|| Sri Mahadeva Stotram ||
br̥haspatiruvāca |
jaya dēva parānanda jaya citsatyavigraha |
jaya saṁsāralōkaghna jaya pāpahara prabhō || 1 ||
jaya pūrṇamahādēva jaya dēvārimardana |
jaya kalyāṇa dēvēśa jaya tripuramardana || 2 ||
jayā:’haṅkāraśatrughna jaya māyāviṣāpahā |
jaya vēdāntasaṁvēdya jaya vācāmagōcarā || 3 ||
jaya rāgahara śrēṣṭha jaya vidvēṣaharāgraja |
jaya sāmba sadācāra jaya dēvasamāhita || 4 ||
jaya brahmādibhiḥ pūjya jaya viṣṇōḥ parāmr̥ta |
jaya vidyā mahēśāna jaya vidyāpradāniśam || 5 ||
jaya sarvāṅgasampūrṇa nāgābharaṇabhūṣaṇa |
jaya brahmavidāmprāpya jaya bhōgāpavargadaḥ || 6 ||
jaya kāmahara prājña jaya kāruṇyavigraha |
jaya bhasmamahādēva jaya bhasmāvaguṇṭhitaḥ || 7 ||
jaya bhasmaratānāṁ tu pāśabhaṅgaparāyaṇa |
jaya hr̥tpaṅkajē nityaṁ yatibhiḥ pūjyavigrahaḥ || 8 ||
śrīsūta uvāca |
iti stutvā mahādēvaṁ praṇipatya br̥haspatiḥ |
kr̥tārthaḥ klēśanirmuktō bhaktyā paravaśō bhavēt || 9 ||
ya idaṁ paṭhatē nityaṁ sandhyayōrubhayōrapi |
bhaktipāraṅgatō bhūtvā parambrahmādhigacchati || 10 ||
gaṅgā pravāhavattasya vāgvibhūtirvijr̥mbhatē |
br̥haspati samō buddhyā gurubhaktyā mayā samaḥ || 11 ||
putrārthī labhatē putrān kanyārthī kanyakāmimāt |
brahmavarcasakāmastu tadāpnōti na saṁśayaḥ || 12 ||
tasmādbhavadbhirmunayaḥ sandhyayōrubhayōrapi |
japyaṁ stōtramidaṁ puṇyaṁ dēvadēvasya bhaktitaḥ || 13 ||
iti śrī mahādēva stōtram ||
Found a Mistake or Error? Report it Now
