|| ஶ்ரீ ஜ்வாலாமுகீ² ஸ்தோத்ரம் – 1 ||
ஶ்ரீபை⁴ரவ உவாச ।
தாரம் யோ ப⁴ஜதே மாதர்பீ³ஜம் தவ ஸுதா⁴கரம் ।
பாராவாரஸுதா நித்யம் நிஶ்சலா தத்³க்³ருஹே வஸேத் ॥ 1 ॥
ஶூந்யம் யோ த³ஹநாதி⁴ரூட⁴மமலம் வாமாக்ஷிஸம்ஸேவிதம்
ஸேந்து³ம் பி³ந்து³யுதம் ப⁴வாநி வரதே³ ஸ்வாந்தே ஸ்மரேத் ஸாத⁴க꞉ ।
மூகஸ்யாபி ஸுரேந்த்³ரஸிந்து⁴ஜலவத்³வாக்³தே³வதா பா⁴ரதீ
க³த்³ய꞉ பத்³யமயீம் நிரர்க³ளதரா மாதர்முகே² திஷ்ட²தி ॥ 2 ॥
ஶுப⁴ம் வஹ்ந்யாரூட⁴ம் மதியுதமநல்பேஷ்டப²லத³ம்
ஸபி³ந்த்³வீந்து³ம் மந்தோ³ யதி³ ஜபதி பீ³ஜம் தவ ப்ரியம் ।
ததா³ மாத꞉ ஸ்வ꞉ஸ்த்ரீஜநவிஹரணக்லேஶஸஹித꞉
ஸுக²மிந்த்³ரோத்³யாநே ஸ்வபிதி ஸ ப⁴வத்பூஜநரத꞉ ॥ 3 ॥
ஜ்வாலாமுகீ²தி ஜபதே தவ நாமவர்ணாந்
ய꞉ ஸாத⁴கோ கி³ரிஶபத்நி ஸுப⁴க்திபூர்வம் ।
தஸ்யாங்க்⁴ரிபத்³மயுக³ளம் ஸுரநாத²வேஶ்யா꞉
ஸீமந்தரத்நகிரணைரநுரஞ்ஜயந்தி ॥ 4 ॥
பாஶாம்பு³ஜாப⁴யத⁴ரே மம ஸர்வஶத்ரூந்
ஶப்³த³ம் த்விதி ஸ்மரதி யஸ்தவ மந்த்ரமத்⁴யே ।
தஸ்யாத்³ரிபுத்ரி சரணௌ ப³ஹுபாம்ஸுயுக்தௌ
ப்ரக்ஷாலயந்த்யரிவதூ⁴நயநாஶ்ருபாதா꞉ ॥ 5 ॥
ப⁴க்ஷயத்³வயமித³ம் யதி³ ப⁴க்த்யா
ஸாத⁴கோ ஜபதி சேதஸி மாத꞉ ।
ஸ ஸ்மராரிரிவ த்வத்ப்ரஸாத³த-
-ஸ்த்வத்பத³ம் ச லப⁴தே தி³வாநிஶம் ॥ 6 ॥
கூர்சபீ³ஜமநக⁴ம் யதி³ த்⁴யாயேத்
ஸாத⁴கஸ்தவ மஹேஶ்வரி யோ(அ)ந்த꞉ ।
அஷ்டஹஸ்தகமலேஷு ஸுவஶ்யா-
-ஸ்தஸ்ய த்ர்யம்ப³கஸமஸ்தஸித்³த⁴ய꞉ ॥ 7 ॥
ட²த்³வயம் தவ மநூத்தரஸ்தி²தம்
யோ ஜபேத்து பரமப்ரபா⁴வத³ம் ।
தஸ்ய தே³வி ஹரிஶங்கராத³ய꞉
பூஜயந்தி சரணௌ தி³வௌகஸ꞉ ॥ 8 ॥
ஓம் ஹ்ரீம் ஶ்ரீம் த்ர்யக்ஷரே தே³வி ஸுராஸுரநிஷூதி³நி ।
த்ரைலோக்யாப⁴யதே³ மாதர்ஜ்வாலாமுகி² நமோ(அ)ஸ்து தே ॥ 9 ॥
உதி³தார்கத்³யுதே லக்ஷ்மி லக்ஷ்மீநாத²ஸமர்சிதே ।
வராம்பு³ஜாப⁴யத⁴ரே ஜ்வாலாமுகி² நமோ(அ)ஸ்து தே ॥ 10 ॥
ஸர்வஸாரமயி ஶர்வே ஸர்வாமரநமஸ்க்ருதே ।
ஸத்யே ஸதி ஸதா³சாரே ஜ்வாலாமுகி² நமோ(அ)ஸ்து தே ॥ 11 ॥
யஸ்யா மூர்த்⁴நி ஶஶீ த்ரிலோசநக³தா யஸ்யா ரவீந்த்³வக்³நய꞉
