||
క్రీంకారైకాక్షరీమంత్రస్వాధీనప్రాణవల్లభా |
క్రీంకారబీజసంధానజపధ్యానవశంవదా || ౫౪ ||
క్రీంకారోజ్జృంభనాదాంతమంత్రమాత్రస్వతంత్రగా |
క్రీంకారోన్నతవిద్యాంగశాక్తాచారాభినందినీ || ౫౫ ||
క్రీంరంధ్రగుహ్యభావజ్ఞయోగినీపరతంత్రగా |
క్రీంకాలీతారిణీసుందర్యాదివిద్యాస్వరూపిణీ || ౫౬ ||
క్రీంకారపంచభూతాత్మప్రాపంచికకుటుంబినీ |
క్రీంకారోర్వ్యాదినిశ్శేషతత్త్వకూటవిజృంభిణీ || ౫౭ ||
క్రీంకారమంత్రశక్తిప్రవిన్యస్తకృత్యపంచకా |
క్రీంనిర్వర్తితవిశ్వాండకల్పప్రళయసాక్షిణీ || ౫౮ ||
క్రీంకారవిద్యుచ్ఛక్తిప్రణున్నసర్వజగత్క్రియా |
క్రీంకారమాత్రసత్యాదిసర్వలోకప్రచాలినీ || ౫౯ ||
క్రీంకారయోగసంలీనదహరాకాశభాసినీ |
క్రీంసంలగ్నపరఃకోటిసంఖ్యామంత్రజపప్రియా || ౬౦ ||
క్రీంకారబిందుషట్కోణనవకోణప్రతిష్ఠితా |
క్రీంకారవృత్తపద్మాష్టదలభూపురనిష్ఠితా || ౬౧ ||
క్రీంకారజాపభక్తౌఘనిత్యనిస్సీమహర్షదా |
క్రీంత్రిపంచారచక్రస్థా క్రీంకాల్యుగ్రాదిసేవితా || ౬౨ ||
క్రీంకారజాపహృద్వ్యోమచంద్రికా క్రీంకరాళికా |
క్రీంకారబ్రహ్మరంధ్రస్థబ్రహ్మజ్ఞేయస్వరూపిణీ || ౬౩ ||
క్రీంబ్రాహ్మీనారసింహ్యాదియోగిన్యావృతసుందరీ |
క్రీంకారసాధకౌన్నత్యసామోదసిద్ధిదాయినీ || ౬౪ ||
హూంకారతారా హూంబీజజపతత్పరమోక్షదా |
హూంత్రైవిద్యధరామ్నాయాన్వీక్షిక్యాదిప్రదాయికా || ౬౫ ||
హూంవిద్యాసాధనామాత్రచతుర్వర్గఫలప్రదా |
హూంజాపకత్రయస్త్రింశత్కోటిదేవప్రపూజితా || ౬౬ ||
హూంకారబీజసంపన్నా హూంకారోత్తారణాంబికా |
హూంఫట్కారసుధామూర్తిర్హూంఫట్స్వాహాస్వరూపిణీ || ౬౭ ||
హూంకారబీజగూఢాత్మవిజ్ఞానవైభవాంబికా |
హూంకారశ్రుతిశీర్షోక్తవేదాంతతత్త్వరూపిణీ || ౬౮ ||
హూంకారబిందునాదాంతచంద్రార్ధవ్యాపికోన్మనీ |
హూంకారాజ్ఞాసహస్రారజాగ్రత్స్వప్నసుషుప్తిగా || ౬౯ ||
హూంప్రాగ్దక్షిణపాశ్చాత్యోత్తరాన్వయచతుష్కగా |
హూంవహ్నిసూర్యసోమాఖ్యకుండలిన్యాత్తశక్తికా || ౭౦ ||
హూంకారేచ్ఛాక్రియాజ్ఞానశక్తిత్రితయరూపిణీ |
