ஶ்ரீ த³த்த அபராத⁴ க்ஷமாபண ஸ்தோத்ரம்

|| ஶ்ரீ த³த்த அபராத⁴ க்ஷமாபண ஸ்தோத்ரம் ||

த³த்தாத்ரேயம் த்வாம் நமாமி ப்ரஸீத³
த்வம் ஸர்வாத்மா ஸர்வகர்தா ந வேத³ ।
கோ(அ)ப்யந்தம் தே ஸர்வதே³வாதி⁴தே³வ
ஜ்ஞாதாஜ்ஞாதாந்மே(அ)பராதா⁴ன் க்ஷமஸ்வ ॥ 1 ॥

த்வது³த்³ப⁴வத்வாத்த்வத³தீ⁴நதீ⁴த்வா-
-த்த்வமேவ மே வந்த்³ய உபாஸ்ய ஆத்மன் ।
அதா²பி மௌட்⁴யாத் ஸ்மரணம் ந தே மே
க்ருதம் க்ஷமஸ்வ ப்ரியக்ருந்மஹாத்மன் ॥ 2 ॥

போ⁴கா³பவர்க³ப்ரத³மார்தப³ந்து⁴ம்
காருண்யஸிந்து⁴ம் பரிஹாய ப³ந்து⁴ம் ।
ஹிதாய சாந்யம் பரிமார்க³யந்தி
ஹா மாத்³ருஶோ நஷ்டத்³ருஶோ விமூடா⁴꞉ ॥ 3 ॥

ந மத்ஸமோ யத்³யபி பாபகர்தா
ந த்வத்ஸமோ(அ)தா²பி ஹி பாபஹர்தா ।
ந மத்ஸமோ(அ)ந்யோ த³யநீய ஆர்ய
ந த்வத்ஸம꞉ க்வாபி த³யாளுவர்ய꞉ ॥ 4 ॥

அநாத²நாதோ²(அ)ஸி ஸுதீ³நப³ந்தோ⁴
ஶ்ரீஶா(அ)நுகம்பாம்ருதபூர்ணஸிந்தோ⁴ ।
த்வத்பாத³ப⁴க்திம் தவ தா³ஸதா³ஸ்யம்
த்வதீ³யமந்த்ரார்த²த்³ருடை⁴கநிஷ்டா²ம் ॥ 5 ॥

கு³ருஸ்ம்ருதிம் நிர்மலபு³த்³தி⁴மாதி⁴-
-வ்யாதி⁴க்ஷயம் மே விஜயம் ச தே³ஹி ।
இஷ்டார்த²ஸித்³தி⁴ம் வரளோகவஶ்யம்
த⁴நாந்நவ்ருத்³தி⁴ம் வரகோ³ஸம்ருத்³தி⁴ம் ॥ 6 ॥

புத்ராதி³ளப்³தி⁴ம் ம உதா³ரதாம் ச
தே³ஹீஶ மே சாஸ்த்வப⁴ய ஹி ஸர்வத꞉ ।
ப்³ரஹ்மாக்³நிபூ⁴ம்யோ நம ஓஷதீ⁴ப்⁴யோ
வாசே நமோ வாக்பதயே ச விஷ்ணவே ॥ 7 ॥

ஶாந்தா(அ)ஸ்து பூ⁴ர்ந꞉ ஶிவமந்தரிக்ஷம்
த்³யௌஶ்சா(அ)ப⁴யம் நோ(அ)ஸ்து தி³ஶ꞉ ஶிவாஶ்ச ।
ஆபஶ்ச வித்³யுத்பரிபாந்து தே³வா꞉
ஶம் ஸர்வதோ மே(அ)ப⁴யமஸ்து ஶாந்தி꞉ ॥ 8 ॥

இதி ஶ்ரீமத்³வாஸுதே³வாநந்த³ஸரஸ்வதீ விரசிதம் ஶ்ரீ த³த்தாபராத⁴ க்ஷமாபண ஸ்தோத்ரம் ।

Found a Mistake or Error? Report it Now