|| Sri Lakshmi Narasimha Ashtakam ||
yaṁ dhyāyasē sa kva tavāsti dēva
ityukta ūcē pitaraṁ saśastram |
prahlāda āstēkhilagō hariḥ sa
lakṣmīnr̥siṁhō:’vatu māṁ samantāt || 1 ||
tadā padātāḍayadādidaityaḥ
stambhaṁ tatō:’hnāya ghurūruśabdam |
cakāra yō lōkabhayaṅkaraṁ sa
lakṣmīnr̥siṁhō:’vatu māṁ samantāt || 2 ||
stambhaṁ vinirbhidya vinirgatō yō
bhayaṅkarākāra udastamēghaḥ |
jaṭānipātaiḥ sa ca tuṅgakarṇō
lakṣmīnr̥siṁhō:’vatu māṁ samantāt || 3 ||
pañcānanāsyō manujākr̥tiryō
bhayaṅkarastīkṣṇanakhāyudhō:’rim |
dhr̥tvā nijōrvōrvidadāra sō:’sau
lakṣmīnr̥siṁhō:’vatu māṁ samantāt || 4 ||
varapradōktēravirōdhatō:’riṁ
jaghāna bhr̥tyōktamr̥taṁ hi kurvan |
sragvattadantraṁ nidadhau svakaṇṭhē
lakṣmīnr̥siṁhō:’vatu māṁ samantāt || 5 ||
vicitradēhō:’pi vicitrakarmā
vicitraśaktiḥ sa ca kēsarīha |
pāpaṁ ca tāpaṁ vinivārya duḥkhaṁ
lakṣmīnr̥siṁhō:’vatu māṁ samantāt || 6 ||
prahlādaḥ kr̥takr̥tyō:’bhūdyatkr̥pālēśatō:’marāḥ |
niṣkaṇṭakaṁ svadhāmāpuḥ śrīnr̥siṁhaḥ sa pātu mām || 7 ||
daṁṣṭrākarālavadanō ripūṇāṁ bhayakr̥dbhayam |
iṣṭadō harati svasya vāsudēvaḥ sa pātu mām || 8 ||
iti śrīmatparamahaṁsa parivrājakācārya śrīvāsudēvānandasarasvatī viracitaṁ śrī lakṣmīnr̥siṁhāṣṭakam |
Found a Mistake or Error? Report it Now
