|| ஶ்ரீ ஜ்வாலாமுகீ² ஸ்தோத்ரம் – 2 ||
ஜாஜ்வல்யமாநவபுஷா த³ஶதி³க்³விபா⁴கா³ந்
ஸந்தீ³பயந்த்யப⁴யபத்³மக³தா³வராட்⁴யா ।
ஸிம்ஹஸ்தி²தா ஶஶிகலாப⁴ரணா த்ரிநேத்ரா
ஜ்வாலாமுகீ² ஹரது மோஹதம꞉ ஸதா³ ந꞉ ॥ 1 ॥
ஆப்³ரஹ்மகீடஜநநீம் மஹிஷீம் ஶிவஸ்ய
முக்³த⁴ஸ்மிதாம் ப்ரளயகோடிரவிப்ரகாஶம் ।
ஜ்வாலாமுகீ²ம் கநககுண்ட³லஶோபி⁴தாம்ஸாம்
வந்தே³ புந꞉ புநரபீஹ ஸஹஸ்ரக்ருத்வ꞉ ॥ 2 ॥
தே³தீ³ப்யமாநமுகுடத்³யுதிபி⁴ஶ்ச தே³வை-
-ர்தா³ஸைரிவ த்³விகு³ணிதாங்க்⁴ரிநக²ப்ரதீ³ப்திம் ।
ஜ்வாலாமுகீ²ம் ஸகலமங்க³ளமங்க³ளாம் தா-
-மம்பா³ம் நதோ(அ)ஸ்ம்யகி²லது³꞉க²விபத்தித³க்³த்⁴ரீம் ॥ 3 ॥
க்ஷித்யப்³ஹுதாஶபவநாம்ப³ரஸூர்யசந்த்³ர-
-யஷ்ட்ராக்²யமூர்திமமலாநபி பாவயந்தீம் ।
ஜ்வாலாமுகீ²ம் ப்ரணதகல்பலதாம் ஶிவஸ்ய
ஸாம்ராஜ்யஶக்திமதுலாம் மஹதீம் நமாமி ॥ 4 ॥
நௌமீஶ்வரீம் த்ரிஜக³தோ(அ)ப⁴யதா³நஶௌண்டா³ம்
ஜ்வாலாமஹார்யப⁴வஜாலஹராம் நமாமி ।
மோஹாந்த⁴காரஹரணே விமலேந்து³காந்திம்
தே³வீம் ஸதா³ ப⁴க³வதீம் மநஸா ஸ்மராமி ॥ 5 ॥
து³ஷ்கர்மவாயுபி⁴ரிதஸ்தத ஏவ தீ³ப்தை꞉
பாபஜ்வலஜ்ஜ்வலநஜாதஶிகா²கலாபை꞉ ।
த³க்³த⁴ம் ச ஜீவயது மாம் பரிதோ லுட²ந்தம்
தே³வீ த³யார்த்³ரஹ்ருத³யாம்ருதபூர்ணத்³ருஷ்ட்யா ॥ 6 ॥
ஜ்வாலாமுகீ² ஜ்வலத³நல்பலயாக்³ரிகோடி-
-ரோசிஷ்மதீ ரவிஶஶிப்ரதிபா⁴நகர்த்ரீ ।
ப⁴க்தஸ்ய ப⁴ர்க³வபுஷா ப⁴வப⁴ர்ஜநாய
பூ⁴யாத் ஸதா³ப்⁴யுத³யதா³நவதா³ந்யமுக்²யா ॥ 7 ॥
த்வம் சௌஷதீ⁴ஶமுகுடா(அ)ஹமஸாத்⁴யரோக³-
-ஸ்த்வம் சித்ப்ரதீ³ப்திரஹமத்ர ப⁴வாந்த்⁴யமக்³ந꞉ ।
த்வம் சாம்ப³ கல்பதருரேவமஹம் ச பி⁴க்ஷு-
-ர்ஜ்வலாமுகி² ப்ரகுரு தே³வி யதோ²சிதம் மே ॥ 8 ॥
யத்³த்⁴யாநகேஸரிஸமாக்ரமணோத்த²பீ⁴தே-
