|| ಶ್ರೀ ದತ್ತಾತ್ರೇಯ ದ್ವಾದಶನಾಮ ಸ್ತೋತ್ರಂ ||
ಅಸ್ಯ ಶ್ರೀದತ್ತಾತ್ರೇಯ ದ್ವಾದಶನಾಮ ಸ್ತೋತ್ರಮಂತ್ರಸ್ಯ ಪರಮಹಂಸ ಋಷಿಃ ಶ್ರೀದತ್ತಾತ್ರೇಯ ಪರಮಾತ್ಮಾ ದೇವತಾ ಅನುಷ್ಟುಪ್ಛಂದಃ ಸಕಲಕಾಮನಾಸಿದ್ಧ್ಯರ್ಥೇ ಜಪೇ ವಿನಿಯೋಗಃ |
ಪ್ರಥಮಸ್ತು ಮಹಾಯೋಗೀ ದ್ವಿತೀಯಃ ಪ್ರಭುರೀಶ್ವರಃ |
ತೃತೀಯಶ್ಚ ತ್ರಿಮೂರ್ತಿಶ್ಚ ಚತುರ್ಥೋ ಜ್ಞಾನಸಾಗರಃ || ೧ ||
ಪಂಚಮೋ ಜ್ಞಾನವಿಜ್ಞಾನಂ ಷಷ್ಠಸ್ಯಾತ್ ಸರ್ವಮಂಗಲಮ್ |
ಸಪ್ತಮೋ ಪುಂಡರೀಕಾಕ್ಷೋ ಅಷ್ಟಮೋ ದೇವವಲ್ಲಭಃ || ೨ ||
ನವಮೋ ನಂದದೇವೇಶೋ ದಶಮೋ ನಂದದಾಯಕಃ |
ಏಕಾದಶೋ ಮಹಾರುದ್ರೋ ದ್ವಾದಶೋ ಕರುಣಾಕರಃ || ೩ ||
ಏತಾನಿ ದ್ವಾದಶನಾಮಾನಿ ದತ್ತಾತ್ರೇಯ ಮಹಾತ್ಮನಃ |
ಮಂತ್ರರಾಜೇತಿ ವಿಖ್ಯಾತಂ ದತ್ತಾತ್ರೇಯ ಹರಃ ಪರಃ || ೪ ||
ಕ್ಷಯೋಪಸ್ಮಾರ ಕುಷ್ಠಾದಿ ತಾಪಜ್ವರನಿವಾರಣಮ್ |
ರಾಜದ್ವಾರೇ ಪದೇ ಘೋರೇ ಸಂಗ್ರಾಮೇಷು ಜಲಾಂತರೇ || ೫ ||
ಗಿರೇ ಗುಹಾಂತರೇಽರಣ್ಯೇ ವ್ಯಾಘ್ರಚೋರಭಯಾದಿಷು |
ಆವರ್ತನೇ ಸಹಸ್ರೇಷು ಲಭತೇ ವಾಂಛಿತಂ ಫಲಮ್ || ೬ ||
ತ್ರಿಕಾಲೇ ಯಃ ಪಠೇನ್ನಿತ್ಯಂ ಮೋಕ್ಷಸಿದ್ಧಿಮವಾಪ್ನುಯಾತ್ |
ದತ್ತಾತ್ರೇಯ ಸದಾ ರಕ್ಷೇತ್ ಯದಾ ಸತ್ಯಂ ನ ಸಂಶಯಃ || ೭ ||
ವಿದ್ಯಾರ್ಥೀ ಲಭತೇ ವಿದ್ಯಾಂ ರೋಗೀ ರೋಗಾತ್ ಪ್ರಮುಚ್ಯತೇ |
ಅಪುತ್ರೋ ಲಭತೇ ಪುತ್ರಂ ದರಿದ್ರೋ ಲಭತೇ ಧನಮ್ || ೮ ||
ಅಭಾರ್ಯೋ ಲಭತೇ ಭಾರ್ಯಾಂ ಸುಖಾರ್ಥೀ ಲಭತೇ ಸುಖಮ್ |
ಮುಚ್ಯತೇ ಸರ್ವಪಾಪೇಭ್ಯೋ ಸರ್ವತ್ರ ವಿಜಯೀ ಭವೇತ್ || ೯ ||
ಇತಿ ಶ್ರೀ ದತ್ತಾತ್ರೇಯ ದ್ವಾದಶನಾಮ ಸ್ತೋತ್ರಮ್ |
Found a Mistake or Error? Report it Now