హూంరసాస్థివసామాంసాసృఙ్మజ్జాశుక్రనిష్ఠితా || ౭౧ ||
హూంకారవననీలాంశుమేఘనాదానులాసినీ |
హూంకారజపసానందపురశ్చరణకామదా || ౭౨ ||
హూంకారకలనాకాలనైర్గుణ్యనిష్క్రియాత్మికా |
హూంకారబ్రహ్మవిద్యాదిగురూత్తమస్వరూపిణీ || ౭౩ ||
హూంకారస్ఫోటనానందశబ్దబ్రహ్మస్వరూపిణీ |
హూంకారశాక్తతంత్రాదిపరమేష్ఠిగురూత్తమా || ౭౪ ||
హూంకారవేదమంత్రోక్తమహావిద్యాప్రబోధినీ |
హూంకారస్థూలసూక్ష్మాత్పరబ్రహ్మస్వరూపిణీ || ౭౫ ||
హూంకారనిర్గుణబ్రహ్మచిత్స్వరూపప్రకాశికా |
హూంనిర్వికారకాలాత్మా హూంశుద్ధసత్త్వభూమికా || ౭౬ ||
హ్రీమష్టభైరవారాధ్యా హ్రీంబీజాదిమనుప్రియా |
హ్రీంజయాద్యంకపీఠాఖ్యశక్త్యారాధ్యపదాంబుజా || ౭౭ ||
హ్రీంమహత్సింహధూమ్రాదిభైరవ్యర్చితపాదుకా |
హ్రీంజపాకరవీరార్కపుష్పహోమార్చనప్రియా || ౭౮ ||
హ్రీంకారనైగమాకారా హ్రీంసర్వదేవరూపిణీ |
హ్రీంకూర్చకాలికాకూటవాక్ప్రసిద్ధిప్రదాయికా || ౭౯ ||
హ్రీంకారబీజసంపన్నవిద్యారాజ్ఞీసమాధిగా |
హ్రీంకారసచ్చిదానందపరబ్రహ్మస్వరూపిణీ || ౮౦ ||
హ్రీంహృల్లేఖాఖ్యమంత్రాత్మా హ్రీంకృష్ణరక్తమానినీ |
హ్రీంపిండకర్తరీబీజమాలాదిమంత్రరూపిణీ || ౮౧ ||
హ్రీంనిర్వాణమయీ హ్రీంకారమహాకాలమోహినీ |
హ్రీంమతీ హ్రీంపరాహ్లాదా హ్రీం హ్రీంకారగుణావృతా || ౮౨ ||
హ్రీమాదిసర్వమంత్రస్థా హ్రీంకారజ్వలితప్రభా |
హ్రీంకారోర్జితపూజేష్టా హ్రీంకారమాతృకాంబికా || ౮౩ ||
హ్రీంకారధ్యానయోగేష్టా హ్రీంకారమంత్రవేగినీ |
హ్రీమాద్యంతవిహీనస్వరూపిణీ హ్రీంపరాత్పరా || ౮౪ ||
హ్రీంభద్రాత్మజరోచిష్ణుహస్తాబ్జవరవర్ణినీ |
స్వాహాకారాత్తహోమేష్టా స్వాహా స్వాధీనవల్లభా || ౮౫ ||
స్వాంతప్రసాదనైర్మల్యవరదానాభివర్షిణీ |
స్వాధిష్ఠానాదిపద్మస్థా స్వారాజ్యసిద్ధిదాయికా || ౮౬ ||
స్వాధ్యాయతత్పరప్రీతా స్వామినీ స్వాదలోలుపా |
స్వాచ్ఛంద్యరమణక్లిన్నా స్వాద్వీఫలరసప్రియా || ౮౭ ||
స్వాస్థ్యలీనజపప్రీతా స్వాతంత్ర్యచరితార్థకా |
స్వాదిష్ఠచషకాస్వాదప్రేమోల్లాసితమానసా || ౮౮ ||
