|| ஶ்ரீ த⁴ர்மஶாஸ்தா ஸ்துதி த³ஶகம் ||
ஆஶாநுரூபப²லத³ம் சரணாரவிந்த³-
-பா⁴ஜாமபார கருணார்ணவ பூர்ணசந்த்³ரம் ।
நாஶாய ஸர்வவிபதா³மபி நௌமி நித்ய-
-மீஶாநகேஶவப⁴வம் பு⁴வநைகநாத²ம் ॥ 1 ॥
பிஞ்சா²வலீ வலயிதாகலிதப்ரஸூந-
-ஸஞ்ஜாதகாந்திப⁴ரபா⁴ஸுரகேஶபா⁴ரம் ।
ஶிஞ்ஜாநமஞ்ஜுமணிபூ⁴ஷணரஞ்ஜிதாங்க³ம்
சந்த்³ராவதம்ஸஹரிநந்த³நமாஶ்ரயாமி ॥ 2 ॥
ஆலோலநீலலலிதாலகஹாரரம்ய-
-மாகம்ரநாஸமருணாத⁴ரமாயதாக்ஷம் ।
ஆலம்ப³நம் த்ரிஜக³தாம் ப்ரமதா²தி⁴நாத²-
-மாநம்ரளோக ஹரிநந்த³நமாஶ்ரயாமி ॥ 3 ॥
கர்ணாவளம்பி³ மணிகுண்ட³லபா⁴ஸமாந-
-க³ண்ட³ஸ்த²லம் ஸமுதி³தாநநபுண்ட³ரீகம் ।
அர்ணோஜநாப⁴ஹரயோரிவ மூர்திமந்தம்
புண்யாதிரேகமிவ பூ⁴தபதிம் நமாமி ॥ 4 ॥
உத்³த³ண்ட³சாருபு⁴ஜத³ண்ட³யுகா³க்³ரஸம்ஸ்த²ம்
கோத³ண்ட³பா³ணமஹிதாந்தமதா³ந்தவீர்யம் ।
உத்³யத்ப்ரபா⁴படலதீ³ப்ரமத³ப்⁴ரஸாரம்
நித்யம் ப்ரபா⁴பதிமஹம் ப்ரணதோ ப⁴வாமி ॥ 5 ॥
மாலேயபங்கஸமலங்க்ருதபா⁴ஸமாந-
-தோ³ரந்தராளதரளாமலஹாரஜாலம் ।
நீலாதிநிர்மலது³கூலத⁴ரம் முகுந்த³-
-காலாந்தகப்ரதிநிதி⁴ம் ப்ரணதோ(அ)ஸ்மி நித்யம் ॥ 6 ॥
யத்பாத³பங்கஜயுக³ம் முநயோ(அ)ப்யஜஸ்ரம்
ப⁴க்த்யா ப⁴ஜந்தி ப⁴வரோக³நிவாரணாய ।
புத்ரம் புராந்தகமுராந்தகயோருதா³ரம்
நித்யம் நமாம்யஹமமித்ரகுலாந்தகம் தம் ॥ 7 ॥
காந்தம் கலாயகுஸுமத்³யுதிலோப⁴நீய-
-காந்திப்ரவாஹவிளஸத்கமநீயரூபம் ।
காந்தாதநூஜஸஹிதம் நிகி²லாமயௌக⁴-
-ஶாந்திப்ரத³ம் ப்ரமத²நாத²மஹம் நமாமி ॥ 8 ॥
பூ⁴தேஶ பூ⁴ரிகருணாம்ருதபூரபூர்ண-
-வாராந்நிதே⁴ வரத³ ப⁴க்தஜநைகப³ந்தோ⁴ ।
பாயாத்³ப⁴வாந் ப்ரணதமேநமபாரகோ⁴ர-
-ஸம்ஸாரபீ⁴தமிஹ மாமகி²லாமயேப்⁴ய꞉ ॥ 9 ॥
ஹே பூ⁴தநாத² ப⁴க³வந் ப⁴வதீ³யசாரு-
-பாதா³ம்பு³ஜே ப⁴வது ப⁴க்திரசஞ்சலா மே ।
நாதா²ய ஸர்வஜக³தாம் ப⁴ஜதாம் ப⁴வாப்³தி⁴-
-போதாய நித்யமகி²லாங்க³பு⁴வே நமஸ்தே ॥ 10 ॥
இதி ஶ்ரீ த⁴ர்மஶாஸ்தா ஸ்துதி த³ஶகம் ॥
Found a Mistake or Error? Report it Now
