|| Sri Harihara Putra (Ayyappa) Sahasranama Stotram ||
asya śrīhariharaputra sahasranāma stōtramālāmantrasya ardhanārīśvara r̥ṣiḥ, anuṣṭupchandaḥ, śrīhariharaputrō dēvatā, hrāṁ bījaṁ, hrīṁ śaktiḥ, hrūṁ kīlakaṁ, śrīhariharaputra prasādasiddhyarthē japē viniyōgaḥ ||
nyāsaḥ –
hrāṁ aṅguṣṭhābhyāṁ namaḥ |
hrīṁ tarjanībhyāṁ namaḥ |
hrūṁ madhyamābhyāṁ namaḥ |
hraiṁ anāmikābhyāṁ namaḥ |
hrauṁ kaniṣṭhikābhyāṁ namaḥ |
hraḥ karatalakarapr̥ṣṭhābhyāṁ namaḥ ||
ēvaṁ hr̥dayādinyāsaḥ ||
dhyānam –
dhyāyēdumāpatiramāpatibhāgyaputraṁ
vētrōjjvalatkaratalaṁ bhasitābhirāmam |
viśvaikavaśyavapuṣaṁ mr̥gayāvinōdaṁ
vāñchānurūpaphaladaṁ varabhūtanātham || 1 ||
āśyāmakōmalaviśālatanuṁ vicitra-
-vāsōvasānamaruṇōtpala vāmahastam |
uttuṅgaratnamakuṭaṁ kuṭilāgrakēśaṁ
śāstāramiṣṭavaradaṁ śaraṇaṁ prapadyē || 2 ||
stōtraṁ –
śivaputrō mahātējāḥ śivakāryadhurandharaḥ |
śivapradaḥ śivajñānī śaivadharmasurakṣakaḥ || 1 ||
śaṅkhadhārī surādhyakṣaścandramauliḥ surōttamaḥ |
kāmēśaḥ kāmatējasvī kāmādiphalasamyutaḥ || 2 ||
kalyāṇaḥ kōmalāṅgaśca kalyāṇaphaladāyakaḥ |
karuṇābdhiḥ karmadakṣaḥ karuṇārasasāgaraḥ || 3 ||
jagatpriyō jagadrakṣō jagadānandadāyakaḥ |
jayādiśaktisaṁsēvyō janāhlādō jigīṣukaḥ || 4 ||
jitēndriyō jitakrōdhō jitadēvārisaṅghakaḥ |
jaiminyādr̥ṣisaṁsēvyō jarāmaraṇanāśakaḥ || 5 ||
janārdanasutō jyēṣṭhō jyēṣṭhādigaṇasēvitaḥ |
janmahīnō jitāmitrō janakēnābhipūjitaḥ || 6 ||
paramēṣṭhī paśupatiḥ paṅkajāsanapūjitaḥ |
purahantā puratrātā paramaiśvaryadāyakaḥ || 7 ||
pavanādisuraiḥ sēvyaḥ pañcabrahmaparāyaṇaḥ |
pārvatītanayō brahma parānandaḥ parātparaḥ || 8 ||
brahmiṣṭhō jñānaniratō guṇāguṇanirūpakaḥ |
guṇādhyakṣō guṇanidhiḥ gōpālēnābhipujitaḥ || 9 ||
gōrakṣakō gōdhanadō gajārūḍhō gajapriyaḥ |
gajagrīvō gajaskandhō gabhastirgōpatiḥ prabhuḥ || 10 ||
grāmapālō gajādhyakṣō diggajēnābhipūjitaḥ |
gaṇādhyakṣō gaṇapatirgavāṁ patiraharpatiḥ || 11 ||
jaṭādharō jalanibhō jaiminyairabhipūjitaḥ |
jalandharanihantā ca śōṇākṣaḥ śōṇavāsakaḥ || 12 ||
surādhipaḥ śōkahantā śōbhākṣaḥ sūryatējasaḥ |
surārcitaḥ surairvandyaḥ śōṇāṅgaḥ śālmalīpatiḥ || 13 ||
sujyōtiḥ śaravīraghnaḥ śaraccandranibhānanaḥ |
sanakādimunidhyēyaḥ sarvajñānapradō vibhuḥ || 14 ||
halāyudhō haṁsanibhō hāhāhūhūmukhastutaḥ |
harirharapriyō haṁsō haryakṣāsanatatparaḥ || 15 ||
pāvanaḥ pāvakanibhō bhaktapāpavināśanaḥ |
