|| க³ணேஶ ஸ்தோத்ரம் (அக்³நி க்ருதம்) ||
அக்³நிருவாச ।
நமஸ்தே விக்⁴நநாஶாய ப⁴க்தாநாம் ஹிதகாரக ।
நமஸ்தே விக்⁴நகர்த்ரே வை ஹ்யப⁴க்தாநாம் விநாயக ॥ 1 ॥
நமோ மூஷகவாஹாய க³ஜவக்த்ராய தீ⁴மதே ।
ஆதி³மத்⁴யாந்தஹீநாயாதி³மத்⁴யாந்தஸ்வரூபிணே ॥ 2 ॥
சதுர்பு⁴ஜத⁴ராயைவ சதுர்வர்க³ப்ரதா³யிநே ।
ஏகத³ந்தாய வை துப்⁴யம் ஹேரம்பா³ய நமோ நம꞉ ॥ 3 ॥
லம்போ³த³ராய தே³வாய க³ஜகர்ணாய டு⁴ண்ட⁴யே ।
யோக³ஶாந்திஸ்வரூபாய யோக³ஶாந்திப்ரதா³யிநே ॥ 4 ॥
யோகி³ப்⁴யோ யோக³தா³த்ரே ச யோகி³நாம் பதயே நம꞉ ।
சராசரமயாயைவ ப்ரணவாக்ருதிதா⁴ரிணே ॥ 5 ॥
ஸித்³தி⁴பு³த்³தி⁴மயாயைவ ஸித்³தி⁴பு³த்³தி⁴ப்ரதா³யக ।
ஸித்³தி⁴பு³த்³தி⁴பதே துப்⁴யம் நமோ ப⁴க்தப்ரியாய ச ॥ 6 ॥
அநந்தாநந தே³வேஶ ப்ரஸீத³ கருணாநிதே⁴ ।
தா³ஸோ(அ)ஹம் தே க³ணாத்⁴யக்ஷ மாம் பாலய விஶேஷத꞉ ॥ 7 ॥
த⁴ந்யோ(அ)ஹம் ஸர்வதே³வேஷு த்³ருஷ்ட்வா பாத³ம் விநாயக ।
க்ருதக்ருத்யோ மஹாயோகீ³ ப்³ரஹ்மபூ⁴தோ ந ஸம்ஶய꞉ ॥ 8 ॥
யதி³ ப்ரஸந்நபா⁴வேந வரதோ³(அ)ஸி க³ஜாநந ।
ததா³ மாம் ஶாபஹீநம் த்வம் குரு தே³வேந்த்³ரஸத்தம ॥ 9 ॥
தவ ப⁴க்திம் த்³ருடா⁴ம் தே³ஹி யயா மோஹோ விநஶ்யதி ।
தவ ப⁴க்தை꞉ ஸஹாவாஸோ மமாஸ்து க³ணநாயக ॥ 10 ॥
யதா³ ஸங்கடஸம்யுக்தஸ்ததா³ ஸ்மரணதஸ்தவ ।
நிஸ்ஸங்கடோ(அ)ஹமத்யந்தம் ப⁴வாமி த்வத்ப்ரஸாத³த꞉ ॥ 11 ॥
இதி ஶ்ரீமந்முத்³க³ளே மஹாபுராணே த்³விதீயக²ண்டே³ அக்³நி க்ருத ஶ்ரீ க³ணேஶ ஸ்தோத்ரம் ॥
Found a Mistake or Error? Report it Now
