|| ஶ்ரீ ஹரி ஸ்துதி꞉ (ஹரிமீடே³ ஸ்தோத்ரம்) ||
ஸ்தோஷ்யே ப⁴க்த்யா விஷ்ணுமநாதி³ம் ஜக³தா³தி³ம்
யஸ்மிந்நேதத்ஸம்ஸ்ருதிசக்ரம் ப்⁴ரமதீத்த²ம் ।
யஸ்மிந் த்³ருஷ்டே நஶ்யதி தத்ஸம்ஸ்ருதிசக்ரம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 1 ॥
யஸ்யைகாம்ஶாதி³த்த²மஶேஷம் ஜக³தே³த-
-த்ப்ராது³ர்பூ⁴தம் யேந பிநத்³த⁴ம் புநரித்த²ம் ।
யேந வ்யாப்தம் யேந விபு³த்³த⁴ம் ஸுக²து³꞉கை²-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 2 ॥
ஸர்வஜ்ஞோ யோ யஶ்ச ஹி ஸர்வ꞉ ஸகலோ யோ
யஶ்சாநந்தோ³(அ)நந்தகு³ணோ யோ கு³ணதா⁴மா ।
யஶ்சாவ்யக்தோ வ்யஸ்தஸமஸ்த꞉ ஸத³ஸத்³ய-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 3 ॥
யஸ்மாத³ந்யந்நாஸ்த்யபி நைவம் பரமார்த²ம்
த்³ருஶ்யாத³ந்யோ நிர்விஷயஜ்ஞாநமயத்வாத் ।
ஜ்ஞாத்ருஜ்ஞாநஜ்ஞேயவிஹீநோ(அ)பி ஸதா³ ஜ்ஞ-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 4 ॥
ஆசார்யேப்⁴யோ லப்³த⁴ஸுஸூக்ஷ்மாச்யுததத்த்வா
வைராக்³யேணாப்⁴யாஸப³லாச்சைவ த்³ரடி⁴ம்நா ।
ப⁴க்த்யைகாக்³ர்யத்⁴யாநபரா யம் விது³ரீஶம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 5 ॥
ப்ராணாநாயம்யோமிதி சித்தம் ஹ்ருதி³ ருத்³த்⁴வா
நாந்யத்ஸ்ம்ருத்வா தத்புநரத்ரைவ விளாப்ய ।
க்ஷீணே சித்தே பா⁴த்³ருஶிரஸ்மீதி விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 6 ॥
யம் ப்³ரஹ்மாக்²யம் தே³வமநந்யம் பரிபூர்ணம்
ஹ்ருத்ஸ்த²ம் ப⁴க்தைர்லப்⁴யமஜம் ஸூக்ஷ்மமதர்க்யம் ।
த்⁴யாத்வாத்மஸ்த²ம் ப்³ரஹ்மவிதோ³ யம் விது³ரீஶம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 7 ॥
மாத்ராதீதம் ஸ்வாத்மவிகாஸாத்மவிபோ³த⁴ம்
ஜ்ஞேயாதீதம் ஜ்ஞாநமயம் ஹ்ருத்³யுபலப்⁴யம் ।
பா⁴வக்³ராஹ்யாநந்த³மநந்யம் ச விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 8 ॥
யத்³யத்³வேத்³யம் வஸ்துஸதத்த்வம் விஷயாக்²யம்
தத்தத்³ப்³ரஹ்மைவேதி விதி³த்வா தத³ஹம் ச ।
த்⁴யாயந்த்யேவம் யம் ஸநகாத்³யா முநயோ(அ)ஜம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 9 ॥
யத்³யத்³வேத்³யம் தத்தத³ஹம் நேதி விஹாய
ஸ்வாத்மஜ்யோதிர்ஜ்ஞாநமயாநந்த³மவாப்ய ।
தஸ்மிந்நஸ்மீத்யாத்மவிதோ³ யம் விது³ரீஶம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 10 ॥
ஹித்வாஹித்வா த்³ருஶ்யமஶேஷம் ஸவிகல்பம்
மத்வா ஶிஷ்டம் பா⁴த்³ருஶிமாத்ரம் க³க³நாப⁴ம் ।
த்யக்த்வா தே³ஹம் யம் ப்ரவிஶந்த்யச்யுதப⁴க்தா-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 11 ॥
