|| Sri Hayagriva Ashtottara Shatanama Stotram ||
dhyānam |
jñānānandamayaṁ dēvaṁ nirmalaṁ sphaṭikākr̥tim |
ādhāraṁ sarvavidyānāṁ hayagrīvamupāsmahē ||
stōtram |
hayagrīvō mahāviṣṇuḥ kēśavō madhusūdanaḥ |
gōvindaḥ puṇḍarīkākṣō viṣṇurviśvambharō hariḥ || 1 ||
ādityaḥ sarvavāgīśaḥ sarvādhāraḥ sanātanaḥ | [ādīśaḥ]
nirādhārō nirākārō nirīśō nirupadravaḥ || 2 ||
nirañjanō niṣkalaṅkō nityatr̥ptō nirāmayaḥ |
cidānandamayaḥ sākṣī śaraṇyaḥ sarvadāyakaḥ || 3 ||
śrīmān lōkatrayādhīśaḥ śivaḥ sārasvatapradaḥ |
vēdōddhartā vēdanidhirvēdavēdyaḥ purātanaḥ || 4 ||
pūrṇaḥ pūrayitā puṇyaḥ puṇyakīrtiḥ parātparaḥ |
paramātmā parañjyōtiḥ parēśaḥ pāragaḥ paraḥ || 5 ||
sarvavēdātmakō vidvān vēdavēdāṅgapāragaḥ |
sakalōpaniṣadvēdyō niṣkalaḥ sarvaśāstrakr̥t || 6 ||
akṣamālājñānamudrāyuktahastō varapradaḥ |
purāṇapuruṣaḥ śrēṣṭhaḥ śaraṇyaḥ paramēśvaraḥ || 7 ||
śāntō dāntō jitakrōdhō jitāmitrō jaganmayaḥ |
janmamr̥tyuharō jīvō jayadō jāḍyanāśanaḥ || 8 ||
japapriyō japastutyō japakr̥tpriyakr̥dvibhuḥ |
[* jayaśriyōrjitastulyō jāpakapriyakr̥dvibhuḥ | *]
vimalō viśvarūpaśca viśvagōptā vidhistutaḥ || 9 ||
vidhiviṣṇuśivastutyaḥ śāntidaḥ kṣāntikārakaḥ |
śrēyaḥpradaḥ śrutimayaḥ śrēyasāṁ patirīśvaraḥ || 10 ||
acyutō:’nantarūpaśca prāṇadaḥ pr̥thivīpatiḥ |
avyaktō vyaktarūpaśca sarvasākṣī tamōharaḥ || 11 ||
ajñānanāśakō jñānī pūrṇacandrasamaprabhaḥ |
jñānadō vākpatiryōgī yōgīśaḥ sarvakāmadaḥ || 12 ||
yōgārūḍhō mahāpuṇyaḥ puṇyakīrtiramitrahā |
viśvasākṣī cidākāraḥ paramānandakārakaḥ || 13 ||
mahāyōgī mahāmaunī maunīśaḥ śrēyasāṁ nidhiḥ |
haṁsaḥ paramahaṁsaśca viśvagōptā virāṭ svarāṭ || 14 ||
śuddhasphaṭikasaṅkāśō jaṭāmaṇḍalasamyutaḥ |
ādimadhyāntarahitaḥ sarvavāgīśvarēśvaraḥ |
praṇavōdgītharūpaśca vēdāharaṇakarmakr̥t || 15 ||
phalaśrutiḥ |
nāmnāmaṣṭōttaraśataṁ hayagrīvasya yaḥ paṭhēt |
sa sarvavēdavēdāṅgaśāstrāṇāṁ pāragaḥ kaviḥ || 16 ||
idamaṣṭōttaraśataṁ nityaṁ mūḍhō:’pi yaḥ paṭhēt |
vācaspatisamō buddhyā sarvavidyāviśāradaḥ || 17 ||
mahadaiśvaryamāpnōti kalatrāṇi ca putrakān |
naśyanti sakalāḥ rōgāḥ antē haripuraṁ prajēt || 18 ||
iti śrībrahmāṇḍapurāṇē śrī hayagrīvāṣṭōttaraśatanāma stōtram |
Found a Mistake or Error? Report it Now