bhasitāṅgō bhayatrātā bhānumān bhayanāśanaḥ || 16 ||
tripuṇḍrakastrinayanastripuṇḍrāṅkitamastakaḥ |
tripuraghnō dēvavarō dēvārikulanāśakaḥ || 17 ||
dēvasēnādhipastējastējōrāśirdaśānanaḥ |
dāruṇō dōṣahantā ca dōrdaṇḍō daṇḍanāyakaḥ || 18 ||
dhanuṣpāṇirdharādhyakṣō dhanikō dharmavatsalaḥ |
dharmajñō dharmaniratō dhanuḥ śāstraparāyaṇaḥ || 19 ||
sthūlakarṇaḥ sthūlatanuḥ sthūlākṣaḥ sthūlabāhukaḥ |
tanūttamastanutrāṇastārakastējasāṁ patiḥ || 20 ||
yōgīśvarō yōganidhiryōgīśō yōgasaṁsthitaḥ |
mandāravāṭikāmattō malayācalavāsabhūḥ || 21 ||
mandārakusumaprakhyō mandamārutasēvitaḥ |
mahābhāsō mahāvakṣā manōharamadārcitaḥ || 22 ||
mahōnnatō mahākāyō mahānētrō mahāhanuḥ |
marutpūjyō mānadhanō mōhanō mōkṣadāyakaḥ || 23 ||
mitrō mēdhā mahaujasvī mahāvarṣapradāyakaḥ |
bhāṣakō bhāṣyaśāstrajñō bhānumān bhānutējasaḥ || 24 ||
bhiṣagbhavāniputraśca bhavatāraṇakāraṇaḥ |
nīlāmbarō nīlanibhō nīlagrīvō nirañjanaḥ || 25 ||
nētratrayō niṣādajñō nānāratnōpaśōbhitaḥ |
ratnaprabhō ramāputrō ramayā paritōṣitaḥ || 26 ||
rājasēvyō rājadhanaḥ raṇadōrdaṇḍamaṇḍitaḥ |
ramaṇō rēṇukāsēvyō rajanīcaradāraṇaḥ || 27 ||
īśāna ibharāṭsēvya īṣaṇātrayanāśanaḥ |
iḍāvāsō hēmanibhō haimaprākāraśōbhitaḥ || 28 ||
hayapriyō hayagrīvō haṁsō hariharātmajaḥ |
hāṭakasphaṭikaprakhyō haṁsārūḍhēna sēvitaḥ || 29 ||
vanavāsō vanādhyakṣō vāmadēvō varānanaḥ |
vaivasvatapatirviṣṇuḥ virāḍrūpō viśāṁ patiḥ || 30 ||
vēṇunādō varagrīvō varābhayakarānvitaḥ |
varcasvī vipulagrīvō vipulākṣō vinōdavān || 31 ||
vaiṇavāraṇyavāsaśca vāmadēvēnasēvitaḥ |
vētrahastō vēdanidhirvaṁśadēvō varāṅgakaḥ || 32 ||
hrīṅkārō hrīṁmanā hr̥ṣṭō hiraṇyō hēmasambhavaḥ |
hutāśō hutaniṣpannō huṅkārākr̥ti suprabhaḥ || 33 ||
havyavāhō havyakaraścāṭ-ṭahāsō:’parāhataḥ |
aṇurūpō rūpakaraścājarō:’tanurūpakaḥ || 34 ||
haṁsamantraśca hutabhuk hēmāmbaraḥ sulakṣaṇaḥ |
nīpapriyō nīlavāsāḥ nidhipālō nirātapaḥ || 35 ||
krōḍahastastapastrātā tapōrakṣastapāhvayaḥ |
mūrdhābhiṣiktō mānī ca mantrarūpō mr̥ḍō manuḥ || 36 ||
mēdhāvī mēdhasō muṣṇuḥ makarō makarālayaḥ |
mārtāṇḍō mañjukēśaśca māsapālō mahauṣadhiḥ || 37 ||
śrōtriyaḥ śōbhamānaśca savitā sarvadēśikaḥ |
candrahāsaḥ śamaḥ śaktaḥ śaśibhāsaḥ śamādhikaḥ || 38 ||
sudantaḥ sukapōlaśca ṣaḍvarṇaḥ sampadō:’dhipaḥ |
garalaḥ kālakaṇṭhaśca gōnētā gōmukhaprabhuḥ || 39 ||
