ஶ்ரீ காளீ கவசம் (த்ரைலோக்யவிஜயம்)

|| ஶ்ரீ காளீ கவசம் (த்ரைலோக்யவிஜயம்) ||

ஶ்ரீஸதா³ஶிவ உவாச ।
த்ரைலோக்யவிஜயஸ்யாஸ்ய கவசஸ்ய ருஷி꞉ ஶிவ꞉ ।
ச²ந்தோ³(அ)நுஷ்டுப்³தே³வதா ச ஆத்³யாகாளீ ப்ரகீர்திதா ॥ 1 ॥

மாயாபீ³ஜம் பீ³ஜமிதி ரமா ஶக்திருதா³ஹ்ருதா ।
க்ரீம் கீலகம் காம்யஸித்³தௌ⁴ விநியோக³꞉ ப்ரகீர்தித꞉ ॥ 2 ॥

அத² கவசம் ।
ஹ்ரீமாத்³யா மே ஶிர꞉ பாது ஶ்ரீம் காளீ வத³நம் மம ।
ஹ்ருத³யம் க்ரீம் பரா ஶக்தி꞉ பாயாத்கண்ட²ம் பராத்பரா ॥ 3 ॥

நேத்ரே பாது ஜக³த்³தா⁴த்ரீ கர்ணௌ ரக்ஷது ஶங்கரீ ।
க்⁴ராணம் பாது மஹாமாயா ரஸநாம் ஸர்வமங்க³ளா ॥ 4 ॥

த³ந்தாந் ரக்ஷது கௌமாரீ கபோலௌ கமலாலயா ।
ஓஷ்டா²த⁴ரௌ க்ஷமா ரக்ஷேச்சிபு³கம் சாருஹாஸிநீ ॥ 5 ॥

க்³ரீவாம் பாயாத்குலேஶாநீ ககுத்பாது க்ருபாமயீ ।
த்³வௌ பா³ஹூ பா³ஹுதா³ ரக்ஷேத்கரௌ கைவல்யதா³யிநீ ॥ 6 ॥

ஸ்கந்தௌ⁴ கபர்தி³நீ பாது ப்ருஷ்ட²ம் த்ரைலோக்யதாரிணீ ।
பார்ஶ்வே பாயாத³பர்ணா மே கடிம் மே கமடா²ஸநா ॥ 7 ॥

நாபௌ⁴ பாது விஶாலாக்ஷீ ப்ரஜாஸ்தா²நம் ப்ரபா⁴வதீ ।
ஊரூ ரக்ஷது கல்யாணீ பாதௌ³ மே பாது பார்வதீ ॥ 8 ॥

ஜயது³ர்கா³(அ)வது ப்ராணாந் ஸர்வாங்க³ம் ஸர்வஸித்³தி⁴தா³ ।
ரக்ஷாஹீநம் து யத் ஸ்தா²நம் வர்ஜிதம் கவசேந ச ॥ 9 ॥

தத்ஸர்வம் மே ஸதா³ ரக்ஷேதா³த்³யாகாளீ ஸநாதநீ ।
இதி தே கதி²தம் தி³வ்யம் த்ரைலோக்யவிஜயாபி⁴த⁴ம் ॥ 10 ॥

கவசம் காளிகாதே³வ்யா ஆத்³யாயா꞉ பரமாத்³பு⁴தம் ।
பூஜாகாலே படே²த்³யஸ்து ஆத்³யாதி⁴க்ருதமாநஸ꞉ ॥ 11 ॥

ஸர்வாந் காமாநவாப்நோதி தஸ்யாத்³யாஶு ப்ரஸீத³தி ।
மந்த்ரஸித்³தி⁴ர்ப⁴வேதா³ஶு கிங்கரா꞉ க்ஷுத்³ரஸித்³த⁴ய꞉ ॥ 12 ॥

அபுத்ரோ லப⁴தே புத்ரம் த⁴நார்தீ² ப்ராப்நுயாத்³த⁴நம் ।
வித்³யார்தீ² லப⁴தே வித்³யாம் காமீ காமாநவாப்நுயாத் ॥ 13 ॥

ஸஹஸ்ராவ்ருத்தபாடே²ந வர்மணோ(அ)ஸ்ய புரஸ்க்ரியா ।
புரஶ்சரணஸம்பந்நம் யதோ²க்தப²லத³ம் ப⁴வேத் ॥ 14 ॥

சந்த³நாக³ருகஸ்தூரீகுங்குமை ரக்தசந்த³நை꞉ ।
பூ⁴ர்ஜே விளிக்²ய கு³டிகாம் ஸ்வர்ணஸ்தா²ம் தா⁴ரயேத்³யதி³ ॥ 15 ॥

ஶிகா²யாம் த³க்ஷிணே பா³ஹௌ கண்டே² வா ஸாத⁴க꞉ கடௌ ।
தஸ்யாத்³யா காளிகா வஶ்யா வாஞ்சி²தார்த²ம் ப்ரயச்ச²தி ॥ 16 ॥

ந குத்ராபி ப⁴யம் தஸ்ய ஸர்வத்ர விஜயீ கவி꞉ ।
அரோகீ³ சிரஜீவீ ஸ்யாத்³ப³லவாந் தா⁴ரணக்ஷம꞉ ॥ 17 ॥

ஸர்வவித்³யாஸு நிபுண꞉ ஸர்வஶாஸ்த்ரார்த²தத்த்வவித் ।
வஶே தஸ்ய மஹீபாலா போ⁴க³மோக்ஷௌ கரஸ்தி²தௌ ॥ 18 ॥

இதி மஹாநிர்வாணதந்த்ரே ஸப்தமோல்லாஸே த்ரைலோக்யவிஜயகவசம் நாம ஶ்ரீ காளிகா கவசம் ।

Found a Mistake or Error? Report it Now