|| శ్రీ హరిహరపుత్రాష్టకం ||
హరికలభతురంగతుంగవాహనం
హరిమణిమోహనహారచారుదేహమ్ |
హరిదధీపనతం గిరీంద్రగేహం
హరిహరపుత్రముదారమాశ్రయామి || ౧ ||
నిరుపమ పరమాత్మనిత్యబోధం
గురువరమద్భుతమాదిభూతనాథమ్ |
సురుచిరతరదివ్యనృత్తగీతం
హరిహరపుత్రముదారమాశ్రయామి || ౨ ||
అగణితఫలదానలోలశీలం
నగనిలయం నిగమాగమాదిమూలమ్ |
అఖిలభువనపాలకం విశాలం
హరిహరపుత్రముదారమాశ్రయామి || ౩ ||
ఘనరసకలభాభిరమ్యగాత్రం
కనకకరోజ్వల కమనీయవేత్రమ్ |
అనఘసనకతాపసైకమిత్రం
హరిహరపుత్రముదారమాశ్రయామి || ౪ ||
సుకృతసుమనసాం సతాం శరణ్యం
సకృదుపసేవకసాధులోకవర్ణ్యమ్ |
సకలభువనపాలకం వరేణ్యం
హరిహరపుత్రముదారమాశ్రయామి || ౫ ||
విజయకర విభూతివేత్రహస్తం
విజయకరం వివిధాయుధ ప్రశస్తమ్ |
విజిత మనసిజం చరాచరస్థం
హరిహరపుత్రముదారమాశ్రయేఽహమ్ || ౬ ||
సకలవిషయమహారుజాపహారం
జగదుదయస్థితినాశహేతుభూతమ్ |
అగనగమృగయామహావినోదం
హరిహరపుత్రముదారమాశ్రయేఽహమ్ || ౭ ||
త్రిభువనశరణం దయాపయోధిం
ప్రభుమమరాభరణం రిపుప్రమాథిమ్ |
అభయవరకరోజ్జ్వలత్సమాధిం
హరిహరపుత్రముదారమాశ్రయేఽహమ్ || ౮ ||
జయ జయ మణికంఠ వేత్రదండ
జయ కరుణాకర పూర్ణచంద్రతుండ |
జయ జయ జగదీశ శాసితాండ
జయ రిపుఖండవఖండ చారుఖండ || ౯ ||
ఇతి శ్రీ హరిహరపుత్రాష్టకమ్ |
Found a Mistake or Error? Report it Now
