ஶ்ரீ கருட கவசம்

|| ஶ்ரீ கருட கவசம் ||

அஸ்ய ஶ்ரீ க³ருட³ கவச ஸ்தோத்ரமந்த்ரஸ்ய நாரத³ ருஷி꞉ வைனதேயோ தே³வதா அனுஷ்டுப்ச²ந்த³꞉ மம க³ருட³ ப்ரஸாத³ ஸித்³த்⁴யர்தே² ஜபே வினியோக³꞉ |

ஶிரோ மே க³ருட³꞉ பாது லலாடம் வினதாஸுத꞉ |
நேத்ரே து ஸர்பஹா பாது கர்ணௌ பாது ஸுரார்சித꞉ || 1 ||

நாஸிகாம் பாது ஸர்பாரி꞉ வத³னம் விஷ்ணுவாஹன꞉ |
ஸூர்யஸூதானுஜ꞉ கண்ட²ம் பு⁴ஜௌ பாது மஹாப³ல꞉ || 2 ||

ஹஸ்தௌ க²கே³ஶ்வர꞉ பாது கராக்³ரே தருணாக்ருதி꞉ |
நகா²ன் நகா²யுத⁴꞉ பாது கக்ஷௌ முக்திப²லப்ரத³꞉ || 3 ||

ஸ்தனௌ மே விஹக³꞉ பாது ஹ்ருத³யம் பாது ஸர்பஹா | [*ஸர்வதா³*]
நாபி⁴ம் பாது மஹாதேஜா꞉ கடிம் பாது ஸுதா⁴ஹர꞉ || 4 ||

ஊரூ பாது மஹாவீர꞉ ஜானுனீ சண்ட³விக்ரம꞉ |
ஜங்கே⁴ த³ண்டா³யுத⁴꞉ பாது கு³ல்பௌ² விஷ்ணுரத²꞉ ஸதா³ || 5 ||

ஸுவர்ண꞉ பாது மே பாதௌ³ தார்க்ஷ்ய꞉ பாதா³ங்கு³லீ ததா² |
ரோமகூபானி மே வீர꞉ த்வசம் பாது ப⁴யாபஹ꞉ || 6 ||

இத்யேவம் தி³வ்யகவசம் பாபக்⁴னம் ஸர்வகாமத³ம் |
ய꞉ படே²த்ப்ராதருத்தா²ய விஷதோ³ஷம் ப்ரணஶ்யதி || 7 ||

த்ரிஸந்த்⁴யம் ய꞉ படே²ன்னித்யம் ப³ந்த⁴னாத் முச்யதே நர꞉ |
த்³வாத³ஶாஹம் படே²த்³யஸ்து முச்யதே ஶத்ருப³ந்த⁴னாத் || 8 ||

ஏகவாரம் படே²த்³யஸ்து முச்யதே ஸர்வகில்பி³ஷை꞉ |
வஜ்ரபஞ்ஜரனாமேத³ம் கவசம் ப³ந்த⁴மோசனம் || 9 ||

இதி ஶ்ரீ நாரத³ க³ருட³ ஸம்வாதே³ க³ருட³கவசம் |

Found a Mistake or Error? Report it Now