|| ಶ್ರೀ ಮಹಾವಿಷ್ಣು ಸ್ತೋತ್ರಂ (ಗರುಡಗಮನ ತವ) ||
ಗರುಡಗಮನ ತವ ಚರಣಕಮಲಮಿಹ ಮನಸಿ ಲಸತು ಮಮ ನಿತ್ಯಂ |
ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ ||
ಜಲಜನಯನ ವಿಧಿನಮುಚಿಹರಣಮುಖ ವಿಬುಧವಿನುತಪದಪದ್ಮ |
ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ || ೧ ||
ಭುಜಗಶಯನ ಭವ ಮದನಜನಕ ಮಮ ಜನನಮರಣಭಯಹಾರಿ |
ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ || ೨ ||
ಶಂಖಚಕ್ರಧರ ದುಷ್ಟದೈತ್ಯಹರ ಸರ್ವಲೋಕಶರಣ |
ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ || ೩ ||
ಅಗಣಿತಗುಣಗಣ ಅಶರಣಶರಣದ ವಿದಳಿತಸುರರಿಪುಜಾಲ |
ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ || ೪ ||
ಭಕ್ತವರ್ಯಮಿಹ ಭೂರಿಕರುಣಯಾ ಪಾಹಿ ಭಾರತೀತೀರ್ಥಂ |
ಮಮ ತಾಪಮಪಾಕುರು ದೇವ, ಮಮ ಪಾಪಮಪಾಕುರು ದೇವ || ೫ ||
ಇತಿ ಜಗದ್ಗುರು ಶ್ರೀಭಾರತೀತೀರ್ಥಸ್ವಾಮಿನಾ ವಿರಚಿತಂ ಶ್ರೀಮಹಾವಿಷ್ಣು ಸ್ತೋತ್ರಮ್ ||
Found a Mistake or Error? Report it Now
