ஶ்ரீ கா³யத்ர்யக்ஷரவல்லீ ஸ்தோத்ரம்

|| ஶ்ரீ கா³யத்ர்யக்ஷரவல்லீ ஸ்தோத்ரம் ||

தத்காரம் சம்பகம் பீதம் ப்³ரஹ்மவிஷ்ணுஶிவாத்மகம் ।
ஶாந்தம் பத்³மாஸநாரூட⁴ம் த்⁴யாயேத் ஸ்வஸ்தா²ந ஸம்ஸ்தி²தம் ॥ 1 ॥

ஸகாரம் சிந்தயேச்சா²ந்தம் அதஸீபுஷ்பஸந்நிப⁴ம் ।
பத்³மமத்⁴யஸ்தி²தம் காம்யமுபபாதகநாஶநம் ॥ 2 ॥

விகாரம் கபிலம் சிந்த்யம் கமலாஸநஸம்ஸ்தி²தம் ।
த்⁴யாயேச்சா²ந்தம் த்³விஜஶ்ரேஷ்டோ² மஹாபாதகநாஶநம் ॥ 3 ॥

துகாரம் சிந்தயேத்ப்ராஜ்ஞ இந்த்³ரநீலஸமப்ரப⁴ம் ।
நிர்த³ஹேத்ஸர்வது³꞉க²ஸ்து க்³ரஹரோக³ஸமுத்³ப⁴வம் ॥ 4 ॥

வகாரம் வஹ்நிதீ³ப்தாப⁴ம் சிந்தயித்வா விசக்ஷண꞉ ।
ப்⁴ரூணஹத்யாக்ருதம் பாபம் தக்ஷணாதே³வ நாஶயேத் ॥ 5 ॥

ரேகாரம் விமலம் த்⁴யாயேச்சு²த்³த⁴ஸ்ப²டிகஸந்நிப⁴ம் ।
பாபம் நஶ்யதி தத் க்ஷிப்ரமக³ம்யாக³மநோத்³ப⁴வம் ॥ 6 ॥

ணிகாரம் சிந்தயேத்³யோகீ³ வித்³யுத்³வல்லீஸமப்ரப⁴ம் ।
அப⁴க்ஷ்யப⁴க்ஷஜம் பாபம் தத்க்ஷணாதே³வ நஶ்யதி ॥ 7 ॥

யங்காரம் தாரகாவர்ணமிந்து³ஶேக²ரபூ⁴ஷிதம் ।
யோகி³நாம் வரத³ம் த்⁴யாயேத்³ப்³ரஹ்மஹத்யாக⁴நாஶநம் ॥ 8 ॥

ப⁴காரம் க்ருஷ்ணவர்ணம் து நீலமேக⁴ஸமப்ரப⁴ம் ।
த்⁴யாத்வா புருஷஹத்யாதி³ பாபம் நாஶயதி த்³விஜ꞉ ॥ 9 ॥

ர்கோ³காரம் ரக்தவர்ணம் து கமலாஸந ஸம்ஸ்தி²தம் ।
தம் கோ³ஹத்யாக்ருதம் பாபம் நாஶயேச்ச விசிந்தயன் ॥ 10 ॥

தே³காரம் மகரஶ்யாமம் கமலாஸநஸம்ஸ்தி²தம் ।
சிந்தயேத்ஸததம் யோகீ³ ஸ்த்ரீஹத்யாத³ஹநம் பரம் ॥ 11 ॥

வகாரம் ஶுக்லவர்ணம் து ஜாஜீபுஷ்பஸமப்ரப⁴ம் ।
கு³ருஹத்யா க்ருதம் பாபம் த்⁴யாத்வா த³ஹதி தத்க்ஷணாத் ॥ 12 ॥

ஸ்யகாரம் ச ததா³ பீதம் ஸுவர்ண ஸத்³ருஶப்ரப⁴ம் ।
மநஸா சிந்திதம் பாபம் த்⁴யாத்வா த³ஹதி நிஶ்சயம் ॥ 13 ॥