kauśikaḥ kāladēvaśca krōśakaḥ krauñcabhēdakaḥ |
kriyākaraḥ kr̥pāluśca karavīrakarēruhaḥ || 40 ||
kandarpadarpahārī ca kāmadātā kapālakaḥ |
kailāsavāsō varadō virōcanō vibhāvasuḥ || 41 ||
babhruvāhō balādhyakṣaḥ phaṇāmaṇivibhūṣaṇaḥ |
sundaraḥ sumukhaḥ svacchaḥ sabhāsaśca sabhākaraḥ || 42 ||
śarānivr̥ttaḥ śakrāptaḥ śaraṇāgatapālakaḥ |
tīkṣṇadaṁṣṭrō dīrghajihvaḥ piṅgalākṣaḥ piśācahā || 43 ||
abhēdyaścāṅgadārḍhyaśca bhōjapālō:’tha bhūpatiḥ |
gr̥dhranāsō:’viṣahyaśca digdēhō dainyadāhakaḥ || 44 ||
baḍabāpūritamukhō vyāpakō viṣamōcakaḥ |
hasantaḥ samarakruddhaḥ puṅgavaḥ paṅkajāsanaḥ || 45 ||
viśvadarpō niścitājñō nāgābharaṇabhūṣitaḥ |
bharatō bhairavākārō bharaṇō vāmanakriyaḥ || 46 ||
siṁhāsyaḥ siṁharūpaśca sēnāpatiḥ sakārakaḥ |
sanātanaḥ siddharūpī siddhadharmaparāyaṇaḥ || 47 ||
ādityarūpaścāpadghnaścāmr̥tābdhinivāsabhūḥ |
yuvarājō yōgivarya uṣastējā uḍuprabhaḥ || 48 ||
dēvādidēvō daivajñastāmrōṣṭhastāmralōcanaḥ |
piṅgalākṣaḥ piñchacūḍaḥ phaṇāmaṇivibhūṣitaḥ || 49 ||
bhujaṅgabhūṣaṇō bhōgō bhōgānandakarō:’vyayaḥ |
pañcahastēna sampūjyaḥ pañcabāṇēna sēvitaḥ || 50 ||
bhavaḥ śarvō bhānumayaḥ prājāpatyasvarūpakaḥ |
svacchandaśchandaḥśāstrajñō dāntō dēvamanuprabhuḥ || 51 ||
daśabhukca daśādhyakṣō dānavānāṁ vināśanaḥ |
sahasrākṣaḥ śarōtpannaḥ śatānandasamāgamaḥ || 52 ||
gr̥dhrādrivāsō gambhīrō gandhagrāhō gaṇēśvaraḥ |
gōmēdhō gaṇḍakāvāsō gōkulaiḥ parivāritaḥ || 53 ||
parivēṣaḥ padajñānī priyaṅgudrumavāsakaḥ |
guhāvāsō guruvarō vandanīyō vadānyakaḥ || 54 ||
vr̥ttākārō vēṇupāṇirvīṇādaṇḍadharō haraḥ |
haimīḍyō hōtr̥subhagō hautrajñaścaujasāṁ patiḥ || 55 ||
pavamānaḥ prajātantupradō daṇḍavināśanaḥ |
nimīḍyō nimiṣārdhajñō nimiṣākārakāraṇaḥ || 56 ||
liguḍābhō liḍākārō lakṣmīvandyō varaprabhuḥ |
iḍājñaḥ piṅgalāvāsaḥ suṣumnāmadhyasambhavaḥ || 57 ||
bhikṣāṭanō bhīmavarcā varakīrtiḥ sabhēśvaraḥ |
vācātītō varanidhiḥ parivēttā pramāṇakaḥ || 58 ||
apramēyō:’niruddhaścāpyanantādityasuprabhaḥ |
vēṣapriyō viṣagrāhō varadānakarōttamaḥ || 59 ||
vipinō vēdasāraśca vēdāntaiḥ paritōṣitaḥ |
vakrāgamō varcavacā baladātā vimānavān || 60 ||
vajrakāntō vaṁśakarō vaṭurakṣāviśāradaḥ |
vaprakrīḍō viprapūjyō vēlārāśiścalālakaḥ || 61 ||
kōlāhalaḥ krōḍanētraḥ krōḍāsyaśca kapālabhr̥t |
kuñjarēḍyō mañjuvāsāḥ kriyamāṇaḥ kriyāpradaḥ || 62 ||
krīḍānāthaḥ kīlahastaḥ krōśamānō balādhikaḥ |
