|| Sri Kasi Visalakshi Stotram (Vyasa Krutam) ||
vyāsa uvāca |
viśālākṣi namastubhyaṁ parabrahmātmikē śivē |
tvamēva mātā sarvēṣāṁ brahmādīnāṁ divaukasām || 1 ||
icchāśaktiḥ kriyāśaktirjñānaśaktistvamēva hi |
r̥jvī kuṇḍalinī sukṣmā yōgasiddhipradāyinī || 2 ||
svāhā svadhā mahāvidyā mēdhā lakṣmīḥ sarasvatī |
satī dākṣāyaṇī vidyā sarvaśaktimayī śivā || 3 ||
aparṇā caikaparṇā ca tathā caikaikapāṭalā |
umā haimavatī cāpi kalyāṇī caiva mātr̥kā || 4 ||
khyātiḥ prajñā mahābhāgā lōkē gaurīti viśrutā |
gaṇāmbikā mahādēvī nandinī jātavēdasī || 5 ||
sāvitrī varadā puṇyā pāvanī lōkaviśrutā |
āyatī niyatī raudrī durgā bhadrā pramāthinī || 6 ||
kālarātrī mahāmāyā rēvatī bhūtanāyikā |
gautamī kauśikī cā:’:’rthā caṇḍī kātyāyanī satī || 7 ||
vr̥ṣadhvajā śūladharā paramā brahmacāriṇī |
mahēndrōpēndramātā ca pārvatī siṁhavāhanā || 8 ||
ēvaṁ stutvā viśālākṣīṁ divyairētaiḥ sunāmabhiḥ |
kr̥takr̥tyō:’bhavadvyāsō vārāṇasyāṁ dvijōttamāḥ || 9 ||
iti śrīsaurapurāṇē aṣṭamō:’dhyāyē vyāsa kr̥taṁ viśālākṣī stōtram |
Found a Mistake or Error? Report it Now