தீ⁴காரம் சிந்தயேச்சு²ப்⁴ரம் குந்த³புஷ்பஸமப்ரப⁴ம் ।
பித்ருமாத்ருவதா⁴த்பாபாந்முச்யதே நாத்ர ஸம்ஶய꞉ ॥ 14 ॥

மகாரம் பத்³மராகா³பா⁴ம் சிந்தயேத்³தீ³ப்ததேஜஸம் ।
பூர்வஜந்மார்ஜிதம் பாபம் தத்க்ஷணாதே³வ நஶ்யதி ॥ 15 ॥

ஹிகாரம் ஶங்க²வர்ணம் ச பூர்ணசந்த்³ரஸமப்ரப⁴ம் ।
அஶேஷபாபத³ஹநம் த்⁴யாயேந்நித்யம் விசக்ஷண꞉ ॥ 16 ॥

தி⁴காரம் பாண்டு³ரம் த்⁴யாயேத்பத்³மஸ்யோபரிஸம்ஸ்தி²தம் ।
ப்ரதிக்³ரஹக்ருதம் பாபம் தத்க்ஷணாதே³வ நஶ்யதி ॥ 17 ॥

யோகாரம் ரக்தவர்ணம் து இந்த்³ரகோ³பஸமப்ரப⁴ம் ।
த்⁴யாத்வா ப்ராணிவத⁴ம் பாபம் த³ஹத்யக்³நிரிவேந்த⁴நம் ॥ 18 ॥

த்³விதீயச்சைவ ய꞉ ப்ராக்தோ யோகாரோ ரக்தஸந்நிப⁴꞉ ।
நிர்த³ஹேத்ஸர்வபாபாநி நாந்யை꞉ பாபைஶ்ச லிப்யதே ॥ 19 ॥

நகாரம் து முக²ம் பூர்வமாதி³த்யோத³யஸந்நிப⁴ம் ।
ஸக்ருத்³த்⁴யாத்வா த்³விஜஶ்ரேஷ்ட² ஸக³ச்சே²தை³ஶ்வரம் பரம் ॥ 20 ॥

நீலோத்பலத³ளஶ்யாமம் ப்ரகாரம் த³க்ஷிணாநநம் ।
ஸக்ருத்³த்⁴யாத்வா த்³விஜஶ்ரேஷ்ட² ஸக³ச்சே²த்³வைஷ்ணவம் பத³ம் ॥ 21 ॥

ஶ்வேதவர்ணம் து தத்பீதம் சோகாரம் பஶ்சிமாநநம் ।
ஸக்ருத்³த்⁴யாத்வா த்³விஜஶ்ரேஷ்ட² ருத்³ரேண ஸஹமோத³தே ॥ 22 ॥

ஶுக்லவர்ணேந்து³ஸங்காஶம் த³காரம் சோத்தராநநம் ।
ஸக்ருத்³த்⁴யாத்வா த்³விஜஶ்ரேஷ்ட² ஸக³ச்சே²த்³ப்³ரஹ்மண꞉பத³ம் ॥ 23 ॥

யாத்காரஸ்து ஶிர꞉ ப்ரோக்தஶ்சதுர்த²வத³நப்ரப⁴꞉ ।
ப்ரத்யக்ஷ ப²லதோ³ ப்³ரஹ்மா விஷ்ணு ருத்³ராத்மக꞉ ஸ்ம்ருத꞉ ॥ 24 ॥

ஏவம் த்⁴யாத்வா து மேதா⁴வீ ஜபம் ஹோமம் கரோதி ய꞉ ।
ந ப⁴வேத்பாதகம் தஸ்ய அம்ருதம் கிம் ந வித்³யதே ।
ஸாக்ஷாத்³ப⁴வத்யஸௌ ப்³ரஹ்மா ஸ்வயம்பூ⁴꞉ பரமேஶ்வர꞉ ॥ 25 ॥

இதி ஶ்ரீ கா³யத்ர்யக்ஷரவல்லீ ஸ்தோத்ரம் ।

Found a Mistake or Error? Report it Now