kanakō hōtr̥bhāgī ca khavāsaḥ khacaraḥ khagaḥ || 63 ||
gaṇakō guṇanirduṣṭō guṇatyāgī kuśādhipaḥ |
pāṭalaḥ patradhārī ca palāśaḥ putravardhanaḥ || 64 ||
pitr̥saccaritaḥ prēṣṭhaḥ pāpabhasmā punaḥ śuciḥ |
phālanētraḥ phullakēśaḥ phullakalhārabhūṣitaḥ || 65 ||
phaṇisēvyaḥ paṭ-ṭabhadraḥ paṭurvāgmī vayō:’dhikaḥ |
cōranāṭyaścōravēṣaścōraghnaścauryavardhanaḥ || 66 ||
cañcalākṣaścāmarakō marīcirmadagāmikaḥ |
mr̥ḍābhō mēṣavāhaśca maithilyō mōcakō manuḥ || 67 ||
manurūpō mantradēvō mantrarāśirmahādr̥ḍhaḥ |
sthūpijñō dhanadātā ca dēvavandyaśca tāraṇaḥ || 68 ||
yajñapriyō yamādhyakṣa ibhakrīḍa ibhēkṣaṇaḥ |
dadhipriyō durādharṣō dārupālō danūjahā || 69 ||
dāmōdarō dāmadharō dakṣiṇāmūrtirūpakaḥ |
śacīpūjyaḥ śaṅkhakarṇaścandracūḍō manupriyaḥ || 70 ||
guḍarūpō guḍākēśaḥ kuladharmaparāyaṇaḥ |
kālakaṇṭhō gāḍhagātrō gōtrarūpaḥ kulēśvaraḥ || 71 ||
ānandabhairavārādhyō hayamēdhaphalapradaḥ |
dadhyannāsaktahr̥dayō guḍānnaprītamānasaḥ || 72 ||
ghr̥tānnāsaktahr̥dayō gaurāṅgō garvabhañjakaḥ |
gaṇēśapūjyō gaganaḥ gaṇānāṁ patirūrjitaḥ || 73 ||
chadmahīnaḥ śaśiradaḥ śatrūṇāṁ patiraṅgirāḥ |
carācaramayaḥ śāntaḥ śarabhēśaḥ śatātapaḥ || 74 ||
vīrārādhyō vakragamō vēdāṅgō vēdapāragaḥ |
parvatārōhaṇaḥ pūṣā paramēśaḥ prajāpatiḥ || 75 ||
bhāvajñō bhavarōgaghnō bhavasāgaratāraṇaḥ |
cidagnidēhaścidrūpaścidānandaścidākr̥tiḥ || 76 ||
nāṭyapriyō narapatirnaranārāyaṇārcitaḥ |
niṣādarājō nīhārō nēṣṭā niṣṭhurabhāṣaṇaḥ || 77 ||
nimnapriyō nīlanētrō nīlāṅgō nīlakēśakaḥ |
siṁhākṣaḥ sarvavighnēśaḥ sāmavēdaparāyaṇaḥ || 78 ||
sanakādimunidhyēyaḥ śarvarīśaḥ ṣaḍānanaḥ |
surūpaḥ sulabhaḥ svargaḥ śacīnāthēna pūjitaḥ || 79 ||
kākinaḥ kāmadahanō dagdhapāpō dharādhipaḥ |
dāmagranthī śatastrīśastantrīpālaśca tārakaḥ || 80 ||
tāmrākṣastīkṣṇadaṁṣṭraśca tilabhōjyastilōdaraḥ |
māṇḍukarṇō mr̥ḍādhīśō mēruvarṇō mahōdaraḥ || 81 ||
mārtāṇḍabhairavārādhyō maṇirūpō marudvahaḥ |
māṣapriyō madhupānō mr̥ṇālō mōhinīpatiḥ || 82 ||
mahākāmēśatanayō mādhavō madagarvitaḥ |
mūlādhārāmbujāvāsō mūlavidyāsvarūpakaḥ || 83 ||
svādhiṣṭhānamayaḥ svasthaḥ svastivākyaḥ sruvāyudhaḥ |
maṇipūrābjanilayō mahābhairavapūjitaḥ || 84 ||
anāhatābjarasikō hrīṅkārarasapēśalaḥ |
bhrūmadhyavāsō bhrūkāntō bharadvājaprapūjitaḥ || 85 ||
sahasrārāmbujāvāsaḥ savitā sāmavācakaḥ |
mukundaśca guṇātītō guṇapūjyō guṇāśrayaḥ || 86 ||
dhanyaśca dhanabhr̥ddāhō dhanadānakarāmbujaḥ |
mahāśayō mahātītō māyāhīnō madārcitaḥ || 87 ||
māṭharō mōkṣaphaladaḥ sadvairikulanāśanaḥ |
piṅgalaḥ piñchacūḍaśca piśitāśapavitrakaḥ || 88 ||
pāyasānnapriyaḥ parvapakṣamāsavibhājakaḥ |
vajrabhūṣō vajrakāyō viriñcō varavakṣaṇaḥ || 89 ||
vijñānakalikābr̥ndō viśvarūpapradarśakaḥ |
ḍambhaghnō damaghōṣaghnō dāsapālastapaujasaḥ || 90 ||
drōṇakumbhābhiṣiktaśca drōhināśastapāturaḥ |
mahāvīrēndravaradō mahāsaṁsāranāśanaḥ || 91 ||
lākinīhākinīlabdhō lavaṇāmbhōdhitāraṇaḥ |
kākilaḥ kālapāśaghnaḥ karmabandhavimōcakaḥ || 92 ||
mōcakō mōhanirbhinnō bhagārādhyō br̥hattanuḥ |
akṣayō:’krūravaradō vakrāgamavināśanaḥ || 93 ||
ḍākinaḥ sūryatējasvī sarpabhūṣaśca sadguruḥ |
svatantraḥ sarvatantrēśō dakṣiṇādigadhīśvaraḥ || 94 ||
saccidānandakalikaḥ prēmarūpaḥ priyaṅkaraḥ |
mithyājagadadhiṣṭhānō muktidō muktirūpakaḥ || 95 ||
mumukṣuḥ karmaphaladō mārgadakṣō:’tha karmaṭhaḥ |
mahābuddhō mahāśuddhaḥ śukavarṇaḥ śukapriyaḥ || 96 ||
sōmapriyaḥ svaraprītaḥ parvārādhanatatparaḥ |
ajapō janahaṁsaśca halapāṇiprapūjitaḥ || 97 ||
arcitō vardhanō vāgmī vīravēṣō vidhupriyaḥ |
lāsyapriyō layakarō lābhālābhavivarjitaḥ || 98 ||
pañcānanaḥ pañcagūḍhaḥ pañcayajñaphalapradaḥ |
pāśahastaḥ pāvakēśaḥ parjanyasamagarjanaḥ || 99 ||
pāpāriḥ paramōdāraḥ prajēśaḥ paṅkanāśanaḥ |
naṣṭakarmā naṣṭavaira iṣṭasiddhipradāyakaḥ || 100 ||
nāgādhīśō naṣṭapāpa iṣṭanāmavidhāyakaḥ |
sāmarasyaścāpramēyaḥ pāṣaṇḍī parvatapriyaḥ || 101 ||
pañcakr̥tyaparaḥ pātā pañcapañcātiśāyikaḥ |
padmākṣaḥ padmavadanaḥ pāvakābhaḥ priyaṅkaraḥ || 102 ||
kārtasvarāṅgō gaurāṅgō gaurīputrō dhanēśvaraḥ |
gaṇēśāśliṣṭadēhaśca śītāṁśuḥ śubhadīdhitiḥ || 103 ||
dakṣadhvaṁsō dakṣakarō varaḥ kātyāyanīsutaḥ |
sumukhō mārgaṇō garbhō garvabhaṅgaḥ kuśāsanaḥ || 104 ||
kulapālapatiḥ śrēṣṭhō pavamānaḥ prajādhipaḥ |
darśapriyō nirvikārō dīrghakāyō divākaraḥ || 105 ||
bhērīnādapriyō br̥ndō br̥hatsēnaḥ supālakaḥ |
subrahmā brahmarasikō rasajñō rajatādribhāḥ || 106 ||
timiraghnō mihirābhō mahānīlasamaprabhaḥ |
śrīcandanaviliptāṅgaḥ śrīputraḥ śrītarupriyaḥ || 107 ||
lākṣāvarṇō lasatkarṇō rajanīdhvaṁsisannibhaḥ |
bindupriyō:’mbikāputrō baindavō balanāyakaḥ || 108 ||
āpannatārakastaptastaptakr̥cchraphalapradaḥ |
marudvr̥dhō mahākharvaścīravāsāḥ śikhipriyaḥ || 109 ||
āyuṣmānanaghō dūta āyurvēdaparāyaṇaḥ |
haṁsaḥ paramahaṁsaścāpyavadhūtāśramapriyaḥ || 110 ||
āśuvēgō:’śvahr̥dayō hayadhairyaphalapradaḥ |
sumukhō durmukhō:’vighnō nirvighnō vighnanāśanaḥ || 111 ||
āryō nāthō:’ryamābhāsaḥ phalguṇaḥ phālalōcanaḥ |
arātighnō ghanagrīvō grīṣmasūryasamaprabhaḥ || 112 ||
kirīṭī kalpaśāstrajñaḥ kalpānalavidhāyakaḥ |
jñānavijñānaphaladō viriñcārivināśanaḥ || 113 ||
vīramārtāṇḍavaradō vīrabāhuśca pūrvajaḥ |
vīrasiṁhāsanō vijñō vīrakāryō:’stadānavaḥ || 114 ||
naravīrasuhr̥dbhrātā nāgaratnavibhūṣitaḥ |
vācaspatiḥ purārātiḥ saṁvartaḥ samarēśvaraḥ || 115 ||
uruvāgmī hyumāputra uḍulōkasurakṣakaḥ |
śr̥ṅgārarasasampūrṇaḥ sindūratilakāṅkitaḥ || 116 ||
kuṅkumāṅkitasarvāṅgaḥ kālakēyavināśanaḥ |
mattanāgapriyō nētā nāgagandharvapūjitaḥ || 117 ||
susvapnabōdhakō bōdhō gaurīduḥsvapnanāśanaḥ |
cintārāśiparidhvaṁsī cintāmaṇivibhūṣitaḥ || 118 ||
carācarajagatsraṣṭā calatkuṇḍalakarṇayuk |
mukurāsyō mūlanidhirnidhidvayaniṣēvitaḥ || 119 ||
nīrājanaprītamanāḥ nīlanētrō nayapradaḥ |
kēdārēśaḥ kirātaśca kālātmā kalpavigrahaḥ || 120 ||
kalpāntabhairavārādhyaḥ kākapatraśarāyudhaḥ |
kalākāṣṭhāsvarūpaśca r̥tuvarṣādimāsavān || 121 ||
dinēśamaṇḍalāvāsō vāsavādiprapūjitaḥ |
bahulastambakarmajñaḥ pañcāśadvarṇarūpakaḥ || 122 ||
cintāhīnaścidākrāntaḥ cārupālō halāyudhaḥ |
bandhūkakusumaprakhyaḥ paragarvavibhañjanaḥ || 123 ||
vidvattamō virādhaghnaḥ sacitraścitrakarmakaḥ |
saṅgītalōlupamanāḥ snigdhagambhīragarjitaḥ || 124 ||
tuṅgavaktraḥ stavarasaścābhrābhō bhramarēkṣaṇaḥ |
līlākamalahastābjō bālakundavibhūṣitaḥ || 125 ||
lōdhraprasavaśuddhābhaḥ śirīṣakusumapriyaḥ |
trāsatrāṇakarastattvaṁ tattvavākyārthabōdhakaḥ || 126 ||
varṣīyāṁśca vidhistutyō vēdāntapratipādakaḥ |
mūlabhūtō mūlatattvaṁ mūlakāraṇavigrahaḥ || 127 ||
ādināthō:’kṣayaphalapāṇirjanmā:’parājitaḥ |
gānapriyō gānalōlō mahēśō vijñamānasaḥ || 128 ||
girijāstanyarasikō girirājavarastutaḥ |
pīyūṣakumbhahastābjaḥ pāśatyāgī cirantanaḥ || 129 ||
sudhālālasavaktrābjaḥ suradrumaphalēpsitaḥ |
ratnahāṭakabhūṣāṅgō rāvaṇādiprapūjitaḥ || 130 ||
kanatkālēśasuprītaḥ krauñcagarvavināśanaḥ |
aśēṣajanasammōha āyurvidyāphalapradaḥ || 131 ||
avabaddhadukūlāṅgō hārālaṅkr̥takandharaḥ |
kētakīkusumaprītaḥ kalabhaiḥ parivāritaḥ || 132 ||
kēkāpriyaḥ kārtikēyaḥ sāraṅganinadapriyaḥ |