హాయనాద్యనిబద్ధాత్మా హాటకాద్రిప్రదాయినీ |
హారీకృతనృముండాలిర్హానివృద్ధ్యాదికారణా || ౮౯ ||
హానదానాదిగాంభీర్యదాయినీ హారిరూపిణీ |
హారహారాదిమాధుర్యమదిరాపానలోలుపా || ౯౦ ||
హాటకేశాదితీర్థస్థకాలకాలప్రియంకరీ |
హాహాహూహ్వాదిగంధర్వగానశ్రవణలాలసా || ౯౧ ||
హారికంఠస్వరస్థాయ్యాలాపనాదిరసాత్మికా |
హార్దస్యందికటాక్షప్రపాలితోపాసకావలీ || ౯౨ ||
హాలాహలాశనప్రేమఫలినీ హావశాలినీ |
హాసప్రకాశవదనాంభోరుహానందితాఖిలా || ౯౩ ||
అథ ఫలశ్రుతిః –
విద్యారాజ్ఞీవర్ణమాలాక్రమకల్పితనామకమ్ |
కాళీసాన్నిద్ధ్యసంపన్నం విద్యాగూఢార్థసంపుటమ్ || ౧ ||
ఏతద్యః పరయా భక్త్యా త్రిశతీస్తోత్రముత్తమమ్ |
సర్వమంగళవిద్యాఖ్యం త్రిశతీసంఖ్యయా జపేత్ || ౨ ||
విశ్వం కాలీమయం పశ్యన్ కాలోభావసమాహితః |
పూజాహోమజపధ్యానక్రమసంభృతసాధనః || ౩ ||
గురువిద్యాకాళికాత్మతన్మయత్వపరిష్కృతః |
శుచిస్సౌశీల్యవాన్ యోగీ సమాధ్యానందతత్పరః || ౪ ||
విద్యాతాదాత్మ్యసంసిద్ధగుప్తతత్త్వజ్ఞమంత్రిణః |
తస్యాఽసాధ్యం క్వచిన్నాస్తి సర్వమంగళమాప్నుయాత్ || ౫ ||
వర్ణగూఢార్థభావం యో ధ్యాయన్ మంత్రం జపేత్ సదా |
క్రీం స్వాహా దక్షిణే చైవ కాళికే కాళికాదళమ్ || ౬ ||
కాలభాగస్తు హూంకారో హ్రీంకాలకాలికాంశకః |
షట్కోణం నవకోణం చ కాళికాచక్రమీరితమ్ || ౭ ||
శేషం తు కాలచక్రం హి కాళీకాలమయం సమమ్ |
గూఢం విజానతః కాళీ విహరేద్ధృది సర్వదా || ౮ ||
సౌభాగ్యదాయినీ మాతా ప్రేమభక్తివశంవదా |
యోగినీమానసోల్లాసా శ్రీమహాకాలరంజనీ || ౯ ||
శృంగారలోలాసమ్ముగ్ధా లాలిత్యమత్తకాశినీ |
అసమానదయాశీలా భక్తలాలనలోలుపా || ౧౦ ||
నైవ యచ్ఛేదభక్తాయ గోపనీయమిమం స్తవమ్ |
యస్తు మోహవశాద్యచ్ఛేత్ పాపిష్ఠస్స భవేద్ధృవమ్ || ౧౧ ||
పారాయణాత్ ప్రేమభక్త్యా లభతే క్షేమముత్తమమ్ |
కాళీమయః పుణ్యమూర్తిశ్చిరంజీవీ చ మోక్షభాక్ || ౧౨ ||
ఇతి శ్రీకాళీతంత్రే శ్రీసర్వమంగళవిద్యా నామ శ్రీ దక్షిణకాళికా త్రిశతీ స్తోత్రమ్ ||
Found a Mistake or Error? Report it Now