ஸர்வத்ராஸ்தே ஸர்வஶரீரீ ந ச ஸர்வ꞉
ஸர்வம் வேத்த்யேவேஹ ந யம் வேத்தி ச ஸர்வ꞉ ।
ஸர்வத்ராந்தர்யாமிதயேத்த²ம் யமயந் ய-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 12 ॥
ஸர்வம் த்³ருஷ்ட்வா ஸ்வாத்மநி யுக்த்யா ஜக³தே³த-
-த்³த்³ருஷ்ட்வாத்மாநம் சைவமஜம் ஸர்வஜநேஷு ।
ஸர்வாத்மைகோ(அ)ஸ்மீதி விது³ர்யம் ஜநஹ்ருத்ஸ்த²ம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 13 ॥
ஸர்வத்ரைக꞉ பஶ்யதி ஜிக்⁴ரத்யத² பு⁴ங்க்தே
ஸ்ப்ருஷ்டா ஶ்ரோதா பு³த்⁴யதி சேத்யாஹுரிமம் யம் ।
ஸாக்ஷீ சாஸ்தே கர்த்ருஷு பஶ்யந்நிதி சாந்யே
தம் ஸம்ஸாரத்⁴வாந்தவிநாஶம் ஹரிமீடே³ ॥ 14 ॥
பஶ்யஞ்ஶ்ருண்வந்நத்ர விஜாநந்ரஸயந்ஸ
ஜிக்⁴ரத்³பி³ப்⁴ரத்³தே³ஹமிமம் ஜீவதயேத்த²ம் ।
இத்யாத்மாநம் யம் விது³ரீஶம் விஷயஜ்ஞம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 15 ॥
ஜாக்³ரத்³த்³ருஷ்ட்வா ஸ்தூ²லபதா³ர்தா²நத² மாயாம்
த்³ருஷ்ட்வா ஸ்வப்நே(அ)தா²பி ஸுஷுப்தௌ ஸுக²நித்³ராம் ।
இத்யாத்மாநம் வீக்ஷ்ய முதா³ஸ்தே ச துரீயே
தம் ஸம்ஸாரத்⁴வாந்தவிநாஶம் ஹரிமீடே³ ॥ 16 ॥
பஶ்யஞ்ஶுத்³தோ⁴(அ)ப்யக்ஷர ஏகோ கு³ணபே⁴தா³-
-ந்நாநாகாராந்ஸ்பா²டிகவத்³பா⁴தி விசித்ர꞉ ।
பி⁴ந்நஶ்சி²ந்நஶ்சாயமஜ꞉ கர்மப²லைர்ய-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 17 ॥
ப்³ரஹ்மா விஷ்ணூ ருத்³ரஹுதாஶௌ ரவிசந்த்³ரா-
-விந்த்³ரோ வாயுர்யஜ்ஞ இதீத்த²ம் பரிகல்ப்ய ।
ஏகம் ஸந்தம் யம் ப³ஹுதா⁴ஹுர்மதிபே⁴தா³-
-த்தம் ஸம்ஸாரத்⁴வாந்தவிநாஶம் ஹரிமீடே³ ॥ 18 ॥
ஸத்யம் ஜ்ஞாநம் ஶுத்³த⁴மநந்தம் வ்யதிரிக்தம்
ஶாந்தம் கூ³ட⁴ம் நிஷ்களமாநந்த³மநந்யம் ।
இத்யாஹாதௌ³ யம் வருணோ(அ)ஸௌ ப்⁴ருக³வே(அ)ஜம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 19 ॥
கோஶாநேதாந்பஞ்சரஸாதீ³நதிஹாய
ப்³ரஹ்மாஸ்மீதி ஸ்வாத்மநி நிஶ்சித்ய த்³ருஶிஸ்த²ம் ।
பித்ரா ஶிஷ்டோ வேத³ ப்⁴ருகு³ர்யம் யஜுரந்தே
தம் ஸம்ஸாரத்⁴வாந்தவிநாஶம் ஹரிமீடே³ ॥ 20 ॥
யேநாவிஷ்டோ யஸ்ய ச ஶக்த்யா யத³தீ⁴ந꞉
க்ஷேத்ரஜ்ஞோ(அ)யம் காரயிதா ஜந்துஷு கர்து꞉ ।
கர்தா போ⁴க்தாத்மாத்ர ஹி யச்ச²க்த்யதி⁴ரூட⁴-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 21 ॥
ஸ்ருஷ்ட்வா ஸர்வம் ஸ்வாத்மதயைவேத்த²மதர்க்யம்
வ்யாப்யாதா²ந்த꞉ க்ருத்ஸ்நமித³ம் ஸ்ருஷ்டமஶேஷம் ।
ஸச்ச த்யச்சாபூ⁴த்பரமாத்மா ஸ ய ஏக-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 22 ॥
வேதா³ந்தைஶ்சாத்⁴யாத்மிகஶாஸ்த்ரைஶ்ச புராணை꞉
