|| ஶ்ரீ கௌரீ ஸப்தஶ்லோகீ ஸ்துதி꞉ ||
கரோபாந்தே காந்தே விதரணரவந்தே வித³த⁴தீம்
நவாம் வீணாம் ஶோணாமபி⁴ருசிப⁴ரேணாங்கவத³னாம் |
ஸதா³ வந்தே³ மந்தே³தரமதிரஹம் தே³ஶிகவஶா-
த்க்ருபாலம்பா³மம்பா³ம் குஸுமிதகத³ம்பா³ங்கணக்³ருஹாம் || 1 ||
ஶஶிப்ரக்²யம் முக்²யம் க்ருதகமலஸக்²யம் தவ முக²ம்
ஸுதா⁴வாஸம் ஹாஸம் ஸ்மிதருசிபி⁴ராஸன்ன குமுத³ம் |
க்ருபாபாத்ரே நேத்ரே து³ரிதகரிதோத்ரேச நமதாம்
ஸதா³ லோகே லோகேஶ்வரி விக³தஶோகேன மனஸா || 2 ||
அபி வ்யாதா⁴ வாதா⁴வபி ஸதி ஸமாதா⁴ய ஹ்ருதி³ தா
மனௌபம்யாம் ரம்யாம் முனிபி⁴ரவக³ம்யாம் தவ கலாம்,
நிஜாமாத்³யாம் வித்³யாம் நியதமனவத்³யாம் ந கலயே
ந மாதங்கீ³மங்கீ³க்ருதஸரஸஸங்கீ³தரஸிகாம் || 3 ||
ஸ்பு²ரத்³ரூபானீபாவனிருஹஸமீபாஶ்ரயபரா
ஸுதா⁴தா⁴ராதா⁴ராத⁴ரருசிருதா³ரா கருணயா |
ஸ்துதி ப்ரீதா கீ³தாமுனிபி⁴ருபனீதா தவ கலா
த்ரயீஸீமா ஸா மாமவது ஸுரஸாமாஜிகமதா || 4 ||
துலாகோடீகோடீ கிரணபரிபாடி தி³னகரம்
நக²ச்சா²யாமாயா ஶஶினளினதா³யாத³விப⁴வம் |
பத³ம் ஸேவே பா⁴வே தவ விபத³பா⁴வே விலஸிதம்
ஜக³ன்மாத꞉ ப்ராத꞉ கமலமுகி² நாத꞉ பரதரம் || 5 ||
கனத்பா²லாம் பா³லாம் லளிதஶுகலீலாம்பு³ஜகராம்
லஸத்³தா⁴ராதா⁴ராம் கசவிஜிததா⁴ராத⁴ரருசிம் |
ரமேந்த்³ராணீவாணீ லஸத³ஸிதவேணீஸுமபதா³ம்
மஹத்ஸீமாம் ஶ்யாமாமருணகி³ரிவாமாம் ப⁴ஜ மதே || 6 ||
க³ஜாரண்யே புண்யே ஶ்ரிதஜனஶரண்யே ப⁴க³வதீ
ஜபாவர்ணாபர்ணாம் தரளதரகர்ணாந்தனயனா |
அனாத்³யந்தா ஶாந்தாபு³த⁴ஜனஸுஸந்தானலதிகா
ஜக³ன்மாதா பூதா துஹினகி³ரிஜாதா விஜயதே || 7 ||
கௌ³ர்யாஸ்ஸப்தஸ்துதிம் நித்யம் ப்ரபா⁴தே நியத꞉ படே²த் |
தஸ்யஸர்வாணி ஸித்³த்⁴யந்தி வாஞ்சி²தானி ந ஸம்ஶய꞉ || 8 ||
Found a Mistake or Error? Report it Now