cātakālāpasantuṣṭaścamarīmr̥gasēvitaḥ || 133 ||
āmrakūṭādrisañcārī cāmnāyaphaladāyakaḥ |
dhr̥tākṣasūtrapāṇiścāpyakṣirōgavināśanaḥ || 134 ||
mukundapūjyō mōhāṅgō munimānasatōṣitaḥ |
tailābhiṣiktasuśirāstarjanīmudrikāyutaḥ || 135 ||
taṭātakāmanaḥ prītastamōguṇavināśanaḥ |
anāmayō:’pyanādarśaścārjunābhō hutapriyaḥ || 136 ||
ṣāḍguṇyaparisampūrṇaḥ saptāśvādigrahaiḥ stutaḥ |
vītaśōkaḥ prasādajñaḥ saptaprāṇavarapradaḥ || 137 ||
saptārciśca trinayanastrivēṇīphaladāyakaḥ |
kr̥ṣṇavartmā vēdamukhō dārumaṇḍalamadhyagaḥ || 138 ||
vīranūpurapādābjō vīrakaṅkaṇapāṇimān |
viśvamūrtiḥ śuddhamukhaḥ śuddhabhasmānulēpanaḥ || 139 ||
śumbhadhvaṁsinīsampūjyō raktabījakulāntakaḥ |
niṣādādisvaraprītaḥ namaskāraphalapradaḥ || 140 ||
bhaktāripañcatādāyī sajjīkr̥taśarāyudhaḥ |
abhayaṅkaramantrajñaḥ kubjikāmantravigrahaḥ || 141 ||
dhūmrāstraścōgratējasvī daśakaṇṭhavināśanaḥ |
āśugāyudhahastābjō gadāyudhakarāmbujaḥ || 142 ||
pāśāyudhasupāṇiśca kapālāyudhasadbhujaḥ |
sahasraśīrṣavadanaḥ sahasradvayalōcanaḥ || 143 ||
nānāhētirdhanuṣpāṇiḥ nānāsragbhūṣaṇapriyaḥ |
āśyāmakōmalatanurāraktāpāṅgalōcanaḥ || 144 ||
dvādaśāhakratuprītaḥ pauṇḍarīkaphalapradaḥ |
āptōryāmakratumayaścayanādiphalapradaḥ || 145 ||
paśubandhasyaphaladō vājapēyātmadaivataḥ |
ābrahmakīṭajananāvanātmā campakapriyaḥ || 146 ||
paśupāśavibhāgajñaḥ parijñānapradāyakaḥ |
kalpēśvaraḥ kalpavaryō jātavēdā prabhākaraḥ || 147 ||
kumbhīśvaraḥ kumbhapāṇiḥ kuṅkumāktalalāṭakaḥ |
śilīdhrapatrasaṅkāśaḥ siṁhavaktrapramardanaḥ || 148 ||
kōkilakvaṇanākarṇī kālanāśanatatparaḥ |
naiyyāyikamataghnaśca bauddhasaṅghavināśanaḥ || 149 ||
dhr̥tahēmābjapāṇiśca hōmasantuṣṭamānasaḥ |
pitr̥yajñasyaphaladaḥ pitr̥vajjanarakṣakaḥ || 150 ||
padātikarmanirataḥ pr̥ṣadājyapradāyakaḥ |
mahāsuravadhōdyuktaḥ svāstrapratyastravarṣakaḥ || 151 ||
mahāvarṣatirōdhānaḥ nāgādhr̥takarāmbujaḥ |
namaḥ svāhā vaṣaṭ vauṣaṭ pallavapratipādakaḥ || 152 ||
mahirasadr̥śagrīvō mahirasadr̥śastavaḥ |
tantrīvādanahastāgraḥ saṅgītaprītamānasaḥ || 153 ||
cidaṁśamukurāvāsō maṇikūṭādrisañcaraḥ |
līlāsañcāratanukō liṅgaśāstrapravartakaḥ || 154 ||
rākēndudyutisampannō yāgakarmaphalapradaḥ |
mainākagirisañcārī madhuvaṁśavināśanaḥ |
tālakhaṇḍapurāvāsaḥ tamālanibhataijasaḥ || 155 ||
iti śrī hariharaputra sahasranāma stōtram ||
Found a Mistake or Error? Report it Now