ஶாஸ்த்ரைஶ்சாந்யை꞉ ஸாத்த்வததந்த்ரைஶ்ச யமீஶம் ।
த்³ருஷ்ட்வாதா²ந்தஶ்சேதஸி பு³த்³த்⁴வா விவிஶுர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 23 ॥
ஶ்ரத்³தா⁴ப⁴க்தித்⁴யாநஶமாத்³யைர்யதமாநை-
-ர்ஜ்ஞாதும் ஶக்யோ தே³வ இஹைவாஶு ய ஈஶ꞉ ।
து³ர்விஜ்ஞேயோ ஜந்மஶதைஶ்சாபி விநா தை-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 24 ॥
யஸ்யாதர்க்யம் ஸ்வாத்மவிபூ⁴தே꞉ பரமார்த²ம்
ஸர்வம் க²ல்வித்யத்ர நிருக்தம் ஶ்ருதிவித்³பி⁴꞉ ।
தஜ்ஜாதித்வாத³ப்³தி⁴தரங்கா³ப⁴மபி⁴ந்நம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 25 ॥
த்³ருஷ்ட்வா கீ³தாஸ்வக்ஷரதத்த்வம் விதி⁴நாஜம்
ப⁴க்த்யா கு³ர்வ்யா லப்⁴ய ஹ்ருதி³ஸ்த²ம் த்³ருஶிமாத்ரம் ।
த்⁴யாத்வா தஸ்மிந்நஸ்ம்யஹமித்யத்ர விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 26 ॥
க்ஷேத்ரஜ்ஞத்வம் ப்ராப்ய விபு⁴꞉ பஞ்சமுகை²ர்யோ
பு⁴ங்க்தே(அ)ஜஸ்ரம் போ⁴க்³யபதா³ர்தா²ந் ப்ரக்ருதிஸ்த²꞉ ।
க்ஷேத்ரே க்ஷேத்ரே(அ)ப்ஸ்விந்து³வதே³கோ ப³ஹுதா⁴ஸ்தே
தம் ஸம்ஸாரத்⁴வாந்தவிநாஶம் ஹரிமீடே³ ॥ 27 ॥
யுக்த்யாளோட்³ய வ்யாஸவசாம்ஸ்யத்ர ஹி லப்⁴ய꞉
க்ஷேத்ரக்ஷேத்ரஜ்ஞாந்தரவித்³பி⁴꞉ புருஷாக்²ய꞉ ।
யோ(அ)ஹம் ஸோ(அ)ஸௌ ஸோ(அ)ஸ்ம்யஹமேவேதி விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 28 ॥
ஏகீக்ருத்யாநேகஶரீரஸ்த²மிமம் ஜ்ஞம்
யம் விஜ்ஞாயேஹைவ ஸ ஏவாஶு ப⁴வந்தி ।
யஸ்மிம்ல்லீநா நேஹ புநர்ஜந்ம லப⁴ந்தே
தம் ஸம்ஸாரத்⁴வாந்தவிநாஶம் ஹரிமீடே³ ॥ 29 ॥
த்³வந்த்³வைகத்வம் யச்ச மது⁴ப்³ராஹ்மணவாக்யை꞉
க்ருத்வா ஶக்ரோபாஸநமாஸாத்³ய விபூ⁴த்யா ।
யோ(அ)ஸௌ ஸோ(அ)ஹம் ஸோ(அ)ஸ்ம்யஹமேவேதி விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 30 ॥
யோ(அ)யம் தே³ஹே சேஷ்டயிதா(அ)ந்த꞉கரணஸ்த²꞉
ஸூர்யே சாஸௌ தாபயிதா ஸோ(அ)ஸ்ம்யஹமேவ ।
இத்யாத்மைக்யோபாஸநயா யம் விது³ரீஶம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 31 ॥
விஜ்ஞாநாம்ஶோ யஸ்ய ஸத꞉ ஶக்த்யதி⁴ரூடோ⁴
பு³த்³தி⁴ர்பு³த்⁴யத்யத்ர ப³ஹிர்போ³த்⁴யபதா³ர்தா²ந் ।
நைவாந்த꞉ஸ்த²ம் பு³த்⁴யதி யம் போ³த⁴யிதாரம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 32 ॥
கோ(அ)யம் தே³ஹே தே³வ இதீத்த²ம் ஸுவிசார்ய
ஜ்ஞாதா ஶ்ரோதா மந்தயிதா சைஷ ஹி தே³வ꞉ ।
இத்யாளோச்ய ஜ்ஞாம்ஶ இஹாஸ்மீதி விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 33 ॥
கோ ஹ்யேவாந்யாதா³த்மநி ந ஸ்யாத³யமேஷ
ஹ்யேவாநந்த³꞉ ப்ராணிதி சாபாநிதி சேதி ।
இத்யஸ்தித்வம் வக்த்யுபபத்த்யா ஶ்ருதிரேஷா
