ஶ்ரீ லக்ஷ்மீ த்³வாத³ஶநாம ஸ்தோத்ரம்

|| ஶ்ரீ லக்ஷ்மீ த்³வாத³ஶநாம ஸ்தோத்ரம் ||

ஶ்ரீதே³வீ ப்ரத²மம் நாம த்³விதீயமம்ருதோத்³ப⁴வா ।
த்ருதீயம் கமலா ப்ரோக்தா சதுர்த²ம் லோகஸுந்த³ரீ ॥ 1 ॥

பஞ்சமம் விஷ்ணுபத்நீ ச ஷஷ்ட²ம் ஸ்யாத் வைஷ்ணவீ ததா² ।
ஸப்தமம் து வராரோஹா அஷ்டமம் ஹரிவல்லபா⁴ ॥ 2 ॥

நவமம் ஶார்ங்கி³ணீ ப்ரோக்தா த³ஶமம் தே³வதே³விகா ।
ஏகாத³ஶம் து லக்ஷ்மீ꞉ ஸ்யாத் த்³வாத³ஶம் ஶ்ரீஹரிப்ரியா ॥ 3 ॥

த்³வாத³ஶைதாநி நாமாநி த்ரிஸந்த்⁴யம் ய꞉ படே²ந்நர꞉ ।
ஆயுராரோக்³யமைஶ்வர்யம் தஸ்ய புண்யப²லப்ரத³ம் ॥ 4 ॥

இதி ஶ்ரீ லக்ஷ்மீ த்³வாத³ஶநாம ஸ்தோத்ரம் ॥

Found a Mistake or Error? Report it Now