|| Sri Garuda Ashtottara Shatanama Stotram ||
śrīdēvyuvāca |
dēvadēva mahādēva sarvajña karuṇānidhē |
śrōtumicchāmi tārkṣyasya nāmnāmaṣṭōttaraṁ śatam |
īśvara uvāca |
śr̥ṇu dēvi pravakṣyāmi garuḍasya mahātmanaḥ |
nāmnāmaṣṭōttaraśataṁ pavitraṁ pāpanāśanam ||
asya śrīgaruḍanāmāṣṭōttaraśatamahāmantrasya brahmā r̥ṣiḥ anuṣṭupchandaḥ garuḍō dēvatā praṇavō bījaṁ vidyā śaktiḥ vēdādiḥ kīlakaṁ pakṣirājaprītyarthē japē viniyōgaḥ |
dhyānam |
amr̥takalaśahastaṁ kāntisampūrṇadēhaṁ
sakalavibudhavandyaṁ vēdaśāstrairacintyam |
kanakarucirapakṣōddhūyamānāṇḍagōlaṁ
sakalaviṣavināśaṁ cintayētpakṣirājam ||
stōtram |
vainatēyaḥ khagapatiḥ kāśyapēyō mahābalaḥ |
taptakāñcanavarṇābhaḥ suparṇō harivāhanaḥ || 1 ||
chandōmayō mahātējāḥ mahōtsāhō mahābalaḥ |
brahmaṇyō viṣṇubhaktaśca kundēndudhavalānanaḥ || 2 ||
cakrapāṇidharaḥ śrīmān nāgārirnāgabhūṣaṇaḥ |
vidvanmayō viśēṣajñaḥ vidyānidhiranāmayaḥ || 3 ||
bhūtidō bhuvanatrātā bhayahā bhaktavatsalaḥ |
saptachandōmayaḥ pakṣiḥ surāsurasupūjitaḥ || 4 ||
bhujaṅgabhuk kacchapāśī daityahantā:’ruṇānujaḥ |
nigamātmā nirādhārō nistraiguṇyō nirañjanaḥ || 5 ||
nirvikalpaḥ parañjyōtiḥ parātparataraḥ paraḥ |
śubhāṅgaḥ śubhadaḥ śūraḥ sūkṣmarūpī br̥hattanuḥ || 6 ||
viṣāśī vijitātmā ca vijayō jayavardhanaḥ |
ajāsyō jagadīśaśca janārdanamahādhvajaḥ || 7 ||
ghanasantāpavicchēttā jarāmaraṇavarjitaḥ |
kalyāṇadaḥ kalātītaḥ kalādharasamaprabhaḥ || 8 ||
sōmapaḥ surasaṅghēśaḥ yajñāṅgō yajñabhūṣaṇaḥ |
vajrāṅgō varadō vandyō vāyuvēgō varapradaḥ || 9 ||
mahājavō vidārī ca manmathapriyabāndhavaḥ |
yajurnāmānuṣṭabhajaḥ mārakō:’surabhañjanaḥ || 10 ||
kālajñaḥ kamalēṣṭaśca kalidōṣanivāraṇaḥ |
stōmātmā ca trivr̥nmūrdhā bhūmā gāyatrilōcanaḥ || 11 ||
sāmagānarataḥ sragvī svacchandagatiragraṇīḥ |
vinatānandanaḥ śrīmān vijitārātisaṅkulaḥ || 12 ||
patadvariṣṭhaḥ sarvēśaḥ pāpahā pāpamōcakaḥ |
amr̥tāṁśō:’mr̥tavapuḥ ānandagatiragraṇīḥ || 13 ||
sudhākumbhadharaḥ śrīmān durdharō:’surabhañjanaḥ |
agrijijjayagōpaśca jagadāhlādakārakaḥ || 14 ||
garuḍō bhagavān stōtraḥ stōbhassvarṇavapu svarāṭ |
vidyunnibhō viśālāṅgō vinatādāsyamōcakaḥ || 15 ||
itīdaṁ paramaṁ guhyaṁ garuḍasya mahātmanaḥ |
nāmnāmaṣṭōttaraṁ puṇyaṁ pavitraṁ pāpanāśanam || 16 ||
gīyamānaṁ mayā gītaṁ viṣṇunā samudīritam |
sarvajñatvaṁ manōjñatvaṁ kāmarūpatvamēva vā || 17 ||
amaratvaṁ r̥ṣitvaṁ vā gandharvatvamathāpi vā |
aṇimādiguṇaṁ caiva aṣṭabhōgaṁ tathā bhavēt || 18 ||
idaṁ tu divyaṁ paramaṁ rahasyaṁ
sadā sujapyaṁ paramatmayōgibhiḥ |
manōharaṁ harṣakaraṁ sukhapradaṁ
phalapradaṁ mōkṣaphalapradaṁ ca || 19 ||
iti brahmāṇḍapurāṇāntargataṁ garuḍāṣṭōttaraśatanāmastōtram sampūrṇam |
Found a Mistake or Error? Report it Now