பாஶாம்போ⁴ஜவராப⁴யா꞉ கரதலாம்போ⁴ஜேஷு ஸத்³தே⁴தய꞉ ।
கா³த்ரே குங்குமஸந்நிபா⁴ த்³யுதிரஹிர்யஸ்யாக³ளே ஸந்ததம்
தே³வீம் கோடிஸஹஸ்ரரஶ்மிஸத்³ருஶீம் ஜ்வாலாமுகீ²ம் நௌம்யஹம் ॥ 12 ॥
நித்³ராம் நோ ப⁴ஜதே விதி⁴ர்ப⁴க³வதி ஶங்கா ஶிவம் நோ த்யஜே-
-த்³விஷ்ணுர்வ்யாகுலதாமலம் கமலிநீகாந்தோ(அ)பி த⁴த்தே ப⁴யம் ।
த்³ருஷ்ட்வா தே³வி த்வதீ³யகோபத³ஹநஜ்வாலாம் ஜ்வலந்தி ததா³
தே³வ꞉ குங்குமபீதக³ண்ட³யுக³ள꞉ ஸங்க்ரந்த³ந꞉ க்ரந்த³தி ॥ 13 ॥
யாமாராத்⁴ய தி³வாநிஶம் ஸுரஸரித்தீரே ஸ்தவைராத்மபூ⁴-
-ருத்³யத்³பா⁴ஸ்வரக⁴ர்மபா⁴நுஸத்³ருஶீம் ப்ராப்தோ(அ)மரஜ்யேஷ்ட²தாம் ।
தா³ரித்³ர்யோரக³த³ஷ்டலோகத்ரிதயீஸஞ்ஜிவநீம் மாதரம்
தே³வீம் தாம் ஹ்ருத³யே ஶஶாங்கஶகலாசூடா³வதம்ஸாம் ப⁴ஜே ॥ 14 ॥
ஆபீநஸ்தநஶ்ரோணிபா⁴ரநமிதாம் கந்த³ர்பத³ர்போஜ்ஜ்வலாம்
லாவண்யாங்கிதரம்யக³ண்ட³யுக³ளாம் யஸ்த்வாம் ஸ்மரேத் ஸாத⁴க꞉ ।
வஶ்யாஸ்தஸ்ய த⁴ராப்⁴ருதீ³ஶ்வரஸுதே கீ³ர்வாணவாமப்⁴ருவ꞉
பாதா³ம்போ⁴ஜதலம் ப⁴ஜந்தி த்ரித³ஶா க³ந்த⁴ர்வஸித்³தா⁴த³ய꞉ ॥ 15 ॥
ஹ்ருத்வா தே³வி ஶிரோ விதே⁴ர்யத³கரோத் பாத்ரம் கராம்போ⁴ருஹே
ஶூலப்ரோதமமும் ஹரிம் வ்யக³மயத் ஸத்³பூ⁴ஷணம் ஸ்கந்த⁴யோ꞉ ।
காலாந்தே த்ரிதயம் முகே²ந்து³குஹரே ஶம்போ⁴꞉ ஶிர꞉ பார்வதி
தந்மாதர்பு⁴வநே விசித்ரமகி²லம் ஜாநே ப⁴வத்யா꞉ ஶிவே ॥ 16 ॥
கா³யத்ரீ ப்ரக்ருதிர்க³ளே(அ)பி வித்⁴ருதா ஸா த்வம் ஶிவே வேத⁴ஸா
ஶ்ரீரூபா ஹரிணாபி வக்ஷஸி த்⁴ருதாப்யர்தா⁴ங்க³பா⁴கே³ ததா² ।
ஶர்வேணாபி ப⁴வாநி தே³வி ஸகலா꞉ க்²யாதும் ந ஶக்தா வயம்
த்வத்³ரூபம் ஹ்ருதி³ மாத்³ருஶாம் ஜட³தி⁴யாம் த்⁴யாதும் கதை²வாஸ்தி கா ॥ 17 ॥
ஜ்வாலாமுகீ²ஸ்தவமிமம் பட²தே யத³ந்த꞉
ஶ்ரீமந்த்ரராஜஸஹிதம் விப⁴வைகஹேதும் ।
இஷ்டப்ரதா³நஸமயே பு⁴வி கல்பவ்ருக்ஷம்
ஸ்வர்க³ம் வ்ரஜேத் ஸுரவதூ⁴ஜநஸேவித꞉ ஸ꞉ ॥ 18 ॥
இதி தே³வீரஹஸ்யே ஶ்ரீ ஜ்வாலாமுகி² ஸ்தவம் ।
Found a Mistake or Error? Report it Now