-ர்மர்மவ்யதா²ஜநகது³꞉க²ஶதாநி ஸத்³ய꞉ ।
கோ³மாயவந்தி பரிதோ ப்⁴ருஶகாந்தி³ஶீகா-
-நஸ்மாம்ஶ்ச பாலயது ஸைவ ப⁴வாப்³தி⁴து³꞉கா²த் ॥ 9 ॥
ஜ்வாலாமுகி² க்ஷணமபீஹ விளம்ப³மம்ப³
நார்தோ ஹ்யநர்த²பதித꞉ ஸஹதே விபந்ந꞉ ।
ஹஸ்தஸ்தி²தாம்ருதகமண்ட³லுவாரிணைவ
மாம் மூர்சி²தம் ஜ²டிதி ஜீவய தாபதப்தம் ॥ 10 ॥
பா³ஹ்யாந்த்⁴யநாஶநவிதௌ⁴ ரவிசந்த்³ரவாஹ்நி-
-ஜ்யோதீம்ஷி தே³வி த³யாயா(அ)ஜநய꞉ புரா த்வம் ।
ஏதத்து ரூபமகி²லாந்தரமோஹராத்ரி-
-த்⁴வாந்தாந்தகாரி தவ யத் ஸ்பு²ரதாத³தோ(அ)ந்த꞉ ॥ 11 ॥
மந்யே த்ரிதா⁴மநயநே நயநத்ரயம் தே
ப⁴க்தார்திநாஶநநிமித்தவிளோகநாய ।
மாத꞉ பரம் யத³பி தே³வி ததா²ப்யத⁴ந்ய-
-ஸ்த்வத்³த்³ருஷ்டிபாதரஹிதோஸ்ம்யஹஹாஹதோ(அ)ஸ்மி ॥ 12 ॥
ஸத்யம் ப்³ரவீமி ஶ்ருணு சித்த மதா³ந்த⁴ மூர்க²
மா கா³꞉ கதா³பி விஷயாந்விஷமாந்விஷாக்தாந் ।
ஈஶீமபாரகருணாம் ப⁴வபீ⁴திபே⁴த்ரி-
-மம்பா³ம் ப⁴ஜஸ்வ ஸததம் பரஸௌக்²யதா³த்ரீம் ॥ 13 ॥
த்வம் மே மஹேஶி ஜநநீ பரமார்திஹர்த்ரீ
த்வம் மே பிதா ஹிததமஸ்த்வமஹேதுப³ந்து⁴꞉ ।
த்வம் மே ப⁴வாப்³தி⁴தரணே த்³ருட⁴நௌஸ்த்வமேவ
து³꞉கா²மயாதி⁴ஹரணே சதுரஶ்ச வைத்³ய꞉ ॥ 14 ॥
ஜ்வாலாம் ஜக³ஜ்ஜநநஸம்ஹரணஸ்தி²தீநாம்
ஹேதும் க³திம் முஷிதலஜ்ஜிதது³꞉கி²தாநாம் ।
உந்மோசநாம் ச ப⁴வப³ந்த⁴நது³ர்க³தீநாம்
த்வாம் நௌமி நௌமி ஶரணம் ஶரணாக³தாநாம் ॥ 15 ॥
ஜ்வாலாமுகீ²ஸ்தவமிமம் ஶ்ருணுயாத்படே²த்³வா
ய꞉ ஶ்ரத்³த⁴யா பரமயா ப³ஹுப⁴க்தியுக்த꞉ ।
பூ⁴யாத்ஸ த³க்³த⁴ப³ஹுஜந்மஶதார்ஜிதா(அ)கோ⁴
-(அ)விஜ்ஞோப்யநேகஜநநாதி²தராஜ்யபூ⁴மி꞉ ॥ 16 ॥
இதி ஶ்ரீ ஜ்வாலாமுகீ² ஸ்தோத்ரம் ॥
Found a Mistake or Error? Report it Now