தம் ஸம்ஸாரத்⁴வாந்தவிநாஶம் ஹரிமீடே³ ॥ 34 ॥
ப்ராணோ வா(அ)ஹம் வாக்ச்²ரவணாதீ³நி மநோ வா
பு³த்³தி⁴ர்வாஹம் வ்யஸ்த உதாஹோ(அ)பி ஸமஸ்த꞉ ।
இத்யாளோச்ய ஜ்ஞப்திரிஹாஸ்மீதி விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 35 ॥
நாஹம் ப்ராணோ நைவ ஶரீரம் ந மநோ(அ)ஹம்
நாஹம் பு³த்³தி⁴ர்நாஹமஹங்காரதி⁴யௌ ச ।
யோ(அ)த்ர ஜ்ஞாம்ஶ꞉ ஸோ(அ)ஸ்ம்யஹமேவேதி விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 36 ॥
ஸத்தாமாத்ரம் கேவலவிஜ்ஞாநமஜம் ஸ-
-த்ஸூக்ஷ்மம் நித்யம் தத்த்வமஸீத்யாத்மஸுதாய ।
ஸாம்நாமந்தே ப்ராஹ பிதா யம் விபு⁴மாத்³யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 37 ॥
மூர்தாமூர்தே பூர்வமபோஹ்யாத² ஸமாதௌ⁴
த்³ருஶ்யம் ஸர்வம் நேதி ச நேதீதி விஹாய ।
சைதந்யாம்ஶே ஸ்வாத்மநி ஸந்தம் ச விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 38 ॥
ஓதம் ப்ரோதம் யத்ர ச ஸர்வம் க³க³நாந்தம்
யோ(அ)ஸ்தூ²லாநண்வாதி³ஷு ஸித்³தோ⁴(அ)க்ஷரஸஞ்ஜ்ஞ꞉ ।
ஜ்ஞாதாதோ(அ)ந்யோ நேத்யுபலப்⁴யோ ந ச வேத்³ய-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 39 ॥
தாவத்ஸர்வம் ஸத்யமிவாபா⁴தி யதே³த-
-த்³யாவத்ஸோ(அ)ஸ்மீத்யாத்மநி யோ ஜ்ஞோ ந ஹி த்³ருஷ்ட꞉ ।
த்³ருஷ்டே யஸ்மிந்ஸர்வமஸத்யம் ப⁴வதீத³ம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 40 ॥
ராகா³முக்தம் லோஹயுதம் ஹேம யதா²க்³நௌ
யோகா³ஷ்டாங்கே³ருஜ்ஜ்வலிதஜ்ஞாநமயாக்³நௌ ।
த³க்³த்⁴வாத்மாநம் ஜ்ஞம் பரிஶிஷ்டம் ச விது³ர்யம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 41 ॥
யம் விஜ்ஞாநஜ்யோதிஷமாத்³யம் ஸுவிபா⁴ந்தம்
ஹ்ருத்³யர்கேந்த்³வக்³ந்யோகஸமீட்³யம் தடிதா³ப⁴ம் ।
ப⁴க்த்யாராத்⁴யேஹைவ விஶந்த்யாத்மநி ஸந்தம்
தம் ஸம்ஸாரத்⁴வாந்தவிநாஶம் ஹரிமீடே³ ॥ 42 ॥
பாயாத்³ப⁴க்தம் ஸ்வாத்மநி ஸந்தம் புருஷம் யோ
ப⁴க்த்யா ஸ்தௌதீத்யாங்கி³ரஸம் விஷ்ணுரிமம் மாம் ।
இத்யாத்மாநம் ஸ்வாத்மநி ஸம்ஹ்ருத்ய ஸதை³க-
-ஸ்தம் ஸம்ஸாரத்⁴வாந்தவிநாஶம் ஹரிமீடே³ ॥ 43 ॥
[* அதி⁴கஶ்லோக꞉ –
இத்த²ம் ஸ்தோத்ரம் ப⁴க்தஜநேட்³யம் ப⁴வபீ⁴தி-
-த்⁴வாந்தார்காப⁴ம் ப⁴க³வத்பாதீ³யமித³ம் ய꞉ ।
விஷ்ணோர்லோகம் பட²தி ஶ்ருணோதி வ்ரஜதி ஜ்ஞோ
ஜ்ஞாநம் ஜ்ஞேயம் ஸ்வாத்மநி சாப்நோதி மநுஷ்ய꞉ ॥ 44 ॥
*]
இதி ஶ்ரீமத்பரமஹம்ஸபரிவ்ராஜகாசார்யஸ்ய ஶ்ரீகோ³விந்த³ப⁴க³வத்பூஜ்யபாத³ஶிஷ்யஸ்ய ஶ்ரீமச்ச²ங்கரப⁴க³வத꞉ க்ருதௌ ஶ்ரீ ஹரி ஸ்துதி꞉ ஸம்பூர்ணம் ।
Found a Mistake or Error? Report it Now
