|| Sri Lakshmi Narayana Ashtakam ||
ārtānāṁ duḥkhaśamanē dīkṣitaṁ prabhumavyayam |
aśēṣajagadādhāraṁ lakṣmīnārāyaṇaṁ bhajē || 1 ||
apārakaruṇāmbhōdhiṁ āpadbāndhavamacyutam |
aśēṣaduḥkhaśāntyarthaṁ lakṣmīnārāyaṇaṁ bhajē || 2 ||
bhaktānāṁ vatsalaṁ bhaktigamyaṁ sarvaguṇākaram |
aśēṣaduḥkhaśāntyarthaṁ lakṣmīnārāyaṇaṁ bhajē || 3 ||
suhr̥daṁ sarvabhūtānāṁ sarvalakṣaṇasamyutam |
aśēṣaduḥkhaśāntyarthaṁ lakṣmīnārāyaṇaṁ bhajē || 4 ||
cidacitsarvajantūnāṁ ādhāraṁ varadaṁ param |
aśēṣaduḥkhaśāntyarthaṁ lakṣmīnārāyaṇaṁ bhajē || 5 ||
śaṅkhacakradharaṁ dēvaṁ lōkanāthaṁ dayānidhim |
aśēṣaduḥkhaśāntyarthaṁ lakṣmīnārāyaṇaṁ bhajē || 6 ||
pītāmbaradharaṁ viṣṇuṁ vilasatsūtraśōbhitam |
aśēṣaduḥkhaśāntyarthaṁ lakṣmīnārāyaṇaṁ bhajē || 7 ||
hastēna dakṣiṇēnājaṁ abhayapradamakṣaram |
aśēṣaduḥkhaśāntyarthaṁ lakṣmīnārāyaṇaṁ bhajē || 8 ||
yaḥ paṭhēt prātarutthāya lakṣmīnārāyaṇāṣṭakam |
vimuktaḥ sarvapāpēbhyaḥ viṣṇulōkaṁ sa gacchati || 9 ||
iti śrī lakṣmīnārāyaṇāṣṭakam |
Found a Mistake or Error? Report it Now
