|| ಶ್ರೀ ಗೌರೀ ಸಪ್ತಶ್ಲೋಕೀ ಸ್ತುತಿಃ ||
ಕರೋಪಾಂತೇ ಕಾಂತೇ ವಿತರಣರವಂತೇ ವಿದಧತೀಂ
ನವಾಂ ವೀಣಾಂ ಶೋಣಾಮಭಿರುಚಿಭರೇಣಾಂಕವದನಾಂ |
ಸದಾ ವಂದೇ ಮಂದೇತರಮತಿರಹಂ ದೇಶಿಕವಶಾ-
ತ್ಕೃಪಾಲಂಬಾಮಂಬಾಂ ಕುಸುಮಿತಕದಂಬಾಂಕಣಗೃಹಾಮ್ || ೧ ||
ಶಶಿಪ್ರಖ್ಯಂ ಮುಖ್ಯಂ ಕೃತಕಮಲಸಖ್ಯಂ ತವ ಮುಖಂ
ಸುಧಾವಾಸಂ ಹಾಸಂ ಸ್ಮಿತರುಚಿಭಿರಾಸನ್ನ ಕುಮುದಂ |
ಕೃಪಾಪಾತ್ರೇ ನೇತ್ರೇ ದುರಿತಕರಿತೋತ್ರೇಚ ನಮತಾಂ
ಸದಾ ಲೋಕೇ ಲೋಕೇಶ್ವರಿ ವಿಗತಶೋಕೇನ ಮನಸಾ || ೨ ||
ಅಪಿ ವ್ಯಾಧಾ ವಾಧಾವಪಿ ಸತಿ ಸಮಾಧಾಯ ಹೃದಿ ತಾ
ಮನೌಪಮ್ಯಾಂ ರಮ್ಯಾಂ ಮುನಿಭಿರವಗಮ್ಯಾಂ ತವ ಕಲಾಂ,
ನಿಜಾಮಾದ್ಯಾಂ ವಿದ್ಯಾಂ ನಿಯತಮನವದ್ಯಾಂ ನ ಕಲಯೇ
ನ ಮಾತಂಗೀಮಂಗೀಕೃತಸರಸಸಂಗೀತರಸಿಕಾಮ್ || ೩ ||
ಸ್ಫುರದ್ರೂಪಾನೀಪಾವನಿರುಹಸಮೀಪಾಶ್ರಯಪರಾ
ಸುಧಾಧಾರಾಧಾರಾಧರರುಚಿರುದಾರಾ ಕರುಣಯಾ |
ಸ್ತುತಿ ಪ್ರೀತಾ ಗೀತಾಮುನಿಭಿರುಪನೀತಾ ತವ ಕಲಾ
ತ್ರಯೀಸೀಮಾ ಸಾ ಮಾಮವತು ಸುರಸಾಮಾಜಿಕಮತಾ || ೪ ||
ತುಲಾಕೋಟೀಕೋಟೀ ಕಿರಣಪರಿಪಾಟಿ ದಿನಕರಂ
ನಖಚ್ಛಾಯಾಮಾಯಾ ಶಶಿನಳಿನದಾಯಾದವಿಭವಂ |
ಪದಂ ಸೇವೇ ಭಾವೇ ತವ ವಿಪದಭಾವೇ ವಿಲಸಿತಂ
ಜಗನ್ಮಾತಃ ಪ್ರಾತಃ ಕಮಲಮುಖಿ ನಾತಃ ಪರತರಮ್ || ೫ ||
ಕನತ್ಫಾಲಾಂ ಬಾಲಾಂ ಲಳಿತಶುಕಲೀಲಾಂಬುಜಕರಾಂ
ಲಸದ್ಧಾರಾಧಾರಾಂ ಕಚವಿಜಿತಧಾರಾಧರರುಚಿಂ |
ರಮೇಂದ್ರಾಣೀವಾಣೀ ಲಸದಸಿತವೇಣೀಸುಮಪದಾಂ
ಮಹತ್ಸೀಮಾಂ ಶ್ಯಾಮಾಮರುಣಗಿರಿವಾಮಾಂ ಭಜ ಮತೇ || ೬ ||
ಗಜಾರಣ್ಯೇ ಪುಣ್ಯೇ ಶ್ರಿತಜನಶರಣ್ಯೇ ಭಗವತೀ
ಜಪಾವರ್ಣಾಪರ್ಣಾಂ ತರಳತರಕರ್ಣಾಂತನಯನಾ |
ಅನಾದ್ಯಂತಾ ಶಾಂತಾಬುಧಜನಸುಸಂತಾನಲತಿಕಾ
ಜಗನ್ಮಾತಾ ಪೂತಾ ತುಹಿನಗಿರಿಜಾತಾ ವಿಜಯತೇ || ೭ ||
ಗೌರ್ಯಾಸ್ಸಪ್ತಸ್ತುತಿಂ ನಿತ್ಯಂ ಪ್ರಭಾತೇ ನಿಯತಃ ಪಠೇತ್ |
ತಸ್ಯಸರ್ವಾಣಿ ಸಿದ್ಧ್ಯನ್ತಿ ವಾಂಛಿತಾನಿ ನ ಸಂಶಯಃ || ೮ ||
Found a Mistake or Error? Report it Now